10 August 2023, 07:33
Nga f.i
foto ilustruese
SHBA- Prokurori i posaçëm i Departamentit të Drejtësisë, Jack Smith, siguroi një urdhër sekret janarin e kaluar për të kontrolluar informacionet nga llogaria e ish-presidentit Trump në Twitter, tregojnë dokumentet e dorëzuara në gjykatë të mërkurën. Një gjykatëse e gjobiti kompaninë e mediave sociale me 350 mijë dollarë për mosrespektim të shpejtë të urdhërit për kontrollin e llogarisë së ish-presidentit Trump.
Zoti Trump kaloi pothuajse të gjithë mandatin e tij katërvjeçar në Shtëpinë e Bardhë, duke postuar mijëra komente në Twitter, megjithëse nuk është e qartë saktësisht se çfarë informacioni po kërkonte prokurori Smith me urdhrin për kontrollin e llogarisë së ish-presidentit.
Komentet në Twitter janë tashmë publike dhe zoti Trump shpesh e përdor platformën e mediave sociale për të fyer kundërshtarët e tij politikë dhe të tjerët me të cilët nuk është dakord. Ai gjithashtu u bëri thirrje mbështetësve të tij për tubime politike, si ai pranë Shtëpisë së Bardhë më 6 janar 2021, pak përpara sulmit në Kapitol, të organizuar nga mbështetësit e tij, të cilët u përpoqën të bllokonin ligjvënësit që të certifikonin fitoren e demokratit Joe Biden në zgjedhjet presidenciale të vitit 2020.
Në dhjetor, përpara tubimit atë ditë, zoti Trump kishte përdorur Twitter-in për t’i nxitur mbështetësit që të shkonin në Uashington, duke thënë se 6 janari “do të jetë i egër”.
Prokurori Smith tashmë ka paditur dy herë ish-presidentin Trump. Javën e kaluar në Uashington, ndaj ish-presidentit u ngrit aktakuza për komplot për të përmbysur rezultatin e zgjedhjeve presidenciale të vitit 2020. Më herët në Florida, ai u akuzua për mbajtje në mënyrë të paligjshme të dokumenteve sekrete në pronën e tij në Mar-a-Lago dhe për komplot për të mos i dorëzuar ato tek hetuesit federalë.
Ish-preisdenti Trump ka thënë se është i pafajshëm dhe i ka cilësuar të motivuara politikisht paditë e prokurorit të posaçëm. Ai kryeson me një epërsi të madhe sondazhet kombëtare të republikanëve në përpjekjet për t’u bërë kandidat i Partisë Republikane në zgjedhjet presidenciale të vitit 2024.
Marrja e të dhënave nga Twitter, që tani quhet X, mund të ketë qenë një përpjekje për të siguruar variantet e papublikuara të mesazheve në llogarinë e zotit Trump.
Twitter fillimisht i rezistoi urdhërit për dorëzimin e të dhënave në janar të këtij viti, një veprim që rezultoi në gjobitjen e kompanisë me 350 mijë dollarë për mosrespektim të urdhërit të gjykatës në kohë.
Një gjykatë federale e apelit në Uashington e la në fuqi gjobën muajin e kaluar dhe të mërkurën publikoi vendimin e saj për këtë çështje.
“Ndonëse Twitter përfundimisht e respektoi urdhrin, kompania nuk dha plotësisht informacionin e kërkuar deri tre ditë pas një afati të caktuar nga gjykata”, thuhet në vendimin e gjykatës së apelit në Uashington.
Lufta e Twitter-it me prokurorët e zotit Smith për zbulimin e detajeve në lidhje me postimet e zotit Trump në Twitter buroi nga kërkesa e prokurorëve për një urdhër që e ndalonte Twitter-in ta njoftonte zotin Trump për këtë çështje.
Gjykata e apelit vuri në dukje se gjykatësja Beryl Howell “kishte arsye legjitime” për të kontrolluar llogarinë në Twitter për prova të veprave penale. Për më tepër, gjykata e qarkut zbuloi se kishte “bazë të arsyeshme për të besuar” se informimi i zotit Trump për këtë urdhër “do të rrezikonte seriozisht hetimin” duke i dhënë atij “një mundësi për të shkatërruar provat, për të ndryshuar sjelljet.”
Twitter argumentoi se urdhri shkelte të drejtën kushtetuese të zotit Trump për liri të shprehjes, por gjykata e apelit la në fuqi vendimin e gjykatëses Howell.
Marrë nga VOA
donald trump
Aktualitet
10 August 2023, 06:51
f.i
foto ilustruese
TIRANË- Moti parashikohet te jetë i kthjellët dhe vranësira të pakta në pjesën e parë të ...
Aktualitet
9 August 2023, 22:06
m.s
foto ilustruese
I mituri i cili u mbyt në rezervuarin e fshatit Iballë, në Fushë-Arrëz, ka qenë duke mbledhur manaferra bash...
Aktualitet
9 August 2023, 21:52
m.s
Autori i cili u denua me burgim te perjetshem
Një 30-vjeçar gjerman është dënuar me burgim të përjetshëm, pasi v...
Aktualitet
9 August 2023, 21:40
m.s
resorti ne Ksamil
Detaje të reja janë bërë me dije në lidhje me ngjarjen në Ksamil, ku u raportua se një i ri kishte r&...
Aktualitet
9 August 2023, 21:20
m.s
foto ilustruese
Një ngjarje e rëndë është raportuar mbrëmjen e sotme në Fushë-Arrëz, ku mësohet se ...
Aktualitet
9 August 2023, 18:59
m.s
foto ilustruese
DURRËS- Dritan Memolla është vënë në pranga nga blutë e Durrësit, pasi lëvizte me armë z...
Aktualitet
9 August 2023, 18:40
m.s
Shkëlzen Aliaj
KSAMIL- Shkëlzen Aliaj nga Ballshi i cili punon në Ksamil gjatë sezonit veror, mësohet se ka humbur kontaktet me f...
Aktualitet
9 August 2023, 18:26
m.s
foto ilustruese
LEZHË- Një aksident fatmirësisht pa viktima është regjistruar pasditen e sotme në aksin Lezhë-Shkod&eum...
Aktualitet
9 August 2023, 17:57
m.s
Thanas Bako
52-vjeçari nga Saranda, Thanas Bako, i cili akuzohet për pastrim parash, është ekstraduar të martën nga Greqia ...
Aktualitet
9 August 2023, 16:49
k.m.
Foto ilustruese
BRITANI E MADHE- Konservatorët- duke përfshirë një ministër kabineti - thonë se partia e tyre ka të ngja...