LIVE UPDATES
Editorial

Ata mbeten vrasës

Jo më larg se një javë më parë, në program përpos ekspertëve, mesazhe të panumërta më vinin përgjatë tre emisioneve me temat e helmimit të mjedisit nga mos menaxhimi i mbetjeve, abuzimet me check-up-in, laboratorët, tenderat në shëndetësi, ndërtimet pa kriter, ndotjen e paimagjinueshme të ajrit dhe kequshqyerjen nga mungesa e kontrolleve dhe dështimi me prodhimin vendas.

26 June 2024, 13:42 Nga Sonila Meço
Ata mbeten vrasës
Sonila Meco

Pyetja e dytë, pas së parës “sa rrezik ka për jetën?” qe: “Po si dreqin u krijua kjo masë?” Me këto dy pyetje u mundua e sforcua sistemi nervor i familjes sime dhe siç mësova në radhët e gjata të onkologjikut edhe ai i mijra shqiptarëve të bërë palë në zagushinë sfilitëse të korridoreve të pritjes. Dhe përgjigjet plaseshin atypari plot mllef e frikë bashkë, ushqimet, që hamë, uji që pijmë, ajri që thithim, ilaçet e skaduara që tresim, mërzia e ankthi i çmendur i Shqipërisë që durojmë…

Jo më larg se një javë më parë, në program përpos ekspertëve, mesazhe të panumërta më vinin përgjatë tre emisioneve me temat e helmimit të mjedisit nga mos menaxhimi i mbetjeve, abuzimet me check-up-in, laboratorët, tenderat në shëndetësi, ndërtimet pa kriter, ndotjen e paimagjinueshme të ajrit dhe kequshqyerjen nga mungesa e kontrolleve dhe dështimi me prodhimin vendas.

Vetëm në tri ditë më erdhën si ortek përgjigjet për pyetjen e dytë, meqë historia familjare me tumoret nuk ndihmonte kthjellimin e arsyeve të shfaqjes së tumorit në trupin e sime mëje dhe shumë pacientëve, që po njohim në këtë rrugëtim.
Nëse një hetim mbi vrasjen me paramendim të shqiptarëve, tkurret veç tek monstruoziteti i disa bluzave të bardha, duke dirigjuar ndyrësisht marazin shoqëror drejt “gijotinave” publike joshëse, që i krijojnë përgjegjësit edhe më të mëdhenj për të larguar vëmendjen prej tyre, ky do të qe krim edhe më i madh ndaj një popullsie që tkurret jo vetëm prej ikjeve, por sidomos vrasjeve me paramendim nga përgjegjës me pushtet.

Flisni me policë të ndershëm e do t’ju dëshmojnë se shumica e aksidenteve fatale shkaktohet nga njerëz të droguar, në vendin ku tregëtohen e trafikohen lehtshëm drogat e rënda. Flisni me shkencëtarë të ndershëm e do t’ju dëshmojnë se si ushqimi i kontaminuar, plot kimikate, me konservantë, pesticide, nga tokë e helmuar, i mbjellë në kushtet e babëzisë, nga kafshët e sëmura, importuar pa asnjë kontroll, po vret përditë si armë e shkatërrimit në masë.

Flisni me mjekë të ndershëm t’ju tregojnë se sa pak janë për të përballuar fliksin e lartë të pacientëve, ç’paga kanë, se a ekziston “shëndetësia falas”, se si përditë sfidohen nga privati me paga e çmime të pakrahasueshme, se si privati vret përditë prej pamundësisë së pagesave të larta tek masa e popullsisë së varfër, që nuk gjen derman në publikun gjithmonë e më të sulmuar e dërrmuar si gjithçka publike në këtë vend, që s’ka më as takat e as mjekë se ashtu i leverdis cave. Se si investimet e lëvdueshme në publik dhe korrektesa e mjekëve në sakrificë kanë shpëtuar shumë jetë njerëzish, por nuk ia dalin dot presionit të mafies farmaceutike, shëndetësore e një sistemi të kalbëzuar korruptiv.

Flisni me farmacistë të ndershëm e do t’ju dëshmojnë sesi barnat e skaduara ripaketohen e shiten nga mafia e ilaçeve pa asnjë pengesë shtetërore, sesi lulëzojnë privatët e farmacive të kontrabandës mu nën hundën e drejtuesve spitalorë e shtetërorë, mu në derë të spitaleve publike. Se edhe mjekimet për kancerin, që shteti i ka monopol dhe ca kriminelë ua privojnë pacientëve për qëllime fitimi, pra edhe vetë mjekimet e importuara nuk janë cilësore. Pra kriminel edhe monopolisti, shteti, që nuk kontrollon cilësinë e ilaçeve, që duhet të shpëtojnë jetë. Ta thonë vetë mjekë e ekspertë: “Blijini jashtë, se nuk bëjnë tonat!”. Dhe kjo është vrasje e dyfishtë…

Flisni me stazhierë e infermierë të ndershëm e t’ju dëshmojnë se si dyndet në Tiranë e gjithë Shqipëria, se spitalet e rretheve lëngojnë për mjekë e kushte. Sesi po bëhen gati të largohen drejt Gjermanisë breza të tërë specializantësh, që duan të shërbejnë me devotshmëri e jo të torturohen mes pamundësisë për të shpëtuar jetë njerëzish e për t’u zhvilluar profesionalisht. Flisni me ekspertë të ndershëm rrugësh t’ju tregojnë se çfarë katastrofe konsumohet përditë nga cilësia e tmerrshme e tyre dhe mungesa e sigurisë nga punët e lëna përgjysmë a të bëra si mosozot, pa kontroll.

Flisni me specialistë të ndershëm mjedisi t’u tregojnë se me çfarë mbushim përditë mushkëritë. Shqipëria ka shkallën më të lartë të vdekjeve në rajon si pasojë e ekspozimit ndaj ozonit, që krijohet nga kombinimi i gazrave të dëmshëm që emetojnë automjetet nga mosdjegia e plotë e karburantit apo cilësia e dobët e tij, nga transporti publik nën standard me një flotë të vjetëruar autobusësh dhe planifikimi i dobët urban e ku qytetarët e kalojnë pjesën më të madhe të ditës në trafik, sepse metoda më të favorshme transporti dhe efikase për mjedisin nuk ka. Shqipëria mat vdekshmërinë më të lartë nga ndotja e ajrit prej materialeve të ndërtimit pa fre, ngushtimit të qarkullimit të ajrit prej kullave e pallateve, mungesës së gjelbërimit, shkatërrimit të hapësirave të shëndetshme publike.

Flisni me KLSH-në për të mësuar se paaftësia për të matur dhe publikuar të dhëna të sakta për ndotjen e ajrit lidhet, sipas një auditi të Kontrollit të Lartë të Shtetit me neglizhencën e Ministrisë së Mjedisit dhe Agjencisë Kombëtare të Mjedisit për të siguruar fondet e nevojshme për mirëmbajtjen e rrjetit ekzistues të stacioneve të monitorimit të ajrit dhe sesi ato të dhuruara një dekadë më parë nga Bashkimi Europian u lanë të degradohen të paktën gjatë viteve 2019-2022.

Flisni me pedagogë të ndershëm t’ju tregojnë se prej një dekade, nuk ka asnjë studim të publikuar për pasojat e ndotjes së ajrit në shëndetin e qytetarëve shqiptarë– një detyrë e Institutit të Shëndetit Publik dhe se qëllimisht nuk publikohet, me qëllim, që qytetarët të mos vetëdijësohen për problemet e jashtëzakonshme mbi shëndetin me të cilat po përballen. Flisni me specialistë laboratoresh prestigjoze ndërkombëtare, që kanë bërë matjet e ndotjes vdekjeprurëse në ujin në rubinetat e shtëpive dhe shishet e tregtueshme në vend. Do lebetiteni se çfarë ekspozimi kemi ndaj tumoreve e sëmundjeve fatale.
Flisni me gazetarë të ndershëm t’ju dëshmojnë si kërcënohen, denigrohen e shantazhohen kur kërkojnë përtej show-t mediatik thelbin e arsyes së krimeve të çdo lloji. Se si drejtësia vret përditë me ngadalësinë a mosveprimin e saj mbi autorët e batërdisë së kriminalizimit shoqëror.

Flisni e flisni me njerëz të mençur e të ndershëm të këtij vendi se çfarë po vret shqiptarët në masë e do ndërgjegjësohemi se karakteri i poshtër i ca mjekëve, që privojnë pacientët me kancer nga mjekimi është po ai i qindra përgjegjësve me pushtet vendim-marrës, që po vrasin përditë njerëz duke u shkaktuar diagnoza terminale si një grup i strukturuar kriminal.
Se ia vlen të kryqëzosh kë privon pacientin me tumor nga mjekimi, por po aq duhet gjykuar e kryqëzuar shkaktari i tumoreve në masë. Flisni me mendjet e ndritura të shkencës, do t’jua tregojnë burimin vrastar dhe shkaktarët. Nuk duhet lënë tek mosmenaxhimi i pasojës drejtësia për jetët e njerëzve. Por duhet shkuar në kërthizë të skandalit, sidomos tek shkaku, shkaku, që bredh e kapardiset i lirë e me buzëqeshje kur pacienti përleshet me mjekun.

Sot duhet folur për krime kundra njerëzimit, jo në një luftë ndëretnike, as mes superfuqive, as prej pushtimi e as prej kamikazësh terroristë. Por për vrasjet masive të shqiptarëve prej shqiptarëve. Dhe se “gijotinat” e orientuara publike janë mjeti më efikas për t’i shpëtuar gjykimit në duart e përgjegjësve madhorë, që vrasin gjakftohtë herë me dijeni, herë me korrupsion, herë me paaftësi, herë me indiferencë. Por mbeten njëlloj VRASËS.

sonila meco

Sondazh

Editorial 13 June 2024, 10:40 Ditmir Bushati

Kush do ta drejtojë Europën?

Foto ilustruese BRUKSEL- Zgjedhjet për në Parlamentin Europian shoqërohen gjithnjë me pyetjen se kush do ta drejtojë Europën,...

Editorial 4 June 2024, 17:28 Enton Abilekaj

Zemërimi i Edi Ramës

Enton Abilekaj Pa u bërë akoma 3 ditët e shenjta të harresës, Edi Rama doli sot me një autoregjistrim për të th&eu...

Editorial 18 May 2024, 08:07 Fatos Lubonja

Pse shkoi Rama në Greqi?

Fatos Lubonja TIRANA-  Shprehje “Nacionalizmi është streha e fundit e horrave” është e shumëcituar, por shpe...

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin