Berisha: Do të ngremë një agjenci kombëtare që do të merret me pronat e krimit dhe pronat e paligjshme të politikan&e...
Art&Argëtim
Miley Cyrus i jep fund beqarisë, martohet në një ceremoni private me muzikantin Maxx Morando
Në ditën e saj të veçantë, 33-vjeçarja Miley Cyrus kishte zgjedhur një fustan të bardhë prej mëndafshi, me mëngë të gjata, shpinë të hapur dhe një bisht elegant.
22 November 2026, 18:16Nga E.d
Miley Cyrus dhe Maxx Morando
SHBA- Këngëtarja e njohur amerikane Miley Cyrus ka kurorëzuar në martesë lidhjen e saj me muzikantin Maxx Morando. Çifti i ka dhënë fund beqarisë të shtunën, më 21 nëntor, gjatë një ceremonie private të organizuar në Palm Springs, në prani të familjarëve dhe miqve të ngushtë. Sipas revistës Vogue, ceremonia u zhvillua pranë pishinës, nën një hark të dekoruar me lule të bardha dhe qirinj. Një detaj i veçantë ishte fakti se ceremonia u drejtua nga Wayne Coyne, këngëtari i grupit rock The Flaming Lips.
Në ditën e saj të veçantë, 33-vjeçarja Miley Cyrus kishte zgjedhur një fustan të bardhë prej mëndafshi, me mëngë të gjata, shpinë të hapur dhe një bisht elegant. Ajo e kishte kompletuar pamjen me këpucë të bardha me majë dhe flokë të mbledhur lirshëm. Ndërsa dhëndri, 28-vjeçari Maxx Morando, u shfaq me një kostum të zi klasik. Në fotografitë nga ceremonia, këngëtarja shihet e emocionuar dhe me lot në sy teksa partneri i saj shkëmbente betimet martesore.
Në mesin e të ftuarve ishin nëna e Miley-t, Tish Cyrus, babai i saj Billy Ray Cyrus, si dhe motra Noah Cyrus. Të pranishëm ishin gjithashtu partnerët e prindërve të saj. Miley Cyrus dhe Maxx Morando janë së bashku prej rreth pesë vitesh. Çifti u njoh përmes një takimi të organizuar nga miq të përbashkët, ndërsa lidhjen e bëri publike në nëntor të vitit 2021, në një event të markës Gucci.
Në vitin 2025, Morando i propozoi këngëtares gjatë një pushimi në Japoni, me rastin e ditëlindjes së saj të 33-të. Miley kishte treguar më herët se propozimi e kishte surprizuar plotësisht, pavarësisht se zakonisht preferonte të kishte kontroll mbi çdo situatë. Unaza e fejesës ishte realizuar posaçërisht për çiftin nga stilistja Jacquie Aiche, me një gur në formë jastëku dhe një unazë të trashë prej ari të verdhë 14 karatësh.
Dashuria që i bashkoi edhe në muzikë
Përveç lidhjes personale, Miley dhe Maxx kanë bashkëpunuar edhe në projekte muzikore. Morando është baterist i grupit rock Liily, si dhe kompozitor e producent muzikor. Ai ka kontribuar në disa projekte të këngëtares, përfshirë albumin Endless Summer Vacation dhe albumin Something Beautiful.
Madje, muajin e kaluar, dy artistët interpretuan së bashku këngën “Let's Get Married” në skenën e Hollywood Bowl, një performancë që mori një domethënie të veçantë pas martesës së tyre. Me ceremoninë intime në Palm Springs, Miley Cyrus dhe Maxx Morando kanë nisur tashmë një kapitull të ri në jetën e tyre së bashku.