22 August 2026, 08:37
Nga E. D
foto ilustruese
ANGLI- Ministria e Brendshme britanike mund të pengohet të deportojë shumë djem të rinj, viktima të trafikimit, drejt Shqipërisë, pas një vendimi të fundit gjyqësor. Sipas The Guardian, mijëra djem shqiptarë janë identifikuar si viktima të mundshme të trafikimit në Mbretërinë e Bashkuar gjatë viteve të fundit. Shumë prej tyre dërgohen përsëri në vendin e tyre, pasi Ministria e Brendshme argumenton se ata do të jenë të sigurt në Shqipëri.
Vendimi pritet të jetë goditje e madhe për qeverinë, e cila po përpiqet të rrisë numrin e personave që dëbon nga vendi. Shqiptarët kryesojnë shifrat e personave të larguar me forcë nga Mbretëria e Bashkuar gjatë pesë viteve të fundit. Sipas shifrave të qeverisë britanike, 2,247 shqiptarë u deportuan në 12 muajt deri në fund të marsit, duke përbërë një të katërtën e kthimeve të detyruara.
Të rinjtë shqiptarë, viktimat kryesore të trafikimit
Më parë, shumica e viktimave shqiptare të trafikimit ishin gra që dërgoheshin në Mbretërinë e Bashkuar për të punuar në industrinë e seksit. Ndërsa, sot viktimat janë më shumë meshkuj të rinj, të cilët trafikohen për të punuar në tregtinë e drogës, si shpërndarës ose si “kopshtarë” në fermat e kanabisit. Në vitin 2022, 4,107 meshkuj shqiptarë iu referuan shërbimeve britanike për shkak të dyshimeve për trafikim, krahasuar me 502 gra. Në vitin 2023, shifra ishte 3,463 meshkuj dhe 588 femra.
Rrezik real nëse kthehen në Shqipëri
Gjithçka nisi nga një 21-vjeçar, viktimë e trafikimit nga Shqipëria, i cili u shfrytëzua për herë të parë nga një bandë shqiptare në Belgjikë, kur vizitoi vendin së bashku me babanë e tij në moshën 16-vjeçare. Ai iu shit një bande tjetër shqiptare, e cila e solli në Mbretërinë e Bashkuar dhe e detyroi të punonte në kultivimin e bimëve të kanabisit. Më vonë ai u arratis dhe u njoh si viktimë e trafikimit, por iu refuzua azili, pasi iu tha se do të ishte i sigurt nëse kthehej në Shqipëri.
Një trup gjykues prej tre gjyqtarësh të lartë në Tribunalin e Lartë të emigracionit pranoi kërkesën e tij për azil dhe konstatoi se, edhe pse kishin kaluar pesë vjet që nga koha kur ai ishte trafikuar për herë të parë, ai vazhdonte të ishte në rrezik real nga trafikantët e tij dhe nuk mund të kthehej në mënyrë të sigurt në Shqipëri.
Udhëzim i ri për Home Office
Gjyqtarët nxorën udhëzime të reja për Britaninë, të cilat qeveria duhet t’i marrë në konsideratë dhe Ministria e Brendshme duhet t’i zbatojë përpara se të vendosë nëse do t’i kthejë në Shqipëri djemtë që janë viktima të trafikimit. Vendimi konstatoi se, megjithëse Shqipëria ka bërë përparim në luftën kundër korrupsionit, ai vazhdon të jetë një problem i përhapur.
Gjykata gjithashtu vuri në dukje se nuk ka streha të posaçme për viktimat e trafikimit dhe se rreziku që të ritrafikohen pas kthimit në Shqipëri është i konsiderueshëm. Qendra Ligjore e Islingtonit e cila ka ekspertizë të veçantë në përfaqësimin e viktimave shqiptare të trafikimit, vuri në dukje një sërë praktikash shqetësuese që bandat përdorin ndaj viktimave të tyre.
Këto përfshijnë filmimin e qëllimshëm të abuzimit seksual, përfshirë përdhunimin e fëmijëve viktima të trafikimit, dhe kërcënimin për publikimin e pamjeve në rrjetet sociale. Atyre gjithashtu u shfaqin të rinjve video të njerëzve të tyre të dashur në Shqipëri, për tu bërë të ditur se e dinë se kush janë familjarët e tyre. Ndërsa bandat u shkaktojnë fëmijëve dhe të rinjve edhe dëmtime fizike, si thyerje të kockave. Burime nga Ministria e Brendshme thanë se po shqyrtojnë nëse do të kërkojnë leje për apelimin e vendimit./Dosja.al
angli amigrantet shqiptare
Aktualitet
22 August 2026, 07:55
E. D
foto ilustruese
CËRRIK- Një vatër zjarri ka përfshirë gjatë natës fshatin Gjyralë, pjesë e Bashkisë s&eum...
Aktualitet
22 August 2026, 07:27
E. D
pamje nga protesta
TIRANË- Këtë të shtunë mbahet protesta e 84-të kundër qeverisë Rama. Protesta e cila nisi s...
Aktualitet
22 August 2026, 07:24
E. D
TIRANË- Prej dy vitesh, Shqipëria po përpiqet ta përdorë tokën publike për të financuar zyra, stadiume dhe godina t&eu...
Aktualitet
22 August 2026, 07:20
E. D
Sipas të dhënave të Ministrisë së Bujqësisë, në vitin 2025 u prodhua sasia më e ulët e pijeve freskuese n&eu...
Aktualitet
22 August 2026, 07:19
E. D
Kursi i këmbimit Euro-Lek e ka mbyllur edhe këtë javë në rënie, duke shënuar një rekord të ri historik. Sipas kur...
Aktualitet
22 August 2026, 07:05
E. D
foto ilustruese
TIRANË- Sot vendi ynë do të ndikohet nga thuajse e njëjta situatë meteorologjike. Moti parashikohet me kthjellime ...
Aktualitet
21 August 2026, 23:00
E.d
Sokrat Vata
TIRANA- Dëshmia e dy shtesve turq të cilët fshehën Sokrat Vatën në bagazhin e automjetit të tyre, ësht&...
Aktualitet
21 August 2026, 22:50
D.S
TIRANË- Planet e Jared Kushner për ndërtimin e resorteve luksoze në Shqipëri janë vendosur në qendër të nj&e...
Aktualitet
21 August 2026, 22:32
E.d
Pamje nga protesta
DIVJAKA- Reforma e re territoriale e propozuar nga PS, e cila parashikon shkrirjen e disa bashkive është shoqëruar me pro...
Aktualitet
21 August 2026, 21:33
D.S
Sokrat Vata
SARANDË- Është zbardhur para trupit gjykues dëshmia e Sokrat Vatës, i akuzuar për vrasjen e 20-vjeçar...