LIVE UPDATES
LIVE UPDATES

Qeveria rekomandime në luftën kundër krimit/ Manja: Të respektohet prezumimi i pafajësisë. Dumani kundër: Kanë vështirësi në zbatim

• Një takim trepalësh mes Ministrisë së Drejtësisë, Prokurorisë së Përgjithshme dhe Prokurorisë së Posaçme është mbajtur ditën e sotme. • Në takim janë diskutuar rekomandimet e qeverisë në luftën kundër krimit në vend. Ministri i Drejtësisë e vuri theksin tek “respektimi i prezumimit të pafajësisë”, “respektimi i të drejtave procedurale të të pandehurve dhe viktimave”, dhe sidomos tek “shmangia e vonesave të pajustifikuara në hetime dhe përdorimin proporcional të masave të sigurimit”. • Ministri Ulsi Manja ka deklaruar se duhet të vihet në punë përdorimi i Inteligjencës Artificiale dhe analizës së të dhënave në hetimin e krimeve komplekse. • Një ndër rekomandimet që Manja lexoi ishte dhe forcimi i bashkëpunimit ndërkombëtar si dhe lufta ndaj krimit kibernetik. • Në përgjigje të Manjës, kreu i Prokurorisë së Posaçme Altin Dumani ka theksuar se këto rekomandime po gjejnë zbatim në SPAK, por nuk shoqerohen me të dhëna statistikore. • Dumani ka shtuar se disa rekomandime janë të mikëpritura por paraqesin vështirësi sesi do gjejnë zbatim konkret. 

5 artikuj për këtë temë.

1 VITE ME PARE

"Rekomandimet e qeverisë të diskutueshme!" Manja i përgjigjet Dumanit: Qëndrojmë krah drejtësisë, jo për ta drejtuar atë, por për ta fuqizuar

Qeveria rekomandime në luftën kundër krimit/ Manja: Të
Foto nga takimi

TIRANA- Ministri i Drejtësisë, Ulsi Manja ka zhvilluar sot një takim në ambientet e Prokurorisë së Përgjithshme. Manja ka reaguar përmes një statusi të tij në rrjetet sociale lidhur me takimin, duke dhënë dhe një përgjigje ndaj kryeprokurorit të SPAK Altin Dumanit i cili i ka quajtur të diskutueshme rekomandimet e ministrit për sistemin e drejtësisë. 

Sipas Manjas rekomandimet janë për të fuqizuar akoma më shumë pavarësinë e gjyqësorit. Ministri vë theksin te mbështetja e qeverisë ndaj një sistemi prokurorie të pavarur dhe profesional. Gjithashtu ai thotë se qeveria qëndron në krah të drejtësisë dhe jo për ta drejtuar sistemin e saj.

POSTIMI:

Sot në Prokurorinë e Përgjithshme, me mikpritës Prokurorin e Përgjithshëm z. Olsian Çela dhe në prani të Drejtuesit të SPAK z. Altin Dumani, prezantuam prioritetet e Këshillit të Ministrave për luftën kundër kriminalitetit për vitin 2025.

Në zemër të këtyre prioriteteve është mbështetja e fuqishme për një sistem prokurorie të pavarur, hetime të pavarura, pa ndikim dhe pa kompromis, në çdo nivel të prokurorisë. Qeveria shqiptare angazhohet për të garantuar kushte optimale që Prokuroria e Përgjithshme dhe SPAK të ushtrojnë detyrën e tyre në mënyrë të pavarur, profesionale dhe të vendosur.

Rekomandimet tona janë të qarta: më shumë efikasitet, më shumë transparencë, më shumë përgjegjshmëri dhe mbi të gjitha, më shumë besim nga qytetarët.

Ne qëndrojmë krah drejtësisë, jo për ta drejtuar atë, por për ta fuqizuar akoma më shumë pavarësinë e saj— që prokurorët të ndihen të lirë të bëjnë detyrën e tyre, dhe krimi të mos ndiejë më asnjë hapësirë për të vepruar.

1 VITE ME PARE

Rekomandimet e qeverisë për luftën kundër krimit/ Çela: Kemi 35% të mungesave në organikë, infrastruktura çështje urgjente

Qeveria rekomandime në luftën kundër krimit/ Manja: Të
Olsian Çela

TIRANË- Drejtuesi i Prokurorisë së Përgjithshme, Olsian Çela ka deklaruar se ndjekja e rekomandimeve të qeverisë për luftën kundër krimit është e vështirë për shkak të plotësimit të organikave. Gjatë fjalës së tij, Dumani ka theksuar se ngritja e seksioneve të posaçme dhe njësive të specializuara kërkon njerëz dhe ata janë në mungesë. Po ashtu Çela ka theksuar se një çështje tjetër që kërkon zgjidhje urgjente ka të bëj me infrastrukturën në prokurorinë Tiranë dhe me gjykatën e rrethit. 

"I rëndësishëm për ndjekjen e rekomandimeve do të jetë sidomos për Prokuroritë e Juridiksionit të Përgjithshëm plotësimi i organikave. Ngritja e seksioneve të posaçme dhe njësive të specializuara kërkon njerëz pasi ende ne kemi 35% të mungesave në organikë, le të themi kjo relativizon shumë mundësinë e ndjekjeve të rekomandimeve. E dyta që doja ta ngrija zoti ministër është një çështje që ka të bëjë me infrastrukturën, sidomos me prokurorinë Tiranë dhe me gjykatën e këtij rrethi, është çështje urgjente. Shpresoj në vijimin e përpjekjeve për një zgjidhje, pasi cilësia në ndjekjen e hetimeve lidhet edhe me sigurimin e kushteve të punës”, tha Çela.

1 VITE ME PARE

Strukturë e re për kontrollin e SPAK? Përplasje mes Manjës dhe Dumanit: Mbingarkesë burokratike, kontrollohemi nga KLP dhe ILD

Qeveria rekomandime në luftën kundër krimit/ Manja: Të
Ulsi Manja dhe Altin Dumani

TIRANË- Ministri i Drejtësisë Ulsi Manja ka bërë disa rekomandime ditën e sotme në lidhje me luftën kundër krimit. Gjatë një mbledhje në Prokurorinë e Posaçme, Manja ka theksuar se prokuroria duhet të forcojë kontrollin përtej procesit të vettingut. Ndërkohë që më tej ka deklaruar se nevojitet forcimi i mekanizmave të brendshme kontrollit. 

"Integriteti, transparenca dhe përgjegjshmëria. Prokuroria duhet të forcojë kontrollin përtej procesit të vettingut, duhet trajtuar seriozisht çdo ankesë dhe të rritet transparenca për qytetarët. Kërkohet miratimi i standardeve të qarta për etikën dhe profesionalizmin si dhe publikimi i praktikave të punës në përputhje me legjislacionin. Mbrojtja e të dhënave personale dhe respektimi i sekretit hetimor. Efiçensa dhe ngritja e kapaciteteve institucionale, nevojitet krijimi i strukturave të specializuara për çështje komplekse, investim në teknologji e burime njerëzore dhe zhvillim trajnimesh me Shkollën e Magjistraturës dhe partnerët ndërkombëtarë. Trajnime për antikorrupsion, krimin e organizuar dhe krimet kibernetike, duhet të jenë prioritet kombëtar. Për këtë shtyllë, një rol thelbësor do duhet të ketë edhe mbështetja e qeverisë në buxhet e burime njerëzore," tha Manja.

Kjo deklaratë e Manjës është pritur me kundërshtim nga ana e drejtuesit të SPAK, Altin Dumani, duke i quajtur këto mbingarkesa burokratike. Në fjalën e tij, Dumani ka theksuar se SPAK është subjekt i mbikëqyrjes nga KLP dhe ILD-ja. 

"Një rekomandim tjetër që shikoj, megjithëse në vlerësimin e institucionit tonë nuk ka të bëjë me prioritete dhe luftën kundër kriminalitetit, por është ajo që ju e thoni në rekomandimet tuaja “nevojë për respektim të mekanizmave ekzistues të kontrollit”. Rekomandohet forcim i mekanizmave të brendshme kontrollit. SPAK, tashmë subjekt i mbikëqyrjes nga KLP, ILD, krijimi i strukturave të reja vlerësimi dhe integriteti pa analizë të mekanizmave ekzistues rrezikon të sjellë një mbingarkesë burokratik," iu përgjigj Dumani.

1 VITE ME PARE

Rekomandimet e qeverisë për luftën kundër krimit/ Dumani: Janë të mikëpritura, por ka vështirësi në zbatim

Qeveria rekomandime në luftën kundër krimit/ Manja: Të
Altin Dumani

TIRANË- Kreu i Prokurorisë së Posaçme Altin Dumani ka komentuar rekomandimet e qeverisë në luftën kundër krimit. Në mbledhjen e bërë në Prokuriorinë e Përgjithshme, Dumani ka theksuar se këto rekomandime po gjejnë zbatim në SPAK, por nuk shoqerohen me të dhëna statistikore. Gjatë fjalës së tij, Dumani ka shtuar se disa rekomandime janë të mikëpritura por paraqesin vështirësi sesi do gjejnë zbatim konkret. 

"Pasi jemi njohur me rekomandimet nuk mund të rri pa thënë disa elementë, disa gjetje tonat. Rekomandimet nuk shoqërohen me të dhëna statistikore, analizë krahasuese apo tregues konkret që justifikon nevojën për ndërhyrje. Kjo mungesë i bën rekomandimet të duken subjektive dhe vështirë të matshme sidomos për SPAK që funksionon mbi bazën e efikasitetit, rezultateve dhe besueshmërisë publike.

Rekomandimet tek një pjesë e tyre përdorin terma të përgjithshëm si hetimet proaktive, forcimi i qasjes strategjike, por nuk ofrojnë asnjë përkufizim operacional. Kjo krijon pasiguri për zbatimin praktik dhe mund të çojë në interpretim të ndryshëm nga institucionet zbatuese.

Një rekomandim tjetër që shikoj, megjithëse në vlerësimin e institucionit tonë nuk ka të bëjë me prioritete dhe luftën kundër kriminalitetit, por është ajo që ju e thoni në rekomandimet tuaja “nevojë për respektim të mekanizmave ekzistues të kontrollit”. Rekomandohet forcim i mekanizmave të brendshme kontrollit. SPAK, tashmë subjekt i mbikëqyrjes nga KLP, ILD, krijimi i strukturave të reja vlerësimi dhe integriteti pa analizë të mekanizmave ekzistues rrezikon të sjellë një mbingarkesë burokratike.

Disa nga rekomandimet janë shumë të përgjithshme dhe nuk përcaktojnë objektiva të matshëm, institucione përgjegjëse apo burime konkrete duke rrezikuar të mbeten jo të zbatueshëm. E thashë për ti bërë parapri, sepse ne në fund të çdo viti raportojmë edhe përmbushjen e rekomandimeve të Këshillit të Ministrave.

Kështu që patjetër në tërësinë e tyre rekomandimet janë të mirëpritura dhe shprehim angazhimin maksimal si institucion që këto rekomandime të jenë në prioritetin e punës së institucionit, por nga ana tjetër disa prej tyre nga mënyra se si janë formuluar apo si janë konceptuar nga pikëpamja praktike paraqesin vështirësi për tu zbatuar. Dhe unë që tani konstatoj vështirësi se si do të raportoj për përmbushjen e këtyre rekomandimeve," tha Dumani.

1 VITE ME PARE

Ulsi Manja prezanton rekomandimet e qeverisë në luftën kundër krimit: Të respektohet prezumimi i pafajësisë, të përdoret Inteligjenca Artificiale

Qeveria rekomandime në luftën kundër krimit/ Manja: Të
Ulsi Manja

TIRANË- Ministri i Drejtësisë Ulsi Manja ka prezantuar ditën e sotme në Prokurorinë e Përgjithshme rekomandimet e qeverisë në luftën kundër krimit. Gjatë fjalës së tij, Manja theksoi se duhet që të shmangen vonesat e hetimit.

Ndërkohë që theksoi se duhet një bashkëpunim i ngushtë mes Ministrisë së Drejtësisë, Prokurorisë së Përgjithshme dhe Prokurorisë së Posaçme. Manja në fjalën e tij ka deklaruar se sugjerohet përdorimi i Inteligjencës Artificiale dhe analizës së të dhënave në hetimin e krimeve komplekse. Një ndër rekomandimet që Manja lexoi ishte dhe forcimi i bashkëpunimit ndërkombëtar si dhe lufta ndaj krimit kibernetik.

Rekomandimet e Manjës:

Kërkohet respektimi i të drejtave të njeriut, që duhet të jetë në qendër të punës së Prokurorisë. Kërkohet respektim i parimit të prezumimit të pafajësisë, respektimit të të drejtave proceduriale të të pandehurve dhe viktimave, shmangia e vonesave të pajustifikuara në hetime dhe përdorimi proporcional i masave të sigurimit. Institucionet e drejtësisë orientohen të promovojnë procedurat e posaçme, veçanërisht për të miturit dhe rastet kur vendimi mund të jepet me alternativa efektive ndaj burgimit.

Forcimi i luftës kundër kriminalitetit, kërkohet rritje e hetimeve të nisura dhe ndjekie penale për korrupsionin veçanërisht të niveleve të larta dhe hetime financiare për pasuri me origjinë kriminale. Të forcohet bashkëpunimi ndërkombëtar e po ashtu lufta ndaj krimit kibernetik.

Integriteti, transparenca dhe përgjegjshmëria. Prokuroria duhet të forcojë kontrollin përtej procesit të vettingut, duhet trajtuar seriozisht çdo ankesë dhe të rritet transparenca për qytetarët. Kërkohet miratimi i standardeve të qarta për etikën dhe profesionalizmin si dhe publikimi i praktikave të punës në përputhje me legjislacionin. Mbrojtja e të dhënave personale dhe respektimi i sekretit hetimor.

Efiçensa dhe ngritja e kapaciteteve institucionale, nevojitet krijimi i strukturave të specializuara për çështje komplekse, investim në teknologji e burime njerëzore dhe zhvillim trajnimesh me Shkollën e Magjistraturës dhe partnerët ndërkombëtarë. Trajnime për antikorrupsion, krimin e organizuar dhe krimet kibernetike, duhet të jenë prioritet kombëtar. Për këtë shtyllë, një rol thelbësor do duhet të ketë edhe mbështetja e qeverisë në buxhet e burime njerëzore.

Metodat bashkëkohore të hetimit, sugjerohet përdorimi i Inteligjencës Artificiale dhe analizës së të dhënave që janë thelbësore në hetimin e krimeve komplekse. Kërkohet intensifikim i metodave proaktive të hetimit, përfshirë përgjimet, ndjekjet financiare dhe mbikëqyrjen elektronike si dhe bashkëpunim më i ngushtë me Policinë e Shtetit dhe Policinë Gjyqësore.

Bashkëpunim me Ministrinë e Drejtësisë, që është e gatshme për shkëmbim statistikash dhe përmirësim të ndihmës juridike ndërkombëtare.

Bashkëpunimi ndërinstitucional duhet një strategji mes SPAK, Policisë dhe institucioneve të tjera publie, marrëveshje për shkëmbim të të dhënave, përcaktim i pikave të kontaktit.

Bashkëpunim me ndërkombëtarët, sidomos për ndjekjen penale të krimit të organizuar ndërkombëtar.

ulsi manja altin dumani

Sondazh

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin