LIVE UPDATES
Politike

ANALIZA e BIRN: Në kor proteste; surpriza elektorale e Arlind Qorit në Tiranë, qytetarët shpresëplotë: Hallall u qoftë, do e dyfishojnë herës tjetër!

Arlind Qori i Lëvizjes Bashkë është kandidati i fundit që iu bashkua garës për Tiranën dhe renditja në vendin e tretë konsiderohet një surprizë e zgjedhjeve njëngjyrëshe. Por aktivistët e lëvizjes së tij janë të motivuar për më shumë.

17 May 2023, 20:37 Nga k.m.
ANALIZA e BIRN: Në kor proteste; surpriza elektorale e Arlind Qorit në
Foto ilustruese

Pasditen e së mërkurës në shkollën ‘Vasil Shanto’ në Tiranë, numëruesit e Partisë Socialiste ofruan një shfaqje të fundit me votat e fundit që kishin mbetur për t’u numëruar, tre ditë pas mbajtjes së zgjedhjeve lokale. Votat i përkisnin të gjitha Partisë Socialiste dhe pas çdo leximi, salla mbushej me brohorima në triumf. Ndërsa përfaqësuesit e “Bashkë Fitojmë” apo të partive të tjera në garë thjesht ndiqnin të heshtur fotofinishin e një procesi të fituar në pjesën dërrmuese nga socialistët, një dyzinë aktivistësh të “Lëvizjes Bashkë” e prishën festën me kore proteste. Pas çdo thirrje “PS”, pati një kundërthirrje “hajdutë” që i vuri jo pak në siklet socialistët, edhe pse shumë më të shumtë në numër. Protesta e improvizuar në palestrën e shkollës “Vasil Shanto” ngjalli simpati te vëzhguesit e partive të tjera.

“Këtyne hallall u qoftë. Këta do e dyfishojnë herës tjetër,”- thotë një djalë jo më shumë se 25-vjeç, i cili nuk pranon të thotë se për cilën forcë politike është vëzhgues. Lëvizja Bashkë e drejtuar nga Arlind Qori – një pedagog i shkencave politike – është partia më e re që iu bashkua votimeve të 14 majit dhe gjithashtu konsiderohet një surprizë e këtyre zgjedhjeve pothuajse njëngjyrëshe. Në muajin e fundit përpara fushatës, aktivistët e Lëvizjes Bashkë iu desh të luftonin me burokracinë që rrezikoi t’i linte jashtë zgjedhjeve.

Qori mori 13,851 vota dhe u rendit i treti në garën për kryebashkiakun e Tiranës, ndërsa Lëvizja Bashkë fitoi një mandat në këshillin bashkiak, që i takon Mirela Rukos. Një tjetër mandat në këshillin bashkiak u mor nga Endrit Shabani i Nismës Thurrje – gjithashtu një parti e re.

“Edhe një muaj më shumë të kishim pas,”- thotë aktivistja Bora Mema, që vëzhgoi numërimin në njësinë nr.5 në Tiranë. Mema dhe të tjerët janë të kënaqur me rezultatin, por njëfarësoj të mërzitur që nuk ia dolën të merrnin vota të mjaftueshme për një këshilltar të dytë. Në kontrast me partitë e mëdha që organizuan fushata të kushtueshme, aktivistët e Lëvizjes Bashkë e shpërndanë mesazhin duke bredhur rrugëve të Tiranës me biçikleta dhe autobuzë.

“Shpenzimi më i madh i fushatës kanë qenë fletushkat,”- thotë Alfred Bushi, një tjetër aktivist që vëzhgon zgjedhjet pranë “Vasil Shantos”.

Pabarazia ishte e dukshme edhe gjatë numërimit të votave. Socialistët kishin mundësi të ndërronin numëruesit dhe vëzhguesit çdo gjashtë orë dhe të njëjtën gjë bënin edhe forcat e tjera. Për “Lëvizjen Bashkë”, që angazhoi rreth 100 vëzhgues në zgjedhje, kjo qe e pamundur. Një prej tyre, Klodi Leka, që vëzhgoi pranë shkollës “Hasan Tahsin”, i tha BIRN se ata duhej të qëndronin nonstop në karriget e drurit përballë ekraneve të kutive, rrethuar shpesh nga tufa me vëzhgues të forcave të tjera.

Në qendrat e numërimit që përfshinin periferinë e kryeqytetit dhe fshatrat, situata qe edhe më e vështirë. Aktivistja Loreta Koleci, që tha se ndoqi numërimin në Kashar, tregoi se ata shpesh u fyen nga vëzhgues të autorizuar dhe paautorizuar që qëndronin pas tyre. Në shkollën “1 Maji”, ky reporter vëzhgoi se si grupe të socialistëve, kryesish djem rreth të 30-ave, hynin dhe dilnin duke i pasuar njëri- tjetrit dokumentet identifikuese, pavarësisht nëse ishin apo jo të regjistruar si vëzhgues. Rezultati në këtë zonë ishte edhe më i thellë për socialistët dhe votat për forca si “Lëvizja Bashkë” ishin thuajse të padukshme. Në kutitë e “Zall Herrit”, ku vëzhguesit socialistë drejtoheshin prej Arben Malokut, themelues i njërës prej kompanive të denoncuara nga kryeministri dhe qeveria e tij për ndërtim të kateve shtesë në kryeqytet, socialistët morën 72,3 për qind të votës për kryetar dhe mbi 68 për qind të asaj për këshill. Lëvizja Bashkë mori vetëm 0.59% në këto kuti.

Për çdo votë

Votimet e së dielës i dhanë një mandat të tretë kryebashkiakut aktual të Tiranës, Erion Veliaj me 54.69% të votave, kundrejt 34.58% të votave që mori kandidati i koalicionit “Bashkë Fitojmë”, Belind Këlliçi. Kuota prej 4.77% të votave që mori Arlind Qori në Tiranë nuk ishte aspak ndikuese në rezultatin tërësor për Tiranën, por socialistët dukeshin të bezdisur në qendrat e numërimit të votave. Në një rast, kur sapo ishte hapur një kuti në njësinë 5, njëri prej vëzhguesve socialistë tha se në të ndodheshin 30 vota për “Lëvizjen Bashkë”. “Ka marrë 30 vota,” tha ai. Kur u mbyll numërimi, Qori kishte në kuti 31 të tilla. Në njësinë 8, një ish-bastion i së djathtës, gara mes Këlliçit dhe Veliajt ishte disi më e barabartë, por socialistët brohorisnin pas çdo kutie të votuar dhe reagonin duke fyer për votat e Qorit. Ky gazetar pa se si të paktën dy herë u tentua të shpalleshin të pavlefshme votat për të. Të paktën në një rast, një vëzhgues i koalicionit “Bashkë Fitojmë” e ktheu votën që socialistët ishin të gatshëm ta hidhnin në kosh.

Në njësinë 5 në “Vasil Shanto”, e cilësuar si bastion i socialistëve, bezdia e numëruesve ishte dhe më e dukshme. Në tavolinën e numërimit që ndodhej në krahun prej nga vëzhgonte ministrja e Financave, numëruesja shpalli të pavlefshme një votë për Qorin, që kishte në vend të një kryqi brenda kutisë, tre të tillë. ‘Vota është e identifikueshme,” tha numëruesja duke iu referuar faktit se shenja ishte specifike. Por në të njëjtën kuti, pak vota më tutje, ajo dhe numëruesit e tjerë në tavolinë i cilësuan të vlefshme votat për Veliaj dhe Këlliçin, pavarësisht se në kuti ishte firmosur apo ishin vizatuar lule. Të tilla vota u numëruan vazhdimisht të vlefshme për të dy partitë kryesore – edhe në rastet kur në fletë kishte shprehje ofenduese. Madje, numëruesit e PS-së në këtë njësi luftuan fort për një votë në të cilën mbi partinë ishte shkruar “m*t”. Pas një debati pesë minutësh, vota u konsiderua e pavlefshme.

Aktivistët megjithatë pranuan se përtej debateve të shkurtra nuk patën shqetësime. Në të shumtën e rasteve madje morën përgëzime prej palëve në proces. Suksese elektorale si ajo e Qorit ka pasur edhe më herët në Tiranë, por kandidatët jashtë dy kampeve të mëdha janë tërhequr shpejt nga politika. Përmes një konference për shtyp të mërkurën, Qori shprehu ambicien për ta zgjeruar Lëvizjen./BIRN

zgjedhjet lokale 14 maj 2023 arlind qori lëvizja bashkë

Sondazh

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin