LIVE UPDATES
Insights

98.33 pikë në letër, por sa të sigurta janë realisht sistemet e shtetit shqiptar?

Sepse një qeveri që prej vitesh e ka kthyer propagandën digjitale në zëvendësuese të llogaridhënies ka detyrimin t’u shpjegojë qytetarëve jo vetëm vendin në renditje, por edhe çfarë mat realisht kjo renditje.

12 August 2026, 12:59 Nga Denisa Kele
98.33 pikë në letër, por sa të sigurta janë realisht
Denisa Kele

Kryeministri Edi Rama njoftoi me entuziazëm se Shqipëria është ngjitur në vendin e parë në botë në National Cyber Security Index, me 98.33 pikë. Dhe për një debat serioz duhet nisur nga fakti: po, Shqipëria rezulton aktualisht e para në këtë indeks.

Por problemi fillon pikërisht pas kësaj fjalie.

Sepse një qeveri që prej vitesh e ka kthyer propagandën digjitale në zëvendësuese të llogaridhënies ka detyrimin t’u shpjegojë qytetarëve jo vetëm vendin në renditje, por edhe çfarë mat realisht kjo renditje.

Në të kundërt, nga “Shqipëria është e para në NCSI” deri te perceptimi “Shqipëria është vendi më i sigurt kibernetikisht në botë” distanca është shumë e vogël politikisht, por shumë e madhe teknikisht.

Dhe pikërisht aty duhet bërë dallimi.

NCSI mat gatishmërinë. Jo paprekshmërinë e sistemeve
National Cyber Security Index vlerëson gatishmërinë e një shteti për të parandaluar kërcënimet kibernetike dhe për të menaxhuar incidentet.

Një pjesë e rëndësishme e pikëve fitohet duke provuar ekzistencën e kuadrit që një shtet duhet të ketë: ligje, strategji, institucione përgjegjëse, plane veprimi, struktura koordinimi, CERT/CSIRT, mekanizma raportimi, programe edukimi, bashkëpunim ndërkombëtar dhe procedura për menaxhimin e krizave.

Për shembull, Shqipëria merr pikët e plota në kategorinë Cybersecurity Policy – 15/15.

Por le të shohim se çfarë kërkon konkretisht metodologjia.

Për lidershipin kombëtar të sigurisë kibernetike pranohet si provë një akt ligjor, strategji kombëtare, statut zyrtar ose faqe institucionale. Shqipëria merr pikët duke referuar, ndër të tjera, Ligjin nr. 25/2024 “Për sigurinë kibernetike”.

Për institucionin përgjegjës për hartimin e politikave, përsëri përdoret Ligji nr. 25/2024 dhe mandati i AKSK-së.

Për koordinimin e politikave përdoret Urdhri nr. 118 për ngritjen e Komitetit Ndërministror të Sigurisë Kibernetike.

Për strategjinë kombëtare përdoret Strategjia Kombëtare e Sigurisë Kibernetike 2025–2030 dhe plani i saj i veprimit.

Të gjitha këto janë të nevojshme. Janë hapa që Shqipëria duhet t’i kishte dhe është pozitive që i ka.

Por të kesh ligjin nuk do të thotë automatikisht se ke sigurinë. Të kesh strategjinë nuk do të thotë se çdo sistem e zbaton atë. Të kesh institucionin nuk do të thotë se institucioni performon në mënyrë perfekte.

Dhe të kesh një procedurë për menaxhimin e incidentit nuk do të thotë se infrastruktura nuk mund të komprometohet.

Këtu qëndron dallimi që propaganda politike preferon të mos e shpjegojë.

98.33 nuk është “98.33% siguri”
Shifra 98.33 tingëllon bukur në një status Facebook-u. Por teknikisht ajo nuk do të thotë se sistemet shtetërore shqiptare janë 98.33 për qind të sigurta.

As nuk do të thotë se një ekip ndërkombëtar ekspertësh ka testuar e-Albania-n, sistemet e AKSHI-t, ministritë, Tatimet, Doganat, sistemet e shëndetësisë, regjistrat shtetërorë dhe infrastrukturat kritike shqiptare dhe ka arritur në përfundimin se ato janë më të sigurta se sistemet e çdo shteti tjetër.

NCSI nuk është një penetration test global.

Nuk është një “stress test” ku infrastruktura shqiptare vihet përballë infrastrukturës së Estonisë, Gjermanisë, Britanisë apo Shteteve të Bashkuara.

Është një indeks i gatishmërisë kombëtare, i ndërtuar mbi indikatorë dhe prova të përcaktuara nga metodologjia e tij.  Ky është një dallim që qeveria duhet ta thotë po aq fort sa thotë “jemi të parët”.

Pyetja që duhet t’i bëhet qeverisë: sa prej 98.33 pikëve janë siguri reale?
Sa prej 98.33 pikëve provojnë reziliencën reale të sistemeve dhe sa provojnë se Shqipëria ka miratuar dokumentin, ligjin, strategjinë, institucionin apo procedurën që kërkon indikatori?

Sepse në cybersecurity ekziston një dallim themelor mes compliance dhe security.

Compliance të thotë se ke përmbushur kërkesën. Security të tregon nëse sistemi reziston kur sulmohet.

Dhe qytetarit shqiptar nuk i mjafton që shteti të ketë një dokument që thotë se të dhënat e tij duhet të mbrohen. Qytetari ka nevojë të dijë nëse të dhënat e tij janë realisht të mbrojtura.

Nga 91.67 në 98.33 brenda pak muajsh
Ka edhe një element që kërkon transparencë.

Vetë NCSI tregon se profili i Shqipërisë është përditësuar më 25 maj 2026 dhe përsëri më 10 gusht 2026. Përditësimet shënojnë si burim “Government officials”.

Në versionin aktual rezultati është 98.33.

Kjo nuk do të thotë se rezultati është i pavlefshëm. Përkundrazi, sistemi i NCSI funksionon mbi paraqitjen dhe verifikimin e provave sipas metodologjisë së tij.

Por pikërisht për këtë arsye qeveria duhet të publikojë dhe të shpjegojë qartë:

Çfarë provash të reja iu paraqitën NCSI-së? Cilët indikatorë ndryshuan? Cilat masa të reja u implementuan? Dhe cilat prej tyre përfaqësojnë kapacitete të reja teknike dhe cilat janë akte ligjore, strategjike apo institucionale?

Në një demokraci normale, vendi i parë nuk duhet përdorur vetëm për propagandë. Duhet përdorur edhe për transparencë.

Vetë faqja e NCSI-së tregon një realitet shumë më kompleks
Ndoshta pjesa që qeveria do të preferonte të mos vendoste në të njëjtin postim është ajo që ndodhet vetëm pak centimetra më poshtë në të njëjtën faqe.

Shqipëria rezulton:

1st – National Cyber Security Index

por njëkohësisht:

Tier 2 – Global Cybersecurity Index

62nd – E-Government Development Index

dhe

84th – Network Readiness Index.

Pra, në të njëjtën fotografi kemi një Shqipëri të parë në një indeks, Tier 2 në një tjetër, të 62-ën në një të tretë dhe të 84-ën në një të katërt.

Nuk ka asnjë kontradiktë këtu. Ka vetëm metodologji të ndryshme. Dhe pikërisht kjo demonstron pse një qeveri serioze nuk duhet të marrë indeksin që i jep rezultatin më të bukur dhe ta përdorë atë si certifikatë universale të suksesit digjital.

Ligjet janë të rëndësishme. Sulmuesit nuk lexojnë propagandën.
Shqipëria ka sot një kuadër ligjor të përmirësuar të sigurisë kibernetike. Kjo duhet pranuar.

Ka një strategji kombëtare.

Ka AKSK-në.

Ka struktura CERT/CSIRT.

Ka detyrime për raportimin e incidenteve.

Ka mekanizma për mbrojtjen e infrastrukturave kritike.

Ka aktivitete edukimi dhe bashkëpunimi ndërkombëtar.

Të gjitha këto janë të domosdoshme.

Por një hacker nuk ndalet përpara Ligjit 25/2024.

Një ransomware nuk lexon strategjinë kombëtare përpara se të enkriptojë një server.

Një sulmues nuk pyet nëse institucioni ka marrë 3/3 pikë në një indikator ndërkombëtar.

Në momentin e sulmit vlejnë arkitektura e sistemit, segmentimi i rrjetit, autentikimi, privilegjet e aksesit, patch management, monitorimi, SOC-u, backup-et, threat intelligence, reagimi në kohë reale dhe aftësia për të rikuperuar sistemet pa cenuar shërbimet dhe të dhënat.

Pas sulmeve që ka kaluar Shqipëria, propaganda nuk mjafton
Shqipëria nuk vjen në këtë debat si një vend që nuk e ka provuar kurrë çfarë do të thotë një krizë e rëndë kibernetike.

Sistemet publike shqiptare kanë kaluar incidente serioze dhe pikërisht për këtë arsye përmirësimi i kuadrit ligjor dhe institucional ishte jo vetëm i nevojshëm, por i detyrueshëm.

Prandaj vendi i parë duhet të shërbejë si pikënisje për një standard shumë më të lartë llogaridhënieje.

Nëse jemi të parët në gatishmëri, atëherë qeveria duhet të jetë gati të tregojë edhe rezultatet e matshme të kësaj gatishmërie.

Sa vulnerabilitete kritike janë identifikuar?

Sa janë mbyllur?

Sa institucione i nënshtrohen auditimeve të pavarura?

Sa shpesh zhvillohen penetration tests?

Cila është koha mesatare e zbulimit të një incidenti?

Cila është koha mesatare e reagimit dhe rikuperimit?

Sa incidente serioze kanë prekur infrastrukturën publike?

Sa prej tyre janë bërë transparente për qytetarët?

Këto janë matje performance. Dhe këtu fillon siguria reale.

Shqipërise i duhet siguri, jo vetëm renditje.

denisa kele

Sondazh

Insights 6 August 2026, 12:57 Sonila Meço

Stina e pestë

Shqipëria ka një stinë të pestë, stina e kthimeve. Nis diku nga fundi i qershorit, kur aeroportet mbushen me përqafime, rrug&eum...

Insights 1 August 2026, 10:59 Natasha Llanaj Perpunja

Selenica nuk eshte nje qytet i zakonshem

Ka qytete qe nuk ndertohen vetem me gure, por me djerse, sakrifica dhe kujtime. Selenica eshte nje prej tyre. Sot qytetaret e saj kane dale ne proteste per te...

Të shpallur në kërkim ndërkombëtar, arrestohen dy persona në Vorë dhe Shkodër

Të shpallur në kërkim ndërkombëtar, arrestohen dy persona në Vorë dhe Shkodër

Rama sqaron deklaratën: Mendimi im, nuk i japim leksione qeverisë maqedonase për vendimet...

Mickoski pyetet për incidentin e himnit në Pustec: Nuk e kemi ndjekur aktivitetin deri në fund...

Rama përballet me gazetarin në Qafë Thanë: Çfarë je ti, protestues?

“One Stop Shop”/ Mickoski: Është kënaqësi që po bëjmë ketë bashkëpunim për një pikë kontrolli...

Kërcënoi bashkëshorten se do ta vriste dhe qëlloi me armë në ajër, arrestohet 40-vjeçari...

Vodhën sende me vlerë dhe 30 mijë euro në një banesë, arrestohen dy persona në Durrës

Aksident në Fier/ Makina del nga rruga dhe përfundon në kanal, mister fati i drejtuesit

Nis nga nesër “One Stop Shop” me Maqedoninë e Veriut, Rama: Kemi shumë gjëra që duhet t'i bëjmë...

Rama mbërrin në Qafë Thanë, takim me Mickoskin, në fokus sistemi i përbashkët kufitar...

Me flamurin kuqezi në duar, protestuesit ngjiten në monumentin e Skënderbeut

Tensione në protestë/ Policia hyn në lokale dhe shoqëron protestuesit me forcë

Rama: Tirana që do të fitojmë në 9 maj kërkon fuqi të madhe qeverisjeje në 10 maj

Protestuesit zhvendosen tek Kryeministria/ Policia vendos kordone në akse kryesore rrugore

"Kemi nevojë për një PS më të organizuar"/ Rama: Rruga e Durrësit sot, si një film i së shkuarës

Rama: Tiranën e transformuar nga vendi i mbijetesës në vendin që kërkon cilësi

“Ndal plaçkitjes, shtypjes, ikjes/Protestuesit ngrenë banderolen gjigande para Ministrisë së Arsimit

Policia “gardh” para Ministrisë së Arsimit, nuk lejon protestuesit të bllokojnë Rrugën e Durrësit

Rama nga Asambleja e PS-së: Vit pas viti do të dyfishojmë rritjen e pensioneve

Revoltat kundër qeverisë Rama, protestuesit mblidhen te Ministria e Arsimit

"Deri në 2030 do japim 55 mijë celësa"/ Rama: Mbështetje për fëmijët me aftësi të kufizuara

"Kanë mbajtur mbi shpinë Shqipërinë me kockat e varfërisë së vet"/Rama:Jemi në borxh me pensionistët

“Poshtë diktatura”/ Studentët e presin me thirrje pasi doli nga Asambleja, Rama i përshëndet me dorë

Rama: PS do ta fitojë sërish Tiranën dhe Shqipërinë se është rruga nga kalon bashkimi me Europën

Rama: Me trëndafilin në dorë dhe kurajën në zemër, asgjë s’na ndal

Rama: Kemi bërë gabime dhe faje, por kemi aftësinë të ringrihemi

"Goditja e njerëzve në krye të detyrës nuk falet"/ Rama: Erion Veliaj je në gabim!

Elisa Spiropali dhe Plarent Ndreca jashtë PS-së/ Rama e konfirmon nga Asambleja e Tiranës

Rama: Kush do të sillet si e ëma e Zeqos në majë të thanës, s’ka vend në këtë familje politike

Rama: Si mund të largohet nga puna kryepolicja e Tiranës pse nuk u bën ‘like’ e ‘share’

"Veliaj ta kuptojë se është gabim me PS-në"/ Rama: Kush ndjek këtë kuturisje do ndëshkohet

Rama: Vendimi i GJK-së për ta lënë Veliajn në detyrë është absurd

Mbërrijnë socialistët te Akademia e Arteve, kontrolle në hyrje dhe prani e shtuar e policisë

Berisha: Pas 35 vitesh, rikthehet partia-shtet,ekipet ndërkombëtare damkosën zgjedhjet e 11 majit

Peleshi u përgjigjet kritikave të Spiropalit: Në parlamentin shqiptar politika bëhet personale

Revolta studentore në Tiranë/ Qytetarët njëzërëshi: Në 28 nëntor ne do dalim

Qytetarët vijojnë marshimin në rrugët e Tiranës, policia i ndjek nga mbrapa

Përplasje në protestën përpara Kryeministrisë, policia zhvendos protestuesit nga Bulevardi

Protesta tek Kryeministria/Qytetarët shtyhen më forcë, focat policore nuk lejojnë protestën paqësore

Debat në Komisionin e Ligjeve për aktin normativ të tubimeve/ Bylykbashi: Rama nuk i përballon...

Pas reshjeve të dendura të shiut, hapet njëra nga portat e HEC-it të Komanit

Kanosi me armë zjarri një 31-vjeçar, arrestohet 20-vjeçari në Tiranë, procedohet penlisht i ati

Elementët dekorativë shkëputen nga fasada e pallatit në Durrës, bien mbi një makinë...

Ish-kandidati për Bashkinë e Himarës paraqitet në SPAK, ende pa detaje mbi arsyen e thirrjes

Arrestohet 25-vjeçari, do t'i merrte 1 mln euro një biznesmeni duke iu prezantuar si funksionar...

Përplasje tek Kryeministria/ Efektivët e policisë presin me forcë protestuesit, i shtyjnë me dhunë

Policia nuk i la të protestonin te Kryeministria, qytetarët marshojnë mes për mes makinave në rrugë

Policia i shtyn me forcë në trotuar, protestuesit thirrje: Poshtë diktatura

Greta Thunberg: Shqiptarët kanë treguar se çfarë do të thotë t'i rezistosh shkatërrimit të natyrës

Protestat qytetare në Tiranë/ Protestuesit mblidhen para Kryeministrisë

Balla përplaset me Shehajn: A do ta votosh kërkesën e prokurorisë italiane...

Berisha: Rreth 1 miliard euro do jenë shpenzime operative për hajdutët e administratës...

Berisha: Rrogat e ulëta duhet të rriten me 50%, rrogat e mesme me 30%!

Berisha: Buxheti nuk është 10 miliardë euro, por 5.5 miliardë! Pensionistët marrin 1 përqind...

Drogë në berberhane, thika në servis dhe përforcues grushti në banesë, arrestohet 44-vjeçari...

Marshimi paqësor i protestuesve / Forcat e policisë i ndjekin nga pas me furgona të shumtë

Protestuesit vijojnë marshimin në rrugët e Tiranës, efektivët i ndjekin nga mbrapa

"Pediatria me legen se nuk ka ujë lavamani"/ Korreshi për spitalin e Lushnjes

Tensionohet situata te Kryeministria/ Policia shtyn me forcë protestuesit paqësorë

Protestuesit zhvendosen te kryeministria, policia iu bën thirrje të lirojnë bulevardin