21 November 2026, 13:58
Nga E.M

BERAT- Prokuroria e Beratit ka sekuestruar disa pasuri të paluajtshme, automjete dhe prona të tjera në pronësi të shtetasit Donald Lavdari dhe familjarëve të tij, pasi dyshohet se janë përfituar nga të ardhura të siguruara përmes veprimtarisë kriminale.
Shtetasi Donald Lavdari është hetuar dhe dënuar nga autoritetet e drejtësisë në Spanjë dhe Greqi për veprën penale të trafikimit të lëndëve narkotike, sipas njoftimit zyrtar të Prokurorisë.
Nga hetimet pasurore të kryera në kuadër të procedimit penal nr. 963, të vitit 2018, ka rezultuar se të ardhurat e dokumentuara të tij dhe familjarëve nuk justifikojnë pasuritë dhe investimet e kryera gjatë periudhës 2005–2016.
Sipas Prokurorisë, Donald Lavdari dyshohet se ka investuar të ardhurat e përfituara nga aktiviteti kriminal në qytetin e Poliçanit, ku ka blerë dyqane, apartamente, automjete të markave të ndryshme, si dhe ka krijuar aktivitete private në fushën e tregtisë ushqimore, bareve, kafeneve dhe fast-food-eve.
Shtetasi Donald Lavdari rezulton se ndodhet në Spanjë që prej vitit 2017, ku, sipas informacioneve të administruara nga organet e hetimit, është ndaluar nga autoritetet spanjolle për trafikim të lëndëve narkotike.
Me kërkesë të Prokurorisë së Beratit, janë vendosur në sekuestro disa pasuri të paluajtshme në zonën kadastrale 3019, përfshirë dyqane, apartamente dhe prona të tjera në Berat dhe Skrapar.
Në listën e pasurive të sekuestruara përfshihen gjithashtu:
• Një apartament me sipërfaqe 66 m² në Skrapar.
• Një sipërfaqe prej 48 m² në Skrapar.
• Dy automjete të markës Mercedes-Benz, njëri prej tyre E270 CDI.
• Disa pasuri të tjera të regjistruara në emër të Donald Lavdari dhe familjarëve të tij.
Hetimet vijojnë për të dokumentuar origjinën e pasurive dhe lidhjen e tyre të mundshme me aktivitetin kriminal. Sekuestrimi është një masë sigurimi pasuror dhe nuk përbën në vetvete vendim përfundimtar për konfiskimin e pronave.
Njoftimi i plotë;
Nuk justifikohen nga të ardhurat, Prokuroria e Beratit sekuestron pronat e shtetasit D.L., dënuar në Spanjë e Greqi për ‘Trafikim të Lëndëve Narkotike’
Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Berat, u sekuestruan pasuritë e shtetasit D.L., dhe personat e lidhur me të, i dyshuar për veprën penale ‘Pastrimi i produkteve të veprës penale ose veprimtarisë kriminale’ parashikuar nga neni 287 i Kodit Penal.
Nga hetimet mbi procedimin penal nr.963, të vitit 2018, dhe referimit pasuror mbi të, rezultoi se shtetasi D.L., është përfshirë në veprimtari kriminale jashtë shtetit e kryesisht në Spanjë dhe Greqi në aktivitetin e shitjes së lëndëve narkotike për të cilën ky shtetas është hetuar (dënuar) nga autoritetet e drejtësisë së këtyre shteteve, për konsumimin e veprës penale të “Trafikimit të Lëndëve Narkotike” parashikuar nga neni 283/a i Kodit Penal.
Prokuroria pranë Gjykatës së Shkallës së Parë të Juridiksionit të Përgjithshëm, Berat dyshon se me të ardhurat e siguruara nga veprimtaria kriminale, ky shtetas ka investuar në Shqipëri në qytetin e Poliçanit ku jeton, me blerjen e objekteve dyqane, apartamente për vete dhe familjarët si dhe në blerjen e mjeteve të markave të ndryshme. Ai disponon gjithashtu edhe aktivitete private kryesisht në fushën e tregtisë ushqimore, ”Bar-Kafe”, ‘Ushqim i shpejtë”, etj.
Shtetasi D.L. ndodhet në Spanjë që nga viti 2017, ku në bazë të informacioneve rezulton i ndaluar nga organet e drejtësisë Spanjolle për veprën penale Trafikimit të Lëndëve Narkotike.” Nga Analiza Financiare për periudhën 2005 – 2016 rezulton se të ardhurat dhe burimet financiare të dokumentuara të D. L. dhe familjarëve të tij nuk rezulton mjaftueshëm për të mbuluar përdorimet financiare të evidentuara.
Sa më sipër, duke qenë se shtetasit D.L. ka kryer veprimtari kriminale në kundërshtim me ligjin dhe vendosja e sekuestros për pasurive të paluajtshme është e domosdoshme, me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Berat, u sekuestruan pasuritë e mëposhtme të shtetasit D.L. dhe familjarëve të tij:
– ZK 3019, volum 10, nr. Pasurie 3/175-N2, me status regjistrim i përkohshëm, në pronësi të shtetasit D.L.;
– ZK 3019, volum 7, nr. pasurie 11/75+1-9, në pronësi të shtetasit D.L.;
– ZK 3019, volum 7, me status regjistrim i përkohshëm në Z.V.R.P.P Berat;
– ZK 3019, volum 7, nr. pasurie 11/75-1-9, me status aktiv në Z.V.R.P.P Berat;
– ZK 3019, vol 17, nr.pasurie 12/201-N8 me status regjistrim i përkohshëm;
– ZK 3019, vol 17, nr. pasurie 12/200-2+9 me status regjistrim i përkohshëm;
– ZK 3019, vol 5, faqe 48, nr. pasurie 12/206-2+9 me status regjistrim i përkohshëm;
-ZK 3019, vol 10, faqe 45, nr. pasurie 12/206 me status regjistrim i përkohshëm;
– ZK 3019, vol 16, nr. pasurie 12/206-N17 me status aktiv;
-ZK 3019, vol 10, faqe 45 me numër pas 12/206 me regjistrim të përkohshëm në Berat;
– Sipërfaqe 48(dyzet e tete) në Skrapar, në ZK 3019;
– Apartament me sipërfaqe prej 66 m2, në Skrapar;
– Automjet i markës Mercedes Benz në pronësi të shtetasit D.L.; dhe
– Automjet i markës, Mercedes Benz, E270CDI./Dosja.al
Berat Donald Lavdari
Aktualitet
21 November 2026, 13:52
E.M
TIRANË- Studentët të mbledhur para Universitetit të Politeknikut kanë dhënë një deklaratë pë...
Aktualitet
21 November 2026, 13:45
E.M
KOSOVË- Ish-kryetari i Kuvendit të Kosovës dhe ish-zëdhënësi i UÇK-së, Jakup Krasniqi, ka përfunduar vizit&...
Aktualitet
21 November 2026, 13:39
E.M
TIRANË- Studentët janë mbledhur këtë të shtunë në protestën e paralajëruar. Ata janë grumbulluar aty ku ...
Aktualitet
21 November 2026, 13:28
E.M
BERAT- Prokuroria e Beratit ka sekuestruar 12 pasuri të paluajtshme dhe dy automjete Mercedes-Benz të Donald Lavdarit dhe familjarëve të ti...
Aktualitet
21 November 2026, 11:14
E.M
ITALI- Një i burgosur nën regjimin 41-bis në burgun e Operas në Itali, ka tentuar të vetëvritet duke u varur kështu me nj&eu...
Aktualitet
21 November 2026, 11:04
E.M
VLORË- Në sheshin e Flamurit në Vlorë qytetarët janë mbledhur në një protestë me sloganin “Mos ma prek Vlor&...
Aktualitet
21 November 2026, 10:56
E.M
DELVINË- Një 41-vjeçar është arrestuar nga Policia në Delvinë ndërkohë që u dënua me 9 vite burg p&eum...
Aktualitet
21 November 2026, 10:34
E. D
ANGLI- Tre shqiptarë, të cilët ishin të përfshirë në një rrjet të organizuar të trafikut të kokain...
Aktualitet
21 November 2026, 10:21
E.M
DIBËR- Kushtet atmosferike janë përkeqësuar edhe në Qarkun e Dibrës, ndërkohë që ulja e ndjeshme e temperaturave k...
Aktualitet
21 November 2026, 10:21
E. D
TIRANË- Ka nisur mbërritja e anëtarëve të Asamblesë së Partisë Socialiste të Tiranës në Akademinë e...