LIVE UPDATES
LIVE UPDATES

Nga roli i opozitës në raportin e KE-së te revolta studentore, Berisha: Rama ka marrë makina shurdhuese dhe gaz lotsjellës të skaduar nga Serbia për tubuesit

• Kryetari i Partisë Demokratike, Sali Berisha, deklaroi se raporti i fundit i Komisionit Europian për Shqipërinë konfirmon, sipas tij, akuzat e opozitës për korrupsionin, kapjen e institucioneve dhe problematikat në proceset zgjedhore. • Gjatë bashkëbisedimit të sotëm online me qytetarët, ai e cilësoi raportin një goditje të fortë për qeverinë e Edi Ramës, ndërsa pretendoi se opozita ka luajtur një rol të rëndësishëm në evidentimin e problematikave të vendit. • Lideri i demokratëve u ndal te zgjedhjet, vendimet e Gjykatës Kushtetuese dhe prokurimet publike, duke iu referuar shifrave të raportit të KE-së. • Një pjesë të madhe të bashkëbisedimit, kryetari i PD-së Sali Berisha ia kushtoi protestës studentore, duke përsëritur thirrjen për mbështetjen e saj nga të gjitha forcat politike dhe qytetarët. Ai hodhi poshtë pretendimet për incidente të shkaktuara nga studentët, duke pretenduar se provokimet janë organizuar nga persona të paguar. • Lideri i opozitës shqiptare Sali Berisha foli gjithashtu për mundësinë e bashkëpunimit me partitë e tjera opozitare për zgjedhjet lokale, duke u shprehur i gatshëm për kandidatë të përbashkët dhe një front politik kundër qeverisë Rama. • Kryetari i Partisë Demokratike, Sali Berisha përsëriti thirrjen për bashkim të opozitës dhe qytetarëve kundër qeverisë, duke deklaruar se ata që synuan të zëvendësonin Partinë Demokratike në rolin e opozitës kanë dështuar.

7 artikuj për këtë temë.

2 JAVE ME PARE

"Ai nuk ka lidhje me Partinë Demokratike"/ Berisha: Kërkoj lirimin e menjëhershëm të gazetarit holandez Vincent van Gerven Oei(VIDEO)

Nga roli i opozitës në raportin e KE-së te revolta studentore,
Sali Berisha

TIRANË- Kreu i Partisë Demokratike Sali Berisha, ka bërë thirrje për lirimin e menjëhershëm të gazetarit holandez Vincent van Gerven Oei, i cili u arrestua nga policia, në tubimit e ditës së shtunë. Gjatë fjalës së tij, Berisha e cilësoi atë një nga kritikët më objektivë të zhvillimeve në Shqipëri dhe theksoi se gazetari nuk ka lidhje me Partinë Demokratike por, sipas tij, është një njeri që e do Shqipërinë. Berisha bëri thirrje që gazetari të lirohet urgjentisht dhe kërkoi që të mos ushtrohet asnjë presion ndaj tij. Ai akuzoi kryeministrin Rama se mund të ndërmarrë veprime ndaj personave të cilët i konsideron kundërshtarë personalë.

 

Milaim Nela: Gazetari holandez Vincent van Gerven Oei, një nga denoncuesit më në zë të aferave të Edi Ramës dhe sektit, nga dje është në arrest nga policia e regjimit. A mundet të bëni një apel të fortë për lirimin e tij?*

Sali Berisha: Faleminderit Milaim për pyetjen.  Që sot kërkoj lirimin e tij të menjëhershëm. 
Gazetari në fjalë është një kritik i zhvillimeve në Shqipëri, ndër më objektivët.  Ky gazetar nuk ka asnjë lidhje me Partinë Demokratike, por një gjë është e sigurt që ky gazetar e do Shqipërinë. Sepse në shkrimet e tij ai shpreh, nuk i di rrethanat çfarë e lidhin atë kaq shumë me Shqipërinë, po është një njeri, një gazetar që ndër më të mirët për realitetin shqiptar, dhe unë kërkoj urgjentisht lirimin e tij.  Sikundër kërkoj të mos e prekë kush, se Edi Rama ndaj armiqve personalë nuk ngurron për asnjë akt./Dosja.al

2 JAVE ME PARE

"Ka marrë nga Serbia sasi kolosale gazi të skaduar"/ Berisha: Rama ka marrë makina shurdhuese kundër studentëve protestues si Vuçiçi(VIDEO)

Nga roli i opozitës në raportin e KE-së te revolta studentore,
Sali Berisha

TIRANË- Kreu i Partisë Demokratike Sali Berisha, ka akuzuar qeverinë se ka siguruar mjete të posaçme për përdorim kundër studentëve gjatë protestave në Tiranë, duke përfshirë autobotët e ujit, pajisjet akustike dhe gaz lotsjellës. Gjatë një bashkëbisedimi 'live' në rrjetet sociale me ndjekësit, ai pretendoi se autobotët janë marrë nga Turqia, ndërsa pajisjet akustike nga Serbia, duke ngritur pikëpyetje edhe mbi përdorimin e tyre gjatë protestave.

Më tej, Berisha deklaroi se gazi lotsjellës i siguruar nga Serbia ishte i skaduar dhe i ndaluar për përdorim ndaj protestuesve. Ai akuzoi kryeministrin Rama se po përdor mjete të forta për të përballuar revoltën studentore, duke e cilësuar këtë si një përpjekje për të shtypur protestat.

 

*Edmond Sulejmani: Sa kanë kushtuar dy autobotët e ujit që ka sjellë qeveria? A jeni në dijeni?*

*Sali Berisha:* Nuk ka sjellë vetëm autobotët, po ai ka sjellë mjetet nga më të kushtueshmet kundër studentëve. 
Makinat thuhet se i ka marrë nga Turqia dhe thuhet që ato janë të ndaluara të përdoren kundër protestuesve për shkak të fuqisë së jashtëzakonshme që ka goditja e ujit.  Dhe ju e patë se çfarë saltoje bëri guximtari, heroi dje kur ata e gjuajtën direkt me një nga këto makinat që sollën. Por ky ka sjellë, siç e dini ju, makinat e zhurmës së tmerrshme shurdhuese për protestuesit, i ka marrë si Vuçiçi në Beograd. Ka marrë nga Serbia sasi kolosale gazi të skaduar, të ndaluar me të gjitha konventat për t'u përdorur kundër protestuesve. Pra, ky e pa që revolta studentore po ja kthen patkonjtë, dhe në gramat e fundit firmosi aktet e turpit./Dosja.al

2 JAVE ME PARE

"Të mos besojnë në atë që nuk është reale"/ Berisha: Ajo që ndodh në Shqipëri nuk ka lidhje me skenarin serb, atje nuk kishte një parti opozitare si PD(VIDEO)

Nga roli i opozitës në raportin e KE-së te revolta studentore,
Sali Berisha

TIRANË- Kreu i Partisë Demokratike Sali Berisha, ka deklaruar se studentët kanë të drejtë të krijojnë një formacion të ri politik, duke theksuar se nuk ka asnjë qëndrim kundër kësaj nisme. I pyetur nëse lëvizja studentore mund të ndjekë modelin e Serbisë, Berisha e hodhi poshtë këtë krahasim. Sipas tij, në Serbi protesta u drejtua nga strukturat zyrtare akademike, përfshirë rektorët dhe dekanët, ndërsa procesi zgjati më shumë se dy vite. Ai u shpreh se studentët shqiptarë kanë të drejtë të ndërmarrin çdo hap politik, por i këshilloi të mos bazohen në skenarë që, sipas tij, nuk përputhen me realitetin.

 


 
Meri Kurti: Flitet se studentët janë drejt krijimit të një fronti apo partie, ku pjesë e saj nuk do të jenë as Partia Socialiste dhe as Partia Demokratike. A mendoni se po shkohet drejt një skenari serb dhe cilat do të jenë veprimet tuaja?*

Sali Berisha:* Meri, faleminderit për pyetjen. Së pari, duke lënë modestinë mënjanë, Sali Berisha me bashkëpunëtorët e tij, duke themeluar Partinë Demokratike në vitin '90, themeloi pluralizmin politik. Dhe unë kurrë nuk mund të kem asnjë lloj qëndrimi negativ ndaj atyre që duan të krijojnë formacionin e tyre politik.  Pra, për mua, pluralizmi politik është shtyllë kryesore e demokracisë dhe cilido ka të drejtën e tij të veprojë sipas mendimit, dëshirës së tij. 

A ka ngjashmëri me skenarin serb, në qoftë se e duan një këshillë miqësore paraprake? Jo, absolutisht! 
Thjesht miqësore, unë u them se nuk ka ngjashmëri. Skenari serb, siç e dini zonjë, është skenar i udhëhequr i tëri nga infrastruktura shtetërore e universiteteve të Serbisë. Me në krye rektorin e Beogradit, me në krye të gjithë dekanët, pra ishte bota akademike zyrtare shtetërore serbe që udhëhoqi lëvizjen e studentëve. 

Së dyti, skenari serb ishte një skenar që u zhvillua në dy vite, në 700 e sa ditë.  Së treti, lista studentore në Serbi përballej me një numër prej 30 e sa partish opozitare të vockla që shkonin maksimumi mos gabohem gjer në 7-8%. Pra, nuk kishte në Serbi një parti opozitare siç është Partia Demokratike.  Ndaj dhe ajo që u sugjeroj të gjithë atyre, ata kanë shumë të drejtë të ndërmarrin çdo hap, vetëm të mos besojnë në atë që nuk është reale./Dosja.al

2 JAVE ME PARE

"Çdo hezitim shkon në favor të Edi Ramës"/ Berisha: PD është e hapur dhe e gatshme për kompromis dhe ujdi me forcat politike opozitare për të rrëzuar Edi Ramën(VIDEO)

Nga roli i opozitës në raportin e KE-së te revolta studentore,
Sali Berisha

TIRANË- Kreu i Partisë Demokratike Sali Berisha, ka deklaruar se është i gatshëm për bashkëpunim me partitë opozitare, për të dalë me kandidatë të përbashkët në zgjedhjet lokale. Gjatë një bashkebisedimi 'live' në rrjete sociale me ndjekësit, ai u bëri thirrje drejtuesve të forcave politike si 'Lëvizja Bashkë', 'Partia Mundësia', 'Shqipëria Bëhet' të lënë mënjanë kundërshtitë dhe të bashkohen në një front të përbashkët kundër qeverisë së Edi Ramës.

Në fjalën e tij, Berisha theksoi se propozimi i tij nuk lidhet domosdoshmërisht me një bashkëqeverisje apo koalicion në zgjedhjet e përgjithshme, por me bashkimin për largimin e Ramës dhe krijimin e një qeverie kujdestare që do të mundësonte reformën zgjedhore. Ai paralajmëroi se çdo hezitim për bashkëpunim shkon në favor të kryeministrit Rama, të cilin e cilësoi si e keqja e vendit.

 

Petrit Hamiti: A mendoni se mund të arrini të bashkoheni me partitë e tjera si Bashkë, Mundësia, Shqipëria Bëhet, për kandidatë të përbashkët në zgjedhjet lokale?*

Sali Berisha: Partia Demokratike është e sinqertë, është e hapur dhe absolutisht e gatshme për kompromise dhe ujdi me këto forca politike për kandidatë të përbashkët në mbarë vendin dhe për një betejë të përbashkët në rrëzimin e Edi Ramës në Tiranë dhe kudo në Shqipëri. Dhe unë prapë shfrytëzoj këtë moment, t'u bëj thirrje drejtuesve të këtyre partive të lënë me një anë kundërshtitë dhe të bashkohemi për të shpëtuar Shqipërinë nga një e keqe e madhe që s'e ka pasur ndonjëherë. Çdo hezitim shkon në favor të Edi Ramës. 

Unë nuk u them atyre në qoftë se ata s'duan, hajde të qeverisim bashkë.  Unë nuk u them atyre që në qoftë se ata nuk duan, urdhëro të dalim dhe në zgjedhjet e përgjithshme bashkë. Por hajde të rrëzojmë Edi Ramën, të shkojmë drejt krijimit të një qeverie kujdestare për të bërë reformën zgjedhore dhe ju siguroj se ajo reformë do të pasqyrojë plotësisht propozimet dhe sugjerimet e tyre. Plotësisht, unë i kam lexuar ato, kemi pasur dhe një dialog në këtë drejtim, pa asnjë hezitim. Dhe t'i japim atij edhe në zgjedhjet lokale mësimin që meriton, të shpëtojmë Shqipërinë nga kjo e keqe, e ju them prapë, mos hezitoni se kush përfiton. Çdo shqiptar e din që përfiton Rama dhe ju nuk duhet të jeni kurrë që të përfitojë kjo e keqe./Dosja.al

2 JAVE ME PARE

"Dje në protestë ishte populli demokrat"/ Berisha: Bëj sërish thirrje për bashkim në mbështetje të revoltës studentore(VIDEO)

Nga roli i opozitës në raportin e KE-së te revolta studentore,
Sali Berisha

TIRANË- Kreu i Partisë Demokratike Sali Berisha, ka deklaruar se incidentet e ndodhura gjatë protestës së studentëve nuk janë shkaktuar nga vetë studentët, por nga persona që ishin paguar për të provokuar dhe krijuar tensione. Duke iu përgjigjur pyetjes nëse PD-ja duhet të organizojë protesta të veçanta nga studentët, Berisha deklaroi se nuk ka pasur asnjë incident nga ana e tyre, ndërsa pretendoi se personat që krijuan tensione nuk ishin studentë, por individë të moshave 30 deri në 50 vjeç, të paguar për të nxitur dhunën. Gjatë fjalës së tij, ai akuzoi mediat pranë qeverisë se kishin qenë të pranishme pikërisht në momentet e incidenteve për t'i filmuar ato.

Berisha theksoi se PD-ja do të vijojë të mbështesë studentët, pa simbolet partiake dhe në respekt të lëvizjes. Ai bëri të ditur se mbi 600 studentë kanë marrë mbrojtje ligjore nga zyra e PD-së, duke pretenduar se opozita i ka mbështetur ata përballë policisë dhe procedimeve gjyqësore. Në përfundim, kreu i demokratëve u bëri thirrje të gjitha forcave politike opozitare dhe qytetarëve që ti bashkohen revoltës studentore, duke theksuar se askush nuk mund t'ia kufizojë askujt të drejtën për të protestuar.

 

*Kristi: Doktor, në protestën e djeshme përsëri pati incidente mes protestuesve. Mendoni se ndoshta Partia Demokratike duhet të ketë protestën e vet dhe mos të shkojë në ditën që e shpallin studentët?*

*Sali Berisha:* Siç e patë ju i dashur Kristi, asnjë incident nuk pati nga studentët. Zero incidente. 
Unë mund të them ty, i kam dhe emrat e tyre. Dhe mund t'ua them, por vetëm për hir të asaj që s'po më duket e drejtë se do ta marrin si një sulm të egër personal, por absolutisht ata ishin që të gjithë të paguar fort për të provokuar dhe për të krijuar incidente.  Në qoftë se e vutë re ju Kristi, pikërisht aty ku u krijuan ato dy-tre, ndodheshin si për çudi mediat e qeverisë që t'i filmonin. 

Por ata edhe njëherë, nuk janë studentë. Ju i rishihni edhe njëherë videot. Janë persona që ka prej tyre dhe 40-50 vjeç, ka të tjerë 30 vjeçarë me radhë, kështu që s'kanë asgjë të përbashkët me studentët.  Por një gjë, në qoftë se ju quani studentë disa eksponentë që i morën shpirtin Flamingove, gaboni. Ata janë rrezik për çdo lëvizje. Ata janë zjarrfikës të paguar profesionistë. Kështu që nuk kanë asgjë të përbashkët me protestën.  Kurse, ata që thonë se kjo protestë ishte e popullit, dje populli siç e patë ishte populli demokrat. 

Dhe ka qenë dhe do të jetë populli demokrat në mbështetje të studentëve, në mbrojtje të tyre.  Kristi, që kur ka filluar revolta studentore, e cila është thirrur dhe njëherë nga Sindikata e Pavarur e Arsimit të Lartë, thirrje të cilës të rinjtë e Forumit Rinor të Partisë Demokratike në universitete, në shkolla të mesme dhe jashtë universiteteve u janë përgjigjur ndër të parët.  Deputetët e Partisë Demokratike, drejtuesit e saj, në mënyrë konstante kanë marrë pjesë në to. Dhe përveç pjesëmarrjes si mbështetje, kanë bërë një mbrojtje efikase të studentëve nga policia, narkopolicia, nga proceset gjyqësore dhe të tjera.  Janë mbi 600 studentë, të cilët kanë marrë mbrojtje ligjore nga zyra jonë ligjore. 
Ndaj dhe ne jemi parti proteste. 

Kemi lindur në protestë dhe do të jemi në këtë protestë. Jo me simbolet tona, në respekt të studentëve dhe pluralitetit të tyre, por në mbështetje të plotë.  Dhe unë ftoj edhe njëherë të gjitha forcat politike opozitare, të gjithë qytetarët, t'i mbështesim studentët.  Regjimi kreu barbarinë ndaj tyre. Si mundet ne të pranojmë të tërhiqemi para akteve barbare, para plumbave që u vërshuan mbi të rinjtë, para gjymtyrëve të thyera, kafkave të çara. Nuk mundet të ndodhë kjo kurrë. 
Ne jemi forcë politike. Ne përdorim ato instrumente që kemi. Dhe kur ne bëjmë thirrje, nuk shkojmë kurrë për të postuar, jo, ne shkojmë për të mbështetur dhe për të mbrojtur, po. 

Dhe unë them se këtë detyrë e kemi bërë më shumë se asnjë forcë tjetër politike. Ndaj dhe edhe njëherë shfrytëzoj rastin të bëj thirrje për bashkim, të bashkohemi në mbështetje të revoltës studentore. Ata që mendojnë se protesta është e tyre, ata përsërisin në mënyrë të pavetëdijshme, në një formë apo një tjetër, kufizimin e të drejtës për protestë. Askush s'mund t'i kufizojë tjetrit të drejtën e protestës. Kjo është e paimagjinueshme./Dosja.al

2 JAVE ME PARE

Berisha: Rama është kthyer në kufomë politike nga goditjet që ka marrë nga revolta studentore(VIDEO)

Nga roli i opozitës në raportin e KE-së te revolta studentore,

TIRANË- Kreu i Partsë Demokratike, Sali Berisha, ka deklaruar se protesta studentore ka vijuar me intensitet, ndërsa opozita do të organizojë sërish protesta kombëtare në mbështetje të studentëve.

Gjatë një bashkëbisedimi 'live' në rrjetet sociale me ndjekësit, ai sulmoi kryeministrin Rama, duke u shprehur se revolta studentore e ka dobësuar politikisht dhe e ka 'damkosur para shqiptarëve dhe para mbarë botës'.

 

BERISHA: Ndërkohë, revolta studentore ka vazhduar e fuqishme. Partia Demokratike ka organizuar dhe organizon përsëri protesta kombëtare në mbështetje të studentëve dhe mund të them se goditjet që ka marrë Edi Rama nga revolta studentore e kanë bërë atë një kufomë politike krejtësisht të pashpresë, e kanë damkosur para shqiptarëve dhe mbarë botës./Dosja.al

2 JAVE ME PARE

"Raporti i KE-së është më i rëndësishmi për integrimin në Bashkimin Evropian"/ Berisha: Opozita ka luajtur rolin e saj për këtë raport(VIDEO)

Nga roli i opozitës në raportin e KE-së te revolta studentore,
Sali Berisha

TIRANË- Kreu i Partisë Demokratike Sali Berisha, ka reaguar lidhur me raportin e fundit të Komisionit Europian për Shqipërinë, duke e cilësuar atë si një pasqyrim të realitetit dramatik të vendit. Gjatë një bashkëbisedimi 'live' në rrjetet sociale me ndjekësit, ai akuzoi kryeministrin Rama dhe qeverinë për cenimin e standardeve zgjedhore, bllokimin e drejtësisë dhe përdorimin e institucioneve në funksion të interesave politike.

Gjatë fjalës së tij, Berisha u ndal edhe te problematikat e evidentuara në prokurimet publike, duke pretenduar se tenderat anulohen dhe fitohen përmes procedurave të paracaktuara. Sipas tij, raporti i KE-së konfirmon denoncimet e opozitës për korrupsionin dhe keqmenaxhimin e fondeve publike. 

 


 
 BERISHA; Java ishte një javë tejet e trishtë për narkoregjimin e Padrinos së Shqipërisë. Raporti i Komisionit Europian që është dhe raporti më i rëndësishëm për procesin më kryesor të Shqipërisë, avancimin e saj drejt integrimit në Bashkimin Europian, këtë vit ishte si asnjë vit më parë. Këtë vit raporti pasqyronte në tërësi në aspekte tërësore realitetin dramatik të Shqipërisë

.Në raport, në çdo rresht, në çdo paragraf, Padrino dhe organizata e tij kriminale merrnin nga një damkë të zezë.
Sipas raportit, zgjedhjet nuk plotësuan kriterin më themelor ndërkombëtar të zgjedhjeve të lira, barazinë e palëve në garë dhe u ndërthurën me ndikime nga më të ndryshmet. Raporti denoncon Edi Ramën dhe parlamentin për bllokimin e vendimit të Gjykatës Kushtetuese. Por në mënyrë të veçantë si strumbullari i zi në këtë raport qëndron Lubi Rama, t’ia heqim atë mbiemër Balluku ose ta quajmë Edvin Balluku, me vjedhjet e saj të pallogaritshme së bashku me Palloshin e Gjatë dhe 81 mandatet e krimit që bllokuan drejtësinë, bllokuan arrestimin e saj.

Raporti i jep një mbështetje protestave të fuqishme kundër narkoregjimit, sikundër denoncon rënien e prodhimit në Shqipëri, denoncon ligjet e klientelës dhe kërkon anulimin e menjëhershëm të tyre. Shpartallon siç është me denoncimet e tij prokurimet publike dhe fakton indirekt se ajo që thotë opozita se në 13 vite, nga rreth 72 miliardë euro taksa dhe tatime në total, Edi Rama, organizata e tij kriminale dhe lukunia e tij ka vjedhur dhe ka shpërdoruar të paktën 50 miliardë.
Po ku e thotë këtë? Lexoni çfarë thotë për prokurimet. 38 përqind e prokurimeve anulohen. Dihet pse anulohen, kur ata që janë në tender nuk pranojnë pazare paraprake, tenderi gjithnjë anulohet.

25 përqind e tenderave, thotë raporti, fitohen me një garë. Ai që fiton me një garë me tendera sekretë më shumë se çdokush tjetër është familja Rama, Armand Frangu, kunati i dashur i Linda Ramës dhe baxhanaku që shndërroi AKSHI-n në kopshtin privat të Edi Ramës. Pra ai, me procedura sekrete me një ofertë është numri një në Shqipëri. Raporti për prokurimet publike thotë se rreth 30 përqind e tenderave janë fituar me shumën më të lartë. Me shumën më të lartë sepse ajo shuma më e lartë do të thotë që paratë ndahen midis tenderuesit dhe tenderfituesit. 

Pra në historinë e raporteve të Komisionit Europian, ky raport damkos në mënyrë përfundimtare Edi Ramën, dhe unë falënderoj Komisionin Europian për raportin e tij, por theksoj këtu jashtë modestisë se opozita ka luajtur rolin e saj.
Se opozita ia doli të bindë dhe të sjellë në Shqipëri misionin faktmbledhës të Komisionit të Jashtëm të Parlamentit Evropian, i cili hartoi një raport që është pasqyruar në tërësi plotësisht në raportin e Komisionit Europian.  Opozita ia doli të sjellë në Shqipëri si mision faktmbledhës misionin e EPP-së të përbërë nga përfaqësues të 30 partive, shumica e të cilëve sot janë në pushtet. 

Pra jemi mirënjohës por jemi gjithashtu krenarë sepse kemi bërë detyrën tonë në mbrojtje të interesave të qytetarëve shqiptarë.  Mbetet prapë punë për t'u bërë, mbetet punë veçanërisht për zbërthimin e mëtejshëm të narkoshtetit dhe Shqipërisë si protektorat krimi, problemi më madhor, ndër më madhorët në tërë historinë tonë./Dosja.al

sali berisha

Sondazh

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin