LIVE UPDATES
Aktualitet

Llogaridhënia e prokurorive, një poligon pa tabelë qitje

“Çelsi” i zgjidhjes sipas kryeprokurorit janë ndryshimet ligjore, që tashmë janë pjesë e paketës së ndryshimeve në drejtësi.

5 July 2023, 14:56 Nga Ola Mitre
Llogaridhënia e prokurorive, një poligon pa tabelë qitje
Olsion Çela

Teksa po kryente raportimin e përvitshëm në Komisionin pralamentar për Çështjet Ligjore, Administratën Publike dhe të Drejtat e Njeriut, dëgjesa e Prokurorit të Përgjithshëm mori një tjetër rrjedhë kur u fokusua te llogaridhënia dhe matja e performancës së prokurorive. Kryeprokurori Olsion Çela u detyrua të pranojë para’ deputetëve se e ka të pamundur të vlerësojë performancën e zyrave, ndërsa shkak janë parashikimet ligjore që e kufizojnë në këtë drejtim.

“Kryeprokurori është përgjegjës për funksionimin e prokurorisë, por mekanizmat i mungojnë”, - tha Çela.

“I vetmi mekanizëm që ka është udhëzimi i përgjithshëm, që në fakt mbart detyrim për ata që duhet ta zbatojnë dhe i dyti është monitorimi i zbatimit të udhëzimit të përgjithshëm”, - shtoi ai.

Në mungesë të mekanizmave “penalizues”, organet e akuzës po prodhojnë vetëm shifra, që nuk përmbushin as anën sasiore, ndërsa cilësia është e largët në këndvështrimin e Çelës. Si shembull mori veprën penale të dhunës në familje.

“Gjatë 9 - mujorit 2022 për dhunën në familje janë dhënë vetëm 32 udhëzime nga drejtuesit e rretheve, në 48 mijë çështje. Iu duket efikasitet?! Këtu nuk kemi as anë sasiore, as anë cilësore”, - u shpreh kryeprokurori.

“Ne u kërkojmë drejtuesve të prokurorive thelbësisht çfarë bëjnë, cila është perfomanca e tyre, performanca e zyrës që ata drejtojnë, e prokurorëve, e oficerëve, por nëse 20 e ca drejtues kanë dhënë 32 udhëzime të detyrueshme dhe ky është i vetmi element që lidh drejtuesit e prokurorisë me çështjen, kjo tregon që ka një problem serioz sistemi”, - shtoi kreu i organit të akuzës.

Problematika që ekziston në këtë drejtim është evidentuar edhe në raportin “Performanca e Shërbimit të Prokurorisë në Shqipëri: Vlerësim i Mekanizmave kryesorë për një Sistem Efiçent dhe Efektiv”, të publikuar nga Qendra për Studimin e Demokracisë dhe Qeverisjes (CSDG), në qershor të këtij viti. Teksa, citohet raporti vjetor i Prokurorit të Përgjithshëm për vitin 2022, evidentohet se në kuadrin ligjor në fuqi ka një boshllëk ligjor në drejtim të vlerësimit të performancës së prokurorive me juridiksion të përgjithshëm, e cila ndryshon nga vlerësimi individual i përformancës së drejtuesve apo prokurorëve.

Sipas drejtorit ekzekutiv të CSDG, Arjan Dyrmishi, “ka probleme sa i takon raportimit periodik të drejtuesve të prokurorive mbi veprimtarinë e shërbimit të tyre”.

“Problem është se vlerësimi kryhet për individët, por jo për strukturat, gjë që e bën vështirësisht të matshme performancën e strukturave”, - thotë Dyrmishi.

“Ky është një problem që ndodh në përgjithësi në administratë, ku të gjithë punonjësit e një drejtorie janë vlerësuar maksimalisht individualisht, por e gjithë drejtoria nuk është se ka marrë rezultate maksimale”, - shton ai.

Funksionet

Sipas legjislacionit në fuqi, Prokurori i Përgjithshëm ka përgjegjësi për punën e Prokurorisë dhe të prokurorive pranë gjykatave të juridiksionit të përgjithshëm të shkallës së parë dhe apelit. Po ashtu, ligji përcakton se kryeprokurori nxjerr udhëzime të përgjithshme për prokurorët e prokurorive të juridiksionit të përgjithshëm dhe oficerët e Policisë Gjyqësore dhe mbikëqyr zbatimin e tyre. Udhëzimet e përgjithshme mund të jenë për koordinimin e punës ndërmjet prokurorive të ndryshme apo mes tyre dhe Policisë Gjyqësore, të përfshira në hetime të përbashkëta,  për të siguruar zbatimin e njëjtë të ligjit dhe ndjekjes penale apo për të siguruar zbatimin e rekomandimeve të Këshillit të Ministrave, për luftën kundër kriminalitetit. “Prokurorët më të lartë mund të nxjerrin udhëzime të përgjithshme dhe të arsyetuara me shkrim, të cilat janë të detyrueshme për prokurorët më të ulët”, - specifikohet në nenin 46, të ligjit “Për organizimin dhe funskionimin e prokurorisë në Republikën e Shqipërisë”. Por, pavarësisht kësaj, sipas raportimit të Çelës në Komisionin parlamentar të Ligjeve, informacioni që i përcillet kryprokurorit përfshin vetëm statistika.

“Sot, ka prokurorë që shkojnë në gjyq e nuk paraqesin konkluzionet në përfundim, sepse kështu e ka menduar ai, kështu e ka interpretuar ai, kështu është ligji sipas tij”, - tha Çela. “Sistemi sot janë shumë elektrone të lira, që funksionojnë në mënyrë të çorganizuar për të dhënë një rezultat që ne duam në bazë të politikave të caktuara për të cilat flasim sot”, - shtoi më tej ai. 

Duhen ndryshime ligjore!

“Çelsi” i zgjidhjes sipas kryeprokurorit janë ndryshimet ligjore, që tashmë janë pjesë e paketës së ndryshimeve në drejtësi.

“Prandaj, në Paketën e ndryshimeve ne kemi sugjeruar disa ndryshime të cilat afrojnë, e bëjnë më të përgjegjshëm drejtuesin dhe prokurorin, në raport me prokurorin e përgjithshëm. Ndryshimet kanë të bëjnë me vlerësimin e performancës së zyrës, jo me performancën e prokurorit apo drejtuesit”, - tha kryeprokurori.

“Në qoftë se ne nuk arrijmë të sigurojmë elementin e llogaridhënies, në drejtim të perfomancës për të cilën vetë Prokurori i Përgjithshëm është përgjegjës, atëhere sistemi nuk mund të funksionojë”, - argumentoi më tej ai.

Edhe raporti i përgatitur nga Qendra për Studimin e Demokracisë dhe Qeverisjes, thekson se vlerësimi i performancës së prokurorisë kërkon një përfshirje më të madhe të Prokurorit të Përgjithshëm në procesin e llogaridhënies dhe evidentimit të përgjegjësive në zbatimin e masave administrative e organizative. Kjo, për sa kohë ka impakt mbi funksionimin në përditshmërinë e aktivitetit të prokurorive me juridiksion të përgjithshëm.

“Nisur nga sa më sipër ndër objektivat prioritarë në luftën kundër kriminalitetit për vitin 2023 përfshihet edhe rritja më tej e veprimtarisë monitoruese për zbatimin e udhëzimeve të përgjithshme të detyrueshme dhe e bashkëpunimit me ILD dhe KLP në drejtim të problemeve të performancës së zyrave të prokurorive”, - thuhet ndër të tjera në raport.

“Krijimi i një mekanizmi i cili të bëjë të mundur monitorimin e realizimit të objektivave të institucionit të prokurorisë në tërësi dhe efektivitetit në arritjen e rezultateve konkrete përbën një aspekt kyç të matjes së përformancës, ndërkohë që përdoret si një instrument në shumë prej vendeve në Evropë”, - shtohet më tej.

Në fakt, në draftin për ndryshime në ligjin “Për organizimin dhe funksionimin e prokurorisë” parashikohet dhënia e opinionit në zgjedhjen e drejtuesve të prokurorive të rretheve si dhe në vlerësimin e punës së tyre nga ana e Prokurorit të Përgjithshëm. Rishikimi i këtij ligji, është pjesë e paketës në ndryshimeve në drejtësi, të ndërmarrë nga Komisioni i Ligjeve vitin që shkoi. Ai ka kaluar edhe në “lupën” e ekspertëve të EU-JUST dhe OPDAT, dy misionet për ndihmë ligjore të Bashkimit Europian dhe Shteteve të Bashkuara të Amerikës, të cilët kanë rekomanduar vetëm një riformulim, duke specifikuar që kryprokurori të këtë të drejtë të japë një informacion faktik, në vend të opinionit. 

Gjatë raportimit vjetor në Komisionin e Ligjeve, Çela tha se këto ndryshime do të rritin cilësinë e punës, në funksion të interesit publik.

“Ka një keqkuptim të madh në sistemin e ri: Duket sikur prokuroria është në funksion të karrierës së prokurorëve, por nuk është kështu! Prokuroria është në funksion të interesit publik, prokurorët i shërbejnë interesit publik dhe e zhvillojnë karrierën e tyre në funksion të interesit publik. Jo e kundërta!”, - argumentoi kryeprokurori.

“Mendoj që kjo strukturë e ligjit që kemi sot për prokurorinë ka probleme, që ne duhet t’i adresojmë”, -përfundoi ai.

ola mitre

Sondazh

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin