9 May 2024, 22:00
Nga E. D
Benjamin Netanyahu
IZRAEL- Kryeministri izraelit Benjamin Netanyahu tha të enjten se nëse do të duhet, vendi i tij do të “qëndrojë vetëm” në luftën kundër Hamasit, duke rrezikuar një thellim të krizës në marrëdhëniet me Shtetet e Bashkuara.
Ai foli pasi Presidenti Joe Biden tha se Shtetet e Bashkuara nuk do t’i japin armatime për ofensivën për të cilën është zotuar prej kohësh Izraeli për në qytetin jugor të Gazës, Rafah.
Izraeli thotë se Rafahu është baza e fundit e Hamasit në Gazë dhe zoti Netanyahu është zotuar se do të kryejë ofensivë në qytet, pavarësisht kundërshtimit të gjerë ndërkombëtar për shkak të shqetësimeve se më shumë se 1 milion palestinezë janë strehuar atje. “Nëse duhet të qëndrojmë të vetëm, do ta bëjmë. Nëse duhet, do të luftojmë me thonj”, tha ai.
Organizatat humanitare dhe ato të shëndetësisë paralajmëruan se një ofensivë në shkallë të gjerë nga Izraeli në Rafah do të kishte pasoja katastrofike dhe shtuan se është e pamundur zhvendosja në masë e popullsisë në mënyrë të sigurtë.
Ndërkohë, sot u nis drejt portit të përkohshëm të ndërtuar në Gazë nga Shtetet e Bashkuara ngarkesa e parë me ndihma humanitare.
Presidenti i Shteteve të Bashkuara Joe Biden dha urdhër rreth dy muaj më parë për ndërtimin e platformës së madhe lundruese.
Pika kufitare e Rafahut, mes Egjiptit dhe Gazës është mbyllur që kur ushtria izraelite mori kontrollin e pjesës palestineze të martën, duke bllokuar hyrjen e ndihmave humanitare, për të cilat banorët kanë dëshpërimisht nevojë. Kombet e Bashkuara thonë se në veri të Gazës, popullata po përballet me zi buke.
Sulmet e fundit izraelite në Rafah, kanë çuar në mbylljen e disa prej qendrave mjekësore që deri më tani u kishin shërbyer rreth 1.3 milionë banorëve të Gazës që janë strehuar në qytetin jugor pët t’i shpëtuar luftimeve në zona të tjera.
Organizata Botërore e Shëndetësisë thotë se një nga tre spitalet e mbetura në Rafah është mbyllur për shkak të mungesës së karburantit dhe energjisë elektrike të nevojshme për kryerjen e ndërhyrjeve kirurgjikale.
Lufta në Gazë ka detyruar mbi 80 për qind të popullsisë prej 2.3 milionë banorësh që të zhvendoset dhe ka shkaktuar shkatërrim në masë të apartamenteve, spitaleve, xhamive dhe shkollave në një sërë qytetesh.
Zyrtarë të shëndetësisë në Gazë, që kontrollohet nga Hamasi, e shpallur organizatë terroriste nga Shtetet e Bashkuara, kanë njoftuar se numri i të vrarëve, si pasojë e ofensivës izraelite ka shkuar në 34,500 vetë.
Izraeli ndërmorri operacionin ushtarak, pas sulmit nga grupi Hamas, në 7 tetor, ku sipas autoritete izraelite u vranë 1200 persona dhe u morën peng 250 të tjerë./VOA
benjamin netanyahu
Bota
9 May 2024, 21:51
E. D
Roger Fortson
SHBA- Një anëtar i forcave ajrore të SHBA-së është qëlluar për vdekje nga një polic që u fu...
Bota
9 May 2024, 21:37
E. D
foto nga vendngjarja
TAILANDË- Të paktën një person është vrarë dhe katër janë plagosur sot nga shpërthim...
Bota
9 May 2024, 21:21
E. D
foto ilustruese
SHBA- Aktorja e filmave pornografikë Stormy Daniels u përball me pyetje të reja të enjten gjatë gjyqit në Nju...
Bota
9 May 2024, 21:09
E. D
VENEZUELA- Venezuela mund të jetë kombi i parë në historinë moderne që humbi të gjitha akullnajat. Iniciativa Ndërkomb...
Bota
9 May 2024, 20:59
E. D
Barron Trump
FLORIDA- Barron Trump, djali më i vogël i ish-presidentit Donald Trump, u zgjodh si një nga delegatët kryesorë ...
Bota
9 May 2024, 20:47
E. D
Ramón Fonseca Mora
PANAMA- Ndërron jetë bashkëthemeluesi i firmës ligjore në qendër të skandalit të taksave ...
Bota
9 May 2024, 19:46
E. D
foto ilustruese
UKRAINA- Dy gra ukrainas u vranë si pasojë e sulmeve ruse në Belogord dhe Krusk, që ndodhen mes kufirit Rusi-Ukrain&eum...
Bota
9 May 2024, 19:33
E. D
foto ilustruese
QIPRO- Një anije mallrash amerikane e ngarkuar me ndihma humanitare u largua nga Qiproja mesditën e sotme për në R...
Bota
9 May 2024, 19:20
E. D
Aleksandar Shapiç
SERBI- Një video që është shpërndarë në rrjetet sociale tregon Aleksandar Shapiç, kryeta...
Bota
9 May 2024, 18:42
B.Z
Foto ilustruese
KOSOVË - Një 42-vjeçar është gjetur pa shenja jete këtë të enjte në Kosovë, në...