"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Aktualitet
EMRI-I vë armën në kokë, i riu grabit 39-vjeçarin, merr 230 mijë lekë të vjetra, arrestohet
25 April 2022, 10:56Nga DOSJA
SHKODËR– Gjovalin Doda, 26 vjeç, banues në fshatin Mnelë e Madhe, Vau Dejës është vënë në pranga pasi ka grabitur një person. Doda është maskuar dhe nënë kërcënimin e një arme zjarri i ka zënë rrugën 39-vjeçarit që po udhëtonte me makinën e llojit “Ford”. Duke e kërcënuar dhe duke i vënë armën në kokë, Doda ka arritur që t’i marrë shumën prej 230 mijë lekësh të vjetra 39-vjeçarit. Më pas është larguar nga vendi i ngjarjes. Hetimet zbardhën ngjarjen dhe i riu u arrestua. Në shtëpinë e tij u gjet dhe u sekuestrua pushka, krëhëra pushke, 220 fishekë luftarakë dhe 1 maskë me ngjyrë të zezë, që është përdorur nga ky shtetas për të kryer vjedhjen nën kërcënimin e armës.
Njoftimi nga Vau i Dejës
Finalizohet operacioni policor i koduar “Pecaj”. I vodhi, nën kërcënimin e armës, një shumë lekësh një shtetasi, kapet dhe vihet në pranga 26-vjeçari. Operacioni, nga Komisariati i Policisë Vau i Dejës, në bashkëpunim me Forcën e Posaçme “Shqiponja”. Komisariati i Policisë Vau i Dejës, në bashkëpunim me Forcën e Posaçme “Shqiponja” në DVP Shkodër, në vijim të kontrolleve të shtuara për identifikimin dhe ndëshkimin e personave që lëvizin me armë zjarri, si dhe në bazë të informacioneve të marra në rrugë operative, organizuan dhe finalizuan operacionin policor të koduar “Pecaj”.
Si rezultat i këtij operacioni u bë kapja dhe arrestimi në flagrancë i shtetasit Gj. D. 26 vjeç, banues në fshatin Mnelë e Madhe,Vau Dejës. Ky shtetas në lagjen “Pecaj”, fshati Mnelë e Madhe, nën kërcënimin e armës së zjarrit dhe i maskuar, i ka marrë shumën prej 230 mijë lekë (të vjetër) shtetasit J. C. 39 vjeç, me banim në Rrilë, Lezhë, i cili po drejtonte automjetin tip “Ford”, dhe më pas shtetasi Gj. D. është larguar nga vendi i ngjarjes.
Gjithashtu gjatë kontrollit në banesën e shtetasit Gj. D., u gjet dhe u sekuestrua, në cilësinë e provës materiale, 1 armë zjarri pushkë, krëhëra pushke, 220 fishekë luftarak dhe 1 maskë me ngjyrë të zezë, e cila dyshohet se është përdorur nga ky shtetas për të kryer vjedhjen nën kërcënimin e armës. Materialet iu referuan Prokurorisë pranë Gjykatës së Shkallës së Parë Shkodër, për veprat penale “Vjedhja me armë” dhe “Prodhimi dhe mbajtja pa leje e armëve luftarake dhe e municionit”.
(f.m/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Kryeministri Edi Rama ka hedhur poshtë lajmet se Vali Bizhga, shefja e kabinitetit të tij mund të jetë kandidate për Presidente e Shqipërisë....
TIRANË– Qerim Krasniqi ka deklaruar se i ka marrë Mariana Cakulit shumën prej 85 mijë-87 mijë euro, duke hedhur poshtë pretendimin e biznesmenes se a...
TIRANË– Vjehrra e Merushe Hazizit ka folur për emisionin “Me Zemër të Hapur” të autores Evis Ahmeti në News24. Xhevahir Hoxha vrau nusen e djalit të ...
TROPOJË– Prek Jubani dhe Sali Selimaj, të dy banues në fshatin Valbonë janë vënë në pranga pasi akuzohen se kanë ndërtuar pa leje në zonën e mbrojtur...