"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Aktualitet
Të shtëna me armë zjarri në Vlorë! Një person shkon me plagë në kokë në spital
23 November 2021, 20:37Nga DOSJA
VLORË– Të shtëna me armë zjarri janë raportuar mbrëmjen e sotme në zonën e Orikumit në Vlorë. Mësohet se disa persona janë përfshirë në një konflikt me njëri-tjetrin, pas disa debateve që kanë zhvilluar një ditë më parë. Në debat e sipër, në afërsi të portit të jahteve një prej personave ka nxjerrë pistoletën dhe ka qëlluar me armë. Nuk dihet nëse ka pasur të plagosur si pasojë e të shtënave, por një person është paraqitur me plagë në kokë në spitalin e Vlorës. Ai është 37 vjeç dhe me inicialet E.Sh..
Paraprakisht raportohet se nuk dihet nëse personi në fjalë është plagosur si pasojë e të shtënave me armë apo nga një goditje me qytën e pistoletës. I plagosuri është marrë në pyetje dhe pritet që nga dëshmia e tij të zbardhen detaje mbi sherrin e ndodhur ku u përdorën dhe armët e zjarrit. Gjithsesi, nuk bëhen me dije emrat e personave të përfshirë në konflikt.
Policia ka ngritur postbllok për kapjen e autorit, ndërkohë që gëzhojat e gjetur në vendin e ngjarjes janë sekuestruar.
Njoftimi i policisë:
Në afërsi të portit të jahteve, Orikum, dyshohet se si pasojë e një konflikti të çastit është dëmtuar dyshohet me sende të forta nga persona ende të paidentifikuar, shtetasi E. Sh., 37 vjeç, i cili ndodhet jashtë rrezikut për jetën. Dyshohet se njëri prej personave të përfshirë në konflikt ka qëlluar një herë me armë zjarri në ajër. Shërbimet e Policisë kanë shkuar menjëherë në vendngjarje, ka rrethuar zonën dhe vijon krehja e saj për kapjen e autorit/ve. Grupi hetimor vijon punën për zbardhjen e plotë të rrethanave të ngjarjes.
TIRANË– Sekretari i Përgjthshëm i Partisë Demokratike dhe nënkryetarët e kësaj partie kanë refuzuar njëzëri kërkesën e ish-kryeministrit Sali Berisha...
BURREL– Ish-kryeministri Sali Berisha ka akuzuar kryedemokrati Lulzim Basha sit ë përfshirë në dosjen e “Toyota Yaris” ngjarje e denoncuar nga vetë Kreu i...
BURREL– Ish-kryeministri Sali Berisha i ka bërë thirrje ambasadores së Shteteve të Bashkuara të Amerikës, Yuri Kim që të sillet si guvernatore në Shqipëri...
TIRANË– Ambasada e Shteteve të Bashkuara të Amerikës në Tiranë ka bërë një përmbledhje të Reformës në Drejtësi në pesë vite. Në një postim në Faceboo...