LIVE UPDATES
Aktualitet

Reforma territoriale nuk duhet të prodhojë periferi më të mëdha

Shpesh, përgjigjja jepet përmes një logjike të ftohtë aritmetike: më pak institucione, më pak struktura, më pak kosto.

8 April 2026, 12:19 Nga D.S

Reforma territoriale nuk duhet të prodhojë periferi më të

Debati mbi reformën territoriale në Shqipëri po rikthehet sërish rreth një pyetjeje që, në pamje të parë, duket e thjeshtë: a duhet të zvogëlohet numri i bashkive përmes bashkimit të tyre në njësi më të mëdha?

Shpesh, përgjigjja jepet përmes një logjike të ftohtë aritmetike: më pak institucione, më pak struktura, më pak kosto.

Por pikërisht këtu nis edhe keqkuptimi më i madh. Reforma territoriale nuk është thjesht një ushtrim teknik mbi hartë apo një formulë kursimi administrativ.

Ajo është një ndërhyrje që prek drejtpërdrejt zhvillimin ekonomik, shpërndarjen e investimeve, aksesin në shërbime dhe qëndrueshmërinë ekonomike e demografike të zonave periferike.

Kjo analizë nuk vjen vetëm nga vëzhgimi i debatit publik, por edhe nga përvoja ime si drejtues në qeverisjen vendore dhe si pedagog në fushën e ekonomisë. Pikërisht për këtë arsye, reforma territoriale nuk mund të trajtohet vetëm si problem kufijsh administrativë, por si çështje zhvillimi, përfaqësimi dhe ekuilibri territorial.

Pyetja e vërtetë, prandaj, nuk është thjesht sa bashki duhet të ketë Shqipëria, por çfarë organizimi territorial i shërben më mirë ekonomisë vendore, kohezionit të vendit dhe balancës mes qendrës dhe periferisë.

Për t’iu përgjigjur kësaj pyetjeje, duhet parë fillimisht se ku shkojnë investimet. Sepse aty ku përqendrohen investimet, aty përcaktohet edhe pesha reale e territorit në zhvillim. Sa më e madhe të bëhet njësia administrative, aq më i madh bëhet rreziku që investimet të përqendrohen te qendra e saj më e madhe. Kjo ndodh shpesh sepse aty është përqendrimi më i lartë i popullsisë, aty duket më shumë ndërhyrja publike, aty kostot janë më të leverdishme dhe aty presioni politik është më i fortë.

Por pasoja është e qartë: zonat më të largëta zënë më pak vend në shpërndarjen e investimeve dhe mbeten më lehtë në plan të dytë. Në këtë mënyrë, reforma nuk sjell vetëm centralizim administrativ; ajo mund të sjellë edhe përqendrim të investimeve, duke i lënë zonat më të largëta me më pak infrastrukturë, më pak shërbime dhe më pak mundësi reale zhvillimi.

Por zhvillimi i një zone nuk përcaktohet vetëm nga sasia e investimeve që merr. Zhvillimi varet edhe nga aftësia e zonës për të mbrojtur interesat dhe për të orientuar prioritetet sipas profilit ekonomik që ka. Pikërisht këtu qëndron një tjetër pasojë e rëndësishme e reformave lineare: kur një zonë humbet peshën e vet institucionale, e ka më të vështirë të artikulojë nevojat, të mbrojë prioritetet e veta dhe të shtyjë përpara nisma që lidhen me potencialin ekonomik të zonës. Një bashki e vogël nuk është vetëm njësi administrative; ajo është edhe një instrument për të përfaqësuar interesa konkrete zhvillimi.

Në zonat periferike, ky rol bëhet edhe më i rëndësishëm, sepse potenciali ekonomik nuk aktivizohet pa mbështetje publike dhe pa prioritet institucional. Kjo do të thotë se, kur këto zona përfshihen në njësi më të mëdha dhe më pak të fokusuara mbi karakteristikat e tyre, dobësohet edhe mundësia e tyre për të ndërtuar një profil të qartë ekonomik dhe për ta kthyer atë në zhvillim real.

Pikërisht këtu vlen të përmendet edhe një shembull si Almería në Spanjë. Sot ajo është një nga zonat më të fuqishme të bujqësisë në Europë, me një rol të rëndësishëm në furnizimin e tregut europian (mbi 25%) me fruta dhe perime në çdo stinë (me sipërfaqe më të vogël se Bashkia e Memaliaj). Mësimi që jep një rast i tillë nuk është se çdo territor duhet të bëhet Almería, por se territore relativisht të kufizuara, kur identifikojnë qartë profilin e tyre ekonomik dhe marrin vëmendje institucionale, mund të shndërrohen në motorë zhvillimi shumë më të mëdhenj sesa sugjeron pesha e tyre demografike.

Pikërisht për këtë arsye, një reformë që i zhyt këto territore brenda njësive më të mëdha dhe më pak të fokusuara rrezikon të dobësojë aftësinë e tyre për të ndërtuar një identitet ekonomik të veçantë.

Kjo ka rëndësi të veçantë për Shqipërinë, sepse në një territor të vogël gjenden zona me profile zhvillimi krejt të ndryshme: zona me potencial për turizëm veror dhe dimëror, zona me potencial bujqësor, pyjor, blegtoral, minerar apo energjetik. Kjo do të thotë se Shqipëria nuk ka nevojë për një formulë të vetme territoriale. Ajo ka nevojë për një qasje që njeh dallimet e territorit dhe kupton se ajo që mund të funksionojë në një hapësirë urbane të integruar, nuk funksionon domosdoshmërisht në zona malore, të shpërndara dhe me rënie demografike.

Nga kjo rrjedh natyrshëm edhe një tjetër problem: humbja e peshës institucionale sjell shpesh edhe humbjen e peshës zhvillimore. Një zonë që humbet zërin e vet institucional e ka më të vështirë të artikulojë nevojat e veta, të mbrojë prioritetet dhe të shtyjë përpara projekte që lidhen me profilin e tij ekonomik, qoftë ai turizëm, agrokulturë, pylltari apo blegtori.

Me kalimin e kohës, zona rrezikon të kthehet në periferi jo vetëm gjeografike, por edhe ekonomike. Kjo është një nga kostot më pak të dukshme, por më të rënda të reformave lineare: ato mund të prodhojnë një hartë më të thjeshtë, por edhe zona me më pak -ose aspak- peshë reale në vendimmarrje.

Po aq i rëndësishëm është edhe dimensioni politik i këtij realiteti. Kur humbet pesha institucionale e një zone, humbet shpesh edhe vëmendja politike. Përvoja e këtyre viteve ka treguar se vëmendja politike, institucionale dhe elektorale priret të përqendrohet te qendrat administrative, ndërsa njësitë më të largëta mbeten jashtë radarit të debatit publik. Sa më shumë përqendrohen votat, media, administrata dhe dukshmëria në qendër, aq më pak incentiva krijohen për të dëgjuar zonat e tjera. Kjo është arsyeja pse, në praktikë, pjesë të tëra të territorit rrezikojnë të mos përfaqësohen më sipas nevojave të tyre konkrete, por të shihen vetëm nga larg, përmes logjikës së qendrës.

Kjo është arsyeja pse demokracitë e qëndrueshme ndërtojnë mekanizma që ruajnë peshën e territorit edhe kur ai është më i vogël në numra. Në Shtetet e Bashkuara, për shembull, çdo shtet ka përfaqësim të barabartë në Senat, pavarësisht madhësisë së popullsisë.

Natyrisht, Shqipëria nuk është SHBA dhe nuk ka pse të kopjojë të njëjtin model. Por parimi mbetet i vlefshëm: një sistem i qëndrueshëm nuk mbështetet vetëm te logjika e shumicës numerike, por edhe te ruajtja e peshës së territoreve që përndryshe do të mbeteshin në hije. Kur kjo peshë dobësohet, dobësohet njëkohësisht edhe aftësia e tyre për të tërhequr vëmendje, investime dhe për të patur përfaqësim real.

Dhe pikërisht këtu lidhet një nga pasojat më afatgjata të reformës territoriale: ndikimi mbi shpopullimin. Në zonat e vogla dhe periferike, reforma territoriale nuk është vetëm çështje organizimi administrativ.

Ajo ndikon drejtpërdrejt mbi perceptimin që komuniteti ka për të ardhmen. Kur një zonë humbet prioritet në investime, afërsinë e shërbimeve dhe peshën e vet institucionale, atëherë banorët e ndiejnë më qartë mungesën e vëmendjes institucionale dhe rritet mundësia që të largohen. Dhe kur kjo ndodh në zona që tashmë përballen me largimin e të rinjve, me rënien demografike dhe me dobësimin e aktivitetit ekonomik, pasoja nuk është vetëm institucionale; është zhvillimore.

Pikërisht për këtë arsye, Shqipërisë i duhet një qasje më e kujdesshme ndaj reformës territoriale: jo thjesht një riorganizim kufijsh, por një model organizimi vendor që ruan efikasitetin, afërsinë e shërbimeve dhe balancën e zhvillimit.

Kjo do të thotë një reformë të diferencuar sipas karakteristikave të territorit, ku zonat urbane dhe zonat malore nuk trajtohen me të njëjtën logjikë, ku pesha ekonomike e çdo territori nuk matet vetëm nga dendësia e popullsisë dhe ku periferia nuk shihet si barrë, por si pjesë e domosdoshme e zhvillimit kombëtar.

Në thelb, problemi është ky: barazia formale në hartë mund të prodhojë pabarazi reale në zhvillim. Pikërisht këtu duhet të vendoset qendra e debatit. Reforma territoriale nuk duhet të gjykohet nga sa më e thjeshtë bëhet administrata, por nga sa më e drejtë, më funksionale dhe më zhvillimore bëhet mënyra si organizohen shërbimet, përfaqësimi dhe investimet në të gjitha zonat e vendit.

Sepse pyetja nuk është vetëm sa bashki i duhen Shqipërisë, por nëse reforma do të prodhojë më shumë zhvillim, më shumë balancë territoriale dhe më shumë mundësi që çdo zonë të ndërtojë të ardhmen e vet sipas potencialit që ka. Nëse reforma nuk i jep përgjigje kësaj pyetjeje, atëherë mund të kemi ndryshuar hartën, por jo domosdoshmërisht Shqipërinë./Monitor.al

reforam territoriale

Sondazh

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin