Veliaj refuzon të operohet në Fier, kërkon ndërhyrjen në Tiranë: I jam drejtuar GJKKO-së, nuk ja besoj jetën Kryeministrit
Drejtori i burgut të Fierit kundër Veliajt: Do të bëjë zhurmë, refuzon ndërhyrjen! 22 Nëntor, 16:24 Nd&e...
Drejtori i burgut të Fierit kundër Veliajt: Do të bëjë zhurmë, refuzon ndërhyrjen! 22 Nëntor, 16:24 Nd&e...
Rama “rikthehet” në vitin 1908 me AI, shfaqet krah rilindasve në fotografinë historike të Kongresit të Manastirit 2...
Plagosja me thikë në Korçë/ 30-vjeçari jep dëshminë para policisë: Më sulmuan disa persona të panj...
“Më goditën në kokë dhe më shanin”/ 16-vjeçari tregon dhunën në polici: Më gjobitën 5 mi...
• Një ngjarje e rëndë ka tronditur Shkodrën në orët e para të mëngjesit, ku si pasojë e një konflikti për motive të dobëta, 25-vjeçari Andri Vulaj ka plagosur me armë zjarri Qamil Lulin 63 vjeç dhe Ylber Lulin 24 vjeç, babë e bir. • Si pasojë e plagëve të marra, 24-vjeçari ka ndërruar jetë në spital. • Ndërkohë, i plagosur me thikë ka mbetur edhe vetë autori, Andri Vulaj, ndërsa është vënë në pranga nga policia. • Gjithashtu, në cilësinë e provës materiale u gjet dhe sekuestrua një pistoletë, e cila dyshohet se është përdorur gjatë konfliktit. • Sakaq, grupi hetimor vijon veprimet për sqarimin e plotë të rrethanave të ngjarjes, përcaktimin e përgjegjësive dhe dokumentimin e plotë ligjor të saj.
4 artikuj për këtë temë.
SHKODËR- Detaje të reja vijojnë të dalin nga ngjarja e ndodhur në Shkodër, ku mbeti i vrarë 24-vjeçari Ylber Luli. Konflikti mes 25-vjeçarit Andri Vulaj dhe Ylber Lulit dyshohet se ka nisur në zonën e Gjuhadolit, pas një përplasjeje verbale që lidhej me një vështrim mes tyre.
Më pas Andri Vulaj ka shkuar pranë banesës së Ylber Lulit, ku është përfshirë në një konflikt fizik me 24-vjeçarin dhe babain e tij, 63-vjeçarin Qamil Luli. Gjatë përplasjes, sipas dëshmisë paraprake të dhënë nga Vulaj, ai është sulmuar me thikë nga babë e bir dhe ka nxjerrë armën e zjarrit, duke pretenduar se ka qëlluar në kushtet e vetëmbrojtjes.
Një plumb ka prekur në kraharor 24-vjeçarin Ylber Luli, i cili u transportua në spital, por nuk mundi tu mbijetojë plagëve të marra dhe ndërroi jetë. Ndërkohë, Andri Vulaj dhe Qamil Luli kanë mbetur të plagosur gjatë konfliktit dhe sipas të dhënave paraprake ndodhen jashtë rrezikut për jetën.
Policia e Shkodrës ka arrestuar 25-vjeçarin Andri Vulaj, ndërsa në vendngjarje është sekuestruar edhe arma e zjarrit që dyshohet se është përdorur. Gjithashtu grupi hetimor vijon punën për zbardhjen e plotë të dinamikës së ngjarjes dhe përcaktimin e përgjegjësive për konfliktin që përfundoi me vrasje./Dosja.al

SHKODËR- Detaje të reja janë zbardhur nga ngjarja e ndodhur në Shkodër, ku Ylber Luli mbeti i vrarë pas të shtënave me armë dhe i ati Qamil Luli mbeti i plagosur. Mësohet se fillimisht 24-vjeçari Ylber Luli dhe autori Andri Vulaj janë konfliktuar gjatë mbrëmjes në një lokal në zonën e Gjuhadolit dhe më pas autori ka shkuar në banesën e viktimës rreth orës 5:00 të mëngjesit me idenë për tu sqaruar.
Vulaj ka shkuar i armatosur në banesën e Lulit dhe në bisedë e sipër, viktima dhe autori janë përleshur me njëri-tjetrin fizikisht. Në përleshje është përfshirë edhe babai i viktimës Qamil Luli. Në konflikt e sipër, Vulaj ka nxjerrë armën, një pistoletë që kishte me vete dhe ka qëlluar në drejtim të 24 vjeçarit, i cili humbi jetën në spital.
Gjatë përleshjes, i plagosur me thikë ka mbetur edhe Andri Vulaj. Pas ngjarjes ka mbërritur edhe policia, të cilët bënë ndalimin e autorit si dhe sekuestruan armën me të cilën Vulaj qëlloi viktimën.
Viktima gjithashtu është parë duke qëndruar deri në orët e vona jashtë banesës brenda makinës së tij bashkë me një person tjetër, ndërsa rreth orës 2 pas mesnate është futur në banesë. Tre orë më pas, Andri Vulaj ka shkuar në shtëpinë e viktimës duke qëlluar ndaj Ylber Lulit pas përleshjes fizike dhe plagosjes me thikë mes tyre./Dosja.al
SHKODËR- Personi që shihni në foto është 24-vjeçari Ylber Luli, i cili mbeti i vrarë pas të shtënave me armë zjarri në Shkodër. Ngjarja ndodhi rreth orës 05:30, në lagjen “Kongresi i Përmetit”, ku Andri Vulaj, 25 vjeç, qëlloi me armë zjarri Qamil Lulin, 63 vjeç, dhe djalin e tij, Ylber Lulin, 24 vjeç. Luli ishte i angazhuar në sektorin e turizmit në Shkodër dhe ushtronte profesionin e udhërrëfyesit turistik.
I plagosur mbeti me thikë edhe Andri Vulaj. Të tre të plagosurit u transportuan në spital për ndihmë mjekësore, por Ylber Luli, 24 vjeç, nuk mundi tu mbijetojë plagëve dhe ndërroi jetë. Pas ngjarjes, shërbimet e Policisë ndërhynë në vendngjarje dhe bënë të mundur kapjen dhe shoqërimin e Andri Vulajt.
Gjithashtu, në cilësinë e provës materiale u gjet dhe sekuestrua një pistoletë, e cila dyshohet se është përdorur gjatë konfliktit. Sakaq, grupi hetimor po vijon punën për zbardhjen e plotë të rrethanave të ngjarjes, ndërsa pritet të përcaktohen përgjegjësitë e secilit prej personave të përfshirë./Dosja.al

SHKODËR- Një ngjarje e rëndë ka tronditur Shkodrën në orët e para të mëngjesit, ku si pasojë e një konflikti për motive të dobëta, 25-vjeçari Andri Vulaj ka plagosur me armë zjarri Qamil Lulin 63 vjeç dhe Ylber Lulin 24 vjeç, babë e bir.
Si pasojë e plagëve të marra, 24-vjeçari ka ndërruar jetë në spital. Ndërkohë, i plagosur me thikë ka mbetur edhe vetë autori, Andri Vulaj, ndërsa është vënë në pranga nga policia. Sakaq, grupi hetimor vijon veprimet për sqarimin e plotë të rrethanave të ngjarjes, përcaktimin e përgjegjësive dhe dokumentimin e plotë ligjor të saj.
Njoftimi i policisë:
Rreth orës 05:30, në lagjen “Kongresi i Përmetit”, Shkodër, dyshohet se, si pasojë e një konflikti për motive të dobëta, shtetasi A. V. ka plagosur me armë zjarri shtetasit Q. L., 63 vjeç, dhe Y. L., 24 vjeç (babë e bir), ndërsa këta të fundit dyshohet se kanë plagosur me mjet prerës (thikë) shtetasin A. V., 25 vjeç.
Si pasojë e plagëve të marra, shtetasi Y. L., 24 vjeç, ka ndërruar jetë në spital.
Shërbimet e Policisë kanë shkuar në vendngjarje, ku kanë bërë të mundur kapjen dhe shoqërimin e shtetasit A. V., si dhe gjetjen dhe sekuestrimin e armës së zjarrit, pistoletë, që dyshohet se është përdorur në ngjarje.
Grupi hetimor vijon veprimet për sqarimin e plotë të rrethanave të ngjarjes, përcaktimin e përgjegjësive dhe dokumentimin e plotë ligjor të saj./Dosja.al