LIVE UPDATES
LIVE UPDATES

Progres raporti për Shqipërinë/ Rama injoron akuzat e Veliajt: Janë të parëndësishme. Ambasadorja de Sousa: Lufta kundër korrupsionit sfidë. Duhet Reformë Zgjedhore gjithpërfshirëse

• Kryeministri Edi Rama ka zhvilluar një konferencë të përbashkët me ambasadoren e Bashkimit Evropian në Tiranë, Sofia Moreira de Sousa. • Duke komentuar progres-raportin e Komisionit Evropian për Shqipërinë, Rama e cilësoi atë si më pozitivin që vendi ka marrë deri më tani. • Gjatë fjalës së tij, kryeministri theksoi se Shqipëria ka hyrë në fazën përfundimtare të negociatave për anëtarësimin në BE, duke e përshkruar këtë etapë si “kilometrin e fundit” të rrugëtimit evropian. • Sipas kryeministrit, raporti evidenton përparime të rëndësishme në disa fusha, veçanërisht në reformën në drejtësi, luftën kundër korrupsionit dhe rezultatet e SPAK-ut, për të cilin vlerësohet pavarësia dhe puna në përmbushjen e misionit të tij. • Megjithatë, Rama pranoi se dokumenti evidenton edhe problematika që kërkojnë vëmendje, si vonesat në gjykata, funksionimi i institucioneve demokratike, liria e medias dhe mbrojtja e mjedisit. • Ai u ndal gjithashtu te rëndësia e dialogut politik dhe respektimit të së drejtës për protestë, duke theksuar se dhuna nuk duhet të ketë vend në një shoqëri demokratike. • Më tej, kreu i qeverisë nënvizoi se integrimi evropian nuk është thjesht një proces politik, por mbi të gjitha një rrugë për përmirësimin e standardeve të jetesës dhe krijimin e mundësive që qytetarët shqiptarë të ndërtojnë të ardhmen e tyre në vend. • Nga gazetarët Rama është pyetur në lidhje me akuzat e kryebashkiakut socialist të Tiranës Erion Veliaj kundër tij, por i ka shmangur komentet duke i cilësuar ato si të parëndësishme. • Nga ana tjetër, ambasadorja e BE-së, Sofia Moreira de Sousa, vlerësoi përparimin e Shqipërisë në procesin e integrimit, por theksoi se korrupsioni mbetet një sfidë reale. • Ajo vlerësoi pavarësinë dhe rezultatet e SPAK-ut në luftën kundër krimit të organizuar dhe korrupsionit në nivele të larta, duke nënvizuar se këto përpjekje duhet të vijojnë dhe se vendi duhet të punojë më shumë edhe për parandalimin e korrupsionit. • Ambasadorja theksoi gjithashtu se çdo reformë apo nismë ligjore duhet të mbështetet në reformën në drejtësi, për të garantuar funksionimin efektiv të sistemit dhe hetimin e korrupsionit në nivele të larta. • Sa i përket demokracisë, de Sousa evidentoi klimën e polarizuar politike, mungesën e mbikëqyrjes parlamentare ndaj qeverisë dhe konsultimet e pamjaftueshme publike. • Ajo u ndal edhe te protestat e zhvilluara në Shqipëri, duke thënë se ato nisën për shkak të shqetësimeve mjedisore, por më pas u shndërruan në një lëvizje më të gjerë që kërkonte transparencë, llogaridhënie, luftë kundër korrupsionit dhe qeverisje të mirë. • Ambasadorja theksoi se protestat paqësore janë pjesë e jetës demokratike, ndërsa çdo reagim i policisë ndaj akteve të dhunës duhet të jetë proporcional dhe në përputhje me ligjin.• Për lirinë e medias, ambasadorja nënvizoi se financimi i mediave mbetet ende jo transparent, ndërsa kërkoi që përdorimi i forcës së policisë ndaj gazetarëve të hetohet. 

17 artikuj për këtë temë.

2 JAVE ME PARE

Rama: 3 grupe studentësh janë kthyer mbrapsht me dhunë pse donin të më takonin mua(VIDEO)

Progres raporti për Shqipërinë/ Rama injoron akuzat e Veliajt:
Edi Rama

TIRANË- Kryeministri Edi Rama, duke komentuar protestat, tha se studentët janë kërcënuar, për faktin se një pjesë e tyre kanë dashur të takohen me të. Gjatë fjalës së tij një konferencën e përbashkët  me ambasadoren e BE në Tiranë, Sofia Moreira de Sousa, Rama tha se tre grupe studentësh janë kthyer mbrapsht me dhunë, online dhe offline. Sipas Ramës, studentët që kanë tentuar ta takojnë Kryeministrin janë bullizuar në ekstrem. 

“Edhe një herë shumë faleminderit të gjithëve dhe siç e kam paralajmëruar, nesër ne do të “ndezim një tjetër dritare” në ekranet e kujtdo që është i interesuar, që është një dritare e dialogut, një dritare e dialogut që i ofrohet të gjithë atyre që duan të ndërveprojnë me mua, që duan të ndërveprojnë me qeverinë për çdo çështje që ata e shohin me rëndësi; një dritare e dialogut për studentët që kërcënohen nga pseudo studentë që shfaqen në dyert e auditorëve dhe që i çojnë mesazhe të dhunshme kujtdo që mendon ndryshe, sillet ndryshe apo që guxon për të hedhur hapin e dialogut. Tre grupe studentësh, tre janë kthyer mbrapsht me dhunë online dhe offline nga këta lloj pseudosh, në përpjekjen e tyre për të ardhur në takim me mua pa kamera, pa foto, pa njoftim shtypi, thjesht për të biseduar. Tre grupe studentësh me emra dhe me mbiemra, të dekonspiruar, dreqi e merr vesh se si dhe pastaj të bullizuar në ekstrem.," tha Rama./Dosja.al

2 JAVE ME PARE

Rama vazhdon të njëjtën retorikë për protestat: Duart e regjimit iranian janë në Bulevard(VIDEO)

Progres raporti për Shqipërinë/ Rama injoron akuzat e Veliajt:
Edi Rama

TIRANË- Kryeministri Edi Rama ka vijuar me të njëjtën retorikë për protestat, duke thënë se duart e regjimit iranian janë në Bulevard. Kryeministri thotë se protestat janë organizuar nga Irani dhe sipas tij ekzistojnë edhe fakte që dëshmojnë për ndërhyrjen e regjimit iranian.

Rama iu referua gjithashtu edhe një deklarate të një personaliteti francez, i cili, sipas tij, ka folur për përfshirjen e Shqipërisë në luftën hibride dhe ndërhyrjet e huaja në vendet evropiane.

“Unë e di që është e lehtë të bësh ironi me përfshirjen e aktorëve të huaj, por përfshirja e aktorëve të huaj në protestën e qershorit deri sot që flasim është reale. Dhe nuk isha unë apo nuk ishte një përfaqësues i institucioneve tona, por ishte një nga personalitetet e mirënjohur të Francës për ndërhyrjet malinje në vendet demokratike që para pak ditësh tha shprehimisht që “Shqipëria ka qenë pjesë e kësaj lufte hibride”.Unë nuk kam thënë kurrë që protestat i organizoi Irani, por kam thënë që duart e regjimit kriminal të Teheranit janë atje në bulevard dhe janë me fakte”, tha Rama./Dosja.al

2 JAVE ME PARE

Rama kërcënon studentët në sy të Ambasadores se BE-së: Përgjigjen do ta marrin edhe ligjërisht edhe penalisht(VIDEO)

Progres raporti për Shqipërinë/ Rama injoron akuzat e Veliajt:
Edi Rama

TIRANË-  Kryeministri Edi Rama ka kërcënuar studentët, duke i paralajmëruar me pasoja ligjore dhe penale të gjithë ata që, sipas tij, ngrenë dorën kundër policisë apo bllokojnë rrugët. Gjatë fjalës së tij, në konferencën e përbashkët me Ambasadoren e BE-së, Rama iu referua edhe së kaluarës së tij si student, duke theksuar se përvoja e përballjes me një regjim real e ka bërë të pandjeshëm ndaj presionit dhe frikësimit. Ai theksoi ndër të tjera se dhuna dhe përpjekjet për ta frikësuar nuk do të ndikojnë në qëndrimin e tij dhe në atë që e cilësoi si rrugëtimin e tyre.

"Një gjë dua të jetë e qartë për të gjithë. Unë nuk jam më as student, as pedagog, por vij nga një rrugë ku kam qenë student dhe pedagog dhe bashkë me studentët kam dalë kundër një regjimi real, jo regjimi imagjinar, vetëm për një arsye; për të qenë i lirë të them atë që dua, ku të dua. Kush mendon se me frikën, me trembjen, me kërcënimin, me dhunën do ketë impaktin më të vogël mbi mua dhe mbi rrugëtimin tonë, i ka bërë të gjitha llogaritë gabim. Përkundrazi, do ta marrë përgjigjen hap pas hapi ligjërisht, siç po e marrin një nga një edhe penalisht edhe administrativisht. Edhe ata që ngrenë dorën kundër Policisë dhe kundër shtetit, edhe ata që bllokojnë rrugët se ashtu ju vjen atyre dhe ndërkohë nuk duan të dinë për mijëra e dhjetëra-mijëra të tjerë që janë në qytetin e tyre, janë në të drejtën e tyre të lëvizin lirisht në këtë qytet dhe janë në lirinë e tyre që të bëjnë atë që duan, të thonë atë që duan, të mendojnë atë që duan dhe të shkojnë aty ku duan.”, tha Rama./Dosja.al

2 JAVE ME PARE

"S'kemi lidhje me Serbinë"/ Rama: Kam ndërmarrë reforma, i kemi dëgjuar protestuesit(VIDEO)

Progres raporti për Shqipërinë/ Rama injoron akuzat e Veliajt:

TIRANË-  Kryeministri Edi Rama, duke komentuar situatën politike në vend, hodhi poshtë çdo krahasim mes zhvillimeve në vendin tonë dhe atyre në Serbi. Sipas tij, Shqipëria dhe Serbia përfaqësojnë dy realitete krejt të ndryshme, pavarësisht përpjekjeve për t'i lidhur mes tyre.

Rama u ndal edhe te protestat e zhvilluara në vend, duke kujtuar mobilizimin e madh të muajit qershor. Ai theksoi gjithashtu se mazhoranca ka ndërmarrë hapa konkretë për t'iu përgjigjur shqetësimeve të qytetarëve, duke përmendur si shembuj rritjen e transparencës për projektet në Sazan dhe Zvërnec, si dhe masat e përfshira në buxhetin e ri.

"Tani, se sa e ngjashme është Shqipëria me Serbinë dhe situata në Serbi me situatën në Shqipëri, këtë mund ta konstatoni duke krahasuar qëndrimin e BE ndaj ndryshimit në Serbi dhe ndaj ndryshimeve të mëdha që ka bërë Shqipëria këtë vit. Pra, janë dy realitete që nuk kanë asnjë gjë të përbashkët njëri me tjetrin, pavarësisht përpjekjes për t’i bashkuar në funksion të një agjende që nuk është agjenda e BE, nuk është agjenda e qeverisë dhe e shumicës qeverisëse. Është agjenda e atyre që duan të rrëzojnë qeverinë me dhunë. Për sa i takon pastaj mobilizimit të madh, unë e kam thënë vetë dhe kam bërë vetë dallimin midis protestave masive të fillim qershorit dhe degradimit më pas të bulevardit në një arenë “sorrash dhe korbash”, që nuk kishte se si të mos sillte tek dhuna sepse ishte e dhunshme, dhe pa qenë me gurë dhe me molotov në dorë kur parullë kishte “s”ka dialog, jep dorëheqjen”. Legjitime në demokraci që dikush ta mendojë kështu, totalisht ilegjitime të përdoret guri dhe zjarri në funksion të këtij mendimi, ndërkohë që në funksion të protestave masive ne kemi bërë hapa të rëndësishëm për të adresuar ato që i kemi lexuar si arsye të mobilizimit qytetar.

Hapa në drejtim të transparencës. Me këtë rast kujtoj se kemi publikuar gjithçka lidhur me Zvërnecin dhe Sazanin dhe nuk kemi parë asnjë kontestim përmbajtjesor, pasi gjithçka është në anën tonë, për sa i takon procesit të ndjekur dhe ligjshmërisë dhe moralit të Republikës që ne përfaqësojmë në këtë proces. Më pas me buxhetin e ri kemi adresuar drejtpërdrejtë çështje, të cilat lidhen me anën ekonomike të shqetësimeve të njerëzve që nga realizimi i një zotimi të kahershëm të uljes së TVSH-së për shportën në 6% deri tek ulja e drejtpërdrejtë të çmimit të naftës në pompë me 32 lek duke ri spostuar taksën e qarkullimit tek automjeti dhe duke e nxjerrë nga përbërja e çmimit dhe të tjera gjëra që nuk po i numëroj këtu. Kam dëgjuar që është quajtur kthimi tek e majta ideologjike. Këta nuk dinë se çfarë flasin. Nuk është kthimi tek e majta ideologjike, por është krijimi i mundësive për të rishpërndarë më shumë nga rritja e ekonomisë. Ajo që ka qenë prej kohesh objektivi dhe shqetësimi ynë kryesor, si të rishpërndajmë më shumë duke rritur më shumë ekonominë. Nuk e bën e majta dhe e djathta “vezën e kuqe”. Është vetëm ekonomia që na jep ose jo mundësitë dhe ekonomia jonë rritet ndryshe nga çfarë mund të thuhet rritja e saj na ka dhënë mundësinë që të ri shpërndajmë masivisht me një pakete të re që do të ishte totalisht e pamundur dhe ka qenë totalisht e pamundur në kushte të tjera." tha Rama./Dosja.al

2 JAVE ME PARE

Progres-raporti i KE-së/ Ambasadorja de Sousa: Duhet urgjentisht një Reformë Zgjedhore gjithëpërfshirëse(VIDEO)

Progres raporti për Shqipërinë/ Rama injoron akuzat e Veliajt:
Ambasadorja e Bashkimit Evropian në Tiranë, Sofia Moreira de Sousa, Edi Rama

TIRANË-  Ambasadorja e Bashkimit Evropian në Tiranë, Sofia Moreira de Sousa ka ngritur shqetësimin për situatën e demokracisë në vend, duke vënë në dukje klimën e polarizuar politike, dobësimin e mbikëqyrjes parlamentare ndaj qeverisë dhe mungesën e konsultimeve publike. Gjatë deklaratës së përbashkët me Kryeministrin Edi Rama, Ambasadorja theksoi se Reforma Zgjedhore mbetet një çështje urgjente për përmbushjen e rekomandimeve të OSBE/ODIHR.

Ajo nënvizoi se procesi i reformës duhet të jetë gjithëpërfshirës dhe të mos kufizohet vetëm te dy partitë kryesore politike, por të përfshijë të gjitha forcat politike dhe aktorët e tjerë të interesuar. Sipas saj, një reformë e qëndrueshme kërkon dialog politik, transparencë dhe konsultim të gjerë, me qëllim forcimin e institucioneve demokratike dhe garantimin e standardeve zgjedhore.

 

"Sa i përket demokracisë, raporti vë në dukje një klimë thellësisht të polarizuar, mbikëqyrje të kufizuar parlamentare ndaj qeverisë dhe mungesë të konsultimeve publike kuptimplota. Reforma zgjedhore është urgjente me qëllim përmbushjen e rekomandimeve të OSBE/ODIHR dhe kjo kërkon një proces gjithëpërfshirës që të shkojë përtej dy  partive kryesore, të cilat kanë përfaqësim të barabartë në Komisionin e posaçëm parlamentar për reformën zgjedhore," tha de Sousa./Dosja.al

2 JAVE ME PARE

Progres-raporti i KE-së/ Ambasadorja evropiane: Duhet të punohet për parandalimin e korrupsionit(VIDEO)

Progres raporti për Shqipërinë/ Rama injoron akuzat e Veliajt:
Sofia Moreira de Sousa

TIRANË-  Ambasadorja e Bashkimit Evropian në Tiranë, Sofia Moreira de Sousa, tha se sa i përket drejtësisë dhe krimit të organizuar, Progres-raporti i KE-së evidenton përparim të mirë. Sa i përket Prokurorisë së Posaime, Ambasadorja tha se SPAK ka vijuar të dëshmojë pavarësi dhe të japë rezultate në luftën kundër krimit dhe korrupsionit në nivele të larta, por megjithatë këto përpjekje duhet të vijojnë pasi korrupsioni mbetet një sfidë reale për Shqipërinë.

Sipas saj, çdo reformë apo nismë ligjore duhet të mbështetet në reformën në drejtësi me qëllim ruajtjen e funksionimit efektiv të sistemit të drejtësisë, përfshirë hetimin dhe ndjekjen penale të korrupsionit në nivele të larta.

"Sa i përket drejtësisë, korrupsionit dhe krimit të organizuar raporti evidenton përparim të mirë. SPAK ka vijuar të dëshmojë pavarësi dhe të japë rezultate në luftën kundër krimit të organizuar dhe korrupsionit në nivele të lartë. Këto përpjekje duhet të vijojnë pasi korrupsioni mbetet një sfidë reale. Pikërisht për këtë arsye është kaq e rëndësishme që të punohet më tej edhe për parandalimin e korrupsionit. Çdo reformë apo nismë e ardhshme ligjore duhet të mbështetet në reformën në drejtësi të vitit 2016 me qëllim ruajtjen dhe forcimin e mëtejshëm te funksionimit efektiv të sistemit të drejtësisë, përfshirë hetimin dhe ndjekjen penale të korrupsionit në nivele të larta." tha ambasadorja evropiane./Dosja.al

2 JAVE ME PARE

Akuzat e Veliajt/ Rama i injoron: Janë si zhurmat e makinave që kalojnë, të parëndësishme(VIDEO)

Progres raporti për Shqipërinë/ Rama injoron akuzat e Veliajt:
Edi Rama

TIRANË- Kryeministri Edi Rama ka shmangur komentet lidhur me akuzat e kryebashkiakut të Tiranës, Erion Veliaj, duke i cilësuar ato si të parëndësishme. I pyetur nga gazetarët gjatë konferencës për shtyp, pas marrjes së progres-raportit të Komisionit Evropian, Rama zgjodhi të flasë për ecurinë e qeverisë dhe procesin e integrimit evropian.

Ai deklaroi se progres-raporti është pasqyra e punës së qeverisë dhe se vlerësimi i tij për këtë dokument është pozitiv. Në fund, Rama i cilësoi akuzat dhe zhvillimet e tjera si zhurma makinash në bulevard që s'kanë asnjë rëndësi.

"Së pari dua të them që Raporti i Progresit është në radhë të parë pasqyrë e punës së qeverisë dhe kush do të dijë së në çfarë forme është qeveria, lexon Raportin e Progresit dhe e ka aty ‘’dëftesën’’ e qeverisë, një dëftesë që mua më gëzon sepse është shumë e qartë që Shqipëria ka bërë një progres të madh të cilin për fat të keq, shqiptarët nuk e konstatojnë dot nga ekranet dhe nga kanalet e dezinformimit publik. Nga ana tjetër, dua të them që qeveria është në krye të detyrës dhe vazhdon të punojë siç e kam thënë dhe më parë, çdo ditë dhe kur them çdo ditë, çdo ditë me pikërisht, këtë objektiv për të cilin jemi mbledhur këtu sot në këtë konferencë të posaçme shtypi, objektivi historik i bashkimit përfundimtar të vendit tonë me Europën dhe moslejimi i humbjes së një mundësie historike që e kemi krijuar me jashtëzakonisht shumë punë, por dhe që është ndihmuar nga ai që unë e quaj dhe ju e cituat “rreshtimi i yjeve në favor të Shqipërisë dhe të shqiptarëve’’. Të tjerat janë si këto zhurmat e makinave që shkojnë e vinë nëpër bulevard. Aq sa janë ato të rëndësishme për ne që jemi këtu, aq janë të rëndësishme për mua ato që pyetët ju.," tha Rama./Dosja.al
 

2 JAVE ME PARE

Anëtarësimi i vendit në BE, ambasadorja de Sousa: Reformat duhet të miratohen dhe të vihen në zbatim(VIDEO)

Progres raporti për Shqipërinë/ Rama injoron akuzat e Veliajt:
Sofia Moreira de Sousa dhe Edi Rama

TIRANË- Ambasadorja e Bashkimit Evropian në Shqipëri, Sofia Moreira de Sousa, ka theksuar se përmbushja e reformave dhe zbatimi i tyre do të jenë vendimtare për ecurinë e negociatave me BE-në. Gjatë konferencës për shtyp, ku iu dorëzua kryeministrit Edi Rama progres-raporti i Komisionit Evropian, ambasadorja u shpreh se Shqipëria ka treguar se mund të përballet me sfidat e integrimit, por rruga përpara mbetet kërkuese.

Ajo theksoi se ritmi i mëtejshëm i procesit do të varet nga miratimi i reformave, zbatimi i tyre dhe zhvillimi i diskutimeve me shoqërinë shqiptare.

“Dje, Shqipëria mori dhe udhërrëfyesin orientues të anëtarësimit. Ai nuk vendos kushte të reja, as nuk ofron rrugë të shkurtra. Udhërrëfyesi pasqyron vetë synimin e Shqipërisë për të përmbyllur negociatat deri në fund të vitit 2027. Ky synim varet nga reformat dhe rezultatet konkrete. Shpejtësia nuk mund të ofrohet në dëm të cilësisë dhe gjithëpërfshirës, pra reformat kërkojnë konsultim të mirëfilltë dhe debat të hapur në Kuvend, që është përgjegjësi e të gjitha forcave politike në Shqipëri.”, theksoi ajo./Dosja.al

2 JAVE ME PARE

Protestat masive në Shqipëri, ambasadorja e BE-së: U shndërruan në lëvizje që kërkonin llogaridhënie dhe luftë kundër korrupsionit(VIDEO)

Progres raporti për Shqipërinë/ Rama injoron akuzat e Veliajt:
Sofia Moreira de Sousa dhe Edi Rama

TIRANË- Ambasadorja e Bashkimit Evropian në Tiranë, Sofia Moreira de Sousa, ka komentuar protestat masive të zhvilluara në Shqipëri, duke theksuar se ato nisën në maj për shkak të shqetësimeve mjedisore, por më pas u shndërruan në një lëvizje më të gjerë qytetare. Gjatë konferencës për shtyp, ku i dorëzoi Ramës progres-raportin e Komisionit Evropian, Moreira de Sousa tha se protestuesit kërkuan transparencë, llogaridhënie, luftë kundër korrupsionit dhe qeverisje të mirë.

Ajo nënvizoi se protestat paqësore janë pjesë e jetës demokratike, ndërsa theksoi se dhuna nuk ka vend dhe çdo reagim i institucioneve ndaj saj duhet të jetë proporcional dhe në përputhje me ligjin.

“Sot paradite bëmë në fakt një diskutim të hollësishëm në lidhje me këtë çështje me koleget e Komisionit Evropian dhe autoriteteve shqiptare. të cilat do vazhdojnë ta diskutojnë këtë çështje dhe në ditët në vijim.Dhe ishin pikërisht shqetësimet mjedisore ato që nxitën protestat paqësore. të cilat nisën në fund të muajit maj. Protestat më pas u shndërruan në një lëvizje më të gjerë që kërkonte transparencë, llogaridhënie, luftë kundër korrupsionit dhe qeverisje të mirë. Protestat paqësore janë pjesë e jetës demokratike, por në këtë jetë demokratike, dhuna nuk ka vend dhe çdo reagim ndaj akteve të dhunës, duhet të mbetet proporcional dhe në përputhje me ligjin, por e përsëris, dhuna nuk ka vend në jetën demokratike të vendit. Pakënaqësitë duhet të zgjidhen përmes një dialogu të mirëfilltë, ndërsa ajo që u takon institucioneve demokratike, është që të krijojnë hapësirën e nevojshme për zhvillimin e këtij dialogu.,” tha Ambasadorja./Dosja.al

2 JAVE ME PARE

Progres-Raporti i KE-së/ Ambasadorja e BE-së: Përdorimi i forcës së policisë ndaj gazetarëve duhet hetuar(VIDEO)

Progres raporti për Shqipërinë/ Rama injoron akuzat e Veliajt:

TIRANË- Ambasadorja e Bashkimit Evropian në Shqipëri, Sofia Moreira de Sousa, ka ngritur shqetësimin për lirinë e medias në Shqipëri dhe mbrojtjen e gazetarëve. Gjatë konferencës për shtyp për dorëzimin e progres-raportit të Komisionit Evropian, De Sousa theksoi se financimi i medias vijon të mbetet jo transparent. 

Ambasadorja u ndal edhe te përdorimi i forcës së policisë ndaj gazetarëve, duke kërkuar që këto raste të hetohen. Moreira de Sousa nënvizoi gjithashtu rëndësinë e harmonizimit të dispozitave ligjore dhe shqyrtimit të projektligjeve madhore sipas standardeve të Bashkimit Evropian.

"Për sa i përket lirisë së medias, shpifja është e dekriminalizuar pjesërisht. Ky është një hap në drejtimin e duhur, por nuk mjafton në vetvete. Financimi i medias mbetet jo transparent, ende pritet një reformë gjithëpërfshirëse e medias që të trajtojë të gjitha mangësitë e identifikuara.Raportimet për përdorim jo proporcional të forcës nga policia ndaj gazetarëve duhet të trajtohet si çështje prioritare.Sa i përket mjedisit, përparimi ka qenë i kufizuar. Raporti konstaton se ndryshimet e vitit 2024 në ligjin për zonat e mbrojtura dhe zgjatje të përsëritura të ligjit për investime strategjike kanë sjellë përkeqësim të mbrojtjes së natyrës. Dispozitat që bien ndesh me njëra-tjetrën duhet të shfuqizohen ndërsa projektet madhore përfshirë atë të planifikuar në Zvërnec do të vlerësohen përkundrejt standardeve të BE-së”, tha ambasadorja e BE-së./Dosja.al

2 JAVE ME PARE

Ambasadorja e BE-së: Lufta kundër korrupsionit duhet vijuar, mbetet sfidë (VIDEO)

Progres raporti për Shqipërinë/ Rama injoron akuzat e Veliajt:
Sofia Moreira de Sousa dhe Rama

TIRANË- Ambasadorja e Bashkimit Evropian në Tiranë Sofia Moreira de Sousa i ka dorëzuar kryeministrit Edi Rama progres-raportin e Komisionit Evropian për Shqipërinë, gjatë një konference të përbashkët për shtyp. Në fjalën e saj, ambasadorja vlerësoi përparimin e Shqipërisë në procesin e integrimit evropian dhe angazhimin e qeverisë, por theksoi se vendi duhet të vijojë përpjekjet për përmbushjen e reformave.

Ajo vlerësoi pozitivisht punën e SPAK, ndërsa nënvizoi se korrupsioni mbetet një sfidë reale për Shqipërinë.

 

"Dje Komisioni Europian miratoi raportin e tij vjetor për Shqipërinë të cilin unë siç e patë, sapo ia dorëzova kryeministrit. Më herët sot raportin ia dorëzova presidentit të Amerikës dhe më pas do ta paraqes edhe në kuvend dhe në ditët në vijim raporti do i përcillet dhe ministrit për Europën dhe Punët e Jashtme, shoqërisë civile dhe komunitetit të biznesit. Raporti është tashmë publik dhe të gjithë shqiptarët mund ta lexojnë atë.Mesazhi i këtij raporti është i thjeshtë. “Shqipëria ka ecur përpara”. Zoti kryeministër, ky mesazh pasqyron punën e vërtetë dhe të fortë të qeverisë suaj si dhe të ekipit tuaj negociator si dhe angazhimin e vazhdueshëm në rrugën drejt BE-së. Të gjithë kapitujt e negociatave janë hapur dhe katër prej tyre janë mbyllur provizorisht. Vijimi i kësaj rruge kërkon përpjekje të vazhdueshme. Sa i përket drejtësisë, korrupsionit dhe krimit të organizuar raporti evidenton përparim të mirë. SPAK ka vijuar të dëshmojë pavarësi dhe të japë rezultate në luftën kundër krimit të organizuar dhe korrupsionit në nivele të lartë. Këto përpjekje duhet të vijojnë pasi korrupsioni mbetet një sfidë reale. Pikërisht për këtë arsye është kaq e rëndësishme që të punohet më tej edhe për parandalimin e korrupsionit.”, tha ajo./Dosja.al

2 JAVE ME PARE

Progres-raporti nxori në pah shumë problematika, Rama: Është dëftesë e përparimit të madh të Shqipërisë(VIDEO)

Progres raporti për Shqipërinë/ Rama injoron akuzat e Veliajt:
Edi Rama

TIRANË- Kryeministri Edi Rama deklaroi se shqiptarët kanë jetuar për vite me rradhë mes një kontrasti të madh, duke gjetur jashtë vendit mundësi për një jetë më të mirë që nuk i kanë pasur në Shqipëri. Gjatë konferencës së përbashkët me ambasadoren e BE-së, Rama tha se për shumë familje emigracioni ka qenë rruga drejt shërbimeve më të mira dhe një marrëdhënieje më të sigurt me shtetin.

Sipas Kryeministrit, Integrimi në Bashkimin Europian nuk është një proces që bëhet për Brukselin, Parisin apo Berlinin, por për të ndërtuar një shtet europian në Shqipëri, ku qytetarët do të kenë mundësi dhe kushte më të mira për rritjen e fëmijëve. 

“Dhe në fund dua të kthehem tek diçka që për mua personalisht, natyrisht nga pozita e kryeministrit mbetet thelbësore. Shqiptarët kanë jetuar për shumë vite me një kontrast shumë të madh, mes mundësive që kanë gjetur jashtë vendit dhe atyre që u ka ofruar vendi. Për shumë familje emigracioni ka qenë rruga drejt një pune më të mirë, një shkolle më të mirë, një shërbimi shëndetësor më të mirë apo thjesht fare një marrëdhënie më të sigurt më shtetin. Prandaj, nuk dua të hyj këtu tek gjërat që kanë ndryshuar në Shqipëri dhe as sa dhe si duhet të ndryshojnë akoma, por dua të shtoj se ne nuk mund të flasim me seriozitetin e duhur për bashkimin tonë me Europën e shteteve anëtare pa e pasur parasysh këtë realitet sepse në thelbin e tij i gjithë ky proces nuk është për Brukselin, nuk është për Parisin, nuk është për Berlinin, nuk është për të gjithë ata së bashku, por është shtet bërja europiane e Shqipërisë, ku shqiptarët të kenë institucionet, mundësitë ekonomike, sigurinë juridike dhe vend rritjen e fëmijëve këtu si në Europë. Kështu që, kushdo dëgjon për progresin në negociata për anëtarësim në Bashkimin Europian duhet ta mbajë parasysh pikërisht këtë thelb të këtij procesi, që është përmirësimi i standardeve të jetës së tij personalisht, kudo ku ndodhet këtu në Shqipëri dhe pikërisht kjo është arsyeja kryesore, që unë jam kaq i përkushtuar ndaj këtij procesi, por edhe arsyeja kryesore pse mua më gëzon shumë ky raport i progresit si një dëftesë shumë objektive e përparimit të madh të Shqipërisë.”, tha Rama./Dosja.al

2 JAVE ME PARE

Rama: Mundësia e mbylljes së negociatave s’mund të vihet në pikëpyetje për mustaqet e asnjë 'Çeloje'(VIDEO)

Progres raporti për Shqipërinë/ Rama injoron akuzat e Veliajt:
Edi Rama

TIRANË- Kryeministri Edi Rama ka theksuar rëndësinë e udhërrëfyesit të paraqitur nga Komisioni Europian për Shqipërinë, duke e cilësuar atë si një risi të rëndësishme që përcakton etapat dhe objektivat konkrete në procesin e Integrimit Europian. Sipas Kryeministrit, udhërrëfyesi nuk përcakton një datë anëtarësimi dhe as nuk paracakton rezultatin e negociatave, por tregon hap pas hapi rrugën që Shqipëria duhet të ndjekë drejt realizimit të këtij misioni kombëtar.

Kreu i qeverisë theksoi se koha po merr gjithnjë e më shumë rëndësi dhe se këtë duhet ta kuptojnë veçanërisht ata që janë në vijën e parë të procesit, në radhë të parë shumica qeverisëse. Kryeministri tha ndër të tjera se askush dhe asgjë nuk duhet ta vërë në pikëpyetje mundësinë historike për arsye të parëndësishme politike.

"Dua të ndalem dhe tek një risi me rëndësi të veçantë në paketën e zgjerimit të këtij viti.Për herë të parë Komisionit Europian ka paraqitur udhërrëfyesin orientues për 4 vendet më të përparuara në procesin e negociatave; Malin e Zi, Shqipërinë, Ukrainën dhe Moldavinë. Për Shqipërinë ky udhërrëfyes përcakton etapat dhe objektivat e punës për vitin sfidues që kemi përpara, duke i dhënë procesit shumë qartësi dhe parashikueshmëri. Ndërkohë Komisioni e konsideron objektivin tonë për t’i përfunduar negociatat deri në fund të vitit 2027 si ambicioz, por të arritshëm dhe ky është një vlerësim tejet i rëndësishëm për Shqipërinë, i cili duhet kuptuar nga të gjithë me peshën dhe kushtëzimet e tij. Udhërrëfyesi nuk përcakton një datë anëtarësimi sepse nuk ka sesi ta përcaktojë dhe natyrisht nuk e paracakton dot as rezultatin e negociatave por udhërrëfyesi na e tregon konkretisht, centimetër për centimetër siç thashë më lart, kilometrin e fundit të rrugës për të përmbushur këtë objekt kombëtar dhe historik.

Kjo do të thotë që koha merr çdo ditë më shumë rëndësi dhe çdo ditë bëhet më e çmuar në raport me këtë objektiv. Këtë duhet ta kuptojnë mirë që të gjithë ata që janë përfshirë në vijën e parë të këtij procesi, në radhë të parë Parlamenti, qeveria, gjyqësori dhe para të gjithëve duhet ta kuptojë shumica jonë qeverisëse. Mundësia që kemi sot për të përmbyllur negociatat e anëtarësimit në BE është unikale, është historike dhe nuk është aty si një e dhënë e palëvizshme një herë e përgjithmonë. Historia nuk do na e falte kurrë bjerrjen e kësaj mundësie për shkakun tonë, të shqiptarëve prandaj bashkë me të gjithë ata që e duan pa kushte suksesin e Shqipërisë unë do bëj çmosin tim që të ndodhë e kundërta e fatkeqësisë që i ka ndodhur këtij vendi sa herë ka pasur mundësinë te ngjitet lartë dhe që askush dhe asgjë të mos e vërë në pikëpyetje këtë mundësi historike për mustaqet e asnjë Çeloje.’, tha Rama./Dosja.al

2 JAVE ME PARE

Progres-raporti i KE-së/ Rama: Progresi s’duhet të na mbyllë sytë përpara problemeve reale(VIDEO)

Progres raporti për Shqipërinë/ Rama injoron akuzat e Veliajt:
Edi Rama

TIRANË-  Kryeministri Edi Rama, duke komentuar raportin e Komisionit Europian për Shqipërinë, tha se vlerësimi i progresit të vendit duhet të bëhet në mënyrë reale, duke marrë parasysh si arritjet, ashtu edhe problematikat që janë. Gjatë konferencës së përbashkët me ambasadoren e Bashkimit Europian, Sofia Moreira de Sousa, Rama u shpreh se raporti i KE-së përmban dy anë të së njëjtës medalje: përparimin e madh të Shqipërisë dhe sfidat që ende kërkojnë zgjidhje.

Sipas tij, problemet reale nuk duhet të zhvlerësojnë progresin e arritur, ndërsa arritjet nuk duhet të shërbejnë si arsye për të mbyllur sytë përpara problematikave. Kryeministri theksoi gjithashtu se një qasje e njëanshme ndaj raportit rrezikon të ushqejë ndasitë politike dhe përçarjen në vend, duke dëmtuar edhe procesin e Integrimit Europian.

"Ndërsa dialogu është jetik për bashkëjetesën demokratike dhe ne, shumica qeverisë kemi përgjegjësinë tonë të veçantë për ta mundësuar atë, sidomos me pjesë të shoqërisë që mendojnë ndryshe nga ne.Siç e shihni, nuk po flas sot vetëm për anën e ndritshme të medaljes së këtij raporti, që është në fakt më e ndritshme se asnjëherë tjetër, por edhe për anën me hije të kësaj medaljeje, jo vetëm sepse unë nuk shoh asnjë kundërshti mes faktit që Shqipëria ka bërë një përparim të madh dhe faktit që ky vend ende përballet me probleme jo të vogla. Të dyja janë të vërteta dhe të dyja përbëjnë këndvështrimin realist të Komisionit Europian për Shqipërinë, por unë po flas për të dyja sepse mendoj se kështu duhet të mësohemi ne ta shohim këtu në Shqipëri, ecurinë e vazhdueshme pozitive të vendit tonë, ku problemet reale, nuk duhet të na pengojnë të çmojmë progresin real dhe anasjelltas, progresi real nuk duhet të na mbyllë sytë përballë problemeve reale. Ndryshe, duke parë secili vetëm njërën anë të medaljes dhe duke ‘’i rënë njëri gozhdës dhe tjetri patkoit”, ushqejmë me ose pa dashje, jo vetëm ndasinë tradicionale, por edhe një përçarje që dëmton drejtpërdrejtë këtë mision të madh kombëtar të anëtarësimit në BE dhe cënon interesin tonë të përbashkët kombëtar, pikërisht sepse në këtë moment të dyja së bashku janë të lidhura me një mundësi reale historike për të kapërcyer pragun, deri dje të largët dhe të ndaluar të Europës së bashkuar.,” tha Rama./Dosja.al

2 JAVE ME PARE

Dhuna ndaj studentëve u përfshi në progres-raportin e BE-së, Rama: Pretendimet për tejkalim të forcës nga policia duhen shqyrtuar

Progres raporti për Shqipërinë/ Rama injoron akuzat e Veliajt:
Edi Rama

TIRANË- Kryeministri Edi Rama ka komentuar gjetjet e progres-raportit për Shqipërinë, duke theksuar rëndësinë e reformës në drejtësi, si dhe nevojën për të adresuar problematikat e evidentuara nga raporti. Gjatë fjalës së tij në konferencë, Rama u ndal te vonesat në gjykata, çështjet e korrupsionit dhe shqetësimet për funksionimin e institucioneve demokratike, lirinë e medias dhe mbrojtjen e mjedisit. 
 
Kryeministri komentoi edhe protestat e fundit, duke nënvizuar se e drejta për protestë duhet të garantohet, ndërsa dhuna duhet të shmanget. Sipas Ramës, dialogu është një element thelbësor për bashkëjetesën demokratike dhe kërkon angazhimin serioz të të gjithë aktorëve politikë. Po ashtu, Kryeministri nënvizoi se pretendimet për tejkalim të forcës nga efektivët e policisë gjatë tubimeve duhen shqyrtuar. 

"Kush e njeh historinë e shtetit shqiptar dhe kthen kokën deri në vitin 2016, kur mori jetë reforma në drejtësi, kupton rëndësinë që ka ky raport. Raporti po ashtu vlerëson vonesën në gjykata, çështjet e korrupsionit, po kështu raporti ngre shqetësime serioze për funksionimin e institucioneve demokratike, lirinë e medias dhe mbrojtjen e mjedisit. Ai trajton edhe protestat e kohëve të fundit, duke vendosur gishtin te plagët e dhunës. Kurse dialogu vlerësohet si dhuna, ku duhet të angazhohemi të gjithë seriozisht. Asnjë konstatim i progresraportit nuk mund të anashkalohet. E drejta për protestë duhet garantuar dhe dhuna duhet anashkaluar. Ndërsa dialogu është një etikë për bashkëjetesën demokratike dhe mazhoranca jonë e ka për detyrim që ta garantojë këtë," tha Rama./Dosja.al

2 JAVE ME PARE

Rama: Raporti i BE tregon përparimin e negociatave, Shqipëria hyn në kilometrin e fundit

Progres raporti për Shqipërinë/ Rama injoron akuzat e Veliajt:
Edi Rama

TIRANË- Kryeministri Edi Rama ka vlerësuar raportin e Komisionit Europian për Shqipërinë, duke e cilësuar atë si raportin më pozitiv që vendi ka marrë ndonjëherë në rrugëtimin drejt Bashkimit Europian. Duke folur në konferencën e përbashkët me ambasadoren e Bashkimit Evropian në Tiranë, Sofia Moreira de Sousa, Rama theksoi se raporti i publikuar një ditë më parë shënon një ndryshim të rëndësishëm në qasjen ndaj procesit të Integrimit.

Krahasuar me një vit më parë, Kryeministri tha se niveli i gatishmërisë së Shqipërisë është rritur ndjeshëm dhe Komisioni Europian ka evidentuar përparim në disa fusha. Veçanërisht, Rama nënvizoi vlerësimin pozitiv të KE-së për progresin në pushtetin gjyqësor dhe luftën kundër korrupsionit, duke veçuar edhe rolin e SPAK-ut. Sipas tij, raporti vlerëson se SPAK ka dëshmuar pavarësi dhe ka prodhuar rezultate në përmbushjen e misionit të tij.

“E nderuar ambasadore e bashkimit Europian në Shqipëri! E dashur Sofia! Mirëserdhët sot, me Raportin më të mirë të Progresit që Shqipëria ka marrë në dorë, ndonjëherë, cka tregon edhe këmbën tuaj të mbarë në misionin e përfaqësimit të Bashkimit Europian në Shqipëri. Për një kohë të gjatë rrëfimi i rrugëtimit europian të Shqipërisë është përcaktuar nga çfarë ne prisnim të ndodhte. Statusi i kandidatit, “po, jo, kur”; hapja e negociatave, “po, jo kur”;  miratimi i piketave të ndërmjetme, “po, jo, kur”... Sot, ky raport i publikuar dje nga Komisioni Europian përcakton një rrëfim të ri, jo mbi atë që presim të ndodhë, por mbi hapat që duhet të hedhim për ta kryer këtë rrugëtim. E thënë ndryshe fati europian i Shqipërisë është sot i gjithi në duart tona!Dhe besoj se ky është lajmi kryesor i raportit.

Shqipëria po hyn në kilometrin e fundit të negociatave për anëtarësim në Bashkimin Europian. Natyrisht, kujdes, ky kilometër i fundit ka njëmijë metra të tjerë për të përshkuar dhe në çdo metër ka njëqind centimetra për të kapërcyer, një e nga një, duke harmonizuar të gjitha lëvizjet e organizimit të shtetit tonë në funksion të pikëmbërritjes historike.Raporti tregon se krahasuar me një vit më parë, niveli i gatishmërisë së Shqipërisë është rritur dukshëm në të paktën 20 kapituj negociatash. Evidenton një përparim të rëndësishëm në një sërë fushash nga ekonomia dhe transformimi digjital, tek energjia, arsimi dhe përafrimi legjislacionit me standardet evropiane.Komisioni Europian vlerëson gjithashtu, një progres të mirë në funksionimin e sistemit gjyqësor dhe në luftën kundër korrupsionit, sikundër nënvizon faktin se SPAK ka vazhduar të dëshmojë pavarësi dhe të japë rezultate në misionin e tij”., tha Rama./Dosja.al

2 JAVE ME PARE

Rama nis fjalimin në shqip, ambasadorja e BE-së e injoron, Kryeministri: Do dëgjosh ça them apo jo?(VIDEO)

Progres raporti për Shqipërinë/ Rama injoron akuzat e Veliajt:
Sofia Moreira de Sousa dhe Edi Rama

TIRANË- Kryeministri Edi Rama ka shkëmbyer batuta me ambasadoren e Bashkimit Evropian në Tiranë, gjatë konferencës së përbashkët për shtyp, ku kjo e fundit i dorëzoi progres-raportin për Shqipërinë. 

Në momentin kur Rama nisi fjalimin në gjuhën shqipe, ambasadorja dukej se nuk po e ndiqte atë.

 

 Kjo bëri që kryeministri t'i drejtohej me një koment në formë ironie: Do dëgjosh ça them apo jo?./Dosja.al

edirama sofia moreira de sousa progres raporti për shqipërinë

Sondazh

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin