"Të relaksohemi"/ Mickoski pyetet për incidentin e himnit në Pustec: Nuk e kemi ndjekur aktivitetin deri në fund, por ne i vlerë...
Bota
LUFTA/ Ukraina kërkon negociata në Mariupol, Putin anulon sulmin ndaj fabrikës së çelikut
21 April 2022, 05:55Nga DOSJA
UKRAINË– Dita e pesëdhjetë e shtatë e luftës në Ukrainë. Rrethimi rus i fabrikës së çelikut Azovstal vazhdon. Edhe pse ultimatumi i Moskës ka skaduar, ushtarët e fundit ukrainas nuk po dorëzohen. Disa civilë janë evakuuar nga qyteti i shkatërruar, por sipas Zelensky ka ende 120,000 njerëz. Për Kievin, në fakt, korridori humanitar nga Mariupol nuk funksionoi.
Presidenti amerikan Joe Biden ka konfirmuar se SHBA-ja do të japë 800 milionë dollarë të tjera ndihmë ushtarake për Ukrainën, duke përfshirë “dhjetëra municione, drone dhe artileri të rëndë”.Biden tha se SHBA po dërgon armë drejtpërsëdrejti në vijën e parë të lirisë, ndërsa lufta me Rusinë ka hyrë në ditën e 57-të të saj. Presidenti Biden e përshkroi betejën e Kievit si një “fitore historike” për ukrainasit, të cilët ishin në gjendje të mbanin kontrollin e kryeqytetit ndërsa Rusia bombardonte periferi.
Ndërkohë Presidenti i Ukrainës Volodymyr Zelensky falënderon presidentin amerikan Joe Biden për këtë raund të ri mbështetjeje për Ukrainën. Presidenti Zelensky shkroi në llogarinë e tij në Twitter për të thënë se ndihma është e nevojshme sot më shumë se kurrë.
Ukraina i ka ofruar Rusisë një “sesion të posaçëm negociatash” në Mariupol, qytetin port të rrethuar në Detin Azov. Kështu deklaroi Mykhailo Podolyak, këshilltar i presidencës ukrainase dhe një nga negociatorët me Rusinë.
Presidenti Vladimir Putin ka urdhëruar ushtrinë ruse të anulojë planet për të sulmuar fabrikën e çelikut në Mariupol ku janë strehuar trupat e fundit ukrainase ndërkohë që qyteti i dytë më i madh i Ukrainës, Kharkiv, është nën bombardime intensive sipas kryebashkiakut.
Britania vendosi sot 26 sanksione të reja që synojnë gjeneralët ushtarakë rusë përgjegjës për ato që ajo i quajti mizoritë në Ukrainë, si dhe individët dhe bizneset që mbështesin forcat e armatosura ruse. Sanksionet e fundit përfshinin ngrirjen e aseteve dhe ndalimin e udhëtimit të Azatbek Omurbekov,i njohur ndryshe dhe si ‘Kasapi i Bucha’, një komandant në ushtrinë ruse për të cilin qeveria britanike tha se ishte i përfshirë në “masakrën e Buçës”.
Ministrat e financave të G7 kanë njoftuar një angazhim, me komunitetin ndërkombëtar, për mbështetje të mëtejshme për Ukrainën me vlerë më shumë se 24 miliardë dollarë për vitin 2022 dhe më tej, duke shtuar se ata janë të gatshëm të bëjnë edhe më shumë nëse është e nevojshme. Ministrat shprehën gjithashtu keqardhje për pjesëmarrjen e Rusisë në forumet ndërkombëtare të vazhdueshme në Uashington, duke përfshirë G20, FMN dhe Bankën Botërore.
UKRAINË- Presidenti ukrainas, Volodymyr Zelensky, tha se Ukrainës i duhen 7 miliardë dollarë në muaj për të rikuperuar humbjet ekonomike të shkaktuara nga ...
ESTONI- Estonia është bërë një nga vendet e para në BE që etiketon veprimet e Rusisë në Ukrainë si gjenocid. Euronews shkruan se Parlamenti i vendit, Riigikogu,...
FRANCË- Presidenti francez Emmanuel Macron kapërceu një pengesë të madhe në rrugën e rizgjedhjes me një qëndrim agresiv në debatin televiziv kundër kandida...
SHBA- Në mbledhjen e fundit të Këshillit të Sigurimit të OKB-së për të diskutuar misionin e OKB-së në Kosovë të mërkurën në Nju Jork, Serbia dhe Kosova u përpoq...
UKRAINË- Zyrtarët ukrainas të martën identifikuan vendndodhjen e varrezave masive të dukshme jashtë qytetit port të rrethuar ukrainas të Mariupolit pretend...
MADRID– Në tubimin e zhvilluar në Madrid nga ana e të majtëve spanjollë, është vënë re edhe fotoja e diktatorit shqiptar, Enver Hoxha. Fotoja e Hoxhës ësh...
UKRAINË- Presidenti rus, Vladimir Putin, urdhëroi të enjten forcat e tij që të mos sulmojnë një fabrikë çeliku në qytetin ukrainas të Mariupolit, ku...
BRUKSEL– I Dërguari Special i BE-së për dialogun Kosovë-Serbi, Miroslav Lajcak, ka folur pas dështimit të takimi të sotëm ku nuk u arrit asnjë marrëeshje ...
GREQI- Thellohet skandali i vdekjes së mistershme të tre vajzave në Patra të Greqisë ku nën akuzë është nëna e tyre, 33-vjeçarja Roula Pispirigou pasi dy...