"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Bota
SHBA: Aleatët e NATO-s janë të bashkuar para bisedimeve me Rusinë
11 January 2022, 21:08Nga DOSJA
SHBA – Një zyrtare amerikane tha se anëtarët e NATO-s “qëndrojnë të bashkuar” para bisedimeve me Rusinë mbi të ardhmen e sigurisë evropiane, teksa shqetësimet janë rritur mbi një pushtim të mundshëm rus të Ukrainës.
Të 30 anëtarët e Aleancës ushtarake perëndimore do të takohen me zyrtarët rusë më 12 janar në Bruksel, për të biseduar për kërkesat e Moskës lidhur me garancitë e sigurisë, por edhe për grumbullimin e trupave ruse pranë kufirit me Ukrainën. Rusia po kërkon që NATO të ndalë zgjerimin nga lindja dhe të tërheqë prapa përparimet e bëra që prej viteve 1990 në Evropën Qendrore dhe Lindore.
“Është bërë krejtësisht e qartë që asnjë aleat brenda aleancës së NATO-s gjatë bisedimeve nuk do të heqë dorë nga çdo gjë që lidhet me politikën e NATO” për pranimin e anëtarëve të rinj. NATO është e hapur dhe e përkushtuar për një dialog të mirëfilltë reciprok me Rusinë. Në të njëjtën kohë, ne qëndrojmë të bashkuar për të penguar kërcënimet kundër aleatëve të NATO-s dhe agresionit rus kundër partnerëve tanë në Evropë”, tha më 11 janar ambasadorja amerikane në NATO, Julianne Smith.
Rusia ka grumbulluar pothuajse 100,000 trupa pranë kufirit me Ukrainën dhe në Gadishullin e okupuar ukrainas të Krimesë. Këto lëvizje, sipas Shteteve të Bashkuara, mund të jenë përgatitje për pushtimin e Ukrainës. Zyrtarët dhe analistët perëndimorë thonë se grumbullimi i trupave ruse mund të jetë një përpjekje për t’i bërë presion SHBA-së dhe aleatëve evropianë që të bëjnë koncesione. Smith ripërsëriti thirrjen e SHBA-së për Rusinë që të shtensionojë situatën duke tërhequr trupat dhe duke u angazhuar në diplomaci.
NATO më 2008 ishte zotuar se do ta pranonte Ukrainën dhe Gjeorgjinë – dy shtete ish-sovjetike që janë në kufi me Rusinë – në Aleancë në të ardhmen. Rusia e ka cilësuar “vijë të kuqe” anëtarësimin e Ukrainës në NATO. Shumë analistë vlerësojnë se anëtarësimi i Kievit në NATO mund të ndodhë pas një dekade.
KOSOVË – Ish-kryeparlamentari Kadri Veseli është nisur me një aeroplan privat rreth orës 14 nga Aeroporti i Prishtinës për në Rotterdam pas përfundim...
SHBA- Një zyrtare amerikane tha se anëtarët e NATO-s “qëndrojnë të bashkuar” para bisedimeve me Rusinë mbi të ardhmen e sigurisë evropiane, teksa shqetësimet ja...
KOSOVË- Zëvendësministri i Mbrojtjes Shemsi Syla ka folur për planet e armatosjes së ushtrisë për vitin 2022. I ftuar në RTV Dukagjini Syla tha se janë duk...
SHBA- Presidenti Joe Biden do të përpiqet të mbledhë partinë e tij ditën e sotme, teksa shtytja e demokratëve për të miratuar dy projektligje për të drejtat e v...
KOSOVË- Prokuroria Themelore në Prishtinë ka ngritur një aktakuzë ndaj ish-ministrit për Punët e Jashtme, Skënder Hyseni, në të cilin akuzohet se nuk ka bë...
GREQI- Një valë tërmetesh po tronditin Greqinë fqinje ditet e fundit. Duke nisur nga tërmeti i mbrëmjes së 9 janarit, i cili tronditi Greqinë po ashtu edhe Shqi...