Berisha: Do të ngremë një agjenci kombëtare që do të merret me pronat e krimit dhe pronat e paligjshme të politikan&e...
Politike
“Marre”/ Pas dënimit të Thaçit, Ramën e masakrojnë komentuesit në rrjetet sociale: Dikur udhëtove me helikopter për t'i bërë presin të votojë pro krijimit të Speciales
Shqiptarët nuk kanë harruar se Rama në korrik të vitit 2015, pak javë para votimit për themelimin e Gjykatës Speciale udhëtoi me helikopter drejt Kosovës, për të bërë presion që të votonin pro krijimit të Speciales. Në rrjetet sociale, komentuesit i kanë kujtuar Ramës qëndrimin që ka mbajtur pro ngritjes së Gjykatës Speciale.
16 September 2026, 17:26Nga E. D
Edi Rama
TIRANË- Kryeministri Edi Rama, reagoi menjëherë pas shpalljes së aktgjykimit ndaj Hashim Thaçit, Kadri Veselit, Rexhep Selimit dhe Jakup Krasniqit. Rama publikoi në rrjetet sociale një fotografi me vetëm një fjalë: “Marre”, duke shprehur, kundërshtimin e tij ndaj vendimit të Dhomave të Specializuara.
Por shqiptarët nuk kanë harruar se Rama në korrik të vitit 2015, pak javë para votimit për themelimin e Gjykatës Speciale udhëtoi me helikopter drejt Kosovës, për të bërë presion që të votonin pro krijimit të Speciales. Në rrjetet sociale, komentuesit i kanë kujtuar Ramës qëndrimin që ka mbajtur pro ngritjes së Gjykatës Speciale.
“Marre ishte edhe me marrë helikopterin e me shkue me i bindë deputetët e Kosovës me votu Hagën. Marre ishte edhe me dalë në televizion e me folë për mosri-zimin e Speciales. Marre është edhe me mos e votu që Serbia ka kryer gjenocid dhe krime në Kosovë”, është një nga komentet.
“Dje, udhëtoje me avion e helikopter privat në Kosovë për të mbështetur procesin e themelimit të Gjykatës Speciale. Sot del e shkruan ‘Marre’ për vendimin e po asaj gjykate dhe paraqitesh si viktimë. Njerëzit nuk e kanë kujtesën aq të shkurtër sa mendoni ju. Je personi më antikombëtar që ka njohur historia politike shqiptare, je fundërrinë”, thuhet në një koment tjetër.
“Edi Rama, hajde tash me jep një arsye për gjithë atë presion që i bëre Hashim Thaçit për shtytjen e deputetëve të asaj legjislature për votimin pro themelimit të Gjykatës Speciale. E garantoj që nuk do të jetë subjekt hetimi. Çka mundesh me i thanë bacit Jakup dhe familjes së tij? A u pastrua lufta çlirimtare pas këtij vendimi? Të kisha sugjeruar që në background të ‘MARRE’ të ishte portreti yt! Ti do të mbahesh mend për dy gjëra: gjatë qeverisjes tënde antikombëtare, u votua kundër rezolutës për njohjen e gjenocidit serb gjatë luftës në Kosovë; dhe organizimin e Kampionatit Evropian të Futbollit të grupmoshave U21, në Shqipëri dhe Serbi”, shkruan një komentues tjetër./Dosja.al