LIVE UPDATES
Aktualitet

Ekspertët kërkojnë mbikëqyrjen e sjelljes së Policisë gjatë protestave

Brenda ditës, Këshilli i Ministrave çeli një fond prej 759 milionë lekësh për shpërblimin e 2821 punonjësve të policisë, të cilët prej dy javësh po i luftojnë protestat studentore me gaz lotsjellës, ujë me presion e shkopinj dhe plumba gome.

28 October 2026, 11:41 Nga I.A

Ekspertët kërkojnë mbikëqyrjen e sjelljes së

TIRANË- Në një sallë të mbushur plot me punonjës të Policisë së Shtetit më 19 tetor, kryeministri Edi Rama e ndau protestën në dy fronte dhe premtoi shpërblim prej 2500 eurosh për çdo punonjës policie të vijës së parë.

“Për të gjithë rezistencën, për të gjithë sakrificën, për të gjithë kurajën dhe mbi të gjitha për dinjitetin me të cilin ju po i dilni përballë jo vetëm këtyre…ne do t’ju vëmë menjëherë në dispozicion një shumë prej 2500 eurosh për çdo efektiv që është në këtë front, sepse keni jo vetëm stresin, por keni edhe nevojë për të shpenzuar në këtë moment dhe gjëra ekstra,” deklaroi Rama.

Brenda ditës, Këshilli i Ministrave çeli një fond prej 759 milionë lekësh për shpërblimin e 2821 punonjësve të policisë, të cilët prej dy javësh po i luftojnë protestat studentore me gaz lotsjellës, ujë me presion e shkopinj dhe plumba gome.

Protestat e javëve të fundit u radikalizuan në përleshje dhe dëmtim të pronës publike dhe private, pasi kërkesat e protestave paqësore të katër muajve ranë në vesh të shurdhër.

Pas reformave të njëpasnjëshme për rritjen e besimit publik, Policia e Shtetit në Shqipëri vuan sërish nga perceptimi i një institucioni të politizuar, veçanërisht në rangjet e larta drejtuese. Sjellja e uniformave blu gjatë protestave antiqeveritare të javëve të fundit ngre pikëpyetje për një politizim edhe më të skajshëm të saj.

Edhe pse dhënia e një shpërblimi për orët e zgjatura të punës nuk është automatikisht i paligjshëm, sipas ekspertit të sigurisë, Redion Qirjazi, ekziston rreziku që efektivët ta lexojnë atë “si mirënjohje personale nga pushteti”.

“Si mundet një punonjës ta bëjë dallimin që po vlerësohet për shërbim ndaj shtetit dhe jo ndaj qeverisë,” pyet Qirjazi, drejtor i fondacionit Mary Ward Loreto.

Romario Shehu, studiues pranë Institutit për Demokraci dhe Ndërmjetësim është gjithashtu i shqetësuar për mesazhin që përcjell vendimi i qeverisë në kontekstin e protestave.

“Kur qeveria shpërblen financiarisht efektivët pas protestave masive kundër saj, në një kontekst ku ka pretendime të arsyeshme për përdorim të tepruar të forcës, veçanërisht ndaj të miturve, krijohet rreziku që vendimi të perceptohet si miratim politik i veprimeve të policisë,” tha Shehu.

Llogaridhënia në hije 

Sipas legjislacionit shqiptar, Policia e Shtetit është një institucion i depolitizuar i administratës shtetërore, por marrëdhëniet e saj me pushtetin kanë qenë historikisht të ndërlikuara. Studime të kryera nga Instituti për Demokraci dhe Ndërmjetësim ngrenë prej vitesh shqetësimin për ndikimin politik në polici.

Sipas një anketimi të disa viteve më parë, rreth 50% e punonjësve të policisë ishin dakord me pohimin se drejtuesit politikë e përdorin Policinë e Shtetit për qëllime politike dhe korruptive.

Gjatë protestave të javëve të fundit, veprimet e Policisë së Shtetit janë vënë shpesh në pikëpyetje për shkak të forcës joproporcionale të ushtruar ndaj të rinjve, përdorimit të gazit lotsjellës apo të plumbave të gomës ndaj protestuesve. Ndërkohë, dhjetra arrestime janë shpallur të paligjshme nga gjykatat.

Ekspertët e shoqërisë civile bëjnë thirrje që mbështetja politike dhe shpërblimet nuk duhet të lënë në hije llogaridhënien për veprimet e kryera gjatë protestës.

Sipas Romario Shehut nga IDM, edhe pse menaxhimi i protestave mbart sfida të mëdha operacionale, nuk e përjashton policinë nga detyrimi për të respektuar ligjin, proporcionalitetin dhe të drejtat e njeriut.

“Veprimet e paligjshme të policisë duhet të hetohen dhe të trajtohen përmes mekanizmave përkatës, dhe të bëhen transparente për publikun,” thotë Shehu.

Edhe Qirjazi thekson nevojën e hetimit të veprimeve të policisë ndaj protestave studentore.

“Duhet të ruhen pamjet, urdhrat operacionalë dhe raportet e përdorimit të forcës, të identifikohen përgjegjësit dhe të hetohen edhe urdhrat e dhënë,” thotë Qirjazi.

“Kompensimi i punës së kryer dhe vlerësimi i ligjshmërisë së sjelljes janë çështje të veçanta. Shpërblimi nuk duhet të japë imunitet; ankesa nuk duhet të barazohet me fajësi,” shtoi më tej ai.

Më shumë mbikëqyrje

Pas përplasjeve të dhunshme më 21 tetor, Avokati i Popullit konstatoi mbipopullim të bllokut të sigurisë, ku protestuesit flenë në dysheme, të miturit mbahen në dhoma me të rritur dhe ankesa për dhunë dhe mohim të drejtash.

Sipas monitorimit, ankesat për dhunë policore gjatë protestave nuk ishin dokumentuar, ndërkohë që ishin evidentuar raste të punonjësve të policisë apo automjeteve të tyre të paidentifikuara.

Shkelje të tilla kërkojnë sipas ekspertit Romario Shehu jo vetëm hetime, por edhe një mbikëqyrje më efektive parlamentare dhe institucionale.

“Komisioni për Çështjet e Brendshme dhe të Mbrojtjes duhet të kërkojë shpjegime nga Drejtori i Përgjithshëm i Policisë së Shtetit për menaxhimin e protestave aktuale, dhe masat e marra për shqyrtimin e shkeljeve të pretenduara,” tha Shehu për BIRN.

Ndërkohë, Qirjazi kërkon që vendimi financiar dhe zbatimi i tij t’u nënshtrohen kontrolleve institucionale. Sipas tij, Policia e Shtetit duhet të mbështetet në kritere standarde, dokumentim të saktë për çdo përfitues dhe raportim të veprimeve mbi bazën e të dhënave konkrete, duke respektuar privatësinë dhe nevojat operacionale.

Ai sugjeron gjithashtu që vendimi dhe zbatimi i tij të mund të auditohen nga institucionet përkatëse, përfshirë Parlamentin, Avokatin e Popullit dhe Kontrollin e Lartë të Shtetit, në mënyrë që të garantohet kontrolli demokratik dhe paanshmëria politike./Reporter.al

protesta e studenteve

Sondazh

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin