11 January 2026, 13:09
Nga Enver Robelli
Enver Robelli
Para disa ditësh policia e Kosovës tregoi vigjilencë të lartë dhe ua ndaloi disa serbëve në veri të Mitrovicës vendosjen e një baneri me një mesazh fetar për Krishtlindjet Ortodokse. Një politikan serb, kryetar komune, madje u gjobit sepse nuk i paskësh respektuar urdhrat e policisë. Qytetarët serbë të Mitrovicës u njoftuan se duhet marrë leje në Prishtinë te ministria përkatëse për vendosjen e banerit. Pas disa orësh leja, me gjasë, u lëshua dhe baneri u vendos. Gjithçka në rregull? Jo bash.
Kam një pyetje për policinë e Kosovës dhe për dikasteret përkatëse të qeverisë: a jeni kaq vigjilentë edhe kur pjesëtarë të popullsisë shumicë, pra shqiptarët, vendosin banerë nëpër ndërtesa gjithandej nëpër Kosovë? Vetëm nëpër fasada në qendër të Prishtinës janë të vendosur gati 10 banerë. A janë lëshuar leje për vendosjen e këtyre banerëve? A është dhënë pëlqimi nga autoritetet kompetente? Po si qëndron puna me gjithë ato përmendore e buste të vendosura kudo nëpër hapësira publike në Kosovë - a lëshohen leje për to?
Aksioni në veri, që i ngjan një maltretimi të pakicës serbe, i dha shkas ministrit të jashtëm serb që në rrjetin X të alarmojë diplomacinë ndërkombëtare ngase, sipas tij, policia e Kosovës po i keqtrajton "të krishterët" në një ditë të shenjtë. Aludimi ishte i qartë: myslimanët kundër të krishterëve. Në pazarin e madh e të trazuar të politikës botërore s'përjashtohet mundësia që ndokush të blejë edhe këtë propagandë. Bota ka ndryshuar. Në garën për marrëzi serbët shpesh ua kalojnë shqiptarëve, por jo rrallë shqiptarët mllefosen dhe, si të dehur, s’lënë tavolinë pa rrëzuar.
Ligjet e Kosovës nuk duhet të zbatohen në mënyrë selektive. Ose vlejnë për të gjithë, ose për askënd. Baneri në Mitrovicën e veriut kishte ngjyrat e flamurit serb (Kushtetuta e Kosovës ia lejon pakicës serbe simbolet e veta nacionale) dhe logon e një partie politike serbe, e cila mund të mos i pëlqejë asnjë shqiptari, por veprimtaria e saj nuk është e ndaluar me ligj.
Lojërat me muskuj nganjëherë përfundojnë duke rënë në kurthe politike dhe duke ia vendosur Serbisë topin në pikën e 11-metërshit. Për një baner!
Urime, me vonesë, Krishtlindjet Ortodokse, pastaj edhe ato katolike, qe besa - pse jo - urime edhe Bajrami. I madhi dhe i vogli. Urime edhe dita e Hashurës.
enver robelli
Editorial
30 December 2025, 15:23
Koloreto Cukali
Koloreto Cukali
1. Nuk e di a e keni vënë re diçka të pabesueshme që po ndodh këtë dimër. Nuk e kam fjalën p...
Editorial
15 December 2025, 11:36
Meri Lika
Meri LIka
Nuk kam qenë asnjëherë kundër opozitës. Kjo nuk është një fjali mbrojtëse e thënë sipas rr...
Editorial
13 December 2025, 11:47
Ditmir Bushati
Foto ilustruese
Strategjia e re e Sigurisë Kombëtare të SHBA-ve mori një vëmendje më të madhe ndërkombëtare se...
Editorial
12 December 2025, 14:59
Enver Robelli
Enver Robelli
Nëse i lexon komentet e gazetave të Evropës Perëndimore, toni është i qartë: kontinenti ndodhet para sfida...
Editorial
12 November 2025, 16:41
Ditmir Bushati
Teksa po lexoja raportet vjetore të Komisionit Europian për vendet që synojnë anëtarësimin në BE, së bashku me komunik...
Editorial
11 November 2025, 11:36
Eric Schmidt dhe Andrew Sorota
Diella
Shqipëria është vendi i parë që bën një hap të vërtetë drejt "algokracisë": qeverisjes me an&...
Editorial
6 November 2025, 10:18
Katrin Bennhold
Zohran Mamdan
Mirëmëngjes, botë! Gjatë 24 orëve të fundit, WhatsApp-i im ka qenë plot me mesazhe rreth Zohran Mamdanit d...
Editorial
29 October 2025, 16:07
The Guardian
Më 1 nëntor 2024, një tendë betoni u shemb në stacionin hekurudhor në Novi Sad, qytetin e dytë më të ma...
Editorial
28 October 2025, 10:27
Meri Lika
Meri Lika
I nderuar z. Dumani!
Nëse dje do të kisha qenë në atë sallën ku ju raportuat, e ku përballë kishit intel...
Editorial
23 October 2025, 10:34
Lutfi Dervishi
Lutfi Dervishi
Plumbi që del nga goja! (Reflektim mbi një tragjedi që Konica e parashikoi një shekull më parë)"Trimëria ...