Berisha: Do të ngremë një agjenci kombëtare që do të merret me pronat e krimit dhe pronat e paligjshme të politikan&e...
Aktualitet
Arrestohen dy 22-vjeçarë në Tiranë, falsifikonin dhe shisnin dokumente të vendeve të BE-së (EMRAT)
Ata dyshohet se ushtronin këtë aktivitet të paligjshëm duke përfituar para nga shitja e dokumenteve të falsifikuara.
11 November 2026, 12:23Nga G.M
pamje
TIRANË- Hajdar Bajrami dhe Bujar Meta, janë dy 22-vjeçarë, që kanë rënë në prangat e policisë në Tiranë, pasi dyshohet se falsifikonin dokumente të shteteve të BE-së me qëllim shitjen e tyre. Ata dyshohet se ushtronin këtë aktivitet të paligjshëm duke përfituar para nga shitja e dokumenteve të falsifikuara.
Sipas njoftimit të policisë, gjatë operacionit janë sekuestruar një pasaportë dhe një leje drejtimi polake, një kartë identiteti dhe një leje drejtimi austriake, të gjitha të dyshuara si false. Njëkohësisht, janë gjetur 1700 euro të dyshuara si përfitime nga kjo veprimtari, një automjet, një motomjet dhe dy telefona celularë.
Njoftimi i policise:
Tiranë/Finalizohet operacioni i koduar “Imitimi”.
Arrestohen në flagrancë 2 shtetas që falsifikonin dokumente të shteteve të BE-së, me qëllim shitjen. Sekuestrohen dokumente polake dhe austriake, të dyshuara të falsifikuara, 1700 euro, 2 mjete dhe celularët e të arrestuarve.
Specialistët për Hetimin e Krimeve Ekonomiko-Financiare dhe të Sektorit të Forcës së Posaçme Operacionale, si rezultat i përdorimit të metodave hetimore speciale dhe bashkëpunimit me gazetarët e emisionit “Piranjat”, finalizuan operacionin e koduar “Imitimi”, në kuadër të të cilit u arrestuan në flagrancë shtetasit H. B., 22 vjeç dhe B. M., 22 vjeç. Nga veprimet hetimore rezultoi se këta shtetas prodhonin dhe shitnin dokumente false të shteteve të BE-së.
Me cilësinë e provës materiale u sekuestruan 1 pasaportë dhe 1 leje drejtimi polake, 1 kartë identiteti dhe 1 leje drejtimi austriake, të gjitha të dyshuara të falsifikuara, si dhe 1700 euro të dyshuara të përfituara nga shitja e dokumenteve false, 1 automjet, 1 motomjet dhe 2 celularë.
Materialet procedurale iu referuan Prokurorisë, për veprime të mëtejshme, dhe në drejtimin e saj, Policia e Tiranës vijon hetimin për të identifikuar dhe nxjerrë përpara përgjegjësisë penale, shtetas të tjerë që mund të jenë përfshirë në këtë veprimtari kriminale. Policia e Tiranës falënderon gazetarët e emisionit “Piranjat”, për bashkëpunimin, dhe shpreh gatishmërinë për të bashkëpunuar konform detyrave funksionale, për çdo rast të paraqitur nga media./Dosja.al