"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Aktualitet
Vrasja e Hoxhës! Prokuroria mbyll hetimet, kërkon burg për autorin dhe vëllain
8 November 2021, 09:16Nga DOSJA
TIRANË– Prokuroria e Tiranës ka mbyllur hetimet mbi vrasjen e biznesmenit Ruzhdi Hoxha dhe e ka dërguar dosjen në gjykatë, ku ka kërkuar “arrest në burg” për Fredi Rrushin dhe vëllanë e tij.
Pas hetimeve, organi i akuzës ka kërkuar arrest në burg për Ferdinand Rrushin, pasi akuzohet për rrëmbimin dhe vrasjen e 43-vjeçarit. Po ashtu prokuroria ka kërkuar të njëjtën masë sigurie edhe për vëllain e autorit të dyshuar kryesor, pasi pretendohet se ai e ka ndihmuar që të fshihte kufomën. Pajtim Rrushi akuzohet si bashkëpunëtor në vrasje dhe dyshohet se ka fshehur makinën që u përdor në krim.
I arrestuari Ferdinant Rrushi, në deklarimet e dhëna para grupit hetimor, pretendon se e ka lënë Ruzhdi Hoxhën pranë banesës së tij në zonën e njohur si “Treshi”, pranë urës së Institutit Bujqësor dhe më pas është largua në drejtim të banesës me automjetin e tij. Por, në fakt, nga këqyrja e kamerave të sigurisë rezulton se automjeti sapo është larguar nga një degëzim i autostradës, në afërsi të një lokali, ka vijuar udhëtimin në drejtim të Dajtit.
Në orën 23:00 dyshohet se Rrushi ka marrë në makinë viktimën, në të cilën ishin edhe dy persona të tjerë, duke zbritur më pas nga mjeti dy personat e tjerë e duke vazhduar rrugën drejt Dajtit, aty ku dhunoi, qëlloi dhe hodhi në greminë mikun e tij.
Pistat kryesore të hetimit për vrasjen e biznesmenit Ruzhdi Hoxha dyshohet se janë borxhet dhe parcelat me kanabis. Biznesmeni i cili vepronte dhe jetonte në Kamëz, Ruzhdi Hoxha, baba i dy fëmijëve ishte shpallur i zhdukur dy javë më parë. Policia nisi hetimet pas denoncimit të familjarëve, ndërsa Fredi Rrushi, autori i dyshuar, ishte personi i fundit që kishte komunikuar me biznesmenin.
ITALI– Bosi i mafies së Viterbos, shqiptari Ismail Rebeshi, është dënuar me 16 vjet burg, pasi akuzohet për trafikimin e heroinës dhe marijuanës në territ...
TIRANË– Gazetari Artan Hoxha ka bërë me dije se fenomeni i fajdeve që sipas tij po bën “kërdinë” në Shqipëri, në kushtet kur bankat kanë shtrënguar k...
TIRANË– Pavarësisht se ka firmosur për Drejtorinë për Fondet e Bashkimit Europian, Anis Lamllari vazhdon me shkeljet, gjithmonë e sigurt dhe e mbrojt...