10 July 2022, 19:02
Nga I.A
SHBA
SHBA- Qindra aktivistë protestuan në kryeqytetin amerikan Uashington në mbështetje të së drejtës së abortit dhe për t’i kërkuar qeverisë federale që të veprojë menjëherë për ta siguruar këtë të drejtë të grave. Presidenti Joe Biden nënshkroi këtë javë një urdhër ekzekutiv për të lehtësuar qasjen e grave tek shërbimet që mundësojnë ndërprerjen e një shtatëzanie të padëshiruar.
Qindra aktivistë për të drejtën e abortit u mblodhën në Uashington për të protestuar kundër vendimit të Gjykatës së Lartë që rrëzoi të drejtën e abortit të vendosur gjatë çështjes Roe kundër Wade dekada më parë. Protestuesit u bënë thirrje ligjvënësve që të veprojnë.
“Kërkojmë që qeveria federale të bëjë diçka që ta legalizojë abortin që tani. Nuk mjafton që të presim deri në nëntor”, thotë aktivistja Chantelle Piper, duke iu referuar zgjedhjeve për Kongresin, në të cilat demokratët shpresojnë të mobilizojnë votuesit me këtë çështje.
Protestuesit mbanin parulla dhe bënin thirrje ndërsa prisnin për mbajtjen e fjalimeve nga një radhë e gjatë folësish. Protesta kulmoi me një marshim përmes kryeqytetit amerikan dhe drejt Shtëpisë së Bardhë.
“Të them të drejtën ndihem e shkurajuar, për një sërë arsyesh. Hapi i ardhshëm është që ta vazhdojmë luftën, të vazhdojmë ta ngremë zërin, pasi e meritojmë të dëgjohemi”, thotë aktivistja Jessica Gibson-Spencer.
Protesta, e organizuar nga organizata e grave “Women’s March”, synoi gjithashtu të shtojë trysninë ndaj Presidentit Joe Biden për të ndërmarrë hapa ekzekutivë për të mbrojtur të drejtën e abortit.
“Nuk ishte një rastësi, ishte e planifikuar. Ky ishte plani. Dhe tani ne nuk do të heshtim. Të gjithë e dimë që kemi zë të fortë. Do të luftojmë dhe nuk do të lejojmë të na vënë nën kontroll”, thotë drejtorja ekzekutive e organizatës “Women’s March”, Rachel O’Leary Carmona.
Vetëm një ditë më parë, Presidenti Biden u shpreh se rrëzimi i së drejtës nga Gjykata e Lartë ishte një formë e dhimbshme e ushtrimit të pushteti politik. Ai nënshkroi një urdhër ekzekutiv të premten për të lehtësuar qasjen e grave tek shërbimet për të ndërprerë shtatëzaninë.
Urdhëri ekzekutiv udhëzon departamentit e shëndetësisë që të zgjerojë qasjen për gratë që të abortojnë nëpërmjet ilaçeve, si dhe të sigurojë që gratë të kenë qasje tek shërbimet e urgjencave, ato të planifikimit familjar dhe kontraceptivët. Urdhëri gjithashtu parashikon mbrojtje për doktorët, gratë që udhëtojnë për të abortuar dhe klinikat e lëvizshme të abortit përgjatë kufijve të shteteve.
Vendimi i Gjykatës së Lartë ua riktheu shteteve të drejtën për ta shpallur abortin të paligjshëm. Për rrjedhojë, gratë me shtatëzani të padëshiruar duhet të vendosin nëse do të udhëtojnë drejt një shteti tjetër amerikan ku procedura vazhdon të jetë e ligjshme, të blejnë në internet ilaçe për të abortuar, ose të kryejnë një abort të rrezikshëm në rrethana të jashtëligjshme.
Marrë nga VOA
aborti ne shba
Bota
10 July 2022, 18:27
I.A
Donald Trump
SHBA- Një vit e gjysmë më vonë, tmerret minutë pas minutë të kryengritjes së 6 janarit dhe roli i pres...
Bota
10 July 2022, 18:14
I.A
Dritan Abazoviç
MALI I ZI- Kryeministri i Malit të Zi Dritan Abazoviç ka përshëndetur vendimin e Kryesisë së Partis&...
Bota
10 July 2022, 18:00
I.A
Vladimir Putin
RUSI- Presidenti rus Vladimir Putin ka disa opsione për të vazhduar sulmin ndaj Ukrainës, por qëllimet e tij janë t...
Bota
10 July 2022, 17:50
I.A
MALI I ZI- Qeveria e Dritan Abazoviç në Malin e Zi nuk ka më mbështetjen e partisë së Milo Gjukanoviç, pas marr&eu...
Bota
10 July 2022, 15:18
k.m.
Andrea Jenkyns
BRITANI E MADHE- Ministrja e re e Arsimit, Andrea Jenkyns thotë se ajo ngriti gishtin e mesit para një turme jashtë Downing ...
Bota
10 July 2022, 14:50
d.a.
Antony Blinken
SHBA- Sekretari amerikan i Shtetit, Antony Blinken njoftoi një raund të ri të ndihmave humanitare për Ukrainën, n&e...
Bota
10 July 2022, 14:36
d.a.
Donald Trump
SHBA- Një komitet i Kongresit të Shteteve të Bashkuara, që po heton dhunën e 6 janarit, 2021, në ndërtes&eu...
Bota
10 July 2022, 14:35
k.m.
Oliver Varhely dhe Joseph Borrell
Në Evropë nuk ka vend për mohimin e gjenocidit dhe glorifikimin e kriminelëve të luftës, th...
Bota
10 July 2022, 14:19
d.a.
Boris Johnson
BRITANI- Boris Johnson ka dhënë dorëheqjen si lider i konservatorëve dhe do të largohet nga...
Bota
10 July 2022, 13:54
d.a.
Mattia Santori
ITALI- Themeluesi i lëvizjes sarde dhe këshilltar bashkiak në Bolonja, me përgjegjësi për turizmin, Mattia San...