"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Aktualitet
Protestat për rritjen e çmimeve, thirrja e Dom Gjergj Metës: Ju lutem lironi të arrestuarit
11 March 2022, 18:15Nga DOSJA
RRËSHEN- Ipeshkovi i Rrëshenit Dom Gjergj Meta u ka bërë thirrje autoriteteve që të lirojnë qytetarët e arrestuar në protestë. Me anë të një postimi në Facebook, Gjergj Meta shkruan se arrestimet janë një akt i pajustifikuar, pasi ata po protestojnë për të drejtat e tyre. Ai gjithashtu ka kërkuar që të merren masa në mënyrë që të dialogohet me popullin dhe njerëve tu ofrohen paketa ndihme.
Postimi i Plotë:
JU LUTEM LIRONI TË ARRESTUARIT! Arrestimet e mbrëmshme dhe të sotshme të disa personave, apo shpallja në kërkim e disa të tjerëve, në Rrëshen dhe Bulqizë, për shkak se kanë dalë të protestonin për shtrenjtimin e çmimit të naftës, është një akt policor ekstrem dhe i pajustifikuar. Nuk është vështirë të gjehen nene për të arrestuar dikë. Por kam bindjen, dhe nuk dua të gabohem, se Prokuroria dhe Gjykata do të zhvleftësojë masën e arrestit e do t’i lënë të lirë ata persona, që janë prindër e familjarë e nuk janë kriminela, as trafikantë droge, as zyrtarë të korruptuar, as përfitues të paligjshëm të pasurisë publike.
Dua të besoj se edhe njerëzit e ligjit brenda tyre e dinë se këta protestues kanë të drejtë. Edhe ata vetë janë prindër e familjarë, sidomos policët e thjeshtë, e këta çmime karburanti bien edhe mbi ata e familjet e tyre. Nëse nuk mund t’i bashkohen protestës së paku të jenë të kuptueshëm e nëse një urdhër, sado nga lart të vijë, kur është kundër ndërgjegjes së tyre, është moralisht e lejueshme të mos zbatohet. Unë u bëj thirrje me shumë përulësi dhe përgjegjësi organeve kompetente: ju lutem lërini të lirë protestuesit paqësorë, pasi ata janë në të drejtën e tyre. Lërini të kthehen në familjet e tyre, sepse ndryshe ato varfërohen më tej.
Ndërkohë të merren masa e të dialogohet me popullin, me njerëzit e t’u vihet në ndihmë atyre me paketa ndihme, pasi nuk është vetëm nafta problemi, por edhe shumë produkte të tjera që ndikojnë në cilësinë e jetës së njerëzve. Mirdita, Mati, Bulqiza e Dibra mbeten ende zona të varfëra e në nivelet e mbijetesë. Si ipeshkëv i Rrëshenit, që e njeh mirë situatën në këto zona, jap gatishmërinë e Dioqezës së Rrëshenit në këto momente të vështira për të gjithë, me çfarë të kemi mundësi, por me vullnet e përgjegjësi maksimale për të mirën e familjeve dhe fshatrave në nevojë. + dom Gjergj Meta Ipeshkëv i Rrëshenit.
BERAT– Protestues të shumtë nuk po shoqërohen më me furgona policie, por me mjetin luksoz “Range Rover” që u dhuruan nga Bashkimi Evropian për të bërë sho...
TIRANË– Qytetarët kanë ndezur zjarr tek kryeministria. Protesta ka përshkallëzuar në Tiranë. Pamjet e siguruara nga Dosja.al shihet edhe zjarri i nde...
ANTALIA– Kryeministri Edi Rama ishte sot i pranishëm në forumin diplomatik të Antalias, që i zhvillon punimet nga data 11 deri më 13 mars dhe do të marrin...
DURRËS- Pamjet e mëposhtme janë nga Porti i Durrësit, ku qytetarët kanë bllokuar portin e qytetit. Për shkak të rritjes së çmimeve, qytetarët janë m...
BERAT- Protesta në Berat ka agravuar në përplasje mes protestuesve dhe policië. Nga pamjet e mëposhtme shihet momenti që policia ka nisur të sulmojë qytetarët, ...
ELBASAN- 15 protestues të ndaluar nga ditët e fundit në vend janë transferuar në paraburgimin e Elbasanit. Mësohet se ky veprim ka ardhur për shkak të tejmbushj...
DURRËS– Fotoja që po shikoni vjen nga Durrësi dhe tregon një efektiv policie, pa uniformë. Edhe pse i veshur civil, efektivi është armatosur dhe ka d...
TIRANË- Një banor i 5 majit i është baskuar protestës së sotme për rritjen e çmimeve të shportës ushqimore si dhe të naftës. Ai është shprehur se lu...