14 October 2023, 08:12
Nga A.B

SHBA- Ligjvënësit republikanë zgjodhën përmes një votimi të premten zotin Jim Jordan si kandidatin e tyre të ri për të marrë kryesimin e Dhomës së Përfaqësuesve, një aleat i ngushtë i republikanit Donald Trump që po kërkon të rimarrë postin e presidentit në zgjedhjet e vitit 2024.
Zgjedhja e Jordan, një nga themeluesit e Grupit për Lirinë, do ta vëndoste linjën e ashpër konservatore në një pozitë qendrore të udhëheqjes në vend.
Një numër i madh mbështetësish të profilit të lartë, përfshirë komentatorin Sean Hanity të kanalit televiziv Fox News, u bënë trysni publike ligjvënësve që ta mbështesin zotin Jordan për të marrë drejtimin e Dhomës së Përfaqësuesve pas shkarkimit të republikanit Kevin McCarthy nga ky post.
Ligjvënësi nga Ohajo, Jim Jordan, do të përpiqet të bashkojë republikanët e përçarë që kontrollojnë Dhomën e Përfaqësuesve përpara një votimi të përgjithshëm, i cili mund të shtyhet për javën që vjen. Republikanët votuan 124-81 për të emëruar ligjvënësin Jordan në postin e lartë të Kongresit amerikan.
“Unë mendoj se Jordan-i do të bëjë një punë të shkëlqyer”, tha zoti McCarthy përpara votimit. “Duhet të vazhdojmë në rrugën e duhur”.
Beteja ka qënë e ashpër mes republikanëve të Dhomës së Përfaqësuesve për zgjedhjen e drejtuesit të partisë pas shkarkimit të paprecedentë të zotit McCarthy nga një numër i vogël ligjvënësish të vijës së ashpër.
Ngërçi midis fraksioneve, tashmë në javën e dytë, e ka futur Dhomën e Përfaqësuesve në kaos, duke i ndalur të gjitha veprimet e organit legjislativ.
Vëmendja u përqendruar tek zoti Jordan, kryetar i Komisionit Juridik dhe themeluesi i Grupit të Lirisë, i përbërë nga ligjvënës të vijës së ashpër, pasi udhëheqësi i mazhorancës Steve Scalise hoqi dorë nga kandidatura e tij kur u bë e qartë se disa ligjvënës do të refuzonin të mbështesnin emërimin e tij. Por jo të gjithë republikanët e mbështesin kandidaturën e zotit Jordan për të marrë drejtimin e Dhomës së Përfaqësuesve.
Zoti Jordan njihet për aleancën e tij të ngushtë me zotin Trump, veçanërisht kur presidenti i atëhershëm po përpiqej të përmbyste rezultatin e zgjedhjeve të vitit 2020, që u pasua me trazirat e 6 janarit 2021 në Kongresin amerikan.
Dhoma e Përfaqësuesve po hyn në javën e dytë pa një kryetar dhe në thelb nuk është në gjendje të funksionojë. Ndërkaq po rritet trysnia politike mbi republikanët për të ndryshuar kurs dhe për të rivendosur kontrollin e shumicës e për të siguruan funksionimin normal të Dhomës. Një nga arsyet lidhet me buxhetin për të financuar qeverinë, gjë që nëse nuk ndodh, rrezikon mbylljen e saj brenda një muaji.
Ligjvënësit gjithashtu duan që Kongresi të bëjë një deklaratë të fortë mbështetjeje për Izraelin në luftën kundër Hamasit, por një rezolutë dypartiake është anashkaluar për shkak të ngërçit në Dhomën e Përfaqësuesve.
Po kështu, Shtëpia e Bardhë pritet të kërkojë së shpejti fonde për Izraelin, Ukrainën dhe mbushjen e rezervave amerikane me armë. Demokratët kanë mbështetur udhëheqësin e tyre, Hakeem Jeffries, gjatë votimeve tjera për kryetar të Dhomës dhe pritet të veprojnë njësoj edhe kësaj radhe.
Një këshilltar i udhëheqësve demokratë, që foli me kusht që të mos i bëhej emri publik, tha se demokratët janë të gatshëm të mbështesin një kandidat kompromisi mes dy partive, por sipas tyre, republikanët nuk i kanë kontaktuar mbi këtë çështje./VOA
jim jordan
Bota
14 October 2023, 07:50
Dosja.al
Diamanti vazhdon të jetë i pëlqyer për t’u vënë si unazë në gisht ose për t’u varur si gjerdan.
Vler...
Bota
14 October 2023, 07:43
Nëse mendonit se Lindja e Mesme ishte në stanjacion, mendohuni sërish. Ekonomitë e Gjirit Persik, në fakt janë ndër më...
Bota
13 October 2023, 22:55
I.A
Krenar Lloga
SHKUP- Ministri i Drejtësisë në Maqedoninë e Veriut, Krenar Lloga thotë se ndryshimet kushtetuese, të cilat jan&...
Bota
13 October 2023, 22:50
r.ll
foto ilustruese
KOSOVË- Një ngjarje e rëndë është raportuar mbrëmjen e sotme në Raskovë të Obiliqit n&eum...
Bota
13 October 2023, 22:40
r.ll
antonio guterres
SHBA- Shefi i Kombeve të Bashkuara, Antonio Guterres, bëri thirrje për mbrojtjen e të drejtave themelore të njeri...
Bota
13 October 2023, 22:35
r.ll
palestinezet duke u larguar nga gaza
GAZA- Pas ultimatumit të Izraelit për të lënë shtëpitë para ndërhyrjes tok&eum...
Bota
13 October 2023, 22:06
r.ll
joe biden
SHBA- Presidenti Biden ka treguar mbrëmjen e sotme se ka folur për më shumë se një orë me familjet e 14 amerikan&eu...
Bota
13 October 2023, 21:49
r.ll
Barbara Woodward
SHBA- Ambasadorja e Mbretërisë së Bashkuar në Kombet e Bashkuara, Barbara Woodward, tha sot se do t'u kërkojë...
Bota
13 October 2023, 21:30
r.ll
foto ilustruese
RUMANI- Ministria rumune e Mbrojtjes ka bërë të ditur se KFOR-it i janë shtuar edhe 130 ushtarë rumunë, kjo&n...
Bota
13 October 2023, 21:27
f.i
Charles Michael
BRUKSEL- Presidenti i Bashkimit Europian, Charles Michael ka paralajmëruar se lufta Izrael-Hamas mund të krijojë nj&eum...