"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Aktualitet
73 heqje patente dhe 1012 gjoba, Policia rrugore kontroll në gjithë vendin
24 October 2021, 18:29Nga DOSJA
TIRANË – Policia rrugore ka kontrolluar akset rrugore Tiranë-Durrës dhe Tiranë-Elbasan me radarë, drone dhe makina inteligjente. Si pasojë vendosur një numër i madh gjobash në të gjithë vendin.
1012 gjoba janë vendosur në gjithë Shqipërinë nga Policia rrugore për tejkalim shpejtësie, parakalime të gabuara, përdorim celulari dhe mosvendosje rripi të sigurimit.
244 shoferëve janë pikasur nga makina inteligjente dhe radari pasi ecnin mbi shpetësinë e lejuar. Nga këta, 42 shoferëve u është hequr patenta, 87 personave u është vendosur gjobë pasi përdornin telefonin në timon kurse 36 prej tyre nuk kishin vendosur rripin e sigurimit.
Në aksin Tiranë-Elbasan policia ka arrestuar një 33-vjeçar me iniciale A. P, nga Tirana sepse ishte me shpejtësi shumë të madhë ndërkohë që rruga ishte me lagështirë. Kur Policia e ka ndaluar ka kuptuar se ishte i dehur. Gjitashtu janë hequr 31 patenta për tejkalim shpejtësie dhe 7 persona janë arrestuar pasi ishin të dehur dhe pa leje drejtimi.
Njoftimi i Policisë:
Vijojnë kontrollet intensive për rritjen e parametrave të sigurisë rrugore gjatë fundjavës, duke përdorur makinën inteligjente dhe radarët e natës. Kontrollet me radarë, dronë, kamera e makina të paloguara vijojnë dhe në akset nacionale e qendrat e banuara në të gjithë vendin. Njësia Operacionale e Drejtorisë së Policisë Rrugore, në bashkëpunim me Policinë Rrugore të Tiranës, vijon kontrollet me makinën inteligjente dhe me radarët e natës, duke evidentuar dhe ndëshkuar ata drejtues mjetesh që qarkullojnë me shpejtësi mbi normat e lejuara, pa vendosur rripin e sigurimit, që kryejnë parakalime të gabuara apo përdorin celularin gjatë drejtimit të mjetit.
Gjatë 24 orëve të fundit, në rrugët e kryeqytetit dhe në rrugët interurbane Tiranë-Durrës-Tiranë, Tiranë-Elbasan-Tiranë, nga makina inteligjente dhe radari “Patrol” janë konstatuar 244 shkelje për shpejtësi, nga të cilat 42 ishin me masë plotësuese pezullim të lejes së drejtimit, pasi qarkullonin me shpejtësi nga 40 deri në 80 km/h më shumë se tabela e lejuar, shpejtësi që në kushte dhe të lagështirës në rrugë janë rrezik potencial për përfshirje në ngjarje rrugore. Po nga verifikimi i kryer nga operatorët që plotësojnë masat administrative rezultoi se 87 prej drejtuesve të mjeteve, krahas shpejtësisë, kishin përdorur edhe celularin gjatë drejtimit të mjetit, ndërsa 36 të tjerë nuk kishin vendosur rripin e sigurimit.
Në Ibë, në rrugën interurbane Tiranë-Elbasan, është konstatuar nga radari, një automjet me shpejtësi 135 km/h, në kushte të lagështirës. Pas bërjes së testit të alkoolit, drejtuesi i mjetit, shtetasi A. P., 33 vjeç, banues në Tiranë rezultoi i dehur me masë alkooli 1.81 mg/l dhe u arrestua në flagrancë. Gjithashtu, në të gjithë vendin, gjatë 24 orëve të fundit janë pezulluar 31 leje drejtimi, për shpejtësi dhe për drejtim mjeti nën efektin e alkoolit, si dhe janë arrestuar në kushtet e flagrancës 7 drejtues mjetesh, nga të cilët 5 për drejtim mjeti në gjendje të dehur dhe 2 për drejtim mjeti pa leje drejtimi.
Po gjatë 24 orëve të fundit, në të gjithë vendin janë ndëshkuar me masë adminitratrive 1012 drejtues mjetesh për parakalime të gabuara, të konstatuara me dronë, shpetësi tej normave të lejuara që janë matur me radarë, nga Rruga e Kombit deri në Sarandë, për përdorim celulari, mosvendosje të rripit të sigurimit apo kaskës mbrojtëse etj.
Policia e Shtetit apelon për të gjithë përdoruesit e rrugës që të respektojnë me rigorozitet rregullat e qarkullimit rrugor dhe fton qytetarët që të denoncojnë në numrin 112 dhe në Komisariatin Dixhital, çdo shkelje të Kodit Rrugor, duke iu garantuar anonimat të plotë dhe reagim të shpejtë e profesional.
TIRANË– Banorët e rrugës “5 maji” kanë dalë në protestë pasi kundërshtojnë prishjen e banesave të tyre në këtë zonë, në kuadër të ndërtimit të banesa...
EGJIPT– Mediat egjiptiane kanë pasqyruar udhëtimin e kryeministrit Edi Rama dhe tamkimin e këtij të fundit me Presidentin egjiptian Abdel Fattah al-Sisi. ...
TIRANË– Kryetari i Partisë Demokratike Lulzim Basha ka bërë me dije se do të propozojë një paketë të plotë ndryshimesh kushtetuese. Në një postim në ...
TIRANË– Pamje që po shikoni tregojnë përplasjen me armë zjarri që tronditi pak javë më parë zonën e ish-Parkut të autobusëve në Tiranë si dhe mbetën ...
TIRANË– “Vendi ynë merr një “shuplakë të fortë” në lidhje me krimin e organizuar dhe përpjekjet e pakta për ta luftuar atë. Sipas Indeksit Global të ...