"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Aktualitet
“Përgjegjësia personale”/ Si e përgënjeshtron Rama i 21 janar 2011, Edin e 15 shkurtit
16 February 2022, 14:58Nga DOSJA
TIRANË- Kryeministri e zhvendosi në SHBA fushatën e shfajësimit për aferën e inceneratorëve. I gjendur në vështirësi nga jehona që ka marrë hetimi dhe nën presion nga interesimi i SHBA për luftën kundër korrupsionit, veçanërisht në rastin e inceneratorëve, kryeministri për herë të parë belbëzon pa fantazi të njëjtën fjali. E fundit ishte tek Zëri i Amerikës, kur pyetjes së gazetarit ai ju përgjigj: “Kam besuar gjithmonë dhe vazhdoj të besoj se përgjegjësia është personale”. Që kur u hap çështja Tahiri, deri sot kur po i bien një nga një ministrat dhe po i hapen petët lakrorit gjigand të korrupsionit, ka nxjerrë përgjegjësinë personale, si besim të tijin.
Mund të diskutohet shumë, pse i mbronte kur i akuzonin, pse bënte mbledhje asambleje në kulmin e skandalit, pse nuk u shqetësua asnjëherë Kryeministri kur denoncoheshin, por më shumë se këto flet Edi Rama i vitit 2011.
Në 11 janar u publikua në Fiks Fare video-skandali Meta-Prifti. Meta i thoshte Priftit që një biznesmen do të jepte 700 mijë euro nëse mbaronte punë në Ministrinë e Ekonomisë që drejtohej nga ish – ministri i ndjerë. Të nesërmen Edi Rama doli me një deklaratë të fortë, në të cilët deklaronte: Është një nga epirsodet e panumërta që ndodhin prej kohësh në catinë e qeverisë së krijuar me vota të vjedhura për të vjedhur Shqipërinë. Sot ndodhi dicka më e rëndë, sepse ai që duhej të largohej dhe ai që duhet ta largonte, njëri zëvendës dhe tjetri Kryeministër, i dhanë popullit provën tronditëse se pse janë bërë bashkë, pse rrinë bashkë dhe pse duan të vazhdojën të rrinë bashkë.
Dhe më pas thotë: Saliu dhe Meta duhet të largohen 1 orë e më parë.
Shiko minutën 1:20
Sipas Edi Ramës së 2011, përgjegjësia nuk ishte personale e Ilir Metës, madje as e përbashkët e Metës dhe Priftit, por e Kryeministrit dhe gjithë qeverisë dhe videoja ishte vetëm ilustrim i asaj që ndodh në këtë qeveri. Në 14 janar, Ilir Meta, zëvendëskryeministër dhe ministër Ekonomie në qeverinë Berisha, dha dorëheqjen për të marrë përgjegjësinë personale për video-skandalin dhe për ta çliruar qeverinë nga përgjegjësia. Por mesa duket Edi Rama nuk mendonte që përgjegësia është personale. Ai njoftoi një demonstratë në 21 janar dhe paralajmëroi se nuk e kontrollon dot zemërimin e popullit.
Kështu, kur qeveria u kap në flagrancë në 2011, Edi Rama e refuzoi përgjegjësinë personale dhe bëri një demonstratë që nuk mund të harrohet për 4 viktimat që u shkaktuan nga qeveria e kapur në panik. Sot, jo vetëm që insiston për përgjegjësi personale në një kabinet politik, por deklaron se këtë e ka besuar gjithmonë.
(Dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË-Gjykata e Tiranës ka pushuar padinë e bërë nga Kryedemokrati Lulzim Basha për aktivisten Evi Kokalarin. Padia u bë nga Basha për shkak të deklaratës...
KAVAJË – Policia e Kavajës arrestoi dy persona dhe procedoi një tjetër pasi në një lokal në Golem lejonin përdorimin e drogës dhe mbajtjen e lojërave...
TIRANË – Forcat policore të kryeqytetit kanë prangosur sot dy persona të shpallur në këkim për kryerjen e veprave plagosje e rëndë dhe kanosje. 34-vj...
LEZHË– Aksident te kryqëzimi i Rrilës në Lezhë. Dy mjete janë përplasur ditën e sotme me njëra-tjetrën në këtë aks rrugor, duke lënë pas dëme të shum...
TIRANË– Arlen Hasanaj, i riu i cili dyshohej si autor i vendosjes së sasisë së lëndës plasëse në banesën e Presidentit të Federatës së Futbollit Shqi...
KAKAVIJË-15 shqiptarë janë kthyer pas në kufi në Kakavijë pasi ishin pozitivë me Covid-10. Këta udhëtarë ishin të pajisur me testin PCR negativ, mirëpo në ...
BRITANI E MADHE – Katër persona janë arrestuar si pjesë e një grupi të trafikut klandesin të emigrantëve shqiptarë. Të ndaluarit janë dy gra të moshave 27...
DURRËS -Lideri historik i Partisë Demokratike Sali Berisha deklaroi ditën e sotme nga Durrësi se kandidatja e Ramës, Emirjana Sako duhet të ishte duke u pë...