16 August 2026, 07:24
Nga E.d
Foto ilustruse
Kalimi masiv i apartamenteve drejt qiradhënies ditore uli ofertën për banim afatgjatë dhe ushtroi presion të fortë mbi çmimet në Tiranë.
Në 6-mujorin e parë të vitit 2026, qiraja mesatare për apartamentet 1+1 arriti në 590 euro në muaj, ndërsa për banesat 2+1 në 954 euro, me rritje përkatësisht 4.4% dhe rreth 26% krahasuar me një vit më parë.
Në disa zona qendrore, rritja ishte shumë më e fortë, ndërsa edhe periferia po ofron gjithnjë e më pak alternativa të përballueshme.
Agjentët imobiliarë e lidhin shtrenjtimin me kombinimin e kërkesës së lartë, ofertës së kufizuar dhe orientimit të shumë pronave drejt Airbnb dhe platformave të ngjashme. Për 6-mujorin 2026, në të gjithë vendin numëroheshin rreth 27.7 mijë njësi të listuara për qira ditore, nga vetëm 3 mijë pak vite më parë.
Rreth 5.5 mijë prej tyre ishin në Tiranë. Kjo zhvendosje ka reduktuar stokun e disponueshëm për familjet, studentët dhe profesionistët që kërkojnë kontrata afatgjata.
Megjithatë, epërsia e qirasë ditore po zbehet. Në Tiranë, e ardhura mesatare nga Airbnb ishte rreth 25.5 euro në ditë në 6-mujorin e parë të vitit 2026, ose afërsisht 765 euro në muaj. Kjo shumë është përpara zbritjes së kostove të energjisë, ujit, pastrimit, mirëmbajtjes, komisioneve të platformave, amortizimit dhe tatimit.
Në praktikë, të ardhurat neto mund të bien ndjeshëm nën këtë nivel.
Në të njëjtën kohë, qiratë afatgjata kanë arritur në shumë zona nivele të afërta ose më të larta. Në Astir, një apartament 1+1 jepet mesatarisht me 550 euro në muaj, në Zogun e Zi me 620 euro, në ish-Bllok me 700 euro dhe pranë stadiumit “Air Albania”, me rreth 800 euro.
Për apartamentet 2+1, qiratë në zonat më të kërkuara arrijnë nga 900 deri në 1,500 euro në muaj.
Kjo po e ndryshon sërish llogarinë e pronarëve. Qiraja afatgjatë siguron të ardhura të qëndrueshme, pa periudha bosh dhe me më pak kosto administrimi. Ndërsa qiraja ditore kërkon angazhim të vazhdueshëm dhe ekspozohet ndaj sezonalitetit, konkurrencës dhe luhatjeve të rezervimeve.
Formalizimi po e përshpejton këtë ndarje. Individët që japin prona me qira përmes Airbnb dhe Booking duhet të deklarojnë të ardhurat në DIVA dhe të paguajnë tatim 15%.
Administrata Tatimore ka bërë të ditur se gjatë vitit 2024 u identifikuan mbi 8,400 individë dhe subjekte me të ardhura nga Airbnb, me rezervime në vlerë rreth 3.8 miliardë lekë.
Për pronarët me vetëm një ose dy apartamente, kostot dhe detyrimet e reja po e bëjnë qiranë afatgjatë më të thjeshtë dhe më të parashikueshme, ndërsa qiraja ditore po përqendrohet gjithnjë e më shumë tek operatorët profesionistë dhe agjencitë që menaxhojnë disa prona njëkohësisht./Monitor
banesa qera terren
Aktualitet
16 August 2026, 07:21
E.d
Foto ilustruse
TIRANA- Dita e diel do të sjellë kushte atmosferike relativisht të qëndrueshme në vend, por nuk do të mungojn&...
Aktualitet
16 August 2026, 07:10
E.d
Biznesi i djegur
VLORA- Një ngjarje e rëndë ka ndodhur në qytetin e Vlorës, ku një hotel është përfshirë ...
Aktualitet
15 August 2026, 23:04
E. D
TIRANË – Protesta e 77-të kundër qeverisë Rama është mbyllur mbrëmjen e sotme në Tiranë. Në fund ...
Aktualitet
15 August 2026, 22:52
E. D
TIRANË- Diaspora ka mbushur plot bulevardin “Dëshmorët e Kombit”, në ditën e 77-të të protestës kund&...
Aktualitet
15 August 2026, 22:42
E. D
DIVJAKË- Banorët e Bashkisë Divjakë kanë vijuar për të 16-tën ditë radhazi protestën kundër r...
Aktualitet
15 August 2026, 22:31
E. D
LUSHNJE- Familjet Xhepa dhe Hasko kanë hapur dyert e mortit pas humbjes tragjike të dy motrave, Florie Xhepa, 53 vjeçe, dhe Mirela Hasko...
Aktualitet
15 August 2026, 22:17
E. D
TIRANË- Pas përfundimit të fjalimeve para Kryeministrisë, protestuesit kanë lënë një mbishkrim gjigant në Bulevar...
Aktualitet
15 August 2026, 22:06
E. D
TIRANË- Me thirrjet “Arrestoni Ramën” dhe "Diaspora është me ne", qytetarët po vijojnë marshimin pranë...
Aktualitet
15 August 2026, 21:57
E. D
TIRANË- Qytetarët po vijojnë marshimin në rrugët e Tiranës me thirrjet "Poshtë komunistët" dhe Ju erdhi fundi". P...
Aktualitet
15 August 2026, 21:54
E. D
TIRANË- Pas përfundimit të fjalimeve para Kryeministrisë, qytetarët kanë vijuar marshimin rrugëve të kryeqytetit....