"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Aktualitet
Rama për Financial Times: Vendet e Ballkanit s’duhet të heqin dorë nga ëndrra e BE
17 January 2022, 09:16Nga DOSJA
TIRANË – Kryeministri i Shqipërisë, Edi Rama, në një intervistë për gazetën prestigjioze “Financial Times”, ka lëshuar një thirrje për liderët e Ballkanit Perëndimor, që të mos pranojnë propozimet e fuqive të jashtme, ndërsa të qendrojnë besimplotë në ëndrrën e përbashkët drejt anëtarësimit në Bashkimin Evropian.
Në intervistën e tij, Rama tha se Shqipëria nuk do të heqë dorë kurrë nga Evropa dhe BE-ja, cilado qoftë forma e BE-së në të ardhmen, ndërsa shtoi se llogaritjet politike të anëtarëve të BE-së kanë luajtur gjithashtu një rol në vonesat e 18 viteve të fundit që kur blloku u zotua t’i lejonte të hynin pasi të kishin përmbushur kriteret.
“Shqiptarët kanë zhgënjimet e tyre me Brukselin, por kjo nuk e ndryshon bindjen se ne duhet të jemi atje. Ne i kemi konsumuar të gjitha historitë e dashurisë më parë dhe martesat. Ne po kërkojmë një martesë të re, jo për të vjetrat. Por sigurisht, kjo lloj martese është e vështirë”, tha në lidhje me këtë çështje Kryeministri Rama.
Sipas artikullit të publikuar nga prestigjiozja “Financial Times”, Rama në mandatin e tij të tretë, ka promovuar idenë e një tregu të përbashkët rajonal për të cilin ranë dakord të gjashtë vendet në nëntor 2020. Në përpjekje për të përshpejtuar procesin, Shqipëria, së bashku me Serbinë dhe Maqedoninë e Veriut, nënshkruan për të zbatuar disa nga dispozitat, por kundër dolën tri vendet tjera.
“Boshnjakët, sepse nuk mund të vendosin për asgjë, me sa duket, malazezët sepse janë ende në iluzionin se mund të hyjnë në BE vitin e ardhshëm, dhe çdo vit tjetër bëhet viti i ardhshëm, ndërsa Kosova për shkak të problemeve me Serbinë, të cilat mendoj se mund të trajtohen më mirë kur njerëzit të ulen dhe të bisedojnë”, deklaroi më tej Kryeministri Edi Rama në intervistën e tij për “Financial Times”.
TIRANË– Avioni i Presidentit turk Erdogan ka mbërritur në Aeroportin e Rinasit. Avioni është ulur rreth orës 09:12 në Rinas, ndërsa kryeministri Rama...
SERBI – Srdjan Nogo, një ish-funksionar i lëvizjes Dveri, ka votuar në referendumin e djeshëm, që u zhvillua në Serbi dhe pasi ka futur fletën, ka marrë n...
TIRANË– Dosja.al ju sjell titujt kryesorë të portaleve për ditën e sotme. Të gjitha portalet kanë në faqe të parë të portalit vizitën zyrtare që pres...
SHQIPËRI – Dita e sotme nis me kthjellime dhe vranësira të lehta në të gjithë territorin e vendit, ku sipas Meteoalb, në Luginat e lumenjve do ketë p...
TIRANË – Kategoria e të vetëpunësuarve, më e madhja në totalin e punësimit, shënoi në 3-mujorin e tretë 2021 nivelin më të ulët që nga njëjta periudh...
TIRANË – Kredia e re për biznesin vitin e kaluar ishte në nivele lehtësisht më të ulëta krahasuar me vitin 2020, të paktën deri në fund të nëntorit.S...
TIRANË – Shqiptarët e viteve 1950 jetonin mesatarisht vetëm 54.4 vite sipas të dhënave zyrtare të INSTAT, ndërsa që nga ajo kohë deri në vitin 2020, ...