pamjet
TIRANË- Protesta qytetare kundër qeverisë Rama ka nisur. Pas organizimit në sheshin Skënderbej, protestuesit kanë nisur marshimin drejt Kryeministrisë me thirrjet "Nuk shitet Shqipëria", "Qeveria në burg", Shqipëria kërkon revolucion" dhe "Edi Rama dil në bulevard, Atdheu është i yni, jo biznes privat".
Qytetarët që mbajnë të pandryshuar kërkesën për dorëheqjen e kryeministrit Edi Rama. Protesta e 133-të vjen pas më shumë se katër muajsh qëndrese, ndërsa organizatorët deklarojnë se nuk do të tërhiqen deri në plotësimin e kërkesave të tyre.
Prej katër muajsh, protestat kundër qeverisë së Edi Ramës janë përqendruar te kërkesa për largimin e kryeministrit dhe krijimin e një qeverie tranzitore. Protestuesit kanë ngritur akuza për korrupsion dhe keqqeverisje, ndërsa në tubime janë kundërshtuar edhe nisma të qeverisë, veçanërisht reforma administrative dhe territoriale. Lëvizja është shoqëruar me marshime dhe tubime para institucioneve kryesore, ndërsa opozita ka bërë thirrje për mobilizim më të gjerë qytetar.
Protestat synojnë të rrisin presionin politik ndaj qeverisë dhe të kundërshtojnë politikat dhe vendimmarrjen e mazhorancës. Protestat e nisura për shkak të projektit të Sazan-Karaburunit kanë sensibilizuar një lëvizje më të gjerë kombëtare dhe ndërkombëtare, ku qytetarët kanë gjetur mënyra të ndryshme për të protestuar, që nga thirrjet kundër qeverisë te banderolat dhe deri te protestat ballë për ballë Ramës apo socialistëve./Dosja.al