"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Aktualitet
Asambleja e PS, Rama: Autokritikë në Kongres! President Basha? Nëse Berisha merr Oscar
6 April 2022, 05:47Nga DOSJA
TIRANË– 25 minuta ishte online, ndërsa për dy orë me radhë, mbledhja e Asamblesë së Partisë Socialiste vazhdoi me “dyer të mbyllura”. Mbledhja nisi në orën 17:00, u hap nga sekretari i Përgjithshëm i PS, Damian Gjiknuri, i cili prezantoi agjendën e diskutimeve të takimit të sotëm dhe të Kongresit të PS që do të mbahet këtë të shtunë më 9 prill, ndërsa në një dhomë me të ishin vetëm kryeministri Edi Rama dhe sekretari Organizativ, Bledi Klosi. Në fjalën e tij, Gjiknuri kërkoi vetëm diçka: inovacion!
Pas tij, kryetari i PS, Edi Rama, dha lajmin se nesër do të publikohen të dhënat e mbledhura nga Këshillimi Kombëtar, ndërsa bëri thirrje edhe për bashkim në këto kohë të vështira. Ndërsa pak më vonë kërkoi nga socialistët që në mbledhjen e Kongresit të tregonin shpirtin kritik dhe autokritik ndaj vetes. Megjithatë diskutimi i tij përfundoi shpejt, duke e mbyllur me faktin që në Kongres do të piketoheshin qëllimet e të ardhmes së socialistëve, përfshirë edhe ndryshimet nëpër struktura.
Pas përfundimit të mbledhjes në selinë rozë, kryeministri doli edhe para gazetarëve. I pyetur për Presidentin e ri, Rama tha se maxhoranca ka përgjegjësinë për të zgjedhur sipas tij një president ‘normal’, pasi kjo është hera e parë që i ka të gjitha votat e nevojshme. Ai shtoi se grupi i mandatuar nga PS po diskuton me opozitarët, të cilët nuk i konsideron më as si kundërshtarë politikë. Për Ramën kundërshtari më i madh i PS, është vetë PS-ja. Me ironi, ai ka komentuar me ironi lajmet se Lulzim Basha, ish-kryedemokrati do të garojë për postin e presidentit për të zëvendësuar Ilir Metën, gjë që sipas tij mund të ndodhë vetëm nëse ish-kryeministri Berisha merr çmimin ‘Oscar’.
Ç’pritet të ndodhë më 9 Prill?
Në Kongresin e 9 prillit, kreu i mazhorancës Edi Rama do të kërkojë ndërprerjen e mandatit 4-vjeçar të kryetarëve të degëve të PS-së, të cilët do të mbajnë këtë detyrë deri 15 qershor, afat në të cilin do të zhvillohen edhe zgjedhjet për strukturat drejtuese në degët e kësaj forcë politike në çdo bashki. Mandati iu ndërpritet 61 kryetarëve aktualë të degëve të partisë, ndërkohë që do t’i hapë rrugë zgjedhjeve të reja që do të mbahen në javët e para të majit. Kongresi ishte parashikuar të mbahej në fund të janarit, por u shty për shkak të zgjedhjeve lokale.
TIRANË– Këshilli i Ministrave ka miratuar sot rregulloren e Përgjithshme të Burgjeve. Në vendimin e botuar shihet se janë miratuar nenet për ligjin “...
ANGLI- Dy shqiptarë u arrestuan ditën e sotme në Angli. rotherhamadvertiser shkruan se ata u kapën në ‘shtëpi bari’ me një vlerë të mundshme prej qi...
TIRANË– Një makinë ka marrë flakë në lëvizje e sipër në afërsi të TEG-ut, megjithatë fatmirësisht askush nuk është lënduar. Policia e Shtetit ka bërë...
TIRANË– Enkelejd Alibeaj njihet vetëm nga ambasadorja amerikane në Shqipëri, Yuri Kim si kryetar i komanduar i Partisë Demokratike, në kundërshtim me...
TIRANË- Pavarësisht se prej disa javësh ka mbërritur gripi i shpendëve, Autoriteti Kombëtar i Ushqimit thekson se në tregje çdo produkt është i cert...
TIRANË- Zhurma e shkaktuar nga përhapja e variantit të ri të Omicron i quajtur “BA2” duket se do të shuhet shpejt. Epidemiologu Ilir Alimehmeti thotë se ky...