LIVE UPDATES
LIVE UPDATES

Kosova heq mbishkrimin “Free Ukraine” pas deklaratave të Zelenskyt! Prishtina: Shteti ynë nuk nënçmohet/ Deputeti ukrainas: Gabim diplomatik

• Pas deklaratës së Presidentit të Ukrainës, Volodymyr Zelensky, se politika e Kievit mbetet e pandryshuar sa i përket mosnjohjes së pavarësisë së Kosovës gjatë vizitës së tij në Serbi, kanë ardhur reagimet zyrtare nga Tirana dhe Prishtina. • Ministria e Jashtme e Shqipërisë theksoi se një Ballkan Perëndimor paqësor kërkon pranimin e realitetit dhe pakthyeshmërisë së pavarësisë së Kosovës, e cila ka kontribuar në stabilitetin rajonal. • Tirana vuri në dukje se çdo përpjekje për të vendosur një paralele mes Kosovës dhe agresionit rus në Ukrainë është e gabuar dhe çorientuese, duke kujtuar se Gjykata Ndërkombëtare e Drejtësisë konfirmoi se pavarësia e Kosovës nuk shkeli të drejtën ndërkombëtare. • Megjithëse vizita e Zelenskyt në Serbi kuptohet nga prizmi i interesave të Ukrainës, Shqipëria nënvizoi se normalizimi dhe njohja e ndërsjellë mes Kosovës dhe Serbisë janë çelësi për paqen e qëndrueshme në rajon. • Nga ana e tij, kryebashkiaku i Prishtinës, Përparim Rama, njoftoi heqjen e banderolës "Free Ukraine" në kryeqytet, duke deklaruar se kur Kosova nuk respektohet, përgjigja është gjithmonë e njëjtë. • Ai theksoi se ndërsa solidariteti i Kosovës me popujt që vuajnë luftën mbetet i palëkundur, asnjë kauzë apo politikë nuk mund të ndërtohet duke nënçmuar shtetësinë dhe sakrificën e popullit të saj. • Deputeti i Parlamentit të Ukrainës, Oleksiy Goncharenko, ka reaguar ashpër ndaj deklaratës së presidentit Volodymyr Zelensky në Beograd, ku ky i fundit rikonfirmoi se Kievi zyrtar nuk do të ndryshojë qëndrimin e tij për të mos e njohur pavarësinë e Kosovës. • Goncharenko, i cili është edhe nismëtari i projektligjit për njohjen e Kosovës në parlamentin ukrainas, e ka cilësuar këtë qasje si një "gabim diplomatik", ndërsa në rrjetin social X ka publikuar edhe një fotografi nga Prishtina ku shfaqet heqja e sloganit "Free Ukraine" nga "Hotel Grand".

5 artikuj për këtë temë.

3 MUAJ ME PARE

Deputeti ukrainas pas deklaratës së presidentit në Serbi: Qëndrimi për Kosovën, gabim diplomatik

Kosova heq mbishkrimin “Free Ukraine” pas deklaratave të
Oleksiy Goncharenko

UKRAINË- Deputeti i Parlamentit të Ukrainës, Oleksiy Goncharenko, ka reaguar ashpër ndaj deklaratës së presidentit Volodymyr Zelensky në Beograd, ku ky i fundit rikonfirmoi se Kievi zyrtar nuk do të ndryshojë qëndrimin e tij për të mos e njohur pavarësinë e Kosovës.

Goncharenko, i cili është edhe nismëtari i projektligjit për njohjen e Kosovës në parlamentin ukrainas, e ka cilësuar këtë qasje si një "gabim diplomatik", ndërsa në rrjetin social X ka publikuar edhe një fotografi nga Prishtina ku shfaqet heqja e sloganit "Free Ukraine" nga "Hotel Grand".

Megjithë qëndrimin e ekzekutivit, ai ka theksuar se populli ukrainas mbështet pavarësinë e Kosovës dhe është zotuar se do të vazhdojë betejën politike derisa Ukraina ta njohë zyrtarisht shtetin e Kosovës.

"Ky është një gabim diplomatik. Ukrainasit mbështesin pavarësinë e Kosovës dhe ne besojmë se Ukraina DUHET ta njohë shtetin. Unë do të vazhdoj të luftoj për pavarësinë e Kosovës dhe përfundimisht Ukraina do ta njohë atë.", shkruan deputeti./Dosja.al

3 MUAJ ME PARE

Konjufca i përgjigjet Zelensky-t: Kosova mbështeti Ukrainën që në ditën e parë, ndryshe nga Serbia

Kosova heq mbishkrimin “Free Ukraine” pas deklaratave të
Glauk Konjufca

KOSOVË-  Ministri në detyrë i Punëve të Jashtme të Kosovës, Glauk Konjufca, ka reaguar përmes një postimi në rrjetin social X ndaj deklaratës së presidentit ukrainas Volodymyr Zelensky, i cili gjatë vizitës në Beograd rikonfirmoi se Kievi zyrtar nuk e njeh pavarësinë e Kosovës.

Konjufca u shpreh se Prishtina e ka pritur me keqardhje këtë qëndrim, duke kujtuar se Kosova ka qenë e palëkundur në krah të Ukrainës qysh në ditën e parë të agresionit rus, duke dënuar pushtimin, duke vendosur sanksione dhe duke ofruar ndihmë humanitare e ushtarake.

Në vijim të reagimit të tij, kryediplomati kosovar vuri në dukje kontrastin e qartë me Serbinë, e cila ka refuzuar vazhdimisht t'i bashkohet sanksioneve të Bashkimit Evropian ndaj Moskës, duke theksuar se nuk mund të bëhet asnjë paralele mes Kosovës dhe pushtimit rus. Konjufca gjithashtu  theksoi se megjithëse Kosova do të vazhdojë të mbështesë sovranitetin dhe integritetin territorial të Ukrainës, një njohje reciproke nga Kievi do t'i shërbente forcimit të parimeve të lirisë, demokracisë dhe së drejtës ndërkombëtare.

Postimi i plotë: 

"Ne i marrim në konsideratë me keqardhje komentet e Presidentit Zelenskyy në Beograd, të cilat riafirmojnë mosnjohjen e Republikës së Kosovës nga Ukraina. Që nga dita e parë e agresionit në shkallë të plotë të Rusisë, Kosova ka qëndruar pa mëdyshje në krah të Ukrainës. Ne e dënuam pushtimin, në përputhje të plotë me Politikën e Jashtme dhe të Sigurisë, vendosëm sanksione kundër Rusisë dhe Bjellorusisë, ofruam ndihmë humanitare dhe strehim për gazetarët ukrainas dhe kontribuam me ndihmë dhe trajnim ushtarak në mbështetje të mbrojtjes së Ukrainës.

Ne e bëmë këtë pavarësisht mosnjohjes së shtetit tonë nga Ukraina, sepse solidariteti me një popull që mbron lirinë, sovranitetin dhe integritetin territorial të tij është çështje parimore. Është po aq e rëndësishme të kujtojmë një dallim të qartë: ndërsa Kosova ka vendosur sanksione kundër Rusisë, Serbia nuk është në përputhje me sanksionet e BE-së të vendosura në përgjigje të luftës së agresionit të Rusisë kundër Ukrainës.

Republika e Kosovës është një shtet sovran dhe i pavarur, i lindur nga lufta e popullit të saj për liri dhe nga çlirimi i tyre në vitin 1999 pas viteve të shtypjes sistematike dhe fushatës gjenocidale të regjimit të Millosheviqit. Ajo që pasoi nuk ishte një akt aneksimi, pushtimi apo pushtimi territorial, por një proces gjithëpërfshirës ndërkombëtar nën administrimin e Kombeve të Bashkuara dhe vite të tëra negociatash të ndërmjetësuara ndërkombëtarisht mbi statusin përfundimtar të Kosovës.

Kur këto negociata kishin shteruar çdo mundësi për një zgjidhje të dakorduar, i Dërguari Special i OKB-së Martti Ahtisaari rekomandoi pavarësinë si status përfundimtar të Kosovës dhe paraqiti një kornizë gjithëpërfshirëse për shtetin e ri, duke përfshirë disa nga garancitë më të gjera kushtetuese për komunitetet jo-shumicë në Evropë. Kosova shpalli pavarësinë e saj më 17 shkurt 2008 si kulminacionin e këtij procesi politik dhe historik, mori përgjegjësitë e saj si një shtet demokratik dhe multietnik dhe hyri në një periudhë pavarësie të mbikëqyrur ndërkombëtarisht.

Në vitin 2010, Gjykata Ndërkombëtare e Drejtësisë konfirmoi se shpallja e pavarësisë së Kosovës nuk shkelte të drejtën ndërkombëtare, ndërsa mbikëqyrja ndërkombëtare përfundoi zyrtarisht në vitin 2012. Sot, Republika e Kosovës njihet nga shumica dërrmuese e shteteve anëtare të NATO-s dhe BE-së dhe e ka ndërtuar shtetësinë e saj fort mbi parimet e demokracisë, të drejtave të njeriut, paqes dhe integrimit euroatlantik. Pikërisht për këto arsye, përpjekjet e Rusisë për ta thirrur Kosovën si precedent ose justifikim për pushtimin, pushtimin ose përpjekjen e saj për aneksim të territorit ukrainas janë historikisht dhe ligjërisht të rreme.

Nuk ekziston një paralele e tillë. Kosova mbetet e palëkundur në mbështetjen e saj për sovranitetin, pavarësinë dhe integritetin territorial të Ukrainës. Në të njëjtën kohë, ne me respekt, por me vendosmëri, hedhim poshtë çdo përcaktim të Republikës së Kosovës përmes prizmit të integritetit territorial të Serbisë. Ne do ta mirëprisnim njohjen e Republikës së Kosovës nga Ukraina. Një vendim i tillë do të forconte vetë parimet e lirisë,demokracinë dhe të drejtën ndërkombëtare që vetë Ukraina po i mbron sot.", shkruan Konjufca./Dosja.al

3 MUAJ ME PARE

Kosova heq flamurin ukrainas pas deklaratës së Zelenskyt, reagon edhe Shqipëria

Kosova heq mbishkrimin “Free Ukraine” pas deklaratave të

KOSOVË- Për shkak të deklaratës së bërë një ditë më parë nga presidenti ukrainas, Volodymyr Zelensky, kundër pavarësisë së Kosovës, Komuna e Prishtinës ka larguar një flamur me mbishkrimin “Free Ukraine” (Liri për Ukrainën).

“Shteti i Kosovës duhet të respektohet. Kur Kosova nuk respektohet, kryeqyteti, Prishtina përgjigjet gjithmonë njëjtë”, tha kryetari i Prishtinës, Përparim Rama në një postim në rrjetet sociale.

Flamuri ishte vendosur në qendër të Prishtinës pas shpërthimit të luftës, në shenjë solidariteti me Ukrainën.

Rama tha se populli i Kosovës gjithmonë solidarizohet me popujt që përballen me luftë, dhunë dhe persekuptim sepse “e dimë çfarë do të thotë të luftosh për liri, dinjitet dhe të drejtën për të ekzistuar si shtet”.

“Por, asnjë kauzë dhe asnjë politikë nuk mund të ndërtohet duke nënçmuar shtetësinë e Kosovës dhe sakrificën e popullit të saj”, shtoi ai.

Gjatë vizitës së parë zyrtare në Beograd, Zelensky tha se shteti i tij s’ka ndryshuar qëndrim sa i përket mosnjohjes së Kosovës dhe tha se respekton integritetin territorial të Serbisë dhe të drejtën ndërkombëtare.

Udhëheqësi ukrainas tha se shteti i tij i është mirënjohës Serbisë për respektimin e integritetit territorial të Ukrainës, përfshirë Krimenë – të cilën Rusia e ka aneksuar paligjshëm më 2014.

Ndonëse Kievi nuk e njeh pavarësinë e Kosovës, Prishtina i është bashkuar sanksioneve evropiane dhe të Shteteve të Bashkuara kundër Rusisë për shkak të luftës në Ukrainë. Vendi po ashtu ka strehuar gazetarë ukrainas, që janë larguar nga shteti i tyre për shkak të luftës.

Lidhur me deklaratën e Zelenskyt ka reaguar edhe Shqipëria.

Ministria për Evropë dhe Punë të Jashtme e Shqipërisë e ka cilësuar të gabuar çdo përpjekje për të tërhequr paralele mes Kosovës dhe situatave të tjera ndërkombëtare.

“Nuk duhet të ketë asnjë keqkuptim në këtë pikë: çdo përpjekje për të tërhequr paralele apo për të barazuar Kosovën me ndonjë situatë tjetër ndërkombëtare është e gabuar, oportuniste dhe krejtësisht e pasaktë”, tha Ministria në reagimin e 9 gushtit.

Shqipëria tha se Kosova ka themelet e saj historike, politike dhe ligjore, duke kujtuar edhe një vendim të Gjykatës Ndërkombëtare të Drejtësisë (GJND) lidhur me vendimin e Kosovës për të shpallur pavarësinë më 2008.

“Me kërkesë të Asamblesë së Përgjithshme të OKB-së, GJND-ja ishte e prerë: shpallja e pavarësisë së Kosovës nuk e ka shkelur të drejtën ndërkombëtare. Agresioni i Rusisë ndaj Ukrainës është një çështje krejtësisht tjetër. Ai përbën shkelje të rëndë të Kartës së Kombeve të Bashkuara dhe të së drejtës ndërkombëtare, si dhe një shkelje flagrante të rendit ndërkombëtar të bazuar në rregulla”, u tha në reagimin e Ministrisë së Jashtme të Shqipërisë.

Sipas Shqipërisë, paqja në Ballkanin Perëndimor dhe e ardhmja evropiane e rajonit kërkon “pranimin e realitetit të pakthyeshëm të pavarësisë së Kosovës”.

“Pavarësia e Kosovës ka kontribuar në stabilitetin rajonal dhe është pjesë e një të ardhmeje në të cilën kufijtë nuk ndryshohen përmes forcës dhe popujt e komunitetet mund ta përcaktojnë të ardhmen e tyre në paqe dhe siguri”, u tha në reagim.

Shqipëria, vend anëtar i NATO-s dhe kandidate për anëtarësim në BE, përsëriti qëndrimin se mbështet sovranitetin dhe integritetin territorial të Ukrainës.

Tirana tha se është “e kuptueshme” dhe “legjitime” që vizita e Zelenskyt në Serbi, para së gjithash, i shërben interesave të Ukrainës. Megjithatë shtoi se çdo hap që i ndihmon Serbinë të largohet “nga ndikimi keqdashës i Rusisë dhe të afrohet me Evropën është pozitiv”.

Edhe pse është kandidate për anëtarësim në BE, Serbia për gati pesë vjet nuk ka hapur asnjë kapitull të ri negociues.

Dy muaj pas hapjes së kapitullit të fundit në negociatat për anëtarësim filloi lufta në Ukrainë, ndërsa Serbia nuk e harmonizoi politikën e saj të jashtme me bllokun për të sanksionuar Rusinë. Në atë kohë, kjo ishte arsyeja kryesore për ngecjen e negociatave të anëtarësimit, teksa ndërkohë Beogradi ka pasur përkeqësim edhe në fushën e sundimit të ligjit.

Serbia refuzon të pranojë pavarësinë e Kosovës dhe në Kushtetutën serbe, Kosova është ende pjesë e territorit të saj. Ndërkaq, dy vendet zhvillojnë negociata për normalizim të raporteve që nga viti 2011 me ndërmjetësimin e bllokut evropian./REL

3 MUAJ ME PARE

VIDEO/ Pas deklaratave të Zelenskyt, Prishtina heq mbishkrimin “Free Ukraine”: Shteti i Kosovës duhet të respektohet!

Kosova heq mbishkrimin “Free Ukraine” pas deklaratave të
Flamuri i Ukrainës me mbishkrimin "Free Ukraine"

KOSOVA- Kosova ka hequr banderolën ku shkruhej “Free Ukraine”, pas deklaratave të Volodymyr Zelenskyt, i cili tha se politika e Ukrainës nuk ka ndryshuar sa i përket mosnjohjes së pavarësisë së Kosovës. Përmes një postimi në rrjetin social Facebook, kryebashkiaku i Prishtinës, Përparim Rama shprehet se kur Kosova nuk respektohet, përgjigjjet gjithmonë njëjtë.

Ai theksoi se empatia dhe solidariteti i Kosovës do të jenë gjithmonë me popujt që përballen me luftë, dhunë e persekutim. Kjo pasi, Kosova e din se çfarë do të thotë të luftosh për liri, dinjitet dhe të drejtën për të ekzistuar si shtet.

Përparim Rama: Shteti i Kosovës duhet të respektohet Kur Kosova nuk respektohet, Kryeqyteti Prishtina përgjigjjet gjithmonë njëjtë. Empatia dhe solidariteti ynë do të jenë gjithmonë me popujt që përballen me luftë, dhunë e persekutim. Sepse ne, më mirë se shumë të tjerë, e dimë çfarë do të thotë të luftosh për liri, dinjitet dhe të drejtën për të ekzistuar si shtet. Por asnjë kauzë dhe asnjë politikë nuk mund të ndërtohet duke nënçmuar shtetësinë e Kosovës dhe sakrificën e popullit të saj./Dosja.al

3 MUAJ ME PARE

Ministria e Jashtme reagon pas deklaratës së Zelenskyt në Serbi: Prishtina nuk mund të barazohet me Ukrainën, pavarësia e saj nuk cenon të drejtën ndërkombëtare

Kosova heq mbishkrimin “Free Ukraine” pas deklaratave të
Foto ilustruse

TIRANA- Ministria e Jashtme ka reaguar pas deklaratës së presidenti ukrainas, Volodymyr Zelensky, i cili deklaroi se politika e Ukrainës nuk ka ndryshuar sa i përket mosnjohjes së pavarësisë së Kosovës. Përmes një reagimi, Tirana zyrtare shprehet se një Ballkan Perëndimor paqësor, i qëndrueshëm dhe evropian kërkon pranimin e realitetit dhe pakthyeshmërisë së pavarësisë së Kosovës.

Më tej, ajo thekson se pavarësia e Kosovës ka kontribuar në stabilitetin rajonal dhe është pjesë e një të ardhmeje në të cilën kufijtë nuk ndryshohen me forcë. Ministria e Jashtme nënvizon se Prishtina nuk mund të barazohet me Ukrainën, pasi pavarësia e saj nuk cenon të drejtën ndërkombëtare. Në lidhje me këtë, ajo argumenton se agresioni i Rusisë kundër Ukrainës është një çështje krejtësisht e ndryshme, pasi përbën një shkelje të rëndë të Kartës së OKB-së dhe të drejtës ndërkombëtare, si dhe një shkelje flagrante të rendit ndërkombëtar të bazuar në rregulla.

Reagimi

Vizita e Presidentit Zelenski në Serbi është e rëndësishme. Dialogu është gjithmonë i mirëpritur, veçanërisht kur krijon hapësirë ​​për t'u përballur me qartësi, përgjegjësi dhe ndjeshmëri ndaj çështjeve të vështira. Ashtu siç Shqipëria qëndron, dhe do të vazhdojë të qëndrojë, fort në mbështetje të sovranitetit, pavarësisë, integritetit territorial dhe të ardhmes evropiane të Ukrainës, ne mbështesim dhe qëndrojmë po aq fort për sovranitetin, pavarësinë dhe vendin që i takon Kosovës në familjen euroatlantike. Nuk duhet të ketë keqkuptime në këtë pikë: çdo përpjekje për të vendosur një paralele ose për të krijuar një ekuacion midis Kosovës dhe çdo situate tjetër ndërkombëtare është e gabuar, oportuniste dhe thellësisht çorientuese.

Rasti i Kosovës qëndron mbi themelet e veta historike, politike dhe ligjore. Me kërkesë të Asamblesë së Përgjithshme të OKB-së, Gjykata Ndërkombëtare e Drejtësisë ishte e prerë: Shpallja e pavarësisë së Kosovës nuk shkeli të drejtën ndërkombëtare. Agresioni i Rusisë kundër Ukrainës është një çështje krejtësisht e ndryshme. Ai përbën një shkelje të rëndë të Kartës së OKB-së dhe të drejtës ndërkombëtare, si dhe një shkelje flagrante të rendit ndërkombëtar të bazuar në rregulla.

Nga perspektiva e Shqipërisë, një parim është themelor: një Ballkan Perëndimor paqësor, i qëndrueshëm dhe evropian kërkon pranimin e realitetit dhe pakthyeshmërisë së pavarësisë së Kosovës. Pavarësia e Kosovës ka kontribuar në stabilitetin rajonal dhe është pjesë e një të ardhmeje në të cilën kufijtë nuk ndryshohen me forcë, dhe ku popujt dhe komunitetet mund të përcaktojnë të ardhmen e tyre në paqe dhe siguri. Ne gjithashtu mbajmë fuqimisht qëndrimin se Serbia dhe Kosova i përkasin një të ardhmeje të përbashkët evropiane.

Normalizimi i marrëdhënieve mes tyre, që në fund çon në njohje të ndërsjellë, nuk do ta dobësonte Serbinë. Përkundrazi, do të ndihmonte në mbylljen e një prej kapitujve më të dhimbshëm të historisë së kohëve të fundit të rajonit tonë dhe do të hapte rrugën për pajtim të vërtetë, marrëdhënie të fqinjësisë së mirë dhe paqe të qëndrueshme. Ballkani Perëndimor ka nevojë për atë energji pozitive sot, ndoshta më shumë se kurrë.

Vizita e Presidentit Zelenski në Serbi përparon para së gjithash, interesat e Ukrainës. Kjo është e kuptueshme dhe legjitime. Po ashtu, çdo hap që ndihmon Serbinë të largohet më tej nga ndikimi keqdashës i Rusisë dhe t'i afrohet Evropës është pozitiv. Por çdo angazhim është gjithashtu një mundësi për të çuar përpara një mirëkuptim themelor: Ballkani Perëndimor duhet të ecë përpara, jo prapa./Dosja.al

kosova ukraine serbi

Sondazh

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin