Nuk ndalet revolta/ Qytetarët mblidhen sërish para Kryeministrisë, tensione dhe përplasje me policinë
“Më goditën në kokë dhe më shanin”/ 16-vjeçari tregon dhunën në polici: Më gjobitën 5 mi...
“Më goditën në kokë dhe më shanin”/ 16-vjeçari tregon dhunën në polici: Më gjobitën 5 mi...
"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Lëvizje në Bashkinë e Tiranës/ Veliaj firmos shkarkimin e dy drejtuesve, në pikëpyetje edhe e ardhmja e drejtoresh&...
Ironia e studentëve protestues/ Improvizojnë manekinin me fotografinë e Ramës, tentojnë ti vënë flakën 21 ...
Në varrimin e Mlladiç nuk pritet të marrë pjesë presidenti i Serbisë, Aleksandar Vuçiç. Ai ka thënë më herët se nuk mund të jetë i pranishëm, pasi presidenti i Uzbekistanit, Shavkat Mirziyoyev, po qëndron për vizitë në Beograd.
SERBI- Ish-komandanti i Ushtrisë së Republikës Sërpska, Ratko Mlladiç, i dënuar nga Tribunali i Hagës për gjenocid dhe krime të tjera të luftës në Bosnje dhe Hercegovinë, do të varroset sot në Beograd, me nderime të paralajmëruara ushtarake dhe shtetërore. Arkivoli i Mlladiç, i cili vdiq më 27 gusht në Hagë, derisa vuante dënimin me burgim të përjetshëm, u ekspozua në Kishën e Shën Lukës.
Mediat serbe raportuan më herët se ceremoninë mortore do ta udhëheqë kreu i Kishës Ortodokse Serbe, Porfirije. Mijëra njerëz janë duke pritur në radhë para kishës për t’i bërë nderime, ndërsa disa prej tyre mbajnë bluza me portretin e kriminelit të dënuar të luftës dhe simbole të formacioneve ushtarake të kohës së luftës. Pranë arkivolit janë duke bërë rojë me radhë veteranë të ish-Ushtrisë së Republikës Sërpska, ndërsa në kishë ndodhen edhe familjarë të Mlladiç dhe ish-bashkëpunëtorë të tij të afërt.
View this post on Instagram
Në varrimin e Mlladiç nuk pritet të marrë pjesë presidenti i Serbisë, Aleksandar Vuçiç. Ai ka thënë më herët se nuk mund të jetë i pranishëm, pasi presidenti i Uzbekistanit, Shavkat Mirziyoyev, po qëndron për vizitë në Beograd. Vuçiç ka thënë, gjithashtu, se ka “bërë gjithçka” që varrimi të zhvillohet në “mënyrë dinjitoze”, ndërsa ka hedhur poshtë kritikat e Bashkimit Evropian për organizimin e varrimit të Mlladiç me nderime shtetërore.
Komisionarja evropiane për Zgjerim, Marta Kos, anuloi vizitën e planifikuar në Serbi, duke thënë se madhërimi i një personi të dënuar për krime lufte dhe gjenocid në Bosnje dhe Hercegovinë, është “i papajtueshëm me vlerat mbi të cilat bazohet rruga drejt Bashkimit Evropian”.
Para varrimit reaguan edhe senatorët amerikanë, Jeanne Shaheen, Chuck Grassley dhe Keith Self, duke u bërë thirrje autoriteteve në Republikën Sërpska dhe në Serbi që të distancohen nga varrimi i Mlladiç. Në deklaratën e përbashkët, senatorët rikujtuan përgjegjësinë e Mlladiç për gjenocidin dhe krimet e tjera në Bosnje dhe Hercegovinë, duke thënë se ato përbëjnë disa prej krimeve më çnjerëzore të kryera në Evropë që nga Lufta e Dytë Botërore.
“Është shumë shqetësuese që Serbia ka njoftuar se Mlladiq do të varroset me nderime shtetërore dhe ushtarake. Ditët e ardhshme do të jenë një test nëse Serbia dhe Republika Sërpska janë të gatshme të shkëputen nga e kaluara dhe të ecin drejt anëtarësimit në Bashkimin Evropian dhe integrimeve euroatlantike”, thuhet në deklaratë.
Siç raportojnë gazetarët e Radios Evropa e Lirë në Beograd, para kishës ndodhen ekipe të shumta të mediave, të cilave nuk u është lejuar hyrja në hapësirën e rrethuar dhe në kishë. Rrugët përreth janë mbyllur për qarkullim. Përgjatë rrugës “Knez Visheslav”, pranë kishës, janë vendosur flamuj serbë, ndërsa në udhëkryqe janë të pranishëm pjesëtarë të policisë. Në një mur pranë kishës është vendosur edhe një pankartë, ku Mlladiç cilësohet “hero serb”.
Homazhe për të janë organizuar edhe në pjesë të ndryshme të Republikës Sërpska dhe Serbisë në ditët pas vdekjes së tij. Pranë kishës janë parkuar shumë autobusë me targa nga Serbia, Bosnje dhe Hercegovina dhe Mali i Zi. Në orët e hershme të mëngjesit, katër autobusë me ish-pjesëtarë të Ushtrisë së Republikës Sërpska u nisën nga Banjalluka drejt Beogradit.
Transporti u organizua nga Organizata e Veteranëve të Luftës e Republikës Sërpska, e cila tubon veteranët e luftës nga ky entitet i Bosnje dhe Hercegovinës. Nga Banjalluka drejt Beogradit u nisën rreth 240 persona. Transport është organizuar edhe nga qytetet e tjera të mëdha të Republikës Sërpska, ndërsa gjithsej 55 autobusë pritet të sjellin pjesëmarrës në varrimin e Mlladiç. Mlladiç vdiq më 27 gusht në Hagë, ku po vuante dënimin me burgim të përjetshëm. Gjithashtu Mlladiç do të varroset në Varrezat e Topçiderit në Beograd./Dosja.al
Raúl Castro KUBA- Ish-presidenti kubanez Raúl Castro është rishfaqur në publik në moshën 95-vjeçare, gjat&eum...
pamjet nga rrënojat MEKSIKË- Një shpërthim i fuqishëm i materialeve piroteknike gjatë një festivali fetar në Meksik...
pamjet INDONEZI- Shpërthimi i vullkanit Anak Krakatau në Indonezi ka shkaktuar kaos në transportin ajror, duke lënë rreth 270...
Jared Kushner, Steve Witkoff dhe presidenti ukrainas Volodymyr Zelenskyy në Kiev SHBA- Administrata Trump ka ringjallur përpjekjet e saj diplomat...
Mosab Hassan Youssef IZRAEL- Mosab Hassan Youssef, djali i një prej figurave themeluese të Hamasit dhe ish-informator i agjencisë izraelite ...
GJERMANI- Ministri i Brendshëm i Gjermanisë, Alexander Dobrindt, synon të ndërmarrë masa më të forta kundër akteve t&e...
Ulrich Siegmund GJERMANI- Ulrich Siegmund është figura kryesore e AfD-së në Saksoni-Anhalt. 35-vjeçari, i njohur për ...
AfD-ja GJERMANI- Rezultati paraprak i zgjedhjeve tashmë është i qartë. AfD-ja ka marrë me 43,8 për qind të...
pamjet SHBA- Një situatë kaotike është krijuar në Aeroportin Ndërkombëtar të Miamit, në SHBA, pasi një av...
Ali Zarei IRAN- Një burrë iranian, i cili u largua nga vendi pasi u lëndua gjatë protestave të vitit 2022, është dë...