29 October 2026, 11:12
Nga G.M
pamje
SHKODËR- Një operacion antidrogë është finalizuar në Shkodër, pas një hetimi 4-mujor. Sipas njoftimit të policisë,është bërë sekuestrimi i 265.4 kilogramë kanabis, dy mina të dyshuara antitank, 7 telefona celularë dhe 6 automjete. Në kuadër të operacionit, në prangat e policisë kanë rënë Admir Selgjekaj, Elsid Ramci, Bujar Kukaj dhe Naim Kukaj, ndërsa në kërkim janë shpallur Esat Kukaj, Denjan Kukaj dhe Anarldo Mulleti.
Sipas hetimeve, grupi dyshohet se magazinonte dhe paketonte lëndën narkotike, si dhe organizonte transportin dhe shitjen e saj brenda dhe jashtë vendit. Gjatë operacionit, në lagjen 'Guraj' në Malësinë e Madhe, u ndalua një automjet tip 'Volkswagen Passat', që drejtohej nga Elsid Ramci. Gjatë kontrolleve në automjet dhe në banesat e Bujar dhe Naim Kukajt, u gjetën 265.4kg kanabis, të paketuara për shitje. Ndërkohë, dy minat e dyshuara antitank u zbuluan në një sipërfaqe toke në pronësi të njërit prej të arrestuarve. Policia po vijon kërkimet për kapjen e tre personave të tjerë të shpallur në kërkim.
NJOFTIMI:
DVP Shkodër
Finalizohet megaoperacioni antidrogë, i koduar “POLINOMI”, rezultat i një hetimi intensiv 4-mujor, nga sektorët për Hetimin e Narkotikëve dhe të Mbështetjes Operacionale Hetimore të Drejtorisë Vendore të Policisë Shkodër, në drejtimin e Prokurorisë së Shkodrës.
Hetimi profesional, me metoda proaktive, rezultoi me finalizimin e megaoperacionit të koduar “POLINOMI”, në kuadër të të cilit u goditën tentativa e një grupi kriminal, për të shitur brenda dhe jashtë shtetit, mbi 265 kilogramë lëndë narkotike Cannabis Sativa, si dhe posedimi i kundërligjshëm i minave të dyshuara antitank.
Konkretisht, në kuadër të megaoperacionit, u arrestuan në flagrancë shtetasit:
-A. S., 38 vjeç, për veprat penale “Trafikimi i narkotikëve”, “Prodhimi dhe shitja e narkotikëve” dhe “Pastrimi i produkteve të veprës penale ose veprimtarisë kriminale”, kryer në bashkëpunim;
-E. R., 25 vjeç, për veprat penale “Prodhimi dhe shitja e narkotikëve” dhe “Pastrimi i produkteve të veprës penale ose veprimtarisë kriminale”, kryer në bashkëpunim.
Gjithashtu, u arrestuan në flagrancë vëllezërit, shtetasit:
-B. K., 56 vjeç, për veprat penale “Prodhimi dhe shitja e narkotikëve” dhe “Pastrimi i produkteve të veprës penale ose veprimtarisë kriminale”, kryer në bashkëpunim, si dhe “Mbajtja pa leje dhe prodhimi i armëve, armëve shpërthyese dhe i municionit”;
-N. K., 52 vjeç, për veprat penale “Prodhimi dhe shitja e narkotikëve” dhe “Pastrimi i produkteve të veprës penale ose veprimtarisë kriminale”, kryer në bashkëpunim.
Më tej, në vijim të megaoperacionit, u shpallën në kërkim, për veprat penale “Trafikimi i narkotikëve” dhe “Prodhimi dhe shitja e narkotikëve”, kryer në bashkëpunim, vëllai tjetër i të arrestuarve, shtetasi E. K., 58 vjeç, djali i 56-vjeçarit, shtetasi D. K., 23 vjeç, si dhe shtetasi A. M., 39 vjeç.
Të 7 këta shtetas, të identifikuar si pjesëtarë të një grupi kriminal në fushat e prodhimit dhe trafikimit të sasive të mëdhaja të lëndëve narkotike, janë banues në Malësi të Madhe dhe kanë precedentë të mëparshëm kriminalë, për veprimtari në të njëjtat fusha.
Në kuadër të megaoperacionit “POLINOMI”, shërbimet e Drejtorisë Vendore të Policisë Shkodër ndërhynë në lagjen “Guraj”, Malësi e Madhe, ku ndaluan automjetin tip “Volksëagen Passat” që drejtonte shtetasi E. R..
Nga kontrollet në këtë automjet dhe në banesat e shtetasve të arrestuar, B. K. dhe N. K., u gjetën në total dhe u sekuestruan me cilësinë e provës materiale, 265,4 kilogramë lëndë e dyshuar narkotike Cannabis Sativa, e përgatitur dhe e paketuar për shitje dhe për trafikim.
Më tej, nga kontrollet e mëtejshme, në një sipërfaqe toke në pronësi të shtetasit B. K., u gjetën 2 mina të dyshuara antitank, të cilat iu dorëzuan shërbimeve xheniere të Forcave të Armatosura, për ekzaminim të mëtejshëm.
Ndërkaq, lënda narkotike u sekuestrua me cilësinë e provës materiale, së bashku me 7 celularë dhe 6 automjete që përdoreshin për transportimin e saj.
Gjatë periudhës hetimore ka rezultuar se shtetasit B. K., N. K., D. K. dhe E. K., familjarë të njëri-tjetrit, magazinonin dhe paketonin lëndën narkotike, ndërsa shtetasit A. S., E. R. dhe A. M. organizonin transportin dhe shitjen e saj, brenda dhe jashtë shtetit.
Policia e Shkodrës vijon intensivisht kërkimet për lokalizimin dhe kapjen e 3 shtetasve të shpallur në kërkim, si dhe në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Shkodër, vijon hetimi për të dokumentuar plotësisht këtë veprimtari kriminale, për të identifikuar dhe nxjerrë përpara përgjegjësisë penale, shtetas të tjerë që mund të jenë të përfshirë në të, si dhe për të individualizuar rolin dhe përgjegjësinë e secilit./Dosja.al
shkoder
Aktualitet
29 October 2026, 10:40
G.M
Erion Veliaj dhe Ajola Xoxa
FIER- Bashkëshortja e kryebashkiakut të Tiranës, Erion Veliaj, ka mbërritur këtë të enjte n&eum...
Aktualitet
29 October 2026, 10:23
G.M
Denaldo Maxhallaku
ITALI- Zbardhen të tjera detaje nga vrasja e Denaldo Maxhallakut, 31-vjeçarit shqiptar që u gjet i pajetë në nj...
Aktualitet
29 October 2026, 09:52
G.M
viktima
ITALI- Një 29-vjeçar italian ka pranuar përfshirjen në vrasjen e Denaldo Maxhallakut, 31-vjeçarit shqiptar, trupi i t&eum...
Aktualitet
29 October 2026, 09:57
E.d
Burgu i Fierit
VELIPOJA- Biznesmeni nga Velipoja, Mir Bruli është transportuar nga Institucioni i Ekzekutimit të Vendimeve Penale në...
Aktualitet
29 October 2026, 09:45
E.d
Ergys Agasi
TIRANA- Ergys Agasi pritet të transferohet nga paraburgimi i Bradasheshit, pasi për lëvizjen e tij është firmosur urdhri ...
Aktualitet
29 October 2026, 09:39
E.d
Foto ilustruse
KAMËZ- Një sasi e dyshuar lënde plasëse është konstatuar në orët e para të mëngjesit të ...
Aktualitet
29 October 2026, 09:32
E.d
Pamje
TIRANA- Kuvendi është rrethuar nga masa të shtuara sigurie në prag të seancës plenare që pritet të nis&eum...
Aktualitet
29 October 2026, 09:19
E.d
Foto ilustruse
TIRANA- Nga 1 janari 2027, punonjësit e Policisë së Shtetit pritet të përfitojnë rritje pagash, me diferenca sipa...
Aktualitet
29 October 2026, 09:09
G.M
GJERMANI- Ardit Gjokrosa, është 29-vjeçari i cili u ekstradua nga Gjermania drejt Shqipërisë, pasi ishte shpallur në kërki...
Aktualitet
29 October 2026, 08:48
E.d
Foto ilustruse
Bashkimi Europian u ka kërkuar vendeve anëtare të përgatiten për një rritje të temperaturave globale me 2 gr...