LIVE UPDATES
LIVE UPDATES

Dita e 23-të e protestës/ Shqiptarët e vendosur, vijon revolta qytetare: Rama, jepe dorëheqjen

• Dita e 23-të e protestës ka nisur me grumbullimin e qytetarëve në sheshin “Skënderbej”. Ata po përsërisin thirrjet e tyre për dorëheqjen e kryeministrit Rama. • Pas mbledhjes në shesh, pritet që turma t'i drejtohet bulevardit “Dëshmorët e Kombit”, ku do të mbahen edhe fjalime. • Aktivistja Luçiana Kola ka deklaruar se, qytetarët kanë vendosur të kalojnë 24 orë në shesh. • Në një prenoncim për mediat pak para nisjes së protestës, theksoi se, do ketë një deklaratë zyrtare më vonë para Kryeministrisë. • Protestuesit kanë bërë thirrje për një protestë masive ditën e nesërme, në orën 10:00, përpara godinës së Ministrisë së Ekonomisë dhe Financave. • Në ditën e 23-të të protestës qytetare në Shqipëri, organizatorët kanë artikuluar platformën zyrtare të kërkesave ndaj qeverisë. • • Ndërkohë, një qytetar i ka bërë thirrje SPAK që të nisë hetimin ndaj kryeministrit Rama dhe personave rreth tij. • Një protestues i ka bërë thirrje Ambasadës Amerikane të ndërhyjë për të parandaluar çdo incident nga tubimi. • Një vogëlush ka emocionuar turmën me thirrjen e tij për bashkim ndaj popullit shqiptar për të arritur qëllimet e tyre. • Një tjetër protestuese gjatë fjalës së saj para kryeministrisë kritikoi ashpër vendosjen e gjobave maksimale ndaj automjeteve të emigrantëve, duke e cilësuar këtë si një hakmarrje të pastër politike të qeverisë. • Një tjetër qytetar është shprehur gjatë protestës së 23-të masive në Tiranë, duke theksuar se pakënaqësitë ndaj kryeministrit Edi Rama ishin paralajmëruar kohë më parë. • Duke folur në emër të banorëve të Rrjollit, ai i bëri thirrje kreut të qeverisë të heqë dorë nga vendimmarrja e njëanshme dhe të përballet me kërkesat e qytetarëve, duke kujtuar se pushteti u përket atyre. • Ka përfunduar pjesa fjalimeve para godinës së Kryeministrisë, duke shënuar përmbylljen e pjesës së parë të protestës së 23-të masive të organizuar nga qytetarët në kryeqytet. • Qytetarët, të cilët mbushën plot bulevardin “Dëshmorët e Kombit”, kanë vendosur të ndryshojnë strategjinë e tyre duke nisur një marshim në masë përgjatë akseve kryesore të Tiranës.

15 artikuj për këtë temë.

5 MUAJ ME PARE

"Si thoshin derrat e knaqun migjenianë...nuk ka lidhje Irani ë?/ Reagon Rama pas publikimi të pesë kërkesave: Kur protestës t’i bien puplat fallco të flamingove...

Dita e 23-të e protestës/ Shqiptarët e vendosur, vijon revolta
Edi Rama

TIRANË-  Kryeministri Edi Rama ka reaguar ashpër,pas publikimit të pesë kërkesave kryesore të protestuesve nga ana e Dritan Goxhaj.

Përmes një postimi në rrjetet sociale, kreu i qeverisë ka përdorur një gjuhë ironizuese ndaj figurave që mbështesin këtë lëvizje, duke u ndalur specifikisht te lidhjet e pretenduara me aktorë të jashtëm.

Rama shprehet se, kur kësaj proteste 't’i bien të tëra puplat fallco të flamingove', Partia Socialiste do të përmirësohet ndjeshëm.

"Si thoshin derrat e knaqun migjenianë të segmentit “intelektual” të protestës, nuk ka lidhje Irani ëëë….?¿ Mos harroni çfarë ju kam thënë qysh në fillim: Dy fitimtarë do dalin kur kësaj proteste t’i bien të tëra puplat fallco të flamingove, Partia Socialiste që do të bëhet më e fortë dhe qeverisja jonë që do të përmirësohet shumë ndjeshëm", shkruan Rama./Dosja.al

5 MUAJ ME PARE

Mijëra protestues nisin marshimin në rrugët e kryeqytetit: Rama jepe dorëheqjen

Dita e 23-të e protestës/ Shqiptarët e vendosur, vijon revolta
pamje nga protesta

TIRANË- Qytetarët, të cilët mbushën plot bulevardin “Dëshmorët e Kombit”, kanë vendosur të ndryshojnë strategjinë e tyre duke nisur një marshim në masë përgjatë akseve kryesore të Tiranës.

Pas një tubimi të gjatë përpara Kryeministrisë, ku u mbajtën fjalime nga aktivistë të ndryshëm, protesta e sotme në kryeqytet ka marrë një rrjedhë të re.

Me thirrje ,"Rama në burg, Berisha në burg" dhe "Rama, jepe dorëheqjen", protestuesit po vijojnë revoltën e tyre./Dosja.al

5 MUAJ ME PARE

Protesta e 23 për largimin e Ramës/ Reagojnë për herë të parë deputetet socialiste Lindita Nikolla dhe Evis Kushi

Dita e 23-të e protestës/ Shqiptarët e vendosur, vijon revolta
Lindita Nikolla dhe Evis Kushi

TIRANË- Dy deputetet e Partisë Socialiste, Lindita Nikolla dhe Evis Kushi kanë reaguar vetëm pak orë pasi mijëra protestues nga Shqipëria dhe diaspora u mblodhën përpara Kryeministrisë, duke kërkuar largimin e Edi Ramës. Dy deputetet kanë zgjedhur të reagojnë pothuajse në të njëjtën kohë, ndërsa qytetarët po shprehin pakënaqësitë e tyre për të 23 ditë rradhazi. 

Me anë të një postimi në rrjetet sociale, Nikolla shkruan se në demokraci, protesta është një e drejtë kushtetuese, por ajo nuk mund të shndërrohet në justifikim për fyerje, bullizim, linçim publik apo sulme ndaj kujtdo që mendon ndryshe. Ajo shprehet se në momentin që argumenti zëvendësohet nga urrejtja, humbet debati dhe dobësohet vetë shoqëria.

LINDITA NIKOLLA: 

Po ndjek me shqetësim rritjen e gjuhës së urrejtjes në media dhe rrjetet sociale. Në demokraci, protesta është një e drejtë kushtetuese, por ajo nuk mund të shndërrohet në justifikim për fyerje, bullizim, linçim publik apo sulme ndaj kujtdo që mendon ndryshe. Kritika është e domosdoshme dhe kundërshtimi është legjitim. Por kur argumenti zëvendësohet nga urrejtja, humbet debati dhe dobësohet vetë shoqëria. Demokracia nuk matet vetëm nga liria për të folur, por edhe nga mënyra se si zgjedhim ta përdorim atë liri. Le të tregojmë se mund të jemi në kundërshtim me njëri-tjetrin pa humbur respektin, qytetarinë dhe dinjitetin e fjalës.

Ndërsa, Kushi ka shkruar se gjatë kësaj periudhe po shesh shumë gjuhë urrejtje në media e rrjete sociale, ndaj personave publikë me njëri-tjetrin, deputetëve, kundërshtarëve politikë dhe kujtdo që mendon ndryshe protestës. Ajo shprehet se kritika është e domosdoshme, kundërshtimi mund të jetë legjitim, por dehumanizimi i kundërshtarit nuk është as demokraci dhe as patriotizëm.

EVIS KUSHI:

Gjatë kësaj periudhe po shoh me shumë shqetësim çdo ditë e më shumë gjuhë urrejtje në media e rrjete sociale, ndaj personave publikë me njëri-tjetrin, ndaj deputetëve, kundërshtarëve politikë dhe në përgjithësi kujtdo që mendon ndryshe.
Askush nuk e vë në diskutim që protesta është një e drejtë kushtetuese dhe një instrument i rëndësishëm i demokracisë. Dhe duhet ta pranojmë që më në fund ia kemi arritur ditës që këtë të drejtë askush nuk ka frikë ta ushtrojë. Por është po aq e rëndësishme të kuptojmë që protesta nuk mund të shndërrohet në një alibi që justifikon të gjitha fyerjet, mallkimet, linçimet publike, bullizimet dhe gjuhën e urrejtjes ndaj kujtdo që nuk bie dakord me protestuesit, që gjykon ndryshe dhe vepron ndryshe. Kur debati politik zëvendësohet nga urrejtja, atëherë jo vetëm që humbet demokracia, por dobësohet edhe vetë shoqëria.

Sot kemi nevojë për më shumë përgjegjësi nga çdo individ, që nga politikanët, përfaqësuesit e medias, aktivistët e deri tek qytetari i thjeshtë që komenton nëpër rrjete sociale pa hezituar, herë me duartrokitje e herë me mallkime. Kritika është e domosdoshme, kundërshtimi mund të jetë legjitim, por dehumanizimi i kundërshtarit nuk është as demokraci dhe as patriotizëm. Nuk duhet të pranojmë që klima politike të helmohet deri në pikën ku fyerja konsiderohet argument dhe urrejtja paraqitet si kurajo. Shqipëria meriton një kulturë politike dhe shoqërore më të qytetëruar, ku njerëzit gjykohen për veprat dhe qëndrimet e tyre, por jo të sulmohen për t’u poshtëruar.

Kushdo që e ndjen të nevojshme le të protestojë, le të kërkojë edhe llogari nga pushteti. Por këtë duhet ta bëjë duke ruajtur respektin për njëri-tjetrin, duke ruajtur normat elementare të komunikimit njerëzor. Sepse demokracia nuk matet vetëm nga liria për të folur, por edhe nga mënyra se si zgjedhim ta përdorim atë liri. Shqipërisë i duhet më shumë argument dhe dialog, por shumë më pak urrejtje, sharje dhe përçarje. Le të tregojmë se mund të jemi qytetarë të përgjegjshëm edhe kur jemi në kundërshtim me njëri-tjetrin. Sepse respekti për mendimin ndryshe është shenjë force, jo dobësie. Dhe demokracia mbrohet dhe forcohet çdo ditë jo vetëm duke ngritur zërin, por mbi të gjitha duke ruajtur dinjitetin e fjalës./Dosja.al

5 MUAJ ME PARE

Protesta e 23-të/ Mbyllen fjalimet para Kryeministrisë, nis marshimi i qytetarëve

Dita e 23-të e protestës/ Shqiptarët e vendosur, vijon revolta
protesta e 23

TIRANË– Ka përfunduar pjesa fjalimeve para godinës së Kryeministrisë, duke shënuar përmbylljen e pjesës së parë të protestës së 23-të masive të organizuar nga qytetarët në kryeqytet.

Pas disa fjalimeve, turma e njerëzve ka nisur marshimin e planifikuar nëpër rrugët kryesore të Tiranës. Marshimi pritet të përshkojë disa nga akset kryesore të qytetit, ndërsa vëmendja mbetet përqendruar te mesazhet që po përcillen nga pjesëmarrësit gjatë kësaj proteste të gjatë./Dosja.al

 

5 MUAJ ME PARE

"E kemi paralajmëruar Ramën që para katër muajsh"/ Protestuesi nga Rrjolli thirrje Ramës: Hajde sqarohu, mos bëj më kokën tënde

Dita e 23-të e protestës/ Shqiptarët e vendosur, vijon revolta
Pamje nga protesta

TIRANË- Një tjetër qytetar është shprehur gjatë protestës së 23-të masive në Tiranë, duke theksuar se pakënaqësitë ndaj kryeministrit Edi Rama ishin paralajmëruar kohë më parë.

Duke folur në emër të banorëve të Rrjollit, ai i bëri thirrje kreut të qeverisë të heqë dorë nga vendimmarrja e njëanshme dhe të përballet me kërkesat e qytetarëve, duke kujtuar se pushteti u përket atyre.

Qytetari nuk kurseu as kritikat e ashpra ndaj liderit të Partisë Demokratike, Sali Berisha, të cilin e cilësoi si “hajdut dhe kriminel”, duke e barazuar në këtë aspekt me kryeministrin Rama.

"E kemi paralajmëruar Ramën që para katër muajsh nga Rrjolli. Mos e ngacmo popullin, hajde sqarohu me popullin dhe mos bëj më kokën tënde. Ja ku po ia them prapë, do t’ia përsëris, se ai kujton se është vetëm ai zot, por zot është populli. Rroftë rinia dhe burg Rama burg Berisha, që janë kriminelët e kombit. Hajdutë dhe kriminelë, të pashpirt, iu erdhi dita të dyve.". u shpreh ai./Dosja.al

5 MUAJ ME PARE

“Rama na ke zhgënjyer, jep dorëheqjen”/ Protestuesja: Turp, të gjitha makinat e diasporës janë gjobitur...

Dita e 23-të e protestës/ Shqiptarët e vendosur, vijon revolta

TIRANË- Një protestuese gjatë fjalës së saj para kryeministrisë kritikoi ashpër vendosjen e gjobave maksimale ndaj automjeteve të emigrantëve, duke e cilësuar këtë si një hakmarrje të pastër politike të qeverisë. Ajo theksoi më tej se shqiptarët e ardhur nga jashtë vendit po bllokohen dhe po detyrohen të paguajnë shuma të mëdha përpara se të lejohen të kthehen në vendet e tyre të punës.

“Si e priti diasporën Rama këtu? Të gjitha makinat e diasporës janë gjobitur me gjobat maksimale! Mbi 125 mijë lekë ose 450 mijë lekë! Është e papranueshme që bijtë tanë të gjobiten me gjoba maksimale! Turp! Rama jepe dorëheqjen! Rama na ke zhgënjyer! Emigrantëve u duhet të kthehen në punë dhe nuk i kanë lejuar të kalojnë kufirin pa paguar gjobat. Iu desh të kthehen prapë sepse nuk kishin ku të paguanin gjobat që të largoheshin sërish! Turp!”, përfundoi protestuesja, duke shkaktuar thirrje në kor kundër qeverisë nga mijëra qytetarët e pranishëm në shesh./Dosja.al

5 MUAJ ME PARE

"Nuk jemi këtu për të bërë parti politike"/ E reja në protestë: Kushtetuta e Shqipërisë e njeh referendumin, por këta kanë manipuluar ligjet

Dita e 23-të e protestës/ Shqiptarët e vendosur, vijon revolta
PROTESTA 23

TIRANË-  Protesta e qeverisë ka marrë një dimension të ri, ku theksi nuk është vetëm te largimi i tyre, por te ndryshimet rrënjësor i mënyrës se si vendoset për fatet e vendit.

Në fjalën e saj, protestuesja hodhi poshtë çdo veprim për të përçuar turmën përmes narrativave politike fetare apo krahinore. Ajo theksoi se kauza është gjithëpërfshirëse dhe shkon përtej bindjeve partiake.

“Kemi shprehur kërkesat tona, ku kërkojmë dorëheqjen e panegociueshme të kryeministrit Edi Rama. Nuk jemi këtu për të bërë parti politike. Jemi për të kërkuar një kontratë të re sociale të qytetarëve me shtetin, ku të mos jenë 140 deputetë që vendosin për fatet tona, të mos jenë ata deputetë me lista të mbyllura që vendosin për ne, por të kemi ne të drejtën për të vendosur për fatet tona. Do jenë edhe ekspertët që do japin mendimet e tyre për kërkesa juridikisht të sakta. Kushtetuta e Shqipërisë e njeh referendumin, por këta kanë manipuluar ligjet dhe këtë do e ndryshojmë ne nga ky shesh!

Çdo ditë që do jetë protesta, do jeni ju që e vendosni. Zëri juaj do dëgjohet deri në fund dhe nuk do jetë askush të negociojë në kurrizin tuaj. Kam edhe një thirrje për ata që mundohen të përçajnë protestën: Kjo protestë shkon përtej bindjeve politike e fetare apo ndasive krahinore. Jemi këtu për Shqipërinë! Ju bëj thirrje të gjithë atyre që kanë dëgjuar një deklaratë të keqinterpretuar, që nuk kemi asnjë ndarje fetare e krahinore. Jemi të gjithë së bashku këtu, përtej të gjitha fjalëve që mundohen të na ndajnë. Nuk jemi këtu për çështje ndërkombëtare, por për të pastruar shtëpinë tonë, Shqipërinë! Duhet të jemi çdo ditë e më shumë dhe më të bashkuar. Rama jep dorëheqjen!”, përfundoi ajo./Dosja.al

5 MUAJ ME PARE

"Shqipëria ime, revolucioni i paqes dhe drejtësisë"/ Vogëlushi emocionon turmën me thirrjen e tij: Bashkimi jonë e çon Shqipërinë në rrugën e vërtetë

Dita e 23-të e protestës/ Shqiptarët e vendosur, vijon revolta
pamje nga protesta

TIRANË- Një vogëlush ka emocionuar turmëm me thirrjen e tij për bashkim ndaj popullit shqiptar për të arritur qëllimet e tyre. Fjalimi i tij u prit me brohoritje dhe duartrokitje nga turma.

“Mirëmbrëma Shqipëria ime, revolucioni i paqes dhe drejtësisë, bashkimi jonë e çon Shqipërinë në rrugën e vërtetë. Zoti e bekoftë popullin shqiptar dhe Shqipërinë. Rama në burg, Berisha në burg!”, tha ai./Dosja.al

5 MUAJ ME PARE

"Jemi populli më pro-amerikan në botë"/ Protestuesi thirrje Ambasadës Amerikane: Z.Wendt parandalo çdo konflikt e incident! Ambasada duhet të ndërhyjë

Dita e 23-të e protestës/ Shqiptarët e vendosur, vijon revolta

pamej nga protesta

TIRANË- Një protestues i ka bërë thirrje Ambasadës Amerikane të ndërhyjë për të parandaluar çdo incident nga tubimi.

Ai u shpreh se, shqiptarët janë populli më pro-amerikan në botë. Ai gjithashtu i bëri thirrje edhe Parlamentit Europian duke u thënë të mbajnë një qëndrim në krah të popullit më evropian dhe jo një diktatori.

"I bëj thirrje, Shqipëria ka nevojë sot më shumë se kurrë për ju. Qeveria ka fut të gjithë mekanizmat për ta përcarë këtë protestë. Bashkohuni, sepse bashkë nuk na rrëzojnë dot. Edi Rama ka teneqe…Një thirrje për PE, jemi popull evropian dhe kjo protestë e ka treguar. Te gjithë eurodeputetëve mbani një qëndrim, pozicionohuni në krah të popullit më evropian dhe jo një diktatori.

Kam thirrje për ambasadorin e SHBA, Eric Wendt ,ai ka një kulturë ushtarake dhe e kupton. Kur një diktator e shtyp popullin e vet cila është që mund ta rrëzojmë atë diktator. Ne e dimë që është protesta. Të lutem zoti ambasador parandalo çdo konflikt e incident ambasada duhet të ndërhyjë, se Jemi populli më pro-amerikan në botë dhe ky popull ka nevojë për aleatët e saj”, tha ai./Dosja.al

5 MUAJ ME PARE

"Këtu nuk ka parti politike, jemi këtu për kombin"/ Qytetari thirrje SPAK: Hetoni kryeministrin dhe ata rreth tij

Dita e 23-të e protestës/ Shqiptarët e vendosur, vijon revolta
Protesta 23

TIRANË- Një qytetar i ka bërë thirrje SPAK që të nisë hetimin ndaj kryeminitrit Rama dhe personave rreth tij. 

Gjatë fjalës së tij në shesh, ai u shpreh se, kur qytetarët humbin besimin te institucionet është detyrë e çdo qytetari të kërkojë llogari.

Sipas tij, nëse duam që Shqipëria të hyjë në Europë duhet të shporrim këta që po na mbajnë peng të ardhmen.

“Këtu nuk ka parti politike, jemi këtu për kombin. Rroftë shqiptaria dhe Shqipëria.
Ka momente në historinë e një kombi kur indiferenca është arma e atyre që e duan kombin të dorëzuar por ky nuk është ai moment sepse të gjithë shqiptarët janë bashkë kundër sistemit të korruptuar.

Kur qytetarët humbin besimin te institucionet është detyrë e çdo qytetari të kërkojë llogari. Ju lutem SPAK bëni detyrën tuaj dhe hetoni kryeministrin dhe ata rreth tij. Nëse duam që Shqipëria të hyjë në Europë duhet të shporrim këta që po na mbajnë peng të ardhmen. Rama ti je askushi nuk je kryeministër, mos na acaro jep dorëheqjen! “, tha ai./Dosja.al

5 MUAJ ME PARE

Dita e 23-të e protestës/ Ish-ushtari i UÇK-së bën publike 5 kërkesat kryesore ndaj qeverisë

Dita e 23-të e protestës/ Shqiptarët e vendosur, vijon revolta
Dritan Goj

TIRANË-  Në ditën e 23-të të protestës qytetare në Shqipëri, organizatorët kanë artikuluar platformën zyrtare të kërkesave ndaj qeverisë.

Mësohet se, ish-luftëtari i UÇK-së, Dritan Goj, në emër të grupeve të koordinuara, ka bërë publike një listë të detajuar, e cila pason 22 ditë me disa konsultime.

Goxhaj theksoi se këto vazhdojnë të kenë vullnetin e tyre dhe janë të panegociueshëm, duke nënvizuar karakterin e paqësor dhe demokratik të lëvizjes.

5 kërkesat:

1. Dorëheqjen e panegociueshme të kryeministrit dhe qeverisë.

2. Krijimin e një qeverie teknike tranzitore, jopartiake, me mandat 12-mujor.

3. Ndryshime kushtetuese, ku të gjithë shtetasit shqiptarë të jenë të barabartë para ligjit, si dhe miratimi i saj me referendum popullor, duke përfshirë ndër të tjera ndryshimin e Kodit Zgjedhor, ndryshimin e ligjit për financimin e partive politike dhe organizatave të ndryshme, kufizimin e ushtrimit të detyrës së kryeministrit në jo më shumë se dy mandate të plota ose të pjesshme gjatë gjithë jetës politike të një individi.

4. Paralelisht, ne nuk heqim dorë nga kërkesat fillestare: anulimi i ndryshimeve të bëra në ligjin e zonave të mbrojtura, anulimi i ndryshimeve të bëra në ligjin për trashëgiminë kulturore, shfuqizimi i Paktit të Maleve, si dhe shfuqizimi i statusit të kuadrit ligjor për investimet strategjike.

5. Një kontratë e re sociale mes qytetarëve dhe shtetit, e cila do të përpilohet pas konsultimit me intelektualë, ekspertë teknikë dhe qytetarë apartiakë të propozuar nga sheshi i protestës./Dosja.al

5 MUAJ ME PARE

Protesta e 23-të në kryeqytet/ Qytetarët paralajmërojnë përshkallëzim të protestave: Nesër tubim para Ministrisë së Ekonomisë

Dita e 23-të e protestës/ Shqiptarët e vendosur, vijon revolta
protesta e 23

TIRANË- Protestuesit kanë bërë thirrje për një protestë masive ditën e nesërme, në orën 10:00, përpara godinës së Ministrisë së Ekonomisë dhe Financave. Ky tubim vjen si një akt solidariteti i ndërmarrë nga sindikatat, në vijim të revoltës qytetare kundër politikave aktuale qeveritare.

Një protestues konfirmoi vendosmërinë e lëvizjes për të vazhduar qëndresën, duke e cilësuar këtë aksion si një domosdoshmëri përballë, siç u shprehën ata, presioneve të ushtruara ndaj pjesëmarrësve.

“Nesër, në orën 10:00, të gjitha sindikatat do të protestojnë përpara Ministrisë së Ekonomisë dhe Financave, në shenjë solidariteti. U bëj thirrje të gjithëve t’i bashkohen kësaj proteste. Nga minatorët e deri te rinia, duhet të protestojmë kundër këtij pushteti”, tha ai./Dosja.al

5 MUAJ ME PARE

VIDEO/ Nis marshimi nga sheshi "Skëndërbej" drejt Kryeministrisë, qytetarët: Rama, jepe dorëheqjen

Dita e 23-të e protestës/ Shqiptarët e vendosur, vijon revolta
pamej nga proteta

TIRANË- Ka nisur marshimi i protestuesve nga sheshi "Skëndërbej" drejt Kryeministrisë. Me pankarta të cilat mbajnë mesazhe të ndryshme, qytetarët kanë zgjedhur të shfaqin pakënaqësitë e tyre ndaj politikave në vend.

Më herët, aktivistja Luçiana Kola deklaroi se në podiumin folës më vonë do të ketë një deklaratë zyrtare mbi vijimësinë e protestës./Dosja.al

5 MUAJ ME PARE

Dita 23-të e protestës/ Aktivistja Luçiana Kola: Disa qytetarë kanë vendosur të kalojnë 24 orë në shesh

Dita e 23-të e protestës/ Shqiptarët e vendosur, vijon revolta
pamje nga protesta

TIRANË- Aktivistja Luçiana Kola ka deklaruar se, qytetarët kanë vendosur të kalojnë 24 orë në shesh. Në një prenoncim për mediat pak para nisjes së protestës, ajo u shpresh se, Rama ka humbur kontrollin dhe nis të merret me blogere, që një protestuese i publikon adresën e shtëpisë në profilin e vet. Ajo theksoi se, do ketë një deklaratë zyrtare më vonë para Kryeministrisë.

“Protesta ka rrjedh nga qytetarët. Disa qytetarë kanë vendosur të kalojnë 24 orë në shesh…Ne kemi qenë të qartë në kërkesat tona. Kjo është protestë për Shqipërinë. Rama ka humbur kontrollin dhe nis të merret me blogere, që një protestuese i publikon adresën e shtëpisë në profilin e vet…Nuk e konsideroj më fare mendimin e tij. Të gjithë qytetarët në shesh kërkojnë dorëheqjen e tij. Do ketë një deklaratë zyrtare më vone dhe do prezantoheni”, tha ajo./Dosja.al

5 MUAJ ME PARE

Dita e 23-të e protestës/ Nis grumbullimi në sheshin “Skëndërbej”, qytetarët kërkojnë dorëheqjen e kryeministrit

Dita e 23-të e protestës/ Shqiptarët e vendosur, vijon revolta

TIRANË-  Dita e 23-të e protestës ka nisur me grumbullimin e qytetarëve në sheshin “Skënderbej”. Ata po përsërisin thirrjet e tyre për dorëheqjen e kryeministrit Rama.

Pas mbledhjes në shesh, pritet që turma t'i drejtohet bulevardit “Dëshmorët e Kombit”, ku do të mbahen edhe fjalime./Dosja.al

protesta 23

Sondazh

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin