"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Aktualitet
Kuvendi i fundit për vitin 2021/ Bien 4 dekretet e Metës, Basha: S’preket ‘Bermuda’
20 December 2021, 06:46Nga DOSJA
TIRANË– Seanca e fundit e Kuvendit të Shqipërisë për vitin 2021 përfundoi pas gati 8 orësh. Parlamenti rrëzoi 4 dekretet e presidentit të vendit Ilir Meta për Bashkëqeverisjen, Buxhetin e vitit 2022, TVSH-në dhe taksat kombëtare me 14 vota pro dhe 76 kundër. Gjithashtu, Kuvendi miratoi krijimin e Agjencisë të Mbikëqyrjes Policore dhe statusin ‘Fëmijë në përkujdesje të Republikës”. Ndër të tjera, u pranuan amendimet për ligjin “investimet strategjike” dhe marrëveshjen me “Pfizer” si dhe programin e bashkëpunimit kufitar me Kosovën, financimin e bashkëpunimit ndërkufitar me Malin e Zi. As në këtë seancë nuk munguan debatet.
Kryeministri Edi Rama ishte i pranishëm në nisje të seancës plenare mirëpo zgjodhi që të largohej pas fjalës së tij për dyfishimin e ndihmës ekonomike dhe përfitimit që marrin nga viti i ardhshëm ‘fëmijët e Republikës’, duke refuzuar replikimin me kreun e Partisë Demokratike, Lulzim Basha. Ky i fundit u ngjit në Foltoren e Kuvendit pas tij duke mos i kursyer akuzat. Edhe pse kërkoi edhe njëherë që SPAK të merrej me Vettingun në Politikë, gjithashtu pretendoi se persona në ‘drejtësi e re’ kanë dhënë garanci që askush nga “trekëndëshi i Bermudës” të mos prekej duke nënkuptuar Ramën, ish-kryeministrin Sali Berisha dhe presidentin Ilir Meta. Gjithashtu numri një i opozitës foli edhe për persona të shpallur në kërkim, duke aluduar edhe për eliminimin fizik të tyre. Por nuk përmendi emra. Për shkak se Rama ishte larguar nga salla për të pritur “miqtë” e “Open Ballkan”, përgjigjia i erdhi nga ministrja e Shtetit për Marrëdhëniet me Parlamentin, Elisa Spiropali, e cila i përmendi përplasjen brenda selisë blu. Sipas saj, Basha e ka humbur mundësinë dhe privilegjin për replikë nga ana e shumicës, pasi vetë PD është në kushtet e humbjes së legjitimitetit.
I vetmi që ndërhyu në mes të debatit Basha-Spiropali, ishte deputeti Edmond Spaho. Ai mori fjalën dhe i tha Spiropalit që të mos merrej me foltoren, duke qënë se u përmend nga ministrja gjatë replikave.
Deputeti socialist Erion Braçe ishte një nga personat që mori fjalën në Foltore i cili u përqëndrua te shtrenjtimi i produkteve bujqësore e blegtorale, ku sipas tij në treg ka një abuzim shumë të madh me çmimet. Ai tha se kjo rritje çmimesh po dëmton drejtpërdrejtë xhepat e qytetarëve, por njëkohësisht edhe fermerët pasi po u mbesin produktet stok. Braçe po ashtu u ndal edhe tek opozita, ku tha se në 31 vite asnjë i djathtë nuk është hetuar e gjykuar për asnjë aferë korruptive.
LEZHË– Të shtëna me armë zjarri janë raportuar pak minuta më parë në Lezhë. Mësohet se konkretisht të shtënat me armë zjarri janë raportuar në zonën ...
TIRANË– Dosja.al ka zbardhur detaje të tjera në lidhje me shpërthimin e tritolit në Sauk. Mësohet se bëhet fjalë për një kallëp që peshonte rreth 30 ...
TIRANË– Dy makina të parkuara kanë pësuar dëme si dhe u janë thyer xhamat e parmë pasi një sasi lënde plasëse ka shpërthyer pranë tyre. Sipas njoftim...
MALIQ- Një aksident ka ndodhur mbrëmjen e sotme në qytezën e Maliqit. Mësohet se një persona ka humbur kontrollin e motorit dhe ka rënë.Për pasojë ka marrë lënd...
TIRANË– Sipërmarrësi dhe mjeku veteriner Ervin Resuli ka ironizuar emërimin e Jeta Dedës në krye të Agjencisë Kombëtare të Ushqimit. Në një postim në...
TIRANË– Kryeministri Edi Rama ka publikuar videon e djalit që bie nga shtylla duke grisur flamurin serb në profilin e tij në “Tik Tok”. Krah saj Rama...