Veliaj refuzon të operohet në Fier, kërkon ndërhyrjen në Tiranë: I jam drejtuar GJKKO-së, nuk ja besoj jetën Kryeministrit
Drejtori i burgut të Fierit kundër Veliajt: Do të bëjë zhurmë, refuzon ndërhyrjen! 22 Nëntor, 16:24 Nd&e...
Drejtori i burgut të Fierit kundër Veliajt: Do të bëjë zhurmë, refuzon ndërhyrjen! 22 Nëntor, 16:24 Nd&e...
Rama “rikthehet” në vitin 1908 me AI, shfaqet krah rilindasve në fotografinë historike të Kongresit të Manastirit 2...
Plagosja me thikë në Korçë/ 30-vjeçari jep dëshminë para policisë: Më sulmuan disa persona të panj...
“Më goditën në kokë dhe më shanin”/ 16-vjeçari tregon dhunën në polici: Më gjobitën 5 mi...
• Qytetarët u mblodhën sot në ditën e 88-të të revoltës së tyre. • Ata u organizuan fillimisht në sheshin “Skënderbej” dhe më pas vijuan marshimin drejt Kryeministrisë, ku dhe zhvilluan fjalimet e tyre. •Në protestën e 88-të para kryeministrisë, një i ri u tregua mjaft i ashpër duke kërkuar lënien mënjanë të fasadave dhe rikthimin në realitet.• Ai deklaroi se vera kaloi, por për qeverinë i nxehti sapo ka filluar sepse shqiptarët nuk durojnë më përbuzje dhe propagandë. • Në përmbyllje të fjalës së tij, i riu theksoi se rezistenca në shesh do të vazhdojë deri në ndryshimin e kësaj situate. • Në protestën e sotme, pjesëmarrësit kanë shpalosur pankarta me mesazhe të forta kritike dhe ironizuese. • Fokusi kryesor i mesazheve në pankarta është vendosur mbi platformën e re "Pasqyra Albania", të prezantuar së fundmi në Pogradec nga kreu i qeverisë. • Protestuesit e kanë konsideruar atë si një përpjekje për të mbuluar skandalet e korrupsionit përmes fasadave digjitale. • “Ju me pasqyra e fasada digjitale, ne të ndryshëm por të bashkuar për dhimbje reale!”, shkruan një pankartë. • Është mbyllur protesta në ditën e saj të 88-të kundër qeverisë dhe kryeministrit Edi Rama, pas një tjetër mbrëmjeje të shoqëruar me fjalime mobilizuese, marshim në akset kryesore të kryeqytetit dhe thirrje të njëpasnjëshme për dorëheqjen e pushtetit. • Pasi përfunduan fjalimet e mbajtura para godinës së Kryeministrisë, protestuesit nisë marshimin e tyre përgjatë akseve kryesore të kryeqytetit, duke u ndalur përpara Drejtorisë Vendore të Policisë së Tiranës, ku ndodhet i shoqëruar biznesmeni Ergys Agasi pas arrestimit të tij të sotëm. • Atje, qytetarët kanë shpërthyer në kor me thirrje të drejtpërdrejta ndaj Agasit dhe drejtuesve të qeverisë, “O Ergys, o zagar, merre Ramën sa më parë!". • Në përfundim të tubimit përpara godinës qeveritare, protestuesit mbyllën aktivitetin me thirrjen e kthyer tashmë në refren: “Nesër më shumë!”.
6 artikuj për këtë temë.
TIRANË- Është mbyllur protesta në ditën e saj të 88-të kundër qeverisë dhe kryeministrit Edi Rama, pas një tjetër mbrëmjeje të shoqëruar me fjalime mobilizuese, marshim në akset kryesore të kryeqytetit dhe thirrje të njëpasnjëshme për dorëheqjen e pushtetit.
Pasi përfunduan fjalimet e mbajtura para godinës së Kryeministrisë, protestuesit nisë marshimin e tyre përgjatë akseve kryesore të kryeqytetit, duke u ndalur përpara Drejtorisë Vendore të Policisë së Tiranës, ku ndodhet i shoqëruar biznesmeni Ergys Agasi pas arrestimit të tij të sotëm.
Atje, qytetarët kanë shpërthyer në kor me thirrje të drejtpërdrejta ndaj Agasit dhe drejtuesve të qeverisë, “O Ergys, o zagar, merre Ramën sa më parë!". Në përfundim të tubimit përpara godinës qeveritare, protestuesit mbyllën aktivitetin me thirrjen e kthyer tashmë në refren: “Nesër më shumë!”./Dosja.al
TIRANË- Turma masive e protestuesve ka vijuar marshimin e saj përgjatë akseve kryesore të kryeqytetit, duke u ndalur përpara Drejtorisë Vendore të Policisë së Tiranës, ku ndodhet i shoqëruar biznesmeni Ergys Agasi pas arrestimit të tij të sotëm.
Me të mbërritur përpara godinës ku po mbahet i arrestuari, qytetarët kanë shpërthyer në kor me thirrje të drejtpërdrejta ndaj Agasit dhe drejtuesve të qeverisë.
“O Ergys, o zagar, merre Ramën sa më parë!”, kanë brohoritur qytetarët njëzëri në kor, duke kërkuar që pas tij të arrestohet edhe kreu i qeverisë./Dosja.al
TIRANË – Në protestën e 88-të qytetare para godinës së Kryeministrisë kundër qeverisë Rama, pjesëmarrësit kanë shpalosur pankarta me mesazhe të forta kritike dhe ironizuese.
Siç shihet edhe nga pankartat, fokusi kryesor i mesazheve është vendosur mbi platformën e re "Pasqyra Albania", të prezantuar së fundmi në Pogradec nga kreu i qeverisë. Protestuesit e kanë konsideruar atë si një përpjekje për të mbuluar skandalet e korrupsionit përmes fasadave digjitale.
“Ju me pasqyra e fasada digjitale, ne të ndryshëm por të bashkuar për dhimbje reale!”, shkruan një pankartë./Dosja.al




TIRANË- Pas përfundimit të fjalimeve përpara godinës së Kryeministrisë, një turmë masive protestuesish i është drejtuar Bulevardit “Dëshmorët e Kombit” për të nisur marshimin përgjatë akseve kryesore të kryeqytetit.
Me mijëra qytetarë të pajisur me simbole e flamuj kuqezi kanë mbuluar rrugët e Tiranës, duke bllokuar në mënyrë simbolike qarkullimin në nyjet kryesore të qytetit.
Gjatë gjithë lëvizjes, protesta e 88-të shoqërohej nga thirrje e kore të forta njëzëri kundër mazhorancës dhe kryeministrit, duke kërkuar dorëheqjen e panegociueshme të tij./Dosja.al
TIRANË- Në protestën e 88-të para kryeministrisë, një i ri u tregua mjaft i ashpër duke kërkuar lënien mënjanë të fasadave dhe rikthimin në realitet.
Ai deklaroi se vera kaloi, por për qeverinë i nxehti sapo ka filluar sepse shqiptarët nuk durojnë më përbuzje dhe propagandë. Në përmbyllje të fjalës së tij, i riu theksoi se rezistenca në shesh do të vazhdojë deri në ndryshimin e kësaj situate.
“Menduan se do ndaleshim, por nuk u ndalëm. Zëri jonë u bë më i fortë. Vera kaloi, por për këtë qeveri, i nxehti sapo ka filluar. Ajo që për ne ishte vapë, për ta po kthehet në një zjarr. U mblodhën në Pogradec për të reflektuar, por pamë vetëm teatër kukullash.
Janë mbyllur në një realitet paralel.
Këta sillen sikur e kanë situatën nën kontroll.Do qëndrojmë në këtë shesh, nuk durojmë më përbuzje. E shikojmë kur shikojnë në market, bëjnë blerje vetëm për sot se nesër nuk i dihet. Këtë realitet që shqiptarët nuk e përtypin më, nuk e rregulloni me propaganda. Rroftë Shqipëria, rrofin shqiptarët”, u shpreh ai./Dosja.al
TIRANË- Qytetarët kanë nisur grumbullimin në sheshin “Skënderbej” dhe më pas të vijojnë marshimin drejt Kryeministrisë, ku dhe do të zhvillojnë fjalimet e tyre.
Ata finalizojnë sot ditën e 88-të e protestës, ndërsa kanë bërë thirrje për dorëheqjen e kryeministrit Edi Rama.
Me pankarta në duar dhe flamuj kuqezi, protestuesit kanë bërë thirrje për ndryshim. Protesta ka bërë bashkë fëmijë, të moshuar, studentë, profesionistë, aktivistë dhe turistë./Dosja.al