"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Aktualitet
I ktheu portofolin e paprekur Meryl Streep, shqiptari: E pranova shpërblimin sepse…
1 April 2022, 17:53Nga DOSJA
SHBA- Raportimi i gazetarit të “CNN” në Twitter se një djalë nga Kosova kishte gjetur një portofol me 2000 Dollarë që i përkiste aktores hollivudiane Meryl Streep, ka bërë xhiron e rrjeteve. Gjesti i tij fisnik për t’ia kthyer patjetër pronares së tij, pa kurrfarë shpërblimi mahniti edhe gazetarin Bill Weir.
Emri i Zymer Berishës refuzoi të bëhej i ditur nga ai, por “Rudina” në Tv Klan mundi ta mësonte dhe të realizonte një intervistë në Skype për të ditur pak më shumë mbi ngjarjen.
Zymer Berisha: Meryl Streep s’e kam takuar ende, është një nga aktoret e mia më të preferuara, por kam takuar vajzën e saj. Ajo ka qenë e para që ka ardhur të marrë portofolin.
Zymeri tregon se portofolin e ka gjetur në Bruklin, në Nju Jork, ku edhe jeton e punon. Vendi i tij i punës grumbullon shpesh personazhe të artit dhe biznesit.
Zymer Berisha: Ishte një mbrëmje e bukur, për fatin tim që ta kisha në dorë atë portofol. Pashë një çantë të madhe midis rrugës. Makinat kalonin dhe e shkelnin, më dukej si një çantë e madhe e thashë të shkoj ta heq se më dukej sikur makinat vetëm i kalonin sipër. E mora, e hapa çantën për ta ditur e kujt ishte dhe kur e pashë aty fotografinë, kishte disa dokumente, karta krediti dhe në foto m’u duk si ndryshe, por kur e lexova, ishte Meryl Streep.
Rudina Magjistari: Në fotografinë e pasaportës ashtu dalim të gjithë, ndryshe, normale edhe Meryl Streep s’bën përjashtim.
Zymer Berisha: Në atë moment u befasova, por në të njëjtën kohë nuk hezitova të kontaktoja disa numra telefoni që ishin aty brenda. Vajza e saj erdhi ta marrë.
Rudina Magjistari: Mësove si kishte ndodhur që ajo çantë e madhe gjendej në mes të rrugës?
Zymer Berisha: Nuk e mësova, por vajza e saj punon aty pranë dhe me siguri ka vizituar atë e diçka ka ndodhur që e ka harruar aty.
Shumën e parave ai e mësoi vetë, gjatë kohës që po kontrollonte çantën nëse kishte ndonjë të dhënë se kujt i përkiste portofoli.
Zymer Berisha: E konstatova vetë më herët. I pashë fotografitë e fotot që u mundova të mësoj se kujt i përket çanta për t’ia kthyer. Shuma e parave ishte e madhe, por sidoqoftë që e kam mësuar prej prindërve të mi, që çfarëdo qoftë, me vlerë sado të madhe, kur s’të përket ty, nuk është e jotja. Vajza e saj në fillim tha “oh Zot i madh” dhe pasi u largua prej meje e kishte parë që s’mungonte asgjë.
Rudina Magjistari: Është e vërtetë që ajo të ofroi një shpërblim por ti nuk pranove?
Zymer Berisha: Vajza e saj erdhi prapë e më tha që mami më dërgoi prapë te ti se duhet të pranosh diçka të vogël sa për falenderim dhe e pranova.
Marrë nga Tv Klan
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TEPELENE-Aksident me pasojë vdekjen e një personi ka ndodhur ditën e sotme në aksin rrugor Levan-Tepelenë. Një person ka humbur jetën dhe është plagosur një tje...
LEZHË-Personi në foto është Altin Marku, i cili dyshohet si autor i plagosjes së Kreut të Njësisë Administrative Kallmet, Besnik Simonin. Marku u arrestua ...
LEZHË– Besnik Simoni, kreu i njësisë administrative në Kallmet të Lezhës është plagosur me armë zjarri mesditën e sotme. Mësohet se ngjarja ka ndodhu...
TIRANË– Një seri më mesazhe janë shpërndarë në numrat e telefonit të qytetarëve shqiptarë. Persona të paidentifikuar, me profile false, pretendojnë s...