"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Aktualitet
DW: Dështuan shërbimet sekrete në Afganistan?
20 August 2021, 12:47Nga DOSJA
Paralelisht me aksionin e evakuimit të personelit lokal afgan dhe ndihmësve të tjerë në Kabul, në Berlin ka filluar ballafaqimi politik në lidhje me zhvillimet e fundit që sollën në pushtet talibanët radikalë-islamistë në Afganistan. Të mërkurën u zhvilluan takime të komisionit të brendshëm parlamentar dhe instancës së kontrollit parlamentar të shërbimeve sekrete, PKGr. Akuza e ngritur, është se qeveria gjermane e nënvlerësoi marshimin e shpejtë të talibanëve. Në komisionin PKGr, drejtuesi për sektorin e jashtëm të Shërbimit Informativ Gjerman, BND, Bruno Kahl iu përgjigj pyetjeve të deputëteve në takimin me dyer të mbyllura. Autoritetet përkatëse informuan, se sipas dijenive të shërbimeve informative zhvillimet e fundit në Afganistan nuk ishin të parashikueshme, u shpreh kreu i komisionit, Roderich Kiesewetter.
Më kritik ishte zëvendëskryetari i partisë liberale, dhe anëtar i komisionit parlamentar për kontrollin e shërbimeve sekrete, Stephan Thomae. BND-ja “në lidhje me Afganistanin ka bërë një vlerësim tërësisht të gabuar”. Kurse politikani i Majtë, Andre Hahn u shpreh, se qeveria gjermane në javët e fundit “nuk ka pasur plan” për shpëtimin e personelit lokal afgan.
Komision hetimor parlamentar
Ndërkohë janë shtuar zërat që dështimi në Afganistan të shqyrtohet përmes një komisioni parlamentar hetimor. Zëvendësi i liberalëve, Wolfgang Kubicki pret që pas zgjedhjeve parlamentare në shtator të krijohet një komision i tillë. Të Gjelbrit duan të presin deklaratën qeveritare të kancelares Merkel të mërkurën e ardhshme më 25 gusht. Merkel vetë e quajti aksionin e evakuimit “tejet të komplikuar” dhe një aksion ndërkombëtar të koordinuar, ku Gjermania luan rol të rëndësishëm.
Kritika janë drejtuar edhe ndaj Ministrisë së Punëve të Brendshme. Akuza që ngrihet kundër ministrit, Horst Seehofer është se ministria e tij ka vonuar pranimin e forcave okale. Por një zëdhënëse e ministrisë tha se, procedurat e pranimit të forcave lokale afgane janë bërë në ujdi brenda qeverisë gjermane.
Ndërkohë qeveria gjermanedo të ofrojë 100 milionë euro ndihmë të shpejtë për të larguarit në Afganistani. Siç njoftoi Ministria e Jashtme, me këto fonde do të mbështeten organizatat ndërkombëtare humanitare, që kujdesen për refugjatët në vendet fqinje të Afganistanit. Dhjetëra mijëra vetë kanë marrë arratinë në vendet fqinje pas ardhjes në pushtet të talibanëve, shumica shkojnë në Pakistan./DW
Iftar dhe politikë, a u prek Muaji i Ramazanit nga politikanët?
TIRANË– Një aksident ka ndodhur mesditën e sotme në autostradën Tiranë-Durrës. Disa makina janë përplasur pranë Maminasit, duke bërë që të bllokohet ...
ITALI– Dy shqiptarë janë arrestuar në itali pasi kishin me vete lëndë narkotike. Ata u pikasën me mjetin ‘Opel Cors’a’pranë varrezave të L’Aquil. Dy djemtë u fu...
ITALI– Një shqiptare, e cila punonte si banakiere në Itali, ka rënë në prangat e policisë. Mediat fqinje shkruajnë se policia shkoi për kontroll në banesë...
VLORË– Një aksident ka nndodhur paraditen e sotme në llogara ku një mjet ka rënë në greminë duke plagosur dy persona. Bëhet me dije se personat nuk janë në...
Edhe kjo javë pritet të mbyllet me temperatura të larta, ndërsa nga mesi i javës që vjen pritet një freskim i motit, shoqëruar dhe me reshje shiu, kryesisht në ...
SHKODËR– Gjykata e Apelit në Shkodër ka dënuar me 14 vite burg shtetas Rinard Tota, i njohur edhe me emrin Frederik Tota. Nga 14 vite që është dënuar, 54-v...