"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Aktualitet
Referendumi shkarkon Bashën, Berisha nga PD: Pati fatin e Ramiz Alisë, nesër kthehem
18 December 2021, 17:58Nga DOSJA
TIRANË– Sonte për herë të dytë, Sali Berisha ka vënë këmbën brenda ambienteve të selisë së Partisë Demokratike. Pas mbylljes së referendumit për shkarkimin e kryedemokratit Lulzim Basha, Berisha shkoi në seli bashkë me anëtarët e Komisionit të Rithemelimit të PD-së, por nuk hyri brenda në godinë, ndërkohë që brenda kryedemokrati Lulzim Basha po mbante mbledhjen e Kryesisë. Nga shkallët e selisë blu, Berisha bëri me dije se 99% e demokratëve (44 mijë persona) kanë votuar pro shkarkimit të Lulzim Bashës nga posti i numrit një të opozitës në vend. Sipas liderit historik të PD-së, ky është ndëshkimi për Bashën, të cilin e akuzon se ka shfrytëzuar postin për përfitime personale. Ndërkohë që ka lëshuar edhe një paralajmërim për “besnikët” e tij, që të përdorin statusin e deputetit për t’u shërbyer demokratëve, e jo për qëllimet e tyre. Gjithashtu i ka ftuar që të verifikojnë çdo votë të hedhur në kuti për Bashën. Por akuzat e Berishës nuk kanë përfunduar me kaq ndaj kryedemokratit. Sipas ish-kryeministrit të vendit, Basha ka kërkuar ndihmë nga kryeministri Edi Rama, e ky i fundit i ka dërguar për mbrojtje forcat RENEA dhe Policinë e Shtetit, por kjo deklaratë është hedhur poshtë nga ana e selisë blu. Por duke iu përgjigjur pyetjeve të gazetarëve jashtë selisë, Sali Berisha ka pranuar se nuk ka pasur komunikim me asnjë nga përfaqësitë e huaja në vend, por shtoi se indirekt i ka njoftuar për aksionin e ndërmarrë në vend. Sa i përket hapit të radhës, Berisha premtoi se do të rikthehej në selinë blu, nesër ose në çfarëdo dite tjetër.
Po çfarë ndodhi sot me PD? Në Kuvendin e sotëm të 18 dhjetorit të thirrur nga Lulzim Basha, Sali Berisha u përjashtua nga të gjitha institucionet drejtuese të partisë që ai vetë themeloi, pas miratimit të rezolutës për të pastruar PD nga “non grata-t”. Ndërsa Berisha nga ana tjetër, organizoi një referendum, ku pretendohet se janë hedhur mbi 43 mijë vota pro shkarkimit të numrit një të Partisë Demokratike. Pra, sot të dy palët kanë përjashtuar dhe shkarkuar njëri-tjetrin, por askush nuk njeh asnjë prej vendimeve të “kampeve” kundërshtare. Ndërkohë që kryeministri Edi Rama që qëndron larg përplasjen duke e komentuar vetëm përciptazi, sot ndërhyri duke kërkuar që në debatin mes Bashës dhe Berishës të mos përfshihet Policia e Shtetit.
TIRANË– Pas mbledhjes së Kuvendit Kombëtar të Partisë Demokratike, kryedemokrati Lulzim Basha mblodhi Kryesinë e PD-së për të diskutuar lidhur me ven...
TIRANË – Referendumi i mbajtur sot në të gjithë degët e Partisë Demokratike në Shqipëri votuan thuajse në unanimitet shkarkimin e Lulzim Bashës nga p...
TIRANË– Dhjetori i këtij viti, 31 vite pas themelimit të saj, është e ndarë në 2 kampe! Themeluesi i saj dhe lideri historik i kësaj force politike, ...
TIRANË– Kryetari i Partisë Demokratike ka dhënë një mesazh të prerë drejtuar ish-kryeministrit Sali Berisha. Nga podiumi i Kuvendit Kombëtar të Parti...
AUSTRI – Emigranti shqiptar që vdiq ditën e enjte në Alkoven të Austrisë pasi ra nga 10 m lartësi është A.M. nga fshati Randobravë, komuna e Prizrenit. L...
TIRANË– Përfundon procesi i votimit për referendumin kundër kryedemokratit Lulzim Basha në disa qytete të vendit, duke nisur kështu numërimi i fletëv...
TIRANË– Tre persona kanë ndërruar jetë nga Covid-19 në 24 orët e fundit. Në bilancin e 24 orëve, Ministria e Shëndetësisë bën me dije se një qytetar ...