16 November 2026, 11:10
Nga E.d
Sali Berisha
TIRANA- Kreu i Partisë Demokratike, Sali Berisha u ka bërë thirrje të gjitha forcave politike opozitare që të bashkohen për hartimin e një kuadri të përbashkët ligjor, me synim garantimin e zgjedhjeve të lira dhe të ndershme në Shqipëri.
Gjatë një prononcimi për mediat pas daljes nga SPAK, Berisha deklaroi se opozita duhet të koordinohet për një reformë zgjedhore që garanton barazinë e votës, listat e hapura, një prag zgjedhor të pranueshëm nga të gjitha palët dhe të drejtën për krijimin e koalicioneve. Ai theksoi se një tjetër element i rëndësishëm duhet të jetë ashpërsimi i masave ligjore ndaj personave që kryejnë shkelje të ligjit dhe krime zgjedhore.
Duke iu përgjigjur pyetjes së gazetarit lidhur me mundësinë e përsëritjes së shkeljeve zgjedhore në zgjedhjet e ardhshme lokale, Berisha u shpreh se sipas tij, Edi Rama mund të intensifikojë praktikat që ai i cilësoi si manipulime zgjedhore.
Kreu i PD-së nënvizoi se opozita duhet t'u tregojë qytetarëve se është e bashkuar për listat e hapura, pragun zgjedhor, garantimin e koalicioneve dhe ndëshkimin më të rreptë të krimeve zgjedhore. Në fund, Berisha deklaroi se nuk ka iluzione se kryeministri Edi Rama do të pranojë ndryshime në reformën zgjedhore që sipas tij, mund të rrezikojnë pushtetin e mazhorancës.
Arsen Rusta, MCN TV: Doktor, thatë që Asambleja po e rrëzon. Ai doli edhe më i fortë sepse kundërshtarët politikë i përjashtoi duke u hequr funksionet. Tani ky është kriminel elektoral, është gjithçka për ju, por nga ana tjetër është edhe partneri politik. Listuat një sërë denoncimesh për krime zgjedhore. Po t'i bëri prapë para 9 majit, si do veproni? Do ndryshoni kodin me këtë? Sepse jeni me 61 bashki, duhet ta bëni kodin me 46. Se mund t’i bëjë ai prapë në zgjedhje lokale ato?*
Sali Berisha: Ju keni të drejtë. Ai jo mund t'i bëjë këto, por ju garantoj se ai do i bëjë këto të paktën dhe dy herë më shumë. Sepse ai është i aftë dhe i gatshëm të bëjë gjithçka mbasi e di që e pret burgu, burgu dhe vetëm burgu. Nuk ka! Për lëkurën e tij, ai është i aftë të bëjë gjithçka. Por ne jemi një forcë politike që po luftojmë me të gjitha mjetet dhe luftuam në kushtet më të pabarabarta të njohura ndonjëherë. Jemi dakord? U bë gjithçka që në këtë narko-diktaturë të mos kishte opozitë. U bë gjithçka të shuhej opozita. Por opozita qëndroi e pamposhtur ndaj të gjitha presioneve kriminale ndaj saj. Dhe qëndron e vendosur të shfrytëzojë çdo hapësirë në luftën kundër saj.
Në këtë kuadër, meqë e shtrove këtë problem, ne ftojmë dhe njëherë të gjitha forcat politike që konsiderojnë Edi Ramën të keqen më të madhe, ftojmë të gjithë faktorët të bashkohemi për të paraqitur së bashku një kuadër ligjor demokratik, një kuadër ligjor i cili në rast të një qeverie teknike apo qeverie kujdestare, u jep mundësi shqiptarëve të votojnë të lirë. Barazon vlerën e votës së tyre.
U jep mundësi të zgjedhin më të mirët që ata mendojnë. Pra, ne nuk kemi asnjë iluzion, asnjë dyshim se Edi Rama nuk do të lëshojë asgjë në reformën zgjedhore që kërcënon pushtetin e tij.
Por kjo nuk do të thotë që ne të mos bëjmë para qytetarëve, të cilët duan të dinë, duan të na shohin se ne jemi të bashkuar për listat e hapura. Listat e hapura janë një përgjegjësi për të gjithë para të gjithë qytetarëve.
Se ne jemi të bashkuar për një prag zgjedhor të pranueshëm nga të gjitha palët.
Se ne jemi të bashkuar për garantimin e koalicioneve, sepse është një standard demokratik.
Se ne jemi të bashkuar për masat më të rrepta ligjore për shkelësit e ligjit dhe krimit elektoral.
Këtë presin shqiptarët nga opozitarët. Natyrisht, diktatura me vota nuk ikën. Ata të cilët besojnë se diktatura mund të largohet me vota, ata mashtrojnë veten dhe mashtrojnë të tjerët.
Janë mënyra të tjera që rrëzojnë diktaturat, por ajo kohë po afron dhe ju garantoj se Edi Rama kohërat i ka të shkurtuara./Dosja.al
sali berisha
Politike
16 November 2026, 10:54
E.d
Marjana Koçeku
TIRANA- Deputetja e pavarur Marjana Koçeku ka reaguar ashpër pas raportimeve se Forumi i Zgjerimit të Bashkimit Evrop...
Politike
16 November 2026, 10:47
E.d
Sali Berisha
TIRANA- Kryetari i Partisë Demokratike, Sali Berisha ka folur pas zhvillimeve në Asamblenë e Partisë Socialiste, duke a...
Politike
16 November 2026, 10:31
E.d
Sali Berisha
TIRANA- Kreu i Partisë Demokratike, Sali Berisha ka lëshuar akuza të forta ndaj Prokurorisë së Posaçme pas paraqi...
Politike
16 November 2026, 10:21
E.d
Sali Berisha
TIRANA- Kryetari i Partisë Demokratike, Sali Berisha është paraqitur këtë të hënë në ambientet e P...
Politike
16 November 2026, 09:53
G.M
Komisionarja evropiane për Zgjerim, Marta Kos.
Një koncert që synonte të promovonte bashkimin e kulturave evropiane nxiti reagime p...
Politike
16 November 2026, 09:50
E.d
Riho Terras
TIRANA- Raportuesi i Parlamentit Evropian për Kosovën, Riho Terras ka reaguar ashpër pas interpretimit të këngë...
Politike
16 November 2026, 09:45
G.M
Albulena Haxhiu
KOSOVA- Kryetarja e Kuvendit të Kosovës, Albulena Haxhiu, ka reaguar pas interpretimit të këngës nacionaliste serbe &...
Politike
16 November 2026, 08:53
E.d
Adriatik Llalla
TIRANA- Gjykata e Posaçme kundër Korrupsionit dhe Krimit të Organizuar shqyrton këtë të hënë kë...
Politike
16 November 2026, 08:35
E.d
Edi Rama
BRUKSEL- Kryeministri Edi Rama ndodhet këtë të hënë në Bruksel, ku do të marrë pjesë në Foru...
Politike
15 November 2026, 17:04
G.M
Oerd Bylykbashi,
TIRANË- Bashkëkryetari i Komisionit për Reformën Zgjedhore, Oerd Bylykbashi, ka reaguar pas deklaratave të kr...