11 September 2026, 09:22
Nga E.d
46-vjeçari shqiptar
AUSTRI- Një 46-vjeçar me origjinë shqiptare është dënuar me 6 vite burg, pasi akuzohet për një sëri grabitjesh. Të mërkurën, 46-vjeçari doli para gjykatës në Austri, ku u përball me akuzat për një seri vjedhjesh të kryera gjatë muajve korrik dhe gusht të vitit të kaluar.
Sipas hetimeve, shqiptari kishte hyrë me forcë në nëntë banesa, ndërsa vlera e sendeve dhe parave të grabitura arrin të paktën në 14 mijë euro. Por dëmi total është shumë më i madh, pasi përveç parave dhe sendeve të vjedhura, familjet kanë pësuar dëme të konsiderueshme materiale nga dyert e thyera dhe xhamat e dëmtuar. Në disa prej rasteve dyshohet se 46-vjeçari ka pasur edhe një bashkëpunëtor.
Gjurmët e ADN-së të gjetura në vendngjarje çuan në mënyrë të qartë te 46-vjeçari. Për të ishte lëshuar një urdhër-arresti evropian dhe që prej marsit të këtij viti ai ndodhej në paraburgim në burgun e Feldkirch. I pandehuri, i cili ka dënime të mëparshme për vjedhje dhe grabitje, është dënuar edhe më parë në Suedi dhe Danimarkë, ku ka vuajtur dënime me burg.
Artikulli i plotë nga Krone
Nëntë familje në Vorarlberg, Austri u përballën me një situatë kaotike pas kthimit nga pushimet, pasi banesat e tyre ishin grabitur nga një 46-vjeçar shqiptar, i dënuar më parë për vepra të ngjashme. Të mërkurën, 46-vjeçari doli para gjykatës në Austri, ku u përball me akuzat për një seri vjedhjesh të kryera gjatë muajve korrik dhe gusht të vitit të kaluar. Sipas hetimeve, shqiptari kishte krijuar një ‘gjurmë shkatërrimi’ në Vorarlberg, duke hyrë me forcë në nëntë banesa. Vlera e sendeve dhe parave të grabitura arrin të paktën në 14 mijë euro.
Por dëmi total është shumë më i madh. Përveç parave dhe sendeve të vjedhura, familjet kanë pësuar dëme të konsiderueshme materiale nga dyert e thyera dhe xhamat e dëmtuar. Hetuesit kanë vënë në dukje edhe dëmin psikologjik të viktimave, të cilat pas kthimit kanë gjetur banesat e tyre të kontrolluara dhe sendet personale të prekura nga persona të panjohur.
Në disa prej rasteve dyshohet se 46-vjeçari ka pasur edhe një bashkëpunëtor. Megjithatë, sipas raportimit, vetëm i pandehuri pretendon se e di identitetin e tij. Emri i dhënë prej tij rezultoi se ishte i sajuar. Gjurmët e ADN-së të gjetura në vendngjarje çuan në mënyrë të qartë te 46-vjeçari shqiptar. Për të ishte lëshuar një urdhër-arresti evropian dhe që prej marsit të këtij viti ai ndodhej në paraburgim në burgun e Feldkirch.
I pandehuri, i cili ka dënime të mëparshme për vjedhje dhe grabitje, është dënuar edhe më parë në Suedi dhe Danimarkë, ku ka vuajtur dënime me burg. Në sallën e gjyqit ai u shfaq i prangosur. I pyetur nga kryetarja e trupit gjykues se si e imagjinonte jetën e tij në të ardhmen, 46-vjeçari u shpreh i penduar. ‘Sigurisht që dua të ndryshoj, në fund të fundit kam dy fëmijë’, deklaroi ai. Familjet nuk do t’i marrin paratë e tyre
Megjithatë, pendesa e tij nuk u shoqërua me pranimin e plotë të dëmit të shkaktuar. Dëmi total, përfshirë edhe shumat e rimbursuara tashmë nga kompanitë e sigurimit, i afrohet 40 mijë eurove. Prokurorja Konstanze Erath deklaroi se nuk ka rëndësi se sa prej dëmit pranon i pandehuri. Sipas saj, ai nuk do të jetë në gjendje të rikthejë asnjë cent nga shuma e dëmit. Për nëntë familjet e prekura kjo do të thotë se edhe dënimi i tij nuk do t’u rikthejë paratë e humbura. 46-vjeçari ka probleme me lojërat e fatit dhe rreth 12 mijë euro borxhe kredie.
Në përfundim, gjykata dha dënimin me gjashtë vite burgim. Vendimi nuk është ende i formës së prerë. Ndërkohë, 46-vjeçari përballet edhe me një tjetër procedurë. Zvicra ka kërkuar ekstradimin e tij, pasi edhe autoritetet atje kanë hapur një çështje ndaj tij./Dosja.al
46-vjeçari shqiptar austri grabitje
Aktualitet
11 September 2026, 08:57
E.d
Foto ilustruse
GREQI- Një ngjarje e rëndë ka ndodhur në Korfuz, pasi një 51-vjeçar me origjinë shqiptare dyshohet se k...
Aktualitet
11 September 2026, 07:41
E.d
Foto ilustruse
TIRANA- Qytetarët do të mblidhen sot në protestën e 104-të radhazi kundër qeverisë Rama. Për m&...
Aktualitet
11 September 2026, 07:26
E.d
Foto ilustruse
Dy reparte ushtarake, konkretisht ai 3001 dhe 1001 kanë një plan investimesh prej 25.7 miliardë lekësh ose 271 milion&eu...
Aktualitet
11 September 2026, 07:13
E.d
Foto ilustruse
Shqipëria po humbet popullsi dhe veçanërisht të rinj, por tkurrja e kësaj grup-moshe nuk po shoqërohet me nj...
Aktualitet
11 September 2026, 07:10
E.d
Foto ilustruse
TIRANA- Ditën e sotme vendi ynë do të mbetet në ndikim të masave ajrore relativisht të paqëndrueshme. Mot...
Aktualitet
10 September 2026, 23:02
Një çështje veçanërisht e rëndë e abuzimit seksual të një të miture po hetohet nga autoritetet në K...
Aktualitet
10 September 2026, 22:57
E.d
Pamje nga protesta
TIRANA- Protestat masive që kanë pushtuar Tiranën prej më shumë se tre muajsh kanë marrë jehon&e...
Aktualitet
10 September 2026, 22:16
E.d
Arjeta Puca dhe Ron Yefet
TIRANA- Sipërmarrësja shqiptare e Timak Albania, Arjeta Puca e cila është përfshirë në ba...
Aktualitet
10 September 2026, 22:10
E.d
Blendi Fejvziu dhe Ardi Veliu
TIRANA- Administratori i KAYO, Ardi Veliu ka mohuar akuzat e lëshuara nga ish-numri 2 i qeverisë, Arben Ahmeta...
Aktualitet
10 September 2026, 22:03
G.M
Protesta në Tiranë
TIRANË- Protestuesit kanë mbyllur tubimin e 103-të të protestës antiqeveritare. Nën thirrjet 'Ne...