LIVE UPDATES
Aktualitet

Dibra përballë bruçelozës/ BIRN: Fermerë të pambrojtur dhe mungesë koordinimi institucional

Rastet e para të bruçelozës janë konfirmuar në njësitë administrative Kastriot dhe Muhurr të bashkisë Dibër, pak javë pas një tjetër shpërthimi infektiv të murtajës së bagëtive në Martanesh, Bulqizë. Në një zonë ku blegtoria është shtylla ekonomike e familjeve rurale, përhapja e sëmundjes ka shkaktuar frikë dhe pasiguri.

26 July 2025, 11:42 Nga I.A

Dibra përballë bruçelozës/ BIRN: Fermerë të

DIBËR- Një shpërthim i sëmundjes infektive të bruçelozës tek bagëtitë në zonat malore të Dibrës ka vënë në alarm fermerët vendas, të cilët akuzojnë autoritetet për mungesë reagimi, transparence dhe mbështetje. Edhe pse sëmundja është e njohur si zoonozë – që mund të transmetohet nga kafsha te njeriu, institucionet vendore dhe qendrore duket se kanë lënë komunitetin e blegtorëve të përballet i vetëm me pasojat.

Rastet e para të bruçelozës janë konfirmuar në njësitë administrative Kastriot dhe Muhurr të bashkisë Dibër, pak javë pas një tjetër shpërthimi infektiv të murtajës së bagëtive në Martanesh, Bulqizë. Në një zonë ku blegtoria është shtylla ekonomike e familjeve rurale, përhapja e sëmundjes ka shkaktuar frikë dhe pasiguri.

“Jemi në hall të madh,” thotë për BIRN Dilaver Rusi, 76 vjeç, nga fshati Mustafaj i Kastriotit. “Na kanë marrë analizat e bagëtive, por nuk dimë nëse do marrim dëmshpërblim apo jo për ato që do të therin.”

Fermerë të tjerë, si Dilaver Zuna nga e njëjta zonë, theksojnë se mungesa e vaksinimit të rregullt është një ndër shkaqet kryesore të përhapjes së sëmundjes, duke i bërë ata të ndihen të pambrojtur dhe të braktisur nga autoritetet veterinare.

Sipas dëshmive të mbledhura nga BIRN, shumë banorë janë informuar për rrezikun vetëm pasi janë marrë mostrat e gjakut nga bagëtitë e tyre.

“Më pas nuk kemi parë më njeri në derë,” thotë Haxhi Xhani nga fshati Arras.

Veterinerët lokalë, ndërkohë, konfirmojnë se përballen me mungesë fondesh për analizat laboratorike dhe me refuzimin e fermerëve për të raportuar rastet, nga frika se nuk do të kompensohen për kafshët e humbura.

Përballë kësaj situate, Bashkia Dibër nuk ka bërë ende një prononcim publik. Një kërkesë për informacion e dërguar nga BIRN nuk ka marrë përgjigje, në kundërshtim me detyrimin ligjor për transparencë. Burime nga brenda bashkisë pranojnë se situata është serioze, por justifikohen me mungesën e kompetencave: bujqësia dhe shërbimi veterinar janë kompetencë e qeverisë qendrore.

“Pa ndihmë nga lart nuk mund ta përballojmë situatën,” thuhet në një qëndrim jozyrtar të bashkisë.

Nga ana tjetër, Prefekti i Qarkut të Dibrës, Nexhbedin Shehu, është përpjekur të minimizojë situatën, duke e cilësuar jo alarmante dhe duke theksuar se rastet janë të izoluara. Por realiteti në terren tregon të kundërtën.

Një sëmundje me rrezik për njeriun

Bruçeloza është një sëmundje infektive që prek jo vetëm kafshët, por edhe njerëzit që kanë kontakt të drejtpërdrejtë me to apo konsumojnë produkte të papërpunuara si qumështi apo mishi.

“Sëmundja përhapet përmes konsumimit të qumështit të papasterizuar ose mishit të papjekur, por edhe nëpërmjet kontaktit të drejtpërdrejtë me sekrecionet e kafshëve të sëmura,” shpjegoi mjeku Fatos Hoxha për BIRN.

Simptomat, sipas tij, janë të shumta dhe shpeshherë ngatërrohen me infeksione të tjera: “djersitje, ethe, të dridhura, lodhje, humbje oreksi, dhimbje muskujsh e kyçesh, dhimbje koke, probleme me tretjen si diare apo kapsllëk, si dhe të vjella.”

Ai theksoi se diagnostikimi i hershëm dhe trajtimi i duhur janë kyç për parandalimin e komplikacioneve.

Në spitalin rajonal të Dibrës janë trajtuar deri më tani 12 pacientë me simptoma të sëmundjes, përfshirë edhe barinj që punonin në Kosovë dhe Shqipëri.

“Shenjat klinike variojnë nga ethe, djersitje dhe dhimbje muskujsh te probleme më të rënda që kërkojnë trajtim të gjatë,” thotë mjekja infeksioniste Neada Hoxha për BIRN.

Sipas një specialisti veterinar nga Tirana, i përfshirë në monitorimin e situatës në Dibër, janë groposur dhe asgjësuar rreth 630 krerë bagëti nga tre ferma, ndërsa raste të prekjes janë evidentuar në më shumë se dhjetë fshatra të qarkut. Po sipas tij, aktualisht po zbatohet një plan për skartimin dhe vaksinimin e tufave, ndonëse për gjedhët mungojnë vaksinat.

Mungesa e një sistemi funksional parandalimi dhe menaxhimi të sëmundjeve infektive në blegtori është në zemër të kësaj krize. Sipas veterinerit në pension Zeqir Cami, që dikur punonte në pikën doganore të Bllatës, rajoni i Dibrës është veçanërisht i rrezikuar, pasi importon mish dhe produkte bulmeti nga Maqedonia e Veriut – një vend ku bruçeloza është ende e përhapur.

Fermerët e prekur nga shpërthimi i bruçelozës në qarkun e Dibrës ankohen për mungesë informacioni dhe reagimi nga autoritetet shtetërore, duke e ndjerë veten të braktisur përballë një sëmundjeje infektive që kërcënon jetesën e tyre dhe shëndetin publik.

Bari Kika, një blegtor 58-vjeçar nga zona e Bulqizës, kujton me shqetësim përvojën e tij me sëmundjen e bruçelozës, të cilën e cilëson si “tejet të rrezikshme” për bagëtitë dhe për njerëzit.

“E kam kaluar para disa vitesh, në tufën time prej 150 dhish,” tha ai për BIRN. “Situata ishte shumë e rëndë – jo vetëm që u prekën kafshët, por sëmundja kaloi edhe te pjesëtarët e familjes. Të gjithë përfunduam të shtruar në repartin infektiv të Spitalit Rajonal të Dibrës,” kujton Kika.

Ai thotë se edhe këtë vit nuk ka marrë asnjë vaksinë për tufën, ndërsa shpreh shqetësim për mungesën e mbështetjes institucionale dhe ndërhyrjeve parandaluese.

Bardhyl Brata, mjek veteriner me përvojë në zonën e Bulqizës, shprehet se vështirësitë në përballimin e sëmundjeve infektive si bruçeloza lidhen me mungesën e bashkëpunimit dhe transparencës.

“Shumë fermerë nuk i raportojnë rastet nga frika se do t’u skartohen bagëtitë dhe nuk do të marrin dëmshpërblim,” tha ai për BIRN. Sipas Bratës, edhe kur rastet identifikohen, përballja me mungesën e fondeve për analizat laboratorike e bën të vështirë kontrollin efektiv të sëmundjes.

Ndërsa avokati dhe ish-kandidati për deputet i PD-së, Ismail Uka, i tha BIRN se sektorët e bujqësisë dhe veterinës janë në degradim prej më shumë se një dekade, për shkak të mungesës së fondeve dhe vullnetit politik.

“Shërbimi veterinar mungon, fermerët janë pa mbështetje, dhe nëse nuk merren masa për vaksinim dhe kompensim, bruçeloza mund të kthehet në epidemi njerëzore,” paralajmëroi Uka./Reporter.al

dilaver rusi nexhbedin shehu

Sondazh

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin