Zjarri në Librazhd
LIBRAZHD- Një zjarr i përmasave të mëdha është regjistruar ditën e sotme në zonën midis fshatrave Xhyrë dhe Vehçan, në Njësinë administrative Hotolisht, në bashkinë Librazhd.
Sipas informacioneve paraprake, zjarri ka përfshirë një masiv pyjor me akacie dhe shkurre. Zjarri ka mbuluar një sipërfaqe të madhe të zonës, dhe është përhapur me shpejtësi i favorizuar nga bimësia e thatë. Situata shfaqet kritike, pasi banesat në afërsi të vatrës rrezikojnë të preken.
Në terren janë angazhuar forcat e shërbimit të MZSH-së nga Librazhdi, Elbasani, Gramshi, Cërriku dhe dhjetëra mjete të zjarrfikëses. Lufta me flakët vijon nga forcat zjarrfikëse të cilat po punojnë për shuarjen e vatrës në mënyrë që të mos preken banesat e zonës./Dosja.al