7 September 2026, 22:33
Nga G.M
Gjeneralmajor Jasper Jeffers, komandant i Forcës Ndërkombëtare Stabilizuese për Gazën, dhe gjenerallejtënant Bashkim Jashari, komandant i Forcës së Sigurisë së Kosovës, në Prishtinë, Kosovë, më 7 shtator 2026.
Kosova e ka nënshkruar të hënën një marrëveshje formale për t’iu bashkuar listës së shkurtër të shteteve që janë zotuar të jenë pjesë e Forcës Ndërkombëtare Stabilizuese (ISF) në Gazë, sipas një postimi në rrjetet sociale të Bordit të Paqes, të mbështetur nga Shtetet e Bashkuara.
“Përfaqësuesit e Republikës së Kosovës, Bordit të Paqes dhe Forcës Ndërkombëtare Stabilizuese, nënshkruan Marrëveshjen për Shtetet Pjesëmarrëse, për përfshirjen e Kosovës në ISF”, thuhet në postim.
Marrëveshja, e nënshkruar nga komandanti i Forcës së Sigurisë së Kosovës (FSK), gjenerallejtënant Bashkim Jashari, dhe komandanti amerikan i ISF-së, gjeneralmajor Jasper Jeffers, formalizon përfshirjen e Kosovës në forcën e planifikuar.
“Ky zhvillim i rëndësishëm nënvizon përkushtimin e Kosovës ndaj misionit të ISF-së dhe mbështetjen e saj të vazhdueshme për planin 20-pikësh për Paqe të presidentit [Donald] Trump”, thuhet në deklaratën e Bordit të Paqes.
Kosova ishte ndër vendet e para që u zotua për të dërguar trupa në kuadër të këtij misioni në Gazë dhe në fillim të vitit, dërgimi i FSK-së u miratua nga Kuvendi dhe u autorizua nga ushtruesja e detyrës së presidentit, Albulena Haxhiu. Një ekip i FSK-së shkoi në prill në Rripin e Gazës për të bërë një vlerësim të vendit ku pritet të veprojnë trupat kosovare si pjesë e një force ndërkombëtare në territorin palestinez.
Deri tani, pesë shtete janë zotuar të dërgojnë trupa në Forcën Ndërkombëtare të Stabilizimit (ISF): Kosova, Shqipëria, Indonezia, Maroku dhe Kazakistani, ndërsa Egjipti dhe Jordania janë zotuar të trajnojnë policinë. Forca Ndërkombëtare Stabilizuese buron nga një plan 20-pikësh i presidentit amerikan, Donald Trump, për t’i dhënë fund luftës së Izraelit në Gazë.
Trumpi krijoi Bord të Paqes për të mbikëqyrur planin e tij për t’i dhënë fund luftës së Izraelit në Gazë dhe për të rindërtuar territorin e shkatërruar. Sipas planit, forca paqeruajtëse duhet të zhvendosen në Gazë për të siguruar zonat pas tërheqjes së forcave izraelite, si dhe t’i trajnojnë forca e reja policore palestineze dhe të mbështesin dërgimin e ndihmave atje.
Pjesa më e madhe e Gazës mbetet në rrënoja pas dy vjetësh luftë, e cila u shkaktua nga sulmet e udhëhequra nga Hamasi ndaj Izraelit më 7 tetor 2023. Hamasi është grupi i shpallur terrorist nga SHBA dhe BE. Por, që nga njoftimi për një marrëveshje në fund të korrikut, përpjekjet për dërgimin e trupave kanë ngecur, pasi si Izraeli, ashtu edhe Hamasi nuk kanë pranuar t’i përmbushin kushtet që do ta mundësonin zbatimin e marrëveshjes.
I dërguari i Trumpit dhe dhëndri i tij, Jared Kushner, zhvilloi takime të ndara me zyrtarë të Hamasit dhe me udhëheqës izraelitë në gusht, por u largua pa ndonjë përparim, pasi të dyja palët qëndruan të palëkundura në kërkesat e tyre kryesore. Prandaj, mbetet e paqartë se kur do të mund të dërgohen trupat e misionit ndërkombëtar në Gazë.
Plani i armëpushimit e ka ulur dhunën në Gaza, por nuk i ka dhënë fund sulmeve izraelite dhe as nuk ka siguruar çarmatimin e militantëve. Më shumë se 1.200 palestinezë dhe katër ushtarë izraelitë janë vrarë në Gaza që nga arritja e armëpushimit në tetor, sipas zyrtarëve shëndetësorë të Gazës dhe ushtrisë izraelite./REL
gaza kosova rel
Aktualitet
7 September 2026, 22:25
G.M
Pamje nga Drejtoria e Policisë
TIRANË- Marshimi i protestuesve në ditën e 100-të të revoltës qytetare kundër klas&e...
Aktualitet
7 September 2026, 22:10
G.M
Pamje nga marshimi
TIRANË- Protestuesit po vijojnë marshimin në rrugët e kryeqytetit. Mes thirrjeve “Shqipëria kër...
Aktualitet
7 September 2026, 21:53
G.M
Protesta
DIMAL- Banorët e Dimalit kanë dalë ditën e sotme në protestë për shkak të reformës territoriale. Refo...
Aktualitet
7 September 2026, 21:32
G.M
Marshimi
TIRANË- Protestuesit kanë nisur marshimin drejt sheshit Skënderbej në ditën e 100-të të revoltës qytetare....
Aktualitet
7 September 2026, 21:14
G.M
Marshimi
TIRANË- Protestuesit kanë nisur marshimin në rrugët e Tiranës pas mbylljes së fjalimeve përballë godin&eum...
Aktualitet
7 September 2026, 21:00
G.M
Pamje nga protesta
TIRANË- Protesta qytetare në Tiranë ka shënuar ditën e 100-të të revoltës qytetare. Studentë...
Aktualitet
7 September 2026, 20:54
G.M
Kuvendi i Kosovës, 8 gusht 2026.
Dy partitë më të mëdha opozitare në vend, Partia Demokratike e Kosovës (PDK) dhe L...
Aktualitet
7 September 2026, 20:40
G.M
Protestuesi
TIRANË- Një protestues gjatë ditës së 100-të të protestës qytetare është shprehur optimist p&...
Aktualitet
7 September 2026, 20:25
I.A
Zjarri
FIER- Barjam Sulejmani ka humbur brenda vetëm tre ditësh si punishten ku punoi për më shumë se 30 vite, ashtu edhe banes&eu...
Aktualitet
7 September 2026, 20:17
G.M
Protestuesi
TIRANË- Një protestues i pranishëm në ditën e 100-të të protestës qytetare në Tiranë, ka marr...