LIVE UPDATES
Aktualitet

Si u përhap në Myzeqe skema piramidale me kriptomonedha

Përveç picave dhe pjatave me makarona dhe salcë domateje, në fund të muajit gusht, restoranti filloi të reklamonte edhe investime në kriptovaluta, duke premtuar “përfitime të përjetshme” dhe “shumë shpërblime”. Sipas Policisë së Shtetit, pas reklamve fshihej një skeme tipike mashtruese piramidale.

19 September 2025, 09:57 Nga I.A
Si u përhap në Myzeqe skema piramidale me kriptomonedha
Foto Ilustruese

La Bontà është një restorant me stil italian, i vendosur buzë bulevardit të palmave në Lushnjë, një pikë takimi për familjet që kalojnë të dielat bashkë dhe për të rinjtë që ndalen gjatë javës për një kafe ‘espresso’. Përveç picave dhe pjatave me makarona dhe salcë domateje, në fund të muajit gusht, restoranti filloi të reklamonte edhe investime në kriptovaluta, duke premtuar “përfitime të përjetshme” dhe “shumë shpërblime”. Sipas Policisë së Shtetit, pas reklamve fshihej një skeme tipike mashtruese piramidale.

“Sa më shumë persona sillje dhe sa më e madhe të ishte shuma e investuar, aq më të larta të ardhurat e premtuara,” tha Polica e Shtetit.

“Por në të vërtetë, këto nuk ishin investime reale, por një mekanizëm i mirëorganizuar për përvetësim fondesh përmes mashtrimit, ku vetëm nivelet e larta përfitonin, ndërsa shumica, sidomos pjesa fundore e piramidës, humbnin kursimet e tyre,” shtoi ajo.

Kjo skemë dyshohet se ka filluar të aplikohet në Shqipëri në vjeshtën e kaluar përmes aplikacioneve Telegram dhe platformave të tregtimit të kriptomonedhave XUEX dhe Binance. Ajo ka marrë përmasa të gjera duke përfshirë qindra qytetarë, më së shumti në zonën e Divjakës e të Lushnjës.

Sipas të dhënave hetimore, kjo skemë ka përfshirë dhe nëpunës publikë, të cilët kanë rekrutuar edhe familjarë e miq të tyre, duke i joshur të investonin kundrejt premtimeve për fitime të shpejta e të konsiderueshme.

Por në muajt e fundit skema filloi të mos funksiononte, pasi investitorëve nuk po u ktheheshin paratë e tyre sipas premtimit, ç’ka çoi në ekspozimin e saj.

Emanuel Taullau, 21 vjeç, punonte si kamarier në “La Bonta” në Lushnjë deri më 14 shtator, kur u arrestua si një nga gjashtë të dyshuarit si të përfshirë në skemën piramidale me kriptomonedha.

Ai tha para hetuesve se merrte 45 mijë lekë rrogë në muaj dhe se kishte investuar 100 mijë lekë në qershor 2025 në platformën XUEX, të cilën e kishte njohur nga shoqëria. Investimin e bëri përmes llogarisë në Bankën Tirana, duke kaluar paratë në platformën e kriptovalutave Binance e më pas në XUEX. Sipas tij, kishte përfituar virtualisht 120 mijë lekë, të cilat nuk i kishte tërhequr, por i kishte ruaj në kripto.

Më 27 gusht, Policia e Fierit nisi hetimet me agjentë të infiltruar, pasi në vitrinën e restorantit ku punonte Taullau u gjetën postera që reklamonin XUEX me slogane si “Investim një herë, përfitime të përjetshme”. Agjentët u prezantuan si të interesuar dhe Taullau u shpjegoi se duhej një depozitë prej 1000 dollarësh dhe se informacionet shpërndaheshin në grupe Telegram. Ai shtoi se qendra e platformës ishte në Divjakë dhe kishte shumë pjesëmarrës.

Në një takim të dytë, Taullau i prezantoi agjentët me kolegun e tij, Flavio Mukaj, 23 vjeç, i cili u arrestua gjithashtu. Dy kamarierët regjistruan një nga agjentët e infiltruar në platformën Binance dhe në grupet e Telegram, më pas Taullau bëri transferimin e 1000 dollarëve në XUEX, duke përdorur edhe 100 dollarë nga llogaria e Mukajt. Agjenti i dorëzoi atij 100 mijë lekë në cash, ndërsa e gjithë procedura u dokumentua me audio dhe video.

Kur u pyet si person nën hetim, Taullau tha se ishin vetë agjentët e infiltruar që i kërkuan shpjegime për reklamën dhe ai u ndihmoi pasi ishte i regjistruar në platformë. Ai këmbënguli se nuk ishte i punësuar në ndonjë kompani të tillë, por vetëm shfrytëzoi njohuritë e tij teknologjike për t’i regjistruar. Po ashtu, i riu theksoi se nuk kishte përfituar asgjë për këtë shërbim dhe nuk kishte regjistruar persona të tjerë më parë. Për shumën e investuar, deklaroi se nuk dinte çfarë fati kishte pasur.

Megjithatë, ai u arrestua në flagrancë, së bashku me Mukajn dhe pronarin e lokalit, Arbër Çela. Këtij të fundit iu sekuestrua një Audi Q7 që sipas policisë dyshohet se ishte blerë me të ardhura nga veprimtaria e paligjshme online me kriptomonedha.

Hetimet e policisë në Divjakë zbuluan përfshirjen e dhjetëra personave në këtë skemë piramidale me kriptomonedha, të organizuar përmes aplikacionit Telegram dhe platformës XUEX.

Një prej të dyshuarave si agjent i skemës është 35-vjeçari Ereledio Shebeku, i shpallur në kërkim, i cili ka krijuar një grup me pesë persona në Telegram, ku secili ka investuar shuma që varionin nga 1 mijë deri në 5 mijë dollarë.

Shebeku komunikonte rregullisht me një person të identifikuar si Leo Smith. Përveç investimeve, pjesëmarrësve u kërkohej të bënin “like” faqeve të dërguara në Telegram në orare të caktuara çdo ditë, kundrejt një premtimi përfitimi prej 1% të investimit.

Leo Smith prezantohet si një person që bën komunikime me përdorues të platformës XUEX përmes Telegram-it, si “mentori” ose njeriu që jep “sinjale tregtare” dhe motivime për investime. Ai thuhet të jetë britanik, sipas deklaratave nga persona që janë përfshirë në skemë. Smith përdor një gjuhë relativisht formale, shpesh me mesazhe që duken automatikë ose “robotike”.

Disa ekspertë besojnë se mund të jetë edhe një identitet fiktiv, ose një lloj programi kompjuterik, që vepron përmes mesazheve të automatizuara.

Në dëshmitë e mbledhura shfaqen edhe elementë të frikës dhe presionit.

Marius Kodra, 28 vjeç nga Tirana, ka treguar se pasi rekrutoi të tjerë persona, filloi të kërcënohej për kthimin e parave të tyre. Në bisedat e siguruara nga policia, “Leo Smith” i është përgjigjur pa dhënë garanci: “Nuk janë paratë që humbasin, është vetëm vonesë në pagesë… e vetmja gjë që mund të bëjmë është të presim”.

Sipas policisë, vetëm në territorin e Bashkisë Divjakë janë regjistruar rreth 580 persona, të cilët kanë investuar shuma të konsiderueshme, ndërsa fitimet e premtuara duhej të tërhiqeshin çdo 45 ditë përmes llogarive bankare dhe platformës Binance.

Nga hetimi rezulton se Shebeku ka përfshirë edhe familjarët e tij, ndërsa një tjetër e dyshuar, Brunilda Ndini, punonjëse e Bashkisë Divjakë, ka futur në platformë kolegë dhe banorë të zonës.

Edhe pronari i restorantit “La Bonta” në Lushnjë, Arbër Çela, ka pranuar se kishte investuar 2,300 dollarë në prill, duke tërhequr deri në 9 mijë dollarë në Prizren, Kosovë.

Ai e ka cilësuar veten të mashtruar dhe ka mohuar të ketë rekrutuar persona të tjerë.

BIRN bisedoi me dy zyra këmbimi valutor në Prizren të Kosovës, të cilat ofrojnë edhe shërbime për shkëmbimin e kriptomonedhave.

Një prej agjentëve tha se nuk kishte dijeni për raste të tilla, ndërsa një tjetër, në kushte anonimiteti, pohoi se gjatë muajve korrik dhe gusht ka pasur një fluks shtetasish shqiptarë që kanë konvertuar vlerat e tyre nga platforma “Binance” në euro dhe i kanë tërhequr në cash.

Sipas tij, çdo javë kanë mbërritur nga pesë deri në dhjetë persona, ndërsa shumat e tërhequra kanë lëvizur nga 3 mijë deri në 5 mijë euro secili. Ai shtoi se deri më tani nuk ka pasur asnjë interesim nga autoritetet ligjzbatuese, as në Kosovë e as në Shqipëri, për këto transaksione.

Hetuesit thonë se skema funksiononte si një zinxhir rekrutimi, ku individët që hynin të parët sillnin të tjerë, duke rritur vazhdimisht rrjetin dhe fitimet e premtuara. Përmes kësaj metode, sipas policisë, është ngritur një skemë e mirëfilltë mashtruese, që ka përfshirë një numër të madh banorësh të Divjakës dhe zonave përreth./Reporter.al

la bontà

Sondazh

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin