Nuk ndalet revolta/ Qytetarët mblidhen sërish para Kryeministrisë, tensione dhe përplasje me policinë
“Më goditën në kokë dhe më shanin”/ 16-vjeçari tregon dhunën në polici: Më gjobitën 5 mi...
“Më goditën në kokë dhe më shanin”/ 16-vjeçari tregon dhunën në polici: Më gjobitën 5 mi...
"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Lëvizje në Bashkinë e Tiranës/ Veliaj firmos shkarkimin e dy drejtuesve, në pikëpyetje edhe e ardhmja e drejtoresh&...
Ironia e studentëve protestues/ Improvizojnë manekinin me fotografinë e Ramës, tentojnë ti vënë flakën 21 ...
• Protestuesit janë mbledhur sot në protestën e 95-të radhazi për largimin e Kryeministrit Edi Rama. • Fillimisht qytetarët janë mbledhur në Sheshin “Skënderbej” dhe më pas kanë marshuar drejt kryeministrisë, aty ku dhe kanë mbajtur fjalimet e tyre. • Protestuesit kërkojnë ndryshim të gjithë klasës politike, mesazh të cilën e kanë përcjellë prej 95 ditësh me thirrjen “Rama në burg, Berisha në burg”. • Pas përfundimt të fjalimeve para kryeministrisë, qytetarët kanë nisur marshimin në rrugët e Tiranës. • Me thirrje të njëpasnjëshme kundër Ramës dhe kërkesën e prerë për lirimin e 14 protestuesve të arrestuar një natë më parë, turma po përparon e organizuar, duke paralajmëruar rrethimin e selisë së qeverisë sërish. • Organizatorët dhe aktivistët kanë paralajmëruar për të vijuar skenarin e ndjekur gjatë ditës së djeshme ku bllokuan hyrjet kryesore përgjatë kohës që Rama ndodhej brenda në zyrë. • Konkretisht, në protestën e djeshme në 1 shtator, protestuesit ndryshuan skenarin e revoltës qytetare. • Protestuesit fillimisht u mblodhën në hyrjen e Kryeministrisë dhe bllokuar daljen, pasi kryeministri Edi Rama ndodhej në ambientet e Kryeministrisë. • Para ambienteve të institucionit u vendos menjëherë edhe një numër i madh i efektivë të policisë. Teksa protestuesit po i afroheshin derës së Kryeministrisë, qytetarët u përplasën edhe me policinë, ku pasi edhe arrestime. • "Arrestoni Ramën", "O Ergys o legen prite Ramën se po vjen", “Edi Rama frikacak”, "Dorëheqje, ju erdhi fundi", "Policia e krimit", "Edi Rama jep dorëheqjen", "Edi Rama në burg", "O Erion o legen prite Ramën se po vjen", "Shqipëria e shqiptarëve, vdekje tradhtarëve”, “Pa rini nuk ka Shqipëri”, “Poshtë patronazhistët” dhe “Shqipëria kërkon revolucion”, janë disa nga thirrjet kryesore që protestuesit kanë brohoritur në kor.
12 artikuj për këtë temë.

TIRANË- Me thirrjen “Nesër më shumë”, qytetarët kanë mbyllur protestën e 95-të kundër qeverisë, e cila këtë mbrëmje u zhvendos te Komisariati Nr. 3 në rrugën “Mine Peza”. Protestuesit kanë qëndruar për disa orë pranë bllokut të sigurisë, duke kërkuar lirimin e qytetarëve dhe aktivistëve të ndaluar pas tensioneve të mbrëmjes së kaluar.
Gjatë qëndrimit para komisariatit kanë vijuar thirrjet kundër qeverisë dhe kryeministrit Edi Rama, ndërsa një prej kërkesave kryesore të protestuesve ka qenë lirimi i personave të shoqëruar. “Lironi qytetarët” dhe “Rama jep dorëheqjen”, janë ndër thirrjet që kanë jehuar në mbyllje të protestës./Dosja.al
TIRANË- Protestuesit kanë mbërritur pranë Komisariatit Nr. 3, në rrugën “Mine Peza”, aty ku ndodhen qytetarët e arrestuar gjatë protestës së djeshme. “Nuk kemi frikë" dhe “Lironi çunat, lironi gocat", janë disa nga thirrjet që protestuesit kanë bërë në kor.
Gjatë marshimit, protestuesit kanë bërë thirrje të njëzëshme kundër patronazhistëve, ndërsa u janë drejtuar edhe studentëve me një apel për t’iu bashkuar protestës.
Pas përplasjeve të një nate më parë te kryeministria dhe te Komisariatit Nr. 3, u shoqëruan nga policia 14 aktivistë e qytetarë. Të arrestuarit janë: Dritan Goxhaj, Junik Matoshi, Edison Lika, Erlind Almeta, Sokol Bushi, Lulzim Gjini, Valtion Shameti, Florian Manarkolli, Desiderjo Alimucaj, Bora Mitrovica, Arvina Lleshi, Ylli Brahaj, Arben Kola dhe Aumiraldi Dalliu./Dosja.al

TIRANË- Protestuesit po vijojnë marshimin në rrugët e Tiranës, në kuadër të protestës së 95-të kundër qeverisë. Me pankarta, flamuj e flamingo në duar dhe të udhëhequr nga studentët, qytetarët vijojnë lëvizjen në drejtim të rrugës “Mine Peza”, ku ndodhet Komisariati Nr. 3.
Gjatë marshimit, protestuesit kanë bërë thirrje të njëzëshme kundër patronazhistëve, ndërsa u janë drejtuar edhe studentëve me një apel për t’iu bashkuar protestës. "Dorëheqje", “Poshtë patronazhistët!” dhe “Bashkohuni studentë, kombi na thërret!”, janë disa prej thirrjeve që janë dëgjuar gjatë marshimit./Dosja.al
TIRANË- Me thirrjet "Pa rini nuk ka Shqipëri" dhe "Edi Rama, të erdhi fundi", studentët po udhëheqin marshimin në rrugët e Tiranës. Marshimi po vijon në drejtim të rrugës “Mine Peza”, ku ndodhet Komisariati Nr. 3, ku mbahen prej rreth 24 orësh 14 qytetarë dhe aktivistë të shoqëruar pas tensioneve të mbrëmjes së kaluar.
Studentët kanë përcjellë gjithashtu mesazhin e tyre përmes thirrjes “Pa rini nuk ka Shqipëri!”, ndërsa një tjetër thirrje e protestuesve ka qenë “Lironi shqipet". "Edi Rama në burg", "O Erion o legen prite Ramën se po vjen", "Shqipëria e shqiptarëve, vdekje tradhtarëve”, “Pa rini nuk ka Shqipëri”, “Poshtë patronazhistët” dhe “Shqipëria kërkon revolucion”, janë disa nga thirrjet kryesore që protestuesit kanë brohoritur në kor./Dosja.al

TIRANË- Pas përfundimt të fjalimeve para kryeministrisë, qytetarët kanë nisur marshimin në rrugët e Tiranës. Me thirrje të njëpasnjëshme kundër Ramës dhe kërkesën e prerë për lirimin e 14 protestuesve të arrestuar një natë më parë, turma po përparon e organizuar, duke paralajmëruar rrethimin e selisë së qeverisë sërish.
Organizatorët dhe aktivistët kanë paralajmëruar për të vijuar skenarin e ndjekur gjatë ditës së djeshme ku bllokuan hyrjet kryesore përgjatë kohës që Rama ndodhej brenda në zyrë. "Arrestoni Ramën", "Edi Rama jep dorëheqjen", "Edi Rama në burg", "O Erion o legen prite Ramën se po vjen", "Shqipëria e shqiptarëve, vdekje tradhtarëve!”, “Pa rini nuk ka Shqipëri”, “Poshtë patronazhistët”, “Shqipëria kërkon revolucion” dhe "Ju erdhi fundi", janë disa nga thirrjet kryesore që protestuesit kanë brohoritur në kor./Dosja.al

TIRANË- Një protestues ka bërë thirrje që më 7 shtator, kur shënohen 100 ditë protestë, të bllokojnë dhe të rrethojnë të gjithë godinën e Kryeministrisë. Gjatë fjalës së tij, ai ka komentuar edhe bllokadën e djeshme, ku theksoi se kryeministri Edi Rama, duke iu referuar si koka e krimit dhe korrupsionit, nuk ka parë gjë akoma.
“Në ditën e 94, i dolëm përballë Ramës, kokës së krimit dhe i treguam se nuk ikim derisa të ikësh ti. Sot mesa duket është kujdesur të ikë nga zyra para se të vijmë ne. Kështu që të gjithë duhet të jemi gati në çdo moment e ditë që kur ta shohim si kokën e krimit dhe korrupsionit, është detyra qytetare që t’i dalim para dhe t’i tregojmë se nuk kemi frikë. Dje u detyrua të ikë si mi. Ne do të qëndrojmë derisa ai dhe qeveria e tij të largohet. Dua t’i them Edi Ramës se ajo që ke parë për 95 ditë, ajo që ke parë dje, nuk është asgjë sepse nuk ke parë asgjë akoma. 7 shtator në 100 ditëshin e kësaj rezistence paqësore, i bëj thirrje çdo shqiptari që jo vetëm të bllokojnë hyrjen e kryeministrisë, por ta rrethojnë të gjithën. Nëse dje i bllokuam hyrjen kur ai u largua si mi duke rrethuar të gjithë kryeministrinë, ai mund të largohet me një helikopter për të mos u kthyer më. Ne e kemi me Edi Ramën si koka e krimit dhe korrupsionit jo me institucionin”, tha ai./Dosja.al
TIRANË- Studentët i janë bashkuar qytetarëve në bulevard në protestën e 95-të kundër qeverisë Rama. Me pankartat “Bashkohuni studentë, kombi na thërret” dhe “Studentët janë këtu”, ata marshuan nga Universiteti Politeknik drejt kryeministrisë.

Teksa po iu bashkoheshin protestuesve, qytetarët brohorisnin “Pa rini nuk ka Shqipëri”. "Arrestoni Ramën", "Edi Rama jep dorëheqjen", "Edi Rama në burg", "O Erion o legen prite Ramën se po vjen", "Shqipëria e shqiptarëve, vdekje tradhtarëve!”, “Pa rini nuk ka Shqipëri”, “Poshtë patronazhistët”, “Shqipëria kërkon revolucion” dhe "Ju erdhi fundi", janë disa nga thirrjet kryesore që protestuesit kanë brohoritur në kor./Dosja.al
TIRANË- Aktivisti Meçan Zotaj ka komentuar protestën e mbrëmjes së kaluar dhe përplasjet mes protestuesve dhe policisë. Gjatë fjalës së tij, Zotaj akuzoi kryeministrin Edi Rama se është larguar nga Kryeministria nën masa sigurie si skuth, nga ana tjetër e zyrës së tij. Ai bëri thirrje për zgjerimin e mosbindjes civile, ndërkohë ftoi qytetarët për një pjesëmarrje më të madhe në protesta.
"Mirë se kemi ardhur në ditën e 95-të të rezistencës sonë kundër sistemit mafioz shtetëror. Mbrëmë ka qenë një nga ditët më të bukura të revolucionit, të kësaj proteste, kur miu u sul në qarkun e vetë. Populli i tregoi se ai nuk mund të kalojë rrugën gjithmonë, sepse është një tradhtar që bën pazare me trojet tona, si ta ketë çifligun e babait të tij. Gjatë kohës që ne jemi shtyrë fuqishëm me policinë që mbron kriminelin dhe tradhtarin Edi Rama, ai ka dalë si skuth nga krahu i piramidës, me një automjet të Gardës. Kanë arrestuar 14 nga protestuesit tanë rezistues. Pas largimit tonë për të vajtur dhe mbështetur djemtë tanë në stacionet policore, të arrestuar dhunshëm dhe padrejtësisht, atëherë ka dalë eskorta e kriminelit për t’u bashkuar në vilat e Surrelit.
Dashakeqët e protestës, delirantët, patronazhistët, analistët, banalistët dhe lëpirësit e pushtetit janë munduar me çdo formë të luftojnë protestën, lëvizjen tonë për çlirimin e ardhur nga kthetrat e mafies. Por populli sot po tregon që ne nuk jemi të lehtë të biem në kurthet e delirantëve dhe të lëpirësve të pushtetit, sepse ky popull ka dinjitet. Këta njerëz janë heronjtë e 95 ditëve dhe në vazhdim, për t’i thënë boll korrupsionit dhe krimit. Ne jemi Shqipëria, shqiptarët, që na është thurur kënga për breza dhe vite për dinjitet dhe jo për servilizëm, si ata që zgjedhin rrugë minjsh për t’u larguar nga zyrat e pushtetit. Të mblidhemi në këtë mosbindje, të jemi edhe më shumë, të bllokojmë në një shkallë të caktuar të gjitha arteriet e shtetit, sepse ata kanë bllokuar jetët tona. Jini të përgatitur, se i kemi lutur me ditë dhe muaj të tërë, me mënyrat më paqësore të mundshme. Talljet dhe orvatjet që kanë bërë do t’u kthehen bumerang dhe do të ballafaqohen me poshtërësitë e tyre," tha Meçan Zotaj./Dosja.al
TIRANË- Aktivistja Luçiana Kokaj, gjatë fjalës së saj u ndal edhe te arrestimi i 14 qytetarëve në protestën e një dite më parë. Kokaj u shpreh se policia duhet të arrestojë anëtarët e qeverisë së Edi Ramës dhe jo ata që po luftojnë përditë për të shpëtuar vendin nga ata. Ajo theksoi se do të qëndrojnë në shesh derisa të bëjnë të mundur largimin e qeverisë.
“Kanë arrestuar motrat e vëllezërit tanë, por nuk i trembin me arrestime. Ata që ju arrestoni, siç duhet të arrestoni ata që janë në qeveri dhe na kanë grabitur prej vitesh, sot janë heronjtë tanë. Ata që dhanë urdhrat e arrestimit janë turp i kombit tonë. Ata janë heronjtë tanë. Që mbrëmë, sot e në vazhdim, zemrat tona janë me ta. Ne do të protestojmë edhe për ata derisa kjo qeveri e korruptuar të shporret njëherë e mirë,” tha ajo./Dosja.al

TIRANË- Një emigrant shqiptar që jeton në SHBA i është bashkuar protestës në Tiranë. Gjatë fjalës së tij, ai ka shprehur mbështetjen e tij për qytetarët që prej 95 ditësh vijojnë protestën kundër qeverisë. Ai kritikoi gjithashtu kryeministrin Edi Rama, duke e akuzuar se ka shpopulluar vendin, ndërkohë i bëri thirrje SPAK-ut të reagojë.
"Duhet ta mbështesim protestën deri në finale, deri në dorëheqjen e Edi Ramës. Unë jetoj në SHBA dhe kam mbështetur çdo protestë atje, kam ardhur edhe këtu për të mbështetur. Sepse Edi Rama, Ramoviçi, më vjen turp që është kryeministri ynë, ka boshatisur të gjithë vendin, nuk ka më njerëz. Vetëm patronazhistët jetojnë këtu? I drejtohem SPAK-ut, nëse ka një farë ndershmërie dhe një farë sinqeriteti, reagoni. Mos i lini njerëzit nëpër sheshe, nëpër diell. I ka faktet, ne i shohim përditë. Shqipëria është e vogël. Zoti e bekoftë Shqipërinë pa Edi Ramën, nëse e ka një fije burrërie, të japë dorëheqjen," tha emigranti nga SHBA./Dosja.al

TIRANË- Gjatë grumbullimit të qytetarëve në shesh, një i ri ka bërë thirrje për mosbindje civile. Ai ka theksuar se qytetarët, kudo që janë, duhet të bllokojnë të gjitha rrugët që të largojnë qeverinë e Edi Ramës.
Në fund, protestuesi shprehet se qytetarët duhet të bëjnë rezistencë dhe t’i tregojnë këtij pushteti se nuk mund ta trajtojnë Shqipërinë, policinë, shtetin dhe kombin si një pronë private.
“Unë mendoj se duhet të kalojmë në mosbindje civile, të bllokohen rrugët. Të bllokojnë akset kryesore. Edhe njerëzit nëpër rrethe të dalin. Flaka të përhapet dalëngadalë për një mosbindje civile qytetare paqësore. Të bëjmë rezistencë dhe t’i tregojmë këtij pushteti se nuk mund ta trajtojnë Shqipërinë, policinë, shtetin dhe kombin si një pronë private”, tha ai./Dosja.al

TIRANË- Protestuesit janë mbledhur këtë të hënë në protestën e 95-të radhazi për largimin e Kryeministrit Edi Rama. Fillimisht qytetarët janë mbledhur në Sheshin “Skënderbej” dhe më pas pritet të marshojnë drejt kryeministrisë. Përpara godinës qeveritare pritet të mbahen edhe fjalimet kryesore të protestës, ku aktivistët do të artikulojnë kërkesat e tyre të përditshme, duke insistuar në dorëheqjen e kreut të qeverisë.
Protestuesit kërkojnë ndryshim të gjithë klasës politike, mesazh të cilën e kanë përcjellë prej 95 ditësh me thirrjen “Rama në burg, Berisha në burg”. Ndërkohë, në protestën e djeshme në 1 shtator, protestuesit ndryshuan skenarin e revoltës qytetare. Protestuesit fillimisht u mblodhën në hyrjen e Kryeministrisë dhe bllokuar daljen, pasi kryeministri Edi Rama ndodhej në ambientet e Kryeministrisë.
Para ambienteve të institucionit u vendos menjëherë edhe një numër i madh i efektivë të policisë. Teksa protestuesit po i afroheshin derës së Kryeministrisë, qytetarët u përplasën edhe me policinë, ku pasi edhe arrestime.
"Arrestoni Ramën", "O Ergys o legen prite Ramën se po vjen", “Edi Rama frikacak”, "Dorëheqje, ju erdhi fundi", "Policia e krimit", "Edi Rama jep dorëheqjen", "Edi Rama në burg", "O Erion o legen prite Ramën se po vjen", "Shqipëria e shqiptarëve, vdekje tradhtarëve”, “Pa rini nuk ka Shqipëri”, “Poshtë patronazhistët” dhe “Shqipëria kërkon revolucion”, janë disa nga thirrjet kryesore që protestuesit kanë brohoritur në kor./Dosja.al