3 August 2026, 16:14
Nga Klodian Tomorri

TIRANË- Babëzia e fitimeve abuzive dhe monopoleve plaçkitëse, që instalohen me ligj, nuk kursen as të sëmurët. Qeveria shqiptare ka përgatitur një projektligj, i cili praktikisht kalon të gjithë tenderat e shëndetësisë në dorën e privatit duke krijuar një monopol të përbindëshëm ekstraligjor dhe në kundërshtim të plotë me direktivat e Bashkimit Europian.
Kali i Trojës që privatizon tenderat e shëndetësisë do të jetë një shoqëri aksionere publike, e cila replikon në mënyrë identike modelin famëkeq të Kayos edhe në sektorin shëndetësor.
"Shoqëria shtetërore ka për objekt të veprimtarisë plotësimin e nevojave të institucioneve publike të kujdesit shëndetësor për barna, pajisje mjekësore, produkte të tjera shëndetësore, mallra dhe shërbime mbështetëse, me qëllim garantimin e qëndrueshmërisë së furnizimit, përdorimin eficient dhe ekonomik të fondeve publike, si dhe sigurimin e cilësisë dhe disponueshmërisë së produkteve të furnizuara," thuhet në draft.
Por djalli qëndron në detaje. Shoqëria publike nuk do ta bëjë e vetme furnizimin e spitaleve me ilaçe dhe pajisje mjekësore, por përmes krijimit të shoqërive të përbashkëta me privatët.
"Për realizimin e objektit të saj, shoqëria krijon shoqëri të tjera ose merr pjesë në kapitalin e shoqërive të tjera tregtare, publike ose private, që kanë si objekt prodhimin dhe/ose tregtimin e barnave, pajisjeve mjekësore, produkteve të tjera shëndetësore dhe kryerjen e veprimtarive të lidhura me to," thuhet në draft.
Pra, një kompani e përbashkët mes shoqërisë aksionare shtetërore dhe një privati do të ketë monopolin absolut të blerjes së ilaçeve, pajisjeve mjekësore dhe llokmës së madhe qindra milionë euro të prokurimeve shëndetësore, njësoj si Timak Defence e cila ka ekskluzivitetin e furnizimit të ushtrisë me automjete dhe armë.
Përmes këtij mekanizmi qeveria praktikisht asgjëson konkurrencën në tenderat e shëndetësisë duke privatizuar de facto buxhetin e një prej sektorëve me jetik për mirëqënien e përgjithshme. Pra tashmë nuk do të ketë më tendera ku kompanitë garojnë me njëra tjetrën për të ulur çmimet, por të gjitha ilaçet dhe pajisjet spitalore do të blihen nga monopolisti publiko-privat, i cili do t'ia shesë ato shtetit nga pozita e shitësit të vetëm ekskluziv.
Vendosja e shëndetësisë nën thundrën e një monopoli privat është një çmenduri në kundërshtim të plotë, jo vetëm me kuadrin e brendshëm ligjor, por edhe me direktivat e Bashkimit Europian, pikërisht në kohën kur qeveria trumbeton hapje dhe mbyllje kapitujsh.
Profesoresha e Kembrixhit Evis Sala dhe shefi i saj, duhet t'u shpjegojnë shqiptarëve se në cilin vend të Bashkimit Europian e morën këtë model dhe se cila qeveri e BE-së ka guxuar të privatizojë buxhetin publik të shëndetësisë.
Kapitali konsultoi legjislacionet e vendeve të BE-së dhe asnjëra prej tyre nuk ka një model të ngjashëm. Ky model është përdorur në dy apo tre raste në vende të botës së tretë, mes të cilave në një nga republikat e ish Bashkimit Sovjetik. Por edhe kjo e fundit e shfuqizoi për shkak të abuzimeve të mëdha.
Tani qeveria e Shqipërisë synon t'ja u imponojë shqiptarëve monopolin vetëm që klienti i parazgjedhur të çojë në kontot e tyre private, paratë që duheshin përdor për të kuruar të sëmurët.
Nëse ky draft kalon, vite më vonë shqiptarët do të zbulojnë të tjera kështjella në Europë, këtë herë të blera me paratë e të sëmurëve që dergjen në spitalet publike. Ky është një film që shqiptarët e kanë parë dhe me sa duket do ta shohin sërish. Për fatin e tyre të keq se ata që duheshin kuruar tek Spitali 5, i kanë në vendimarrjen më të lartë./Kapital.al
klodin tomorri qeveria shqiptare
Politike
3 August 2026, 15:57
D.S
Albin Kurti
KOSOVË- Përpjekjet e kryeministrit në detyrë dhe kryetarit të Lëvizjes Vetëvendosje, Albin Kurti, për f...
Politike
3 August 2026, 15:32
D.S
Pamje nga lagjia 18 TETORI
LUSHNJË- Deputeti i Partisë Demokratike, Saimir Korreshi, ka ngritur alarmin përmes një denoncimi...
Politike
3 August 2026, 14:37
E. D
MAQEDONI E VERIUT- Koalicioni VLEN në Maqedoninë e Veriut ka hedhur akuza ndaj Bashkimit Demokratik për Integrim, duke theksuar se po...
Politike
3 August 2026, 13:31
E. D
Hashim Thaçi
HAGË- Ish-presidentit të Kosovës, Hashim Thaçi, i është rrëzuar kërkesa për lirimin me k...
Politike
3 August 2026, 13:27
E. D
Karl Bergner, Enea Karakaçi
TIRANË- Shqipëria dhe Gjermania kanë nënshkruar tre marrëveshje bashkëpunimi në ...
Politike
3 August 2026, 12:37
E. D
Monika Kryemadhi
TIRANË- Monika Kryemadhi ka komentuar deklaratat e kreut të Partisë Demokratike, Sali Berisha, i cili tha se në a...
Politike
3 August 2026, 11:34
E. D
Sali Berisha
TIRANË- Kreu i Partisë Demokratike, Sali Berisha, është pyetur nga gazetarët nëse opozita do të bashk&...
Politike
3 August 2026, 11:01
E. D
Sali Berisha
TIRANË- Kreu i Partisë Demokratike, Sali Berisha ka komentuar edhe pasuritë e Ermal Beqiri në Francë, ku mes t&...
Politike
3 August 2026, 10:52
G.M
TIRANË- Kreu i Partisë Demokratike sali Berisha pas daljes nga SPAK u takua me gazetarët nga të cilët u pyet në lidhje me protes...
Politike
3 August 2026, 10:50
G.M
Sali Berisha
TIRANË- Kryetari i Partisë Demokratike Sali Berisha, gjatë një deklarate për mediat pas paraqitjes në SPAK,...