13 November 2026, 20:21
Nga E. D

ITALI- Procesi gjyqësor për vrasjen e Gentiana Kopilit, 45-vjeçares shqiptare që u vra nga ish-bashkëshorti i saj, Nikollaq Hudhra, në Tolentino të Italisë, më 14 qershor 2025, ka nisur në Gjykatën e Maceratës. I pandehuri, 56 vjeç, me profesion punëtor bujqësie, nuk ishte i pranishëm në seancën e parë. Ai akuzohet për vrasje me dashje në rrethana rënduese dhe përfaqësohet nga avokatët Sergio Del Medico dhe Silvia Vigoni.
Njëri prej djemve të çiftit, i cili kishte udhëtuar nga Tolentino për të qenë i pranishëm në gjykatë, u largua nga salla pasi mësoi se babai i tij nuk ishte sjellë në gjykatë. Sipas avokatit të familjes, ai shpresonte ta takonte, pasi nuk e kishte parë që prej ditës së vrasjes. Gjatë seancës, të dy djemtë, Samuel dhe Mario, u paraqitën zyrtarisht si palë civile në proces, me përfaqësimin e avokatit Guglielmo De Luca.
Seanca e radhës është caktuar më 26 nëntor, në orën 09:00, ku do të dëshmojnë të dy djemtë e çiftit, si dhe vëllai i viktimës, Arturi, i cili jeton në Shqipëri. Ndërkohë, gjykata administroi dosjen e prokurorisë, ku përfshihen edhe raportet mjekësore të të pandehurit. Sipas hetimeve, Hudhra kishte prej kohësh bindjen se ish-bashkëshortja dëshironte ta helmonte.
Megjithatë, ende nuk është administruar një dokument i shkruar me dorë në gjuhën shqipe, i gjetur në makinën e tij ditën e vrasjes. Procesi do të përqendrohet veçanërisht te gjendja e tij mendore dhe aftësia për të kuptuar dhe kontrolluar veprimet në kohën e krimit. Sipas ekspertizës së psikiatrit Luciano Secchiaroli, kjo aftësi ishte dobësuar ndjeshëm, por nuk ishte përjashtuar plotësisht.
Pas dëshmive të familjarëve, pritet të dëgjohen edhe ekspertët e palëve dhe specialistët e përfshirë në hetime, mes tyre profesori Gabriele Borsetti dhe psikiatri Luciano Secchiaroli. Gentiana Kopili ishte ndarë nga bashkëshorti, të cilin e kishte denoncuar më herët për keqtrajtim. Mbrëmjen e 14 qershorit 2025, Hudhra ishte nisur drejt saj me një skuter elektrik, duke marrë me vete një thikë kuzhine me teh 18 centimetra, të cilën e kishte fshehur në një qese.
Sipas hetimeve, ai e goditi Gentianën 22 herë me thikë, nga pas. Pasi ajo ra në tokë, e goditi edhe me shqelm në kokë. Ngjarja ndodhi në sy të kalimtarëve. Pas vrasjes, Hudhra qëndroi në një stol përballë trupit të viktimës dhe, sipas dëshmive, deklaroi: “Unë e bëra”. Më pas u arrestua nga karabinierët dhe pranoi krimin, duke pretenduar se e kishte kryer për të mbrojtur fëmijët e tij./Dosja.al
Gentiana Kopili Nikollaq Hudhra
Aktualitet
13 November 2026, 20:06
E.M
TIRANË- Autoriteti Kombëtar për Sigurinë Kibernetike ka njoftuar se disa rajone po konstatohen probleme me aksesin dhe funksionimin e sh&eu...
Aktualitet
13 November 2026, 19:43
E.M
TIRANË- Sindikata e Punonjësve të Universiteteve të Shqipërisë ka njoftuar protestë kombëtare të studentëve, ...
Aktualitet
13 November 2026, 19:26
E.M
LUSHNJE- Në aksin Lushnje–Berat, pranë fshatit Kashtbardhë është regjistruar një aksident rrugor. Drejtuesja e një aut...
Aktualitet
13 November 2026, 19:10
E. D
SHKODËR- Reshjet intensive të ditëve të fundit kanë sjellë ndryshime të dukshme në lumin e Shalës, duke rikth...
Aktualitet
13 November 2026, 18:57
E. D
KOSOVË- Katër vjet pasi gjyqtarët dhe prokurorët serbë në veri të Kosovës dhanë dorëheqje, vendet e tyre...
Aktualitet
13 November 2026, 18:50
E. D
TIRANË- Studentë dhe qytetarë janë mbledhur sërish në bulevardin përpara godinës së Kryeministrisë, duk...
Aktualitet
13 November 2026, 18:26
E. D
AMERIKË- Grupet e krimit të organizuar shqiptar po depërtojnë në tregtinë amerikane të drogës, sipas një ish-...
Aktualitet
13 November 2026, 18:21
E.M
IGUMENICË- Mëngjesin e ditës së sotme është arrestuar në Igumenicë një grua shqiptare pas një sasie të m...
Aktualitet
13 November 2026, 18:05
E.M
SHKODËR- Në Institucionin e Ekzekutimit të Vendimeve Penale (IEVP) në Shkodër është konstatuar një aparat celular Iphon...
Aktualitet
13 November 2026, 17:50
E.M
VLORË- Qendra e Shërbimeve Ligjore Evropiane (CELS) pas rasteve të helmimit të fëmijëve në kopshtin nr. 10 ka depozituar kal...